ئیمانیۆل ماکرۆن: پێویسته‌ تورکیا به‌ خێرایى کۆتایى به‌ هێرشه‌که‌ى بهێنێت

ئیمانیۆل ماکرۆن، سه‌رۆکى فه‌ره‌نسا

2019-10-10 14:53:48



هاوڵاتى
سه‌رۆکى فه‌ڕه‌نسا رایده‌گه‌یه‌نێت، تورکیا به‌ ئه‌نجامدانى ئه‌م ئۆپه‌راسیۆنه‌ مه‌ترسى دروستده‌کات  و پێویسته‌ به‌ خێرایى کۆتایى به‌ هێرشه‌که‌ى سوریا بهێنێت.

ئیمانیۆل ماکرۆن، سه‌رۆکى فه‌ره‌نسا له‌باره‌ى هێرشه‌کانى تورکیا بۆ سه‌ر سوریا  ڕایگه‌یاندوه‌ "به‌م هێرشانه‌ى سه‌ر باکورى سوریا ئه‌گه‌رى سه‌رهه‌ڵدانه‌وه‌ى داعش و ده‌سه‌ڵاتى داعش له‌ناوچه‌که‌ به‌هێز ده‌کاته‌وه‌".

هه‌روه‌ها ماکرۆن داواى له‌ تورکیا کردووه‌ کۆتایى به‌و ئاڵۆزیانه‌ بێنێت و ئۆپراسیۆنه‌که‌ى جگه‌ له‌ ئاڵۆزى هیچ شتێکى دیکه‌ درووست ناکات.

 ئه‌مه‌ش له‌کاتێکدایه‌، وه‌زاره‌تى به‌رگریى تورکیا بڵاویکردووه‌ته‌وه‌، ئه‌مریکا و به‌ریتانیا و ڕووسیا و ئه‌ڵمانیا و فه‌ڕه‌نسا و ئیتاڵیا و ناتۆ له‌ ئۆپراسیۆنى "کانیى ئاشتیی" ئاگادارکراونه‌ته‌وه‌.
 

بابه‌تی په‌یوه‌ندیدار