کۆڵبەرێکی کورد پێش مردنی ئەندامانی جەستەی دەبەخشرێت
2 ساڵ لەمەوپێش
هاوڵاتی
حسێن خاڵە گەنجێکی کۆڵبەری خەڵکی سەردەشتە، ئەمڕۆ یەکشەممە ٢٣ی تەمووز لە نەخۆشخانەیەکی شاری ورمێ گیانی لە دەستدا.
ماڵپەڕی کوردپا لەم بارەوە نووسیویەتی: ئەم کۆڵبەرە کوردە پێش ئەوەی گیانی لە دەست بدات و دوای ئەوەی پزیشکەکان لێی نائومێد بوون، بە رەزامەندی بنەماڵەکەی و رەزامەندی باوکی ئەندامانی جەستەی بەخشرا بە ٣ نەخۆش کە بۆ مانەوەیان پێویستیان بەو ئەندامانە هەبوو.
حسێن خاڵە حەفتەی ڕابردوو بەهۆی کەوتنە خوارەوە لە بەرزاییی سنوورەکانی دەڤەری قەندیل، بەسەختی و دژواری سەر و بەتایبەت مێشکی ئازاری پێگەیشتبوو.
ناوبراو سەرەتا گەیەنراوە نەخۆشخانەی بەخشینی شاری سلێمانی و دواتر گەیەنرایەوە ورمێ.
ئەو کۆڵبەرە کوردە (حسێن خاڵە ) خێزاندارەو منداڵێکی هەیە.
بابهتی پهیوهندیدار
