ئەنوار خەفاجی بۆ هاوڵاتی: پێویستە حكومەتی عێراق كاری زیاتر بكات بۆ ئافرەتە سوننە ڕزگاربووەكانی دەستی داعش

9 مانگ لەمەوپێش



 

- تاكو ئێستا حکومەتی عێراق لە پاڵپشتیکردنی ئەو ئافرەتانە ڕووبەڕووی ئاستەنگی گەورە دەبێتەوە.

- وەك لاوازی پاڵپشتیكردنی ماددی و كەموكوڕی لە شارەزایی لەبواری ئامادەكردنیان لەڕووی دەرونیەوە.

- داواشیكرد حكومەتی عێراق هەڵمەتی هۆشیاری بگرێتەبەر.

 

مافناسی عێراقی ئەنوار داود خەفاجی ڕایگەیاند حکومەتی عێراق لە پاڵپشتیکردنی ئافرەتە سوننە ڕزگاربووەكانی دەستی داعش ڕووبەڕووی ئاستەنگی گەورە دەبێتەوە.

ئەنوار خەفاجی تایبەت بە هاوڵاتی ڕاگەیاند سەرەڕای هەوڵەكانی بۆ ئافرەتە سوننە ڕزگاربووەكانی دەستی داعش، بەڵام تاكو ئێستا حکومەتی عێراق لە پاڵپشتیکردنی ئەو ئافرەتانە ڕووبەڕووی ئاستەنگی گەورە دەبێتەوە، وەك لاوازی پاڵپشتیكردنی ماددی و كەموكوڕی لە شارەزایی لەبواری ئامادەكردنیان لەڕووی دەرونیەوە و ئەو فشارە جۆراوجۆرانەی كە عێراق بەدەستیەوە دەناڵێنێت، ئەمانە هەرهەمووی كاریگەری خستووەتە سەر هەوڵەكانی حكومەتی عێراق لەم بوارەدا.

ئاشكراشیكرد ئەو ئافرەتانە دیلی دەستی داعش بوون و ڕووبەڕووی زیندانیكردن و دەستدرێژی سێكسی و ئازاری دەرونی و بەشوودانی زۆرە ملێ‌ لە چەكدارانی داعش و فڕۆشتنیان وەك كەنیزە، بوونەتەوە.

داواشیكرد حكومەتی عێراق هەڵمەتی هۆشیاری بگرێتەبەر بۆ هۆشیاركردنەوەی كۆمەڵگا و رونیبكاتەوە كە ئەو ئافرەتانە قوربانین و هیچ تاوانێكیان نییە لەوەی كە ڕووبەڕوویان بووەتەوە و پێویستە خوێندنەوەی كۆمەڵگا بەرامبەر بە ئافرەتە ڕزگاربووەكانی دەستی داعش بگۆڕێ‌.

place for reklam
بابه‌تی په‌یوه‌ندیدار