وەزیری تەندروستی هەرێم: ١٣٠ کارمەندی تەندروستی لە نەخۆشخانەی بیارە دامەزراون
2 ساڵ لەمەوپێش
هاوڵاتی
وەزیری تەندروستی حکومەتی هەرێمی کوردستان رایدەگەیەنێت لەسەر بودجەی حکومەتی هەرێم، بە بڕی یەک ملیار دینار ئامێر و پێداویستیی پزیشکی بۆ نەخۆشخانەی بیارە لە سنووری پارێزگای هەڵەبجە تەرخان کراوە.
د. سامان بەرزنجی، وەزیری تەندروستی، لە شاری هەڵەبجە بە فەرمانگەی میدیا و زانیاریی راگەیاندووە "لەسەر بودجەی حکومەتی هەرێم، بە بڕی یەک ملیار دینار ئامێر و پێداویستیی پزیشکی بۆ نەخۆشخانەی بیارە تەرخان کرا، هەروەها ١٣٠ کارمەندی تەندروستی بۆ دامەزرێنرا".
ئاماژەی بەوەشکرد "جگە لەوە، کارگەی بەرهەمهێنانی ئۆکسجین بە بڕی ٣٨٥ ملیۆن و سەنتەری نەخۆشییەکانی شێرپەنجەی مەمک و هەرس و گەدە بە ٥٠٠ ملیۆن بەردەست کرا، جگە لە ئامبولانس و ئامێرە ستراتیژییە پزیشکییەکان و ئامێرەکانی دیکە، کە بە هەمووی ٧ ملیار دیناری تێدەچێت".
بابهتی پهیوهندیدار
