ژمارەی بەشداربوانی کۆنگرەی پێنجەمی یەکێتیی دیاریکرا
2 ساڵ لەمەوپێش
هاوڵاتی
وتەبێژی تایبەتی کاروبارەکانی پێنجەمین کۆنگرەی یەکێتی رایگەیاند، مەکتەبی سیاسی بڕیاریدا کە ئەندامانی پێنجەمین کۆنگرەی یەکێتی 600 ئەندام بن و هەریەک لە ئەندامانی ئەنجومەنی باڵا، مەکتەبی سیاسی و سەرکردایەتی بەشدار دەبن و بەشێکیش لەئەندامان جێگیرن.
تەلار لەتیف، وتەبێژی تایبەتی کاروبارەکانی پێنجەمین کۆنگرەی یەکێتی بەمیدیای فەرمی یەکێتی رایگەیاند، "لەکۆبونەوەی ئەمڕۆی مەکتەبی سیاسی لەهەولێر بڕیاردرا ئەندامانی پێنجەمین کۆنگرەی یەکێتی 600 ئەندام بن و لەکۆبونەوەکەدا پەسندکرا، هاوکات هەریەک لە ئەندامانی ئەنجومەنی باڵا و مەکتەبی سیاسی و سەرکردایەتی بەشدار دەبن و بەشێکیش لەئەندامان جێگیرن".
ووتەبێژی کۆنگرەی پێنج باسیلەوەشکرد، بڕیارەکە لەکۆبونەوەی مەکتەبی سیاسی پەسەندکراوە و ئەو لیژنانەی پێکهێنراون میکانیزمی بەشداریکردنی ئەندامانی کۆنگرە بۆ مەکتەب و ئۆرگانەکانی یەکێتی دیاریدەکات و دواتر مەکتەبی سیاسی پەسەندی دەکات.
تەلار لەتیف ووتیشی "هەفتەی داهاتوو تەواوی وردەکارییەکانی کۆنگرە پەسەند دەکرێن لەکاتێکدا بەپێی پەیڕەوی هەموارکراو دەسەڵاتی پەسەندکردن دوای رەزامەندی سەرۆکی یەکێتی لای مەکتەبی سیاسی یەکێتیی نیشتمانی کوردستان دەبێت.
