شاخەوان خالید
لاوان هێز و دڵی هەر کۆمەڵگایەکن، ئەوان نەک تەنها ئه‌مڕۆ له‌راژه‌ن، بەڵکو دروستکەری دواڕۆژی کۆمەڵگاکەشن، لە هەر ساڵێکدا ڕۆژی لاوان وەک یادەوەرییەک پیرۆز دەکرێت كه‌ ئه‌ویش ١٢ ی مانگی هەشتە‌ بۆ ناساندن و پشتگیری کردنی توانا و بەهرەکانی نەوەی گەنج.
ئامانجەکانی لاوان….

لاوانی ئەمڕۆ ئامانجی جۆراوجۆریان هەیە کە گشتییەکانی خوارەوە لەخۆ دەگرن:
خوێندن و زانیاری: زۆرینەی لاوان هەوڵدەدەن زانیاری بەدەستبهێنن و خۆیان پەروەردە بکەن. ئەوان دەیانەوێت پسپۆڕی لە بوارێکی دیاریکراودا ببن و بتوانن بەشدارییان لە گەشەپێدانی کۆمەڵگه‌دا هەبێت.

کارکردن و دابینکردنی بژێویی: یدۆزینەوەی کارێکی گونجاو و دامەزراندنی كیان و بوونی ناسنامه‌یه‌ك لە گرنگترین ئامانجەکانی لاوانە. ئەوان دەیانەوێت بتوانن خۆیان و خێزانەکانیان بەخێو بکەن.
كاریگه‌ری کۆمەڵگه‌: زۆربه‌ی لاوان ئارەزووی ئەوەیان هەیە کە کاریگەرییەکی ئەرێنی لەسەر کۆمەڵگاکەیان دابنێن و لە به‌ره‌و پێشبردن و چارەسەرکردنی کێشەکاندا بەشدار بن.
هەوڵ و تێکۆشانەکانیان…

گەنج بەردەوام لە هەوڵ و تێکۆشاندان لە چەندین بواردا:
بواری خوێندن: زۆربەی لاوان هەوڵدەدەن پەیمانگا و زانکۆکاندا خۆیان پەروەردە بکەن و بڕوانامه‌ به‌ده‌ست بهێنن. ئەوان ڕووبەڕووی کێشەی دارایی و هەندێک جار کەمی دەرفەتەوە دەبنەوە، بەڵام بەردەوامن لە هەوڵدان.

بواری کارکردن: دۆزینەوەی کار گرفتێکی گەورەیە بۆ لاوان، بەتایبەتی ئەو کارانەی کە لەگەڵ شارەزایی و ئارەزووەکانیان دەگونجێت. زۆریان ناچارن کاری کاتی یان کاری بە پارت-تایم بکەن.

بواری نوێکردنەوە: لاوان له‌م سه‌رده‌می پێشكه‌وتنه‌ کاردەکەن لەسەر بەکارهێنانی تەکنەلۆژیا بۆ گەشەپێدانی کۆمەڵگه‌ و پێشخستنی خود.
خەون و ئاواتەکانیان…
خەونەکانی لاوان جۆراوجۆر و فراوانن:

• خەونی کەسی: پێکهێنانی خێزانێکی خۆشبەخت، بەدەستهێنانی سەرکەوتن لە کاردا، گەشتکردن و ناسینی جیهان.
• خەونی کۆمەڵایەتی: بینینی کۆمەڵگایەکی ئاشتی و دادپەروەر، نەبوونی جیاکاری، دەرفەتی یەکسان بۆ هەمووان.
• خەونی تەکنەلۆژی: بەکارهێنانی زانست و تەکنەلۆژیا بۆ په‌ره‌پێدان له‌سه‌رجه‌م بواره‌كان.
بەرنامە و پلانەکانیان….

لاوان بەرنامەی جۆراوجۆریان هەیە:
بەرنامەی کورتخایەن:
• تەواوکردنی خوێندن
• فێربوون و شارەزایی نوێ له‌بوارێكی دیاریكراودا.

• دەستپێکردنی کارێک یان پڕۆژەیەک.
بەرنامەی درێژخایەن:
• دامەزراندنی له‌ کارێک به‌شێوه‌ی هه‌میشه‌یی له‌پسپۆری خۆی بێت.
• بەشداریکردن لە کاروباری کۆمەڵایەتی یان رێكخراوه‌یی و ناحكومی
• هاوکاریکردن لە گەشەپێدانی کۆمەڵگا

چی بکەن بۆ بەدیهێنانی ئامانجەکانیان؟
خوێندن و فێربوون: لاوان بەردەوامن لە خوێندن، نەک تەنها لە قوتابخانە و زانکۆکاندا، بەڵکو لە ڕێگەی ئینتەرنێت و کۆرسە ئۆنلاینەکانیشەوە.
کارکردن و ئەزموون: زۆریان لە کاری ئیشکردن یان کارە بچووکەکانەوە دەست پێدەکەن تا ئەزمووندار بن.

تواناسازی: بەشداریکردن لە گروپە جۆراوجۆرەکاندا بۆ ناساندنی کەسانی نوێ و دۆزینەوەی دەرفەت.
نوێکردنەوە: بەکارهێنانی بیرۆکەی نوێ و جۆراوجۆر بۆ پێشخستن.
ئاستەنگەکانی به‌رده‌م لاوان…

لاوان ڕووبەڕووی ئاستەنگی جۆراوجۆر دەبنەوە:
• کێشەی دارایی: کەمی دەرامەت بۆ خوێندن یان دەستپێکردنی کارێک.
• کەمی دەرفەت: کەمبوونی کارو نه‌بوونی ده‌رفه‌تسازی بۆیان.

• کێشەی کۆمەڵایەتی: هەندێک جار نەگونجانی نێوان نەوەکان و به‌ریه‌كه‌وتنیان له‌گه‌ڵ نوێی پێش خۆیان.
• گۆڕانی خێرا: سەختبوونی شوێنپێکەوتن لەگەڵ گۆڕانکارییە خێراکان لە جیهاندا.

دەرەنجام:
لاوان هێزی سەرەکی گۆڕان و گەشەپێدانن لە کۆمەڵگه‌دا. سەرەڕای هەموو ئاستەنگ و گرفتەکان، ئەوان بە بەرز بایەخی و بە هەوڵی بەردەوام کاردەکەن لەسەر بەدیهێنانی خەون و ئامانجەکانیان. پشتگیری لاوان واتە پشتگیری دواڕۆژ و کۆمەڵگه‌یه‌كی ته‌ندروسته‌. بۆیە گرنگە هه‌ر له‌خێزان و هەموو دامەزراوەیەک هاوکارییان بکات و دەرفەتی گونجاویان بۆ دابین بکات.

با ڕۆژی لاوان تەنها یادکردنەوەیەک نه‌بێ، بەڵکو بانگەشەیەک بێت بۆ هەموو کۆمەڵگا تا زیاتر گرنگی بەم نەوە گرنگه‌ بدات و هانی بدات لە بەدیهێنانی ئامانج و خەونەکانیاندا. به‌مه‌ش ده‌توانین دوارۆژێكی پڕشنگدار بۆ لاوان و داهاتوو به‌دیبهێنین.