- ئهو یهدهگه كه له كێڵگهی زێڕی وانگو له ناوهڕاستی چین دۆزرایهوه، ڕهنگه زیاتر له ههزار تهن زێڕ بهرههمبهێنێت. - تاقیكردنهوهكانی كونكردن له ناوچهكانی دهوروبهری شوێنهكه ئاماژهیان به بونی بڕێكی زیاتری زێڕ كردوه. چین ڕايگهیاند گهورهترین كانگای زێڕی له جیهانداى دۆزیوەتەوە كه 300 تهن لهو كانزا بهنرخهی تێدایه و بههای یهدهگی كانهكه به زیاتر له 80 ملیار دۆلاری ئهمریكی مهزهنده دهكرێت. دهستهی جیۆلۆجی پارێزگای هونان رایگهیاند، ئهو یهدهگه كه له كێڵگهی زێڕی وانگو له ناوهڕاستی چین دۆزرایهوه، ڕهنگه زیاتر له ههزار تهن زێڕ بهرههمبهێنێت. دهستهكه ههواڵی دۆزینهوهی 40 دهماری زێڕی بڵاوكردهوه، كه دهرچهیهكی درێژ و تهسكن لهناو بهردهكاندا كه كانزاكهیان تێدایه، له قوڵایی نزیكهی یهك میل له پارێزگای پینگجیانگ له شاری هونان. ڕونیكردهوه كه ئهم بهردانه به تهنیا ڕهنگه 300 تهن زێڕیان تێدابێت، لهگهڵ ئهگهری یهدهگی زیاده له چینه قوڵهكاندا. بهپێی ڕۆژنامهی (ئیندیپێندنت)ی بەریتانی ، تاقیكردنهوهكانی كونكردن له ناوچهكانی دهوروبهری شوێنهكه ئاماژهیان به بونی بڕێكی زیاتری زێڕ كردوه، ئهمهش ئاماژهیه بۆ ئهوهی كه ڕهنگه یهدهگهكه لهوه گهورهتر بێت كه ڕاگهیهندراوه. كێڵگهی زێڕی وانگو یهكێكه له گرنگترین ناوهندهكانی كانگا له چین، بهو پێیهی دهوڵهت نزیكهی 100 ملیۆن یوانی وهبهرهێنانی له گهڕان بهدوای كانزاكان له ناوچهكهدا كردوه. چین یهكێكه له وڵاتانی بهرههمهێنهری زێڕ له جیهاندا و تا ساڵی 2023 ئهو وڵاته نزیكهی یهك لهسهر دهی بهرههمی زێڕی جیهانی بهرههمهێناوه، ههروهها وڵاتهكه به پێشهنگی جیهان دادهنرێت له بواری كانگادا، بهو پێیهی زاڵه بهسهر بهرههمهێنانی كانزا بهنرخهكاندا كه له دروستكردنی نهوهی نوێی پاتری و ئهلیكترۆنیاتدا بهكاردههێنرێن.
