هاوڵاتی شارەزایەكى عێراقی بۆ هاوڵاتی: - سەرژمێری لە سەرتاسەری عێراق بەشێوەیەكی ڕێكوپێك و ئەرێنی وسەركەووتوانە بەڕێوە دەچێت. - چ له پارێزگاكانی هەرێمی كوردستان بێت یان پارێزگاكانی ژێر دەسەڵاتی حكومەتی فیدڕاڵی، بەیەك میكانزم پڕۆسەی سەرژمێری بەڕێوە دەچێت. سەمیر خزەییر شارەزای عێراقی لە بواری سەرژمێری و كارمەندی پێشوی وەزارەتی پلاندانانی عێراق رایگەیاند سەرژمێری لە سەرتاسەری عێراق بەشێوەیەكی ڕێكوپێك و ئەرێنی وسەركەووتوانە بەڕێوە دەچێت. سەمیر خزەییر تایبەت بە هاوڵاتی راگەیاند لەهەموو پارێزگاكانی عێراق چ پارێزگاكانی هەرێمی كوردستان بێت یان پارێزگاكانی ژێر دەسەڵاتی حكومەتی فیدڕاڵی، بەیەك میكانزم پڕۆسەی سەرژمێری بەڕێوە دەچێت. وتيشى: هاودەنگیەكی زۆر هەیە لەلایەن دانیشتوانی عێراقەوە بۆ سەرژمێری و تاكو ئێستا هیچ پێشێلكاریەك تۆمار نەكراوە كە شایانی باسكردن بێت و پڕۆسەكە بەسەركەووتویی بەڕێوە دەچێت.
هاوڵاتی مەحمود عوسمان -ئەو بڕگە دەستورییەی بۆ هەر 100 هەزار کەس و نوێنەرێکی پەرلەمانی داناوە دەبێت چارەسەر بکرێت. - دەبێت ژمارەی کورسییەکانی ئەنجومەنی نوێنەران دیاری بکرێت و دەستکاری نەکرێت. مەحمود عوسمان، ئەندامی لیژنەی نوسینەوەی دەستوری عێراق ڕایگه‌یاند، ئەو بڕگە دەستورییەی بۆ هەر 100 هەزار کەس و نوێنەرێکی پەرلەمانی داناوە دەبێت چارەسەر بکرێت. دکتۆر مەحمود عوسمان، سیاسەتمەدارو ئەندامی لیژنەی نوسینەوەی دەستوری عێراق بە دەنگی ئەمریکای ڕاگەیاند، کاتی خۆی باسمانکرد، دەبێت ژمارەی کورسییەکانی ئەنجومەنی نوێنەران دیاری بکرێت و دەستکاری نەکرێت. وتیشی: ئه‌گەر لەسەر بنەمای زیادبونی ژمارەی دانیشتوان ژمارەی کورسییەکانی ئەنجومەنی نوێنەران زیادبکرێت، ئەوا 10 ساڵی دیكه دەبێت ژمارەی کورسییەکان دو هێندەی دیكه زیاد بکرێت و لە هیچ وڵاتێکی دونیادا ئەمە نییە. ژمارەی کورسییەکانی ئەنجومەنی نوێنەرانی عێراق 329 کورسییە، بەپێی دەستوری عێراق دەبێت هەر 100 هەزار کەس و نوێنەرێکی لە ئەنجومەنی نوێنەران هەبێت، بەم پێیە ئه‌گەر ژمارەی دانیشتوانی عێراق بگاتە سەروی 40 ملیۆن کەس دەبێت ژمارەی کورسییەکان بۆ سەروی 400 کورسی زیادبکرێت.
هاوڵاتی - ئیسرائیل هێرشی کردە سەر سێ پێگە لە شاری تەدموری سووریا و زیاتر لە 40 کەس کوژران. - لە نێو کوژراوەکاندا حەوت سووریایی تێدا بووە، هەروەها 22 کەسیان ڕەگەزنامەی دیکە بوون. بە دەیان كەس لە گرووپە چەكدارەكان لە سوریا كوژران و برینداربوون، دوای ئەوەی ئیسرائیل هێرشی كردە سەریان. ئەمڕۆ پێنجشەممە ڕوانگەی سووری بۆ مافەکانی مرۆڤ، ڕایگەیاند ئیسرائیل هێرشی کردە سەر سێ پێگە لە شاری تەدموری سووریا، زیاتر لە 40 کەس کوژران و نزیکەی 50 کەسی دیکەش بریندار بوون و یەکێک لە پێگەکان کۆبوونەوەی سەرکردەکانی گرووپی نوجەبا و حزبووڵلای لوبنانی بووە. رونیشیكردەوە لە هێرشەکەی ئیسرائیل بۆ سەر سووریا، کە 90 کوژراو و برینداری لێ کەوتەوە، لە نێو کوژراوەکاندا حەوت سووریایی تێدا بووە، هەروەها 22 کەسیان ڕەگەزنامەی دیکە بوون، ئەوانی دیکەش ناسنامەیان نەزانراوە. ئاماژەی بەوەش داوە، لەنێو ئەو 50 بریندارەشدا ژمارەیەک سووریایی تێدا بووە، کە برینی هەندێکیان سەختە.
