كامێرا جێگیره‌كانی ناو سنوری سلێمانی ده‌خرێنه بواری جێبه‌جێكردنه‌وه
2 ساڵ لەمەوپێش
هاوڵاتی
هاتوچۆی سلێمانی ئاگاداری شۆفێران دەکاتەوە کە لە هەفتەی ئایندەوە كامێرا جێگیرەكان دەخرێنەكار و سەرپێچی و خێرایی شۆفێران تۆماردەکەن.
بەڕێوەبەرایەتی هاتووچۆی سلێمانی ڕایگەیاند، ئاگاداری سەرجەم شۆفێران دەکات کە لە ڕۆژی سێ شەممە ڕێکەوتی 23/01/2024 کاتژمێر 10:00 ی سەرلەبەیانییەوە کامێرا جێگیرەکانی ناو سنووری پارێزگای سلێمانی دەکەونە بواری جێبەجێکردن و تۆمارکردنی سەرپێچی خێرایی.
هاتوچۆی سلێمانی لە ئاگادارییەکدا دەڵێت، داوا لەسەرجەم شۆفێران دەکەین پابەندی ئەو خێراییە دیاریکراوانە بن کە لەسەر شەقامەکان بۆیان دیاریکراوە بەپێی هێما و تابلۆکانی هاتووچۆ.
رونیشیکردەوە، هەروەها وەک بەرچاو ڕوونیەک بۆ هەموو لایەک ئەم کامێرایانە سیستەمی پۆینت تو پۆینت نییە و بە سیستەمی یەک خاڵ خێراییەکان تۆمار دەکات.
بابه‌تی په‌یوه‌ندیدار