- پرسیار لە هاووڵاتیان دەکرێت سەبارەت بە وردەکاری ژیانیان. - بژمێرەكانمان سەردانی سەرجەم خێزانەكان دەكەنەوە لەسەرانسەری هەرێمی كوردستان. - بۆ وەڵامی پرسیارەكان پێویستە كەسێكی بەرپرسی خێزانەكە لە ماڵ بێت ئامادەکردنی: هاوڵاتی سەرژمێری گشتی لە هەرێمی کوردستان دوای ئەنجامدانی دوو قۆناغ، لە سبەینێ شەممەوە 30-11-2024, قۆناغی سێیەم و کۆتایی دەستپێدەکات و پرسیار لە هاووڵاتیان دەکرێت سەبارەت بە وردەکاری ژیانیان. وەزارەتی پلاندانانی هەرێمی كوردستان ڕایگەیاند سبەینێ قۆناغی كۆتایی پڕۆسەی سەرژمێریی گشتیی دانیشتووانی هەرێمی كوردستان دەستپێدەكات. ئاماژەی بۆ ئەوەش كردووە، ئەم پڕۆسەیە بۆ ماوەی زیاتر لە دوو هەفتە بەردەوامدەبێت كە تیایدا بژمێرەكانمان سەردانی سەرجەم خێزانەكان دەكەنەوە لەسەرانسەری هەرێمی كوردستان بۆ وەرگرتنی وەڵامی فۆڕمی پرسیارنامەی خێزانەكان بۆ ئەو 77 پرسیارەی كە لە پرسیارنامەی باری دیموگرافی و باری كۆمەڵایەتی و ئابوری و پەروەردەی و تەندروستی و كار و بێكاری و نیشتەجێبوون و كۆچ و هۆیەكانی گۆڕینی شوێنی نیشتەجێبوون و زانیاری كارتی نیشتمانی و فۆڕمی خۆراك رۆژی لەدایكبوون، ژمارەی ئەو كەسانەی مردوون لەنێو خێزاندا. هەر لە راگەیەندراوەكەدا هاتووە، لەلایەكی دیكەشەوە سەبارەت بە خزمەتگوزارییەكانی ئاو و كارەبا و ئاوەڕوە و كۆكردنەوەی خۆڵ و خاشاك و بوونی پێویستییەكانی ناوماڵ پرسیار لە تەواوی خێزانەكان دەكرێت جا شارنشین بن یاخود گوندنشین بن و بۆ ئەم مەبەستە داوا لەسەرجەم خێزانە بەرێزەكان دەكەین هاوشێوەی قۆناغەكانی پێشوو هاوكاریی بژمێرەكانمان بن. وتيشى: بۆ وەڵامی پرسیارەكان پێویستە كەسێكی بەرپرسی خێزانەكە لە ماڵ بێت بۆ وەڵامدانەوەی كە لە كۆتایدا دەبێتە مایەی پێشكەشكردنی خزمەتكردنێكی باشتر بۆ هەمووان و هیوادارین هەمووان هاوكاریی تیمەكانمان بن لەپێناو سەرخستنی دوا قۆناغی پڕۆسەی سەرژمێری. سەبارەت بە هاوڵاتیانمان وەزارەتەكە دەڵێت لە ناوچە كوردستانییەكانی دەرەوەی هەرێم،ئەوانەی لە قۆناغی دووەم گەڕابوونەوە زێدی خۆیان پێویستدەكات بۆ قۆناغی كۆتایش یەك كەس لە ئەندامانی خێزانەكانیان بگەڕێنەوە ناوەچەكانی خۆیان بۆ وەڵامدانەوەی پرسیاری بژمێرەكان بۆ ئەوەی مافیان نەفەوتێت و دەرئەنجامی پڕۆسەكەش بەشێوەیەكی دروست كۆتایی دێت”. دوای هەفتەیەك لە مەشق و راهێنانی بژمێرەكان، بڕیارە سبەینێ قۆناغی سێیەمی سەرژمێری گشتیی لە هەرێمی كوردستان دەستپێبكات و بژمێرەكان زیاتر لە 70 پرسیار لە هاوڵاتییان دەكەن ئەوەش دوای كۆكردنەوەی زانیارییەكان دەتوانرێت لایەن و كەموكورتی و ئەرێنییەكان بەپێی ئامانجی پرسیارەكان دابنرێن و ستراتیژی 10 ساڵی داهاتوو لەسەر ئەو بنەمایە دابرێژرێت. مەحمود عوسمان سەرپەرشتیاری گشتیی جێبەجێكاری سەرژمێری لە هەرێم راگەیاند، سەرژمێری بۆ دیاریكردنی لایەنە ژیاریی و مرۆییەكان و ئاستەكانی گەشەكردن و نەخشەدانان زۆر گرنگە. بەپێی ئەنجامی راگەیەندراوی سەرژمێرییەكەی ئەمساڵ ژمارەی دانیشتووانی هەرێمی كوردستان زیاتر لە 6 ملیۆن و 370 هەزار و 668 كەسە.
