لە رووداوێکی تەقەکردندا لە هەولێر پیاوێک کوژرا و ژنێکیش بریندارە
یەک ساڵ لەمەوپێش
هاوڵاتی
لە نزیک گوندی شاخۆرانی سنووری پارێزگای هەولێر ئێوارەی ئەمڕۆ دەستڕێژی گولـلە لە تاکسییەک کرا و کەسێک کوژرا و کەسێکی دیکەش برینداربوو.
بەپێی زانیارییەکانی هاوڵاتی ئێوارەی ئەمڕۆ پێنجشەممە، 27ی حوزەیرانی 2024، لە نزیک گوندی شاخۆرانی سنووری پارێزگای هەولێر دەستڕێژی گولـلە لە ئۆتۆمبێلێکی جۆری تاکسی کراوە شۆفێرەکە کوژراوە و ژنێکیش بریندارە کە سەرنشینی تاکسییەکە بووە و گواستراوەتەوە بۆ نەخۆشخانە.
تائێستا هێزە ئەمنییەکانی شاری هەولێر هیچ زانیارییەکیان لەبارەی رووداوەکەوە بڵاونەکردووەتەوە، هاوڵاتی بۆ زانیاری زیاتر چەندجارێک پەیوەندیی بە وتەبێژی پۆلیسی هەولێرەوە کرد، بەڵام پەیوەندییەکەی بەردەست نەبوو.
بابه‌تی په‌یوه‌ندیدار
