ئیبراهیم فەرەج

ئەو ڕوناكیەیە كە مۆمی تەمەنی داگیرساندووە لەشوێنێكی تاریكی مێژوودا. ئیمرالی، ئامانجی ڕوناك كردنەوەی زەینی مرۆڤ و هەڵكردنی مۆمی ڕوناكییە بۆ هەموو گۆی زەوی.
سۆسیالیزم و كۆمەڵگەی دیموكراتیك   بە پەروەردەیەكی چڕو پڕی  بەردەوامی كۆمەڵگەدا تێدەپەڕێت.

ئۆ_جالا_ن وەكو فەیلەسوفێك  ئیشی گرنگی لەسەر كردووە.
پێشبینی دەكرێت پارادایمی ئایدیۆلۆجیای سۆسیالیزمی  كۆمەڵگەی دیموكراتیك، ببێتە جێگرەوەی مۆدێرنیتەی سەرمایەداری و ئایدیۆلۆجیای لیبرالیزم وئایدیۆلۆجیا هەمە جۆرەكانی  باوی ئێستا..  

گەلانی  گۆی زەوی  بەدەست نایەكسانیەوە دەناڵێنن .
داهاتی گۆی زەوی لەسەدا نەوەتی  لەدەستی  ملیاردێرو ترلیۆنلێرەكاندایە .
لەساڵانی حەفتاكان هەر ناوی ملیۆنێر هەبوو

دوای چەند ساڵێكی كەم بوون بەملیاردێر ،،ئێستاش بوون بە ترلیۆنلێر.
ساڵ بەساڵ ژیان قورستر دەبێت.

شەڕەكان كەئامانجیان درێژە دانە بەدۆخی هەبوو  زۆر دەبن و جوگرافیا  جیاوازەكان دەگرێتەوە .زۆرترین بودجە لەئێستادا لەجیهاندا بۆ  وەزارەتی بەرگری و شەڕە .

سیستمێك درێژ بوونەوەی تەمەنی خۆی لەسەر خوێنی گەلان و تێكدانی دۆخی سروشت و ژینگەی گۆی زەوی بونیاد  بنێت، سیستمێكی نائەخلاقی و پووچگەراییە.

 مانیفیستۆی ئاشتی وكۆمەڵگەی  دیموكراتیك ،سۆسیالیزم و كۆمەڵگەی دیموكراتیك  . داهێنانێكی  فەلسەفیانەی  بیرمەندو فەیلەسوفی كورد  ئۆ/جا_لانە.
ڕێگای هەرەگونجاوە ،بۆ دەربازبوونی گەلانی   جیهان لەو گێژاوانەی  ئایدیۆلۆجیا دۆگما و قازانج پەرستەكان خوڵقاندویانە.
دەیانەوێت بەدرێژەدان بەنائارامیی و شەڕدرێژەی پێ بدەن.

گەوجاندنی كۆمەڵگە لەڕووی زەینیەوە، بەلاڕێدابردنی  بیركردنەوەی مێشكی مرۆڤ ، مەشغوڵكردنیا ن بەكاری پووچەوە  .
ڕێگا نائەخلاقیەكانی سیستمە  بۆ بەردەوامیان.

ئەو دۆخەناهەموارەی بەسەر مرۆڤ ، ژینگە و كۆی زیندەوەران دا هێنراوە. لەلایەن هێزە دەسەڵات خواز،قازانج پەرست،هەژمونگەرا جیهانیەكان . پێمان دەڵێت  سیستمێكی جێگرەوە ی سیاسی ئەخلاقی ،دیموكراتی،فەلسەفی پێویستیەكی گرنگ ،گونجاو و حەتمییە.