هاوڵاتی - ناوەندی تەلئەبیب دەكەينە ئامانج. - ئیسرائیل هێرشی کردە سەر ناوەڕاستی بەیروتی پایتەخت، بۆیە دەبێت چاوەڕوان بکرێت کە وەڵامدانەوەکە لە ناوەندی تەلئەبیب بێت. نەعیم قاسم ئەمینداری گشتی حزبوڵڵاى لوبنان ڕایگەیاند، ناوەندی تەلئەبیب دەكەنە ئامانج لە وەڵامی ئەو هەڵمەتانەی ئەم دواییەی ئیسرائیل کە بەیروتی پایتەختی کردە ئامانج، بەتایبەتی ئەو هەڵمەتەی کە ڕۆژی یەکشەممە بەرپرسی میدیایی حزبەکەی محەممەد عەفیفی کردە ئامانج . نەعیم قاسم لە وتارێکی تۆمارکراودا وتی: ئیسرائیل هێرشی کردە سەر ناوەڕاستی بەیروتی پایتەخت، بۆیە دەبێت چاوەڕوان بکرێت کە وەڵامدانەوەکە لە ناوەندی تەلئەبیب بێت. ئاماژەی بەوەشکردووە، ناتوانین پایتەخت لەژێر لێدانی ئیسرائیلدا بەجێبهێڵین، هەر دەبێت باجەکەی بدات. لەبارەی هەوڵەکانی ئاگربەست دەڵێت، وەستاندنی شەڕەکە پەیوەستە بە وەڵامدانەوەی ئیسرائیل و جددیەتی ناتانیاهۆ، چونکە ئێمە تێبینی خۆمان لەسەر ڕەشنووسی ئاگربەست داوە کە ئەمریکا پێشکەشی کردووە.
هاوڵاتی - ناوەندی تەلئەبیب دەكەينە ئامانج. - ئیسرائیل هێرشی کردە سەر ناوەڕاستی بەیروتی پایتەخت، بۆیە دەبێت چاوەڕوان بکرێت کە وەڵامدانەوەکە لە ناوەندی تەلئەبیب بێت. نەعیم قاسم ئەمینداری گشتی حزبوڵڵاى لوبنان ڕایگەیاند، ناوەندی تەلئەبیب دەكەنە ئامانج لە وەڵامی ئەو هەڵمەتانەی ئەم دواییەی ئیسرائیل کە بەیروتی پایتەختی کردە ئامانج، بەتایبەتی ئەو هەڵمەتەی کە ڕۆژی یەکشەممە بەرپرسی میدیایی حزبەکەی محەممەد عەفیفی کردە ئامانج . نەعیم قاسم لە وتارێکی تۆمارکراودا وتی: ئیسرائیل هێرشی کردە سەر ناوەڕاستی بەیروتی پایتەخت، بۆیە دەبێت چاوەڕوان بکرێت کە وەڵامدانەوەکە لە ناوەندی تەلئەبیب بێت. ئاماژەی بەوەشکردووە، ناتوانین پایتەخت لەژێر لێدانی ئیسرائیلدا بەجێبهێڵین، هەر دەبێت باجەکەی بدات. لەبارەی هەوڵەکانی ئاگربەست دەڵێت، وەستاندنی شەڕەکە پەیوەستە بە وەڵامدانەوەی ئیسرائیل و جددیەتی ناتانیاهۆ، چونکە ئێمە تێبینی خۆمان لەسەر ڕەشنووسی ئاگربەست داوە کە ئەمریکا پێشکەشی کردووە.
هاوڵاتی - پزیشكیان: هاندانی سەركردەكانی جیهان پێویستە بۆ ڕێگریكردن لە بەردەوامبوونی ئەو دەستدرێژییەی كە ڕژێمی ئیسرائیل ئەنجامی دەدات. - شاندێكی ئێرانی كە بەشداری لە چالاكییەكی وتووێژی نێوان ئایینەكان لە ڤاتیكان كردووە، پەیامەكەی پزیشكیانیان گەیاندووەتە پاپا. مەسعوود پزیشكیان سەرۆك كۆماری ئێران بانگەوازی لە پاپا فرانسیس كردووە لە نفوزی خۆی لەگەڵ حكومەتە مەسیحییەكان بۆ ڕاگرتنی شەڕ لە ڕۆژهەڵاتی ناوەڕاست كەڵك وەربگرێت. ئاژانسی هەواڵی فارس نیمچە فەرمی ئێران ڕۆژی چوارشەممە لە ڕاپۆرتێكدا ئاشكرایكرد پزیشكیان رایگەیاندووە هاندانی سەركردەكانی جیهان، بەتایبەتی حكومەتە مەسیحییەكان پێویستە بۆ ڕێگریكردن لە بەردەوامبوونی ئەو دەستدرێژییەی كە ڕژێمی ئیسرائیل ئەنجامی دەدات. شاندێكی ئێرانی كە بەشداری لە چالاكییەكی وتووێژی نێوان ئایینەكان لە ڤاتیكان كردووە، پەیامەكەی پزیشكیانیان گەیاندووەتە پاپا. ئێران لە ساڵی ١٩٥٤ەوە پەیوەندی دیپلۆماسی فەرمی لەگەڵ ڤاتیكان هەبووە، لە ساڵی ٢٠٢٢ عەلی خامنەیی ڕێبەری ئێران نامەیەكی بۆ پاپا فرانسیس نارد و ستایشی "هەڵوێستەكانی لە پتەوكردنی پەیوەندییەكانی نێوان ئیسلام و مەسیحییەت"ی كرد.
