جه‌مالى حاجى محه‌مه‌د، به‌ سه‌رۆکى جڤاتى گشتیی بزووتنه‌وه‌ى گۆڕان هه‌ڵبژێردرا

2019-09-12 09:17:18



هاوڵاتى: 

له‌ کۆبونه‌وه‌ى ئه‌مڕۆی جڤاتى گشتیى بزوتنه‌وه‌ى گۆڕاندا که‌ تایبه‌ت بوو به‌ هه‌ڵبژاردنى ده‌سته‌ى سه‌رۆکایه‌تى جڤاتى گشتى، هه‌ریه‌ک له‌ جه‌مال حاجى محه‌مه‌د، به‌ سه‌رۆک و  عه‌لى باڵا به‌رز، به‌ جێگرو پێشڕه‌و ڕه‌ئوف، به‌ سکرتێرى جڤاتى گشتیی بزووتنه‌وه‌که‌دا هه‌ڵبژێدران.   

ئه‌مڕۆ  پێنجشه‌مه‌ 12/9 جڤاتى گشتى بزوتنه‌وه‌ى گۆڕان بۆ هه‌ڵبژاردنى ده‌سته‌ى نوێى سه‌رۆکایه‌تى کۆبووه‌وه‌، له‌سه‌رتاى کۆبونه‌وه‌که‌دا ده‌سته‌ى پێشوى جڤاتى گشتى وتارى ماڵئاواییان پێشکه‌ش کردو و هیچ یه‌کێک له‌ سه‌رۆک و جێگر و سکرتێرى جڤات خۆیان بۆ پۆسته‌کانیان کاندید نه‌کرده‌وه‌.

له‌ کۆبوونه‌وه‌که‌ى ئه‌مڕۆى جڤاتى گشتى بزوتنه‌وه‌ى گۆڕاندا  هه‌ریه‌ک له‌ جه‌مال حاجى محه‌مه‌د، به‌ سه‌رۆکى جڤات و  عه‌لى باڵا به‌رز، به‌ جێگرى جڤات و پێشڕه‌و ڕه‌ئوف، به‌ سکرتێرى جڤاتى گشتیی بزووتنه‌وه‌که‌دا هه‌ڵبژێدران.  

به‌پێى په‌یڕه‌وى ناوخۆی بزووتنه‌وه‌ى گۆڕان، دوواى هه‌ڵبژاردنى ده‌سته‌ى سه‌رۆکایه‌تى جڤاتى گشتى، ئه‌ندامانى خانه‌ى ڕاپه‌ڕاندن و ڕێکخه‌رى گشتیى بزووتنه‌وه‌که‌ هه‌ڵده‌بژێردرێن. وا بڕیاره‌ ئه‌و  پرۆسه‌یه‌ش ڕۆژى شه‌مه‌ى داهاتوو 14/9 به‌ڕێوه‌بچێت.

بابه‌تی په‌یوه‌ندیدار