هاوڵاتی

بەشى پێشبینییەکانى  کەشناسى سلێمانى، بۆ ئەمڕۆ یەکشەممە، لە گەرمیان بەرزترین پلەى گەرمى تۆمار دەکرێت کە 50 پلەیە و لە حاجى ئۆمەرانیش نزمترین پلەى گەرما کە 34 پلەى سەدییە، ئاسمان ساماڵ و پەڵە هەور دەبێت هەندێ لە ناوچە شاخاویەکان بۆ نیمچە هەور دەگۆڕێت.

پێشبینى کەشوهەواى ئەمڕۆ یەکشەممە:
هەولێر: 46
سلێمانی: 44
دهۆک: 45
کەرکوک: 49
هەڵەبجە: 47
زاخۆ: 46
سۆران: 44
حاجی ئۆمەران: 34
گەرمیان: 50

لەبارەى کەشوهەواى سبەینێوە کەشناسى دەڵێت: بە گشتى پلەکانى گەرما نزم دەبنەوە بە رێژەى یەک بۆ دوو پلە بەراورد بە ئەمڕۆ و پێشبینییەکان بۆ کەشوهەواى سبەینێ دوشەممە بەمجۆرەیە:

هەولێر: 45 پلەى سیلیزى
سلێمانی: 43 پلەى سیلیزى
دهۆک: 43  پلەى سیلیزى
کەرکوک: 47 پلەى سیلیزى
هەڵەبجە: 44 پلەى سیلیزى
زاخۆ:  44 پلەى سیلیزى
حاجی ئۆمەران : 31 پلەى سیلیزى
گەرمیان:  49  پلەى سیلیزى
 

هاوکات بەڕێوبەرایەتی کەشناسی و بومەلەرزانی هەرێمی کوردستان  بۆ خۆ پاراستن لە کاریگەریەکانی بەرزبوونەوەی پلەکانی گەرما  چەند ڕێنماییەکی بڵاوکردۆتەوە:

- خۆ بە دوور گرتن لە بەرکەوتنی ڕاستەوخۆ و ماوە دڕێژی تیشکی خۆر .

- خواردنەوەی برێکی زۆر لە ئاو لۆ ھێشتنەوی لەش بە شێداری .

- جێ نەھێشتنی منداڵ لە ناو ئوتومبێل کە رەنگە ببێتە مەترسی لە سەر ژیانیان .

- جێ نەھێشتنی ئەو کەل و پەلانەی کە خێرا ئاگر دەگرن لە ناو ئوتومبێل وەک ئامێرەکانی بارگاوی کردن ، مۆبایل، بۆن ، بۆن خۆشکەری ھەوا .

- ھوشيار کردنەوەی گەشتیاران و دەستنیشانکردنی ئەو شوێنانەی کە گونجاون لۆ مەلەکردن .

-سەردانی نەخۆشخانە لە کاتی دەرکەوتنی نیشانەکانی (خۆر لێدان - ضربة الشمس - Sunstroke ).