هاوڵاتی -ئەمڕۆ عێراقێكی نوێ دادەمەزرێت لەسەر بنەمای شیكاری و داتای ورد. -سودانی جەختی کرد لە سەلامەتی و وردی ڕێكارەكانی شیكاری داتاكان. محەمەد شیاع سودانی سەرۆک وەزیرانی عێراق ڕایگەیاند سەرژمێری یارمەتی بڕیاردەر دەدات لە دانانی پلان و بەرنامەی گەشەپێدانی وڵات. نوسینگەی ڕاگەیاندنی سەرۆك وەزیران لە بەیاننامەیەكدا ڕایگەیاند سەرۆكی ئەنجومەنی وەزیران محەمەد شیاع سودانی، ئەمڕۆ چوارشەممە، سەردانی وەزارەتی پلاندانانی كرد، بۆ پێداچوونەوە بە پێشكەوتنەكانی جێبەجێكردنی سەرژمێری گشتیی دانیشتوان و نیشتەجێبوون لە سەرتاسەری عێراق، لە یەكەم ڕۆژیدا، لەژێر سەرپەرشتیكردنی دەستەی ئامار و سیستەمی زانیاری جوگرافی وەزارەت. سودانی پیرۆزبایی ڕۆژی سەرژمێری دانیشتوان لە گەلی عێراق كرد، كە بە شێوەیەكی هەمەلایەنە جێبەجێ دەكرێت، دوای ئەوەی بۆ دەیان ساڵە دواكەوتووە، هەروەها ڕۆڵی كرێكارانی وەزارەتی پلاندانانی فیدراڵی و وەزارەتی پلاندانانی هەرێمی كوردستان و هەردوو دەزگای ئاماری بەغدا و هەرێم بەرز نرخاند، و ستایشی ڕۆڵی وەزارەتەكان و دەزگا پاڵپشتیكارەكان و وەزیر و پارێزگارەكانیشی كرد، و هەروەها هەوڵەكانی نێردەی نەتەوە یەكگرتووەكان و بەردەوامبوونی لە تەواوكردنی سەرژمێرییەكە بەرزنرخاند. وتيشى: ئەمڕۆ عێراقێكی نوێ دادەمەزرێت لەسەر بنەمای شیكاری و داتای ورد كە یارمەتی بڕیاردەر دەدات لە دانانی پلان و بەرنامەی گەشەپێدانی ئابووری، خزمەتگوزاری، كۆمەڵایەتی، تەنانەت سیاسیش. ستایشی دامەزراوە ئایینیەكان و سەرجەم چالاكییە كۆمەڵایەتییەكانی كرد بۆ هەوڵەكانیان بۆ هاندانی هاوڵاتیان بۆ بەشداریكردن لە سەركەوتنی سەرژمێرییەكە و هۆشیاركردنەوەی خەڵك لە گرنگییەكەی. دەشڵێت، بە ئەنجامدانی سەرژمێری دانیشتوان، حكومەت نەك هەر شایستەیەكی بەدیهێنا كە ساڵانێك بوو وەستابوو، بەڵكو ڕێكارەكە بە میكانیزمی كاركردن جێبەجێكرا كە بۆ یەكەمجار جێبەجێكرا، كە تێیدا ئامرازی تەكنەلۆژی و شێوازی مۆدێرن بەكارهێنرا كە هەوڵ و تێچووی كەمكردەوە، و متمانەی بە ئەنجامەكان بەخشی. سودانی جەختی کرد لە سەلامەتی و وردی ڕێكارەكانی شیكاری داتاكان، ئاماژەی بە هەڵوەشاندنەوەی توڵی مەزهەب و ناسیۆنالیزم لە پرسیارەكانی سەرژمێریەكەدا كرد چونكە پرۆسەكە سەرژمێری گەشەپێدانە نەك ئامار.
هاوڵاتی محه‌ممه‌د شیاع سوودانی - ئامانجەکانی ئیسرائیل فراوانكردنی شه‌ڕه له ناوچه‌كه‌دا. - په‌یامه‌كه‌ی ئيسرائيل كه ئاراسته‌ی ئه‌نجوومه‌نی ئاسایشی نێوده‌وڵه‌تی كردووه، پاساوهێنانه‌وه‌یه بۆ ده‌ستدرێژیكردنه سه‌ر عێراق. - بەهەموو شێوەیەک دژی ئەو هەوڵەین عێراق بخزێنرێته ناو شه‌ڕ. محه‌ممه‌د شیاع سوودانی سه‌رۆك وه‌زیران و سەركردەی گشتی هێزە چەكدارەكانی عێراق رایگەیاند ئامانجەکانی ئیسرائیل فراوانكردنی شه‌ڕه له ناوچه‌كه‌دا. نووسینگەكەی لە بەیاننامەیەكدا بڵاویكردەوە سودانی سەرپەرشتی كۆبونەوەیەكی نائاسایی ئەنجومەنی وەزاری ئاسایشی نیشتیمانی كردووە و دوا گۆڕانكاریەكانی ناوچەكەیان تاوتوێكردووە. سوودانی له كۆبوونه‌وه‌كه‌دا ڕایگه‌یاندووه، په‌یامه‌كه‌ی ئيسرائيل كه ئاراسته‌ی ئه‌نجوومه‌نی ئاسایشی نێوده‌وڵه‌تی كردووه، پاساوهێنانه‌وه‌یه بۆ ده‌ستدرێژیكردنه سه‌ر عێراق و هه‌وڵه‌كانی بۆ فراوانكردنی بازنەی شه‌ڕ له ناوچه‌كه‌دا. جه‌ختيشيكردووه، بەهەموو شێوەیەک دژی ئەو هەوڵەیە عێراق بخزێنرێته ناو شه‌ڕ، بڕیاری شه‌ڕ و ئاشتی له عێراق به ده‌ست ده‌وڵه‌ته‌وه‌یه و ڕێگه به هیچ لایه‌نێك نادرێت ئه‌و مافه به خۆی بدات و بەردەوامە لە ڕێگریگرتن لە بەكارهێنانی خاكەكەی بۆ هێرشبردن. سوودانی داوای كۆبوونه‌وه‌یه‌كی به‌په‌له‌ی ئه‌نجوومه‌نی وه‌زاره‌تی بۆ ئاسایشیی نیشتمانی كردووه بۆ تاوتوێكردن و به‌دواداچوونی پێشهاته‌كان و دووپاتكردنه‌وه‌ی هه‌ڵوێستی عێراق. جێگای باسە دوێنێ ئیسرائیل لە ئەنجومەنی ئاسایشی نێودەوڵەتی سكاڵای دژ بە عێراق تۆماركردووە و تۆمەتباری كردووە بەوەی لە رۆژێكدا چوار جار لەسەر خاكی عێراقەوە هێرش دەكرێتە سەر ئیسرائیل.
حەیدەر بەرزنجی - ئیسرائیل عێراقی خستووەتە نێو بازنەی جەنگەكەوە. - ئەگەر ئیسرائیل هێرشی كردە سەر چەند ئامانجێك لە عێراق بێگومان رووبەڕوی وەڵامدانەوە و بەرپەچدانەوەێكی توند دەبێتەوە. - رەنگە بەمزوانە چەند چارەسەرێك بۆ ئەم پرسە بێنە ئاراوە. دكتۆر حەیدەر بەرزنجی سەرۆکی دەزگای نەرامسین بۆ دیالۆگ و گەشەپێدان رایگەیاند تاكو هێرشەكانی ئیسرائیل بۆ سەر غەززە و لوبنان بەردەوام بێت، مقاوەمەی ئیسلامی عێراقیش بەردەوام ئیسرائیل و سوپای ئیسرائیل بە ئامانج دەگرێت. حەیدەر بەرزنجی نزیك لە مقاوەمەی عێراق تایبەت بە هاوڵاتی راگەیاند ئیسرائیل عێراقی خستووەتە نێو بازنەی جەنگەكەوە، ئێمە دەبێت بپرسین كەی ئیسرائیل دەست لەتاوانەكانی هەڵدەگرێت بەرامبەر بە فەڵەستین و لوبنان، نابێت بپرسین بۆچی مقاوەمە بەشداری دەكات لە رزگاركردنی هاوڵاتیانمان لە فەڵەستین و لوبنان، ئەم پرسیارانە وا دەریدەخەن كە مقاوەمە دەیەوێت عێراق لەم جەنگە بگلێنێت، بەڵكو دەبێت ئیسرائیل دەست لە ئامانجگرتنی خەڵكی فەڵەستین و لوبنان هەڵبگرێت. پێشبینیشیكرد بەمزوانە چەند چارەسەرێك بۆ ئەم پرسە بێنە ئاراوە. وتيشى: ئەگەر ئیسرائیل هەوڵیدا یان هێرشی كردە سەر چەند ئامانجێك لە عێراق بێگومان رووبەڕوی وەڵامدانەوە و بەرپەچدانەوەێكی توند دەبێتەوە بەشێوەیەكی راستەوخۆ لەلایەن بەرەی مقاوەمەی عێراق و ئێمە نامانەوێت هیچ جەنگێك بەر عێراق بكەوێت بەڵام ئەوەی لەناوچەكە روودەدات بەشێكی بنەڕەتیە لەعێراق و دەبێت ئیسرائیل دەست هەڵبگرێت لە بەئامانجگرتنی عێراق و هاوڵاتیانی عێراق.
هاوڵاتی دەوڵەتی یاسا: - ده‌بێت سودانى بچێته‌سه‌ر دۆسیه‌ی به‌تالانبردن و پاره تاڵانكراوه‌كان بگه‌ڕێنێته‌وه بۆ خه‌زێنه‌ی ده‌وڵه‌ت. - سه‌رۆك وه‌زیران به‌ره‌و پەرەپێدانی بۆرییه‌كی نه‌وت به ئوردن هەنگاو دەنێت كه بۆری عه‌قه‌به نوێنه‌رایه‌تی ده‌كات و ده‌گاته ئیسرائیل. ئه‌ندامێكی هاوپه‌یمانی ده‌وڵه‌تی یاسا كه نوری مالیكی سه‌رۆكایه‌تی ده‌كات، رەخنەی توند لە ئه‌دای كاركردنی محه‌مه‌د شیاع سودانی سه‌رۆك وه‌زیران دەگرێت. ئیبراهیم ساكینی ئه‌ندامی هاوپه‌یمانی ده‌وڵه‌تی یاسا له ئه‌نجومه‌نی نوێنه‌رانی عێراق لە لێدوانێكی رۆژنامەوانیدا رایگه‌یاند، محه‌مه‌د شیاع سودانی سه‌رۆك وه‌زیرانی عێراق، پێش ئه‌وه‌ی بچێته سه‌ر گۆڕانكاری و ده‌ستكاریكردنی كابینه وه‌زاریه‌كه‌ی، ده‌بێت بچێته‌سه‌ر دۆسیه‌ی به‌تالانبردن و پاره تاڵانكراوه‌كان بگه‌ڕێنێته‌وه بۆ خه‌زێنه‌ی ده‌وڵه‌ت. ئاماژه‌ی به‌وه‌شكرد، سودانی به یه‌كه‌م به‌رپرسی جێبه‌جێكار له نوسینگه‌ی سه‌رۆك وه‌زیران داده‌نرێت، ئه‌مه‌ش وای لێده‌كات به‌رپرسیارێتی ئه‌و گوێگرتن و سیخوڕییه له ئه‌ستۆ بگرێت كه به‌سه‌ر كه‌سایه‌تی و به‌رپرسانی نوسینگه‌كه‌یدا هاتون، ئه‌مه‌ش پێویستی به تۆماركردنی سكاڵای یاسایی له‌سه‌ری هه‌یه له‌دوای ئه‌وه‌ی ئه‌و تۆڕه سیخوڕیه‌ی كه له ئۆفیسه‌كه‌یدا ئاشكرا بو. ئه‌وه‌شی خسته‌ڕو، سه‌رۆك وه‌زیران به‌ره‌و پەرەپێدانی بۆرییه‌كی نه‌وت به ئوردن هەنگاو دەنێت كه بۆری عه‌قه‌به نوێنه‌رایه‌تی ده‌كات و ده‌گاته ئیسرائیل و ئه‌مه‌ش شتێكه كه ناتوانرێت بێ ئاگا بمێنێته‌وه، به‌و پێیه‌ی كه ده‌بێت بگه‌ڕێته‌وه بۆ چوارچێوه‌ی هه‌ماهه‌نگی به‌بێ تایبه‌تمه‌ندی له بڕیاردانه‌كه‌دا.
هاوڵاتی دەوڵەتی یاسا: - ده‌بێت سودانى بچێته‌سه‌ر دۆسیه‌ی به‌تالانبردن و پاره تاڵانكراوه‌كان بگه‌ڕێنێته‌وه بۆ خه‌زێنه‌ی ده‌وڵه‌ت. - سه‌رۆك وه‌زیران به‌ره‌و پەرەپێدانی بۆرییه‌كی نه‌وت به ئوردن هەنگاو دەنێت كه بۆری عه‌قه‌به نوێنه‌رایه‌تی ده‌كات و ده‌گاته ئیسرائیل. ئه‌ندامێكی هاوپه‌یمانی ده‌وڵه‌تی یاسا كه نوری مالیكی سه‌رۆكایه‌تی ده‌كات، رەخنەی توند لە ئه‌دای كاركردنی محه‌مه‌د شیاع سودانی سه‌رۆك وه‌زیران دەگرێت. ئیبراهیم ساكینی ئه‌ندامی هاوپه‌یمانی ده‌وڵه‌تی یاسا له ئه‌نجومه‌نی نوێنه‌رانی عێراق لە لێدوانێكی رۆژنامەوانیدا رایگه‌یاند، محه‌مه‌د شیاع سودانی سه‌رۆك وه‌زیرانی عێراق، پێش ئه‌وه‌ی بچێته سه‌ر گۆڕانكاری و ده‌ستكاریكردنی كابینه وه‌زاریه‌كه‌ی، ده‌بێت بچێته‌سه‌ر دۆسیه‌ی به‌تالانبردن و پاره تاڵانكراوه‌كان بگه‌ڕێنێته‌وه بۆ خه‌زێنه‌ی ده‌وڵه‌ت. ئاماژه‌ی به‌وه‌شكرد، سودانی به یه‌كه‌م به‌رپرسی جێبه‌جێكار له نوسینگه‌ی سه‌رۆك وه‌زیران داده‌نرێت، ئه‌مه‌ش وای لێده‌كات به‌رپرسیارێتی ئه‌و گوێگرتن و سیخوڕییه له ئه‌ستۆ بگرێت كه به‌سه‌ر كه‌سایه‌تی و به‌رپرسانی نوسینگه‌كه‌یدا هاتون، ئه‌مه‌ش پێویستی به تۆماركردنی سكاڵای یاسایی له‌سه‌ری هه‌یه له‌دوای ئه‌وه‌ی ئه‌و تۆڕه سیخوڕیه‌ی كه له ئۆفیسه‌كه‌یدا ئاشكرا بو. ئه‌وه‌شی خسته‌ڕو، سه‌رۆك وه‌زیران به‌ره‌و پەرەپێدانی بۆرییه‌كی نه‌وت به ئوردن هەنگاو دەنێت كه بۆری عه‌قه‌به نوێنه‌رایه‌تی ده‌كات و ده‌گاته ئیسرائیل و ئه‌مه‌ش شتێكه كه ناتوانرێت بێ ئاگا بمێنێته‌وه، به‌و پێیه‌ی كه ده‌بێت بگه‌ڕێته‌وه بۆ چوارچێوه‌ی هه‌ماهه‌نگی به‌بێ تایبه‌تمه‌ندی له بڕیاردانه‌كه‌دا.
ئامادەکردنی: هاوڵاتی جۆو بایدن سه‌رۆكی ویلایه‌ته یه‌كگرتوه‌كانی ئه‌مریكا بڕیارێكی له‌به‌رژه‌وه‌ندی ئۆكرانیا ده‌ركرد و به‌گوێره‌ی بڕیاره‌كه‌ش، رێگه به هێزه‌كانی كیێڤ ده‌درێـت چه‌كی ستراتیژی و دورمه‌ودای ئه‌مریكا له دژی روسیا به‌كاربهێنێت، به‌جۆرێك خاكی روسیا به‌ئاسانی بكاته ئامانج. به‌پێی هه‌واڵێكی سكای نیوزی ئینگلیزی، جۆو بایدن واژۆی له‌سه‌ر بڕیارێك كردوه كه رێگه به ئۆكراینا ده‌دات له به‌رامبه‌ر "هێنانی ده‌یان هه‌زار سه‌ربازی كۆریای باكور بۆ وڵاته‌كه‌ی"، چه‌كی به‌هێزی دورمه‌ودا دژی روسیا به‌كاربهێنێت،بایدن ده‌یه‌وێت باڵانسی شه‌ڕی روسیا و ئۆكرانیا به‌قازانجی ئۆكرانیا بگۆڕدرێت به‌گوێره‌ی چه‌ند سه‌رچاوه‌یه‌كی جیاواز ئه‌م بڕیاره‌ی بایدن بۆ ئه‌وه‌یه تاوه‌كو دۆناڵد تره‌مپ ده‌سه‌ڵاتی وه‌رنه‌گرتوه، باڵانسی شه‌ڕی روسیا و ئۆكرانیا به‌قازانجی ئۆكرانیا بگۆڕدرێت. بایدن ڕێگه‌ی به ئۆكرانیا داوه به موشه‌كی دورهاوێژی ئه‌مریكی هێرش بكاته سه‌ر روسیا،له‌لایه‌كی دیكه‌وه چه‌ند سه‌رچاوه‌یه‌ك به ئاژانسی ڕۆیته‌رزیان ڕاگه‌یاندوه، جۆو بایدن ڕێگه‌ی به ئۆكرانیا داوه به موشه‌كی دورهاوێژی ئه‌مریكی هێرش بكاته سه‌ر روسیا. ئۆكرانیا پلانی هه‌یه له چه‌ند ڕۆژی داهاتودا یه‌كه‌م هێرشی دورهاوێژی ئه‌نجام بدات،سه‌رچاوه‌كان ده‌ڵێن، ئۆكرانیا پلانی هه‌یه له چه‌ند ڕۆژی داهاتودا یه‌كه‌م هێرشی دورهاوێژی ئه‌نجام بدات به‌بێ ئه‌وه‌ی ورده‌كارییه‌كانی ئاشكرا بكات به‌هۆی نیگه‌رانی ئاسایشی ئۆپه‌راسیۆنه‌كانه‌وه. ئه‌م هه‌نگاوه‌ی ئه‌مریكا دوای چه‌ند مانگێك داواكاری ڤۆڵۆدمیر زلێنسكی سه‌رۆكی ئۆكرانیا دێت بۆ ڕێگه‌دان به سوپای ئۆكرانیا بۆ به‌كارهێنانی چه‌كی ئه‌مریكی بۆ لێدانی ئامانجه سه‌ربازییه‌كانی روسیا دور له سنوره‌كانی خۆی. ئەم گۆڕانكارییه‌ش دوای ئه‌وه دێت كه ڕوسیا هێزی زه‌مینی كۆریای باكور بۆ ته‌واوكردنی هێزه‌كانی خۆی بڵاوكردوه‌ته‌وه. به‌گوێره‌ی سه‌رچاوه‌كان، پێده‌چێت یه‌كه‌م هێرشی قوڵ به موشه‌كی ATACMS ئه‌نجام بدرێت كه مه‌ودایان ده‌گاته 190 میل.
ئامادەکردنی: هاوڵاتی ئەمڕۆ یەکشەممە، قاسم ئەعرەجی، ڕاوێژکاری ئاسایشی نیشتمانی عێراق، سەردانێکی بۆ سلێمانی کرد بۆ بەدواداچوون و جێبەجێکردنی ڕێککەوتنی ئەمنی نێوان عێراق و ئێران، دوای ئەوەی ناوبراو هەفتەی ڕابردوو سەردانی تارانی کرد. نووسینگەی ڕاگەیاندنی ڕاوێژکاری ئاسایشی نیشتمانی لە بەیاننامەیەکدا ڕایگەیاندووە: "لەژێر ڕێنمایی فەرماندەی گشتیی هێزە چەکدارەکان محەمەد شیاع سودانی، ڕاوێژکاری ئاسایشی نیشتمانی قاسم ئەعرەجی، ئەمڕۆ یەکشەممە، بەیاوەری شاندێکی ئەمنی، سەردانی سلێمانی کرد، بۆ بەدواداچوون بۆ جێبەجێکردنی ڕێککەوتنی ئەمنی نێوان عێراق و ئێران." ئەوەشی خستەڕوو: "ئەعرەجی و شاندی ئەمنی یاوەری لەگەڵ سەرۆکی دەزگا ئەمنییەکان کۆبوونەوە، بە ئامادەبوونی بافڵ تاڵەبانی، هەروەها باس لە جێبەجێکردنی تەواوی ڕێککەوتنی ئەمنی نێوان عێراق و ئێران کرا، گفتوگۆ لەسەر پێداچوونەوە بە واقیعی ئەو کەمپانە کرا کە لەلایەن حکومەتی عێراقەوە دیاریکرابوون هەروەها تەواوی وردەکاری و زانیاری نێو ڕێککەوتنەکە." ئەو کەمپانەی لە ڕاگەیەندراوەکەدا ئاماژەیان بۆ کراوە بەپێی ڕێککەوتنی ئەمنی ئێران لەگەڵ هەرێمی کوردستان و عێراق بۆ نیشتەجێکردنی پارتەکانی ڕۆژهەڵاتی کوردستان ئامادە کراون.
ئامادەکردنی: هاوڵاتی بڕیارە سبەی عومەر بۆڵات وەزیری بازرگانی تورکیا بە یاوەری شاندێكی بازرگانی توركیا سەردانی عێراق بكات لەگەڵ بەرپرسانی ئەو وڵاتە كۆببێتەوە، بەگوێرەی زانیارییەكان "سەردانی هەریەکە لە بەغدای پایتەخت و هەروەها پارێزگای بەسڕە دەکات و بەشداری لە چەند دیدار و کۆبوونەوەیەکدا دەکات". میدیاكانی توركیا ئەمڕۆ یەكشەممە بڵاویانكردەوە، عومەر بۆڵات وەزیری بازرگانی تورکیا بە یاوەری شاندێک لە کۆمەڵەی هەناردەکارانی تورکیا (TİM) و یەکێتی بەڵێندەرانی تورکیا (TMB) بە سەردانێکی دو ڕۆژە دەگاتە عێراق و پەیوەندییە بازرگانییەکانی تورکیا لەگەڵ یەکێک لە گرنگترین دراوسێکانی کە عێراقە، لە ماوەی ڕابردودا بەهێزتر بوە. بەشداری لە چەند دیدار و کۆبونەوەیەکدا دەکات ئاماژەی بەوەشكرد، شاندەكەی توركیا لە ڕۆژانی 18 و 19ی مانگ سەردانی هەریەکە لە بەغدای پایتەخت و هەروەها سەردانی پارێزگای بەسڕە دەکات و بەشداری لە چەند دیدار و کۆبونەوەیەکدا دەکات کە بە دەستپێشخەری کۆمەڵەی هەناردەکارانی تورکیا (TİM) و یەکێتیی بەڵێندەرانی تورکیا (TMB) ڕێکخراوە. لە سەردانەکەیدا بڕیارە هەناردەکاران و بەڵێندەرانی تورکیا لەگەڵ خاوەنکارە عێراقییەکان کۆببنەوە و لە چوارچێوەی کۆڕ و کۆبونەوەکاندا پەرەدان بە کاری هاوبەش تاوتوێ بکەن. تورکیا هەوڵدەدات پەیوەندییەکانی هەردو وڵات لە بواری بازرگانیدا بەهێز بکات بەگوێرەی میدیاكانی توركیا، وەزیری بازرگانی تورکیا لە چوارچێوەی ئەو سەردانەدا هەوڵدەدات کە پەیوەندییەکانی هەردو وڵات لە بواری بازرگانیدا بەهێز بکات و پەرە بە ڕۆڵی کۆمپانیا تورکەکان لە عێراق بدات. ئەوەشی خستەڕو، "وەزیری بازرگانی تورکیا لایەن محەمەد شیاع سودانی سەرۆک وەزیرانی عێراق و، ئەسیر غرێری وەزیری بازرگانی و ڕەزاق محێبس سەعداوی وەزیری گواستنەوە پێشوازی لێ دەکرێت، هەروەها لەگەڵ ئەسعەد عیدانی پارێزگاری بەسرە کۆدەبێتەوە. بازرگانی و وەبەرهێنان و لە نێوان دو وڵات گفتوگۆی لەسەر دەکرێت لە میانی سەردانەکەی بۆلات بۆ عێراق کە بە بەشداری بەرفراوانی خاوەنکار و بازرگانانی تورکیا بەڕێوەدەچێت، ڕەهەندەکانی بازرگانی و وەبەرهێنان و لە نێوان دو وڵات گفتوگۆی لەسەر دەکرێت و بەڵێندەرانی تورکیاش بەشداری کارا دەبن لە بونیادنانەوەی ژێرخانی عێراق و لەسەرووی هەموویانەوە پڕۆژەی ڕێگەی گەشەپێدان کە بەندەری بەسڕە بە ڕێگەی تورکیا بە ئەورووپا دەبەستێتەوە. ئەوە لەكاتێكدایە قەبارەی هەناردەی تورکیا بۆ عێراق لە مانگی (كانونی دوەم/1)ی ئەمساڵەوە هەتا (تشرینی دوەم/11) بەراورد بە ساڵی ڕابردو 5,3% زیادی کردوە و گەیشتووەتە 10 ملیار و 800 ملیۆن دۆلار، ئاستی قەبارەی بازرگانیش بە گشتی 14 ملیار و 500 ملیۆن دۆلارە.
ئامادەکردنی: هاوڵاتی سەرۆكی گشتی دیوانی وەزارەتی ناوخۆی هەرێمی كوردستان ڕایگەیاند، بۆ قەدەغەی هاتوچۆ دەسەڵات دراوەتەوە پارێزگا و ئیدارە سەربەخۆكان بۆ ئەوەی بڕیاری پێویست لەوباریەوە بدەن، قەدەغەكە چەن توێژێك ناگرێتەوە، هەروەها جوڵەی بازرگانیش ناوەستێت. هێمن میرانی، سەرۆكی گشتی دیوانی وەزارەتی ناوخۆی هەرێمی كوردستان ئەمڕۆ یەكشەممە لە كۆنگرەیەكی ڕۆژنامەوانیدا ڕایگەیاند، "بۆ قەدەغەی هاتوچۆ دەسەڵات دراوەتەوە پارێزگا و ئیدارە سەربەخۆكان بۆ ئەوەی بڕیاری پێویست لەوباریەوە بدەن و ئەو شوێنانەی كە پێویستە جوڵەیان تێدابێت، بكرێنەوە",جوڵەی بازرگانی ناوەستێت. ئاماژەی بەوەشكرد، "ئەو ڕۆژنامەنوسانەی كە باجی دەزگا یان لایەنە ئەمنیەكانیان پێیە، لەگەڵ كارمەندانی تەندروستی قەدەغەی هاتوچۆ نایانگرێتەوە، هەروەها جوڵەی بازرگانی ناوەستێت و فڕۆكەخانە و دەروازە فەرمیەكان كراوە دەبن". ئەو قەدەغەیە بۆ ئەوەیە هەمو هاوڵاتیان لە ماڵەوە بمێننەوە سەرۆكی دیوانی وەزارەتی ناوخۆ باسی لەوەشكرد، ئەو قەدەغەی هاتوچۆیە بۆ ئەوەیە هەمو هاوڵاتیان لە ماڵەوە بمێننەوە و بۆ ئەو سەرژمێرییە كە دەبێتە بنەمای پڕۆژەكانی گەشەپێدان لە سەرتاسەری عێراقدا تۆمار بكرێن. ئەوەشی خستەڕو، "هاوڵاتیانی ناوچە كوردستانیەكانی دەرەوەی هەرێمی كوردستان، پێویستە لە ئەمڕۆوە تا 19ی ئەم مانگە لە ماڵەكانیاندابن بۆ پڕكردنەوە ئەو فۆڕمەی كە تایبەتە بەخێزان، كە لەلایەن كارمەندەكانی وەزارەتی پلاندانانەوە پڕ دەگرێنەوە".