- تیپی هونەری میللی سلێمانی بەسەردانێكی فەرمی لە هيندستانە. - بەمەبەستی بەشداریكردن لە ژمارەیەك فێستیڤالی "سەما و میوزیك" لەو وڵاتە. ئامادەکردنی: هاوڵاتی وەزارەتی رۆشنبیری و لاوانی حكومەتی هەرێمی كوردستان ڕایگەیاند تیپی هونەری میللی سلێمانی بەسەردانێكی فەرمی لە هيندستانە، بەمەبەستی بەشداریكردن لە ژمارەیەك فێستیڤالی "سەما و میوزیك" لەو وڵاتە. وەزارەتەكە، ئەمڕۆ هەینی لە ڕاگەیەندراوێكدا بڵاویكردەوە، بە چاودێری (نارێندرا مۆدی) سەرۆک وەزیرانی هیندستان و ئامادەبونی شاندی وەزارەتی ڕۆشنبیری و لاوان و تیپی هونەری میللی سلێمانی و پارێزگاری شاری ڤاراناسی، فێستیڤاڵی نێودەوڵەتی سەما لەشاری ڤاراناسی هیندستان بەڕێوەچو. ئاماژەی بەوەشكرد، یەکەمین ڕۆژی فێستیڤاڵەکە چەند نمایشێک لەلایەن وڵاتانی کۆلۆمبیا، سریلانکا و ڤاراناسی پێشکەشکران، ئەمڕۆ هەینی تیپی هونەری میللی سلێمانی چەند تابلۆیەکی فۆلکلۆری کوردی لەو فێستیڤاڵە نمایش دەکات. تیپی هونەری میللی سلێمانی لەلایەن ئەنجومەنی هیندی بۆ پەیوەندییە کولتورییەکان به ههماههنگی وهزارهتی ڕۆشنبیری و لاوان بانگهێشتی هیندستان کراوە و بڕیارە بۆ ماوەی 10 ڕۆژ لەو وڵاتە و لە چەند ویلایەت و شارێک بەشداری لە ژمارەیەك فێستیڤالی "سەما و میوزیك" بكەن و لەو ماوەیەدا نمایشی کولتوری کوردی پێشکەش بكەن.
- حکومەتی فیدراڵی عێراق بڕیاریدا 761 ملیار و 146 ملیۆن دینار بۆ مووچەی مانگی 10 خەرج بکات. - ڕۆژی یەکشەممە 1ـی12 دەخرێتە سەر هەژماری بانکی هەرێمی کوردستان. - بڕیاریشی داوە هیچ بڕە پارەیەکی دیکە بۆ هەرێمی کوردستان نەنێرێت تاوەکو مووچەی مانگی 10 دابەش نەکرێت. ئامادەکردنی: هاوڵاتی وەزارەتی دارایی حکومەتی فیدراڵی عێراق بڕیاریدا 761 ملیار و 146 ملیۆن دینار بۆ مووچەی مانگی 10 خەرج بکات. وەزارەتی دارایی عێراق بڕیاری خەرجکردنی 763 ملیار و 146 ملیۆن دیناری بۆ مووچەی مانگی 10ی مووچەخۆرانی هەرێمی کوردستاندا، بەڵام بڕی دوو ملیار دینار وەکو لێبڕینی 10%ی مووچەی بنەڕەتی خانەنشینی لەلایەن بەغدا دەگێڕدرێتەوە. سەرچاوەیەک لە وەزارەتی دارایی و ئابووریی هەرێمی کوردستان بە دەزگاكانی ڕاگەیاندنی وت: وەزارەتی دارایی عێراق تەنیا بڕیاری خەرجکردنی بڕە پارەکەی داوە و ڕۆژی یەکشەممە 1ـی12 دەخرێتە سەر هەژماری بانکی هەرێمی کوردستان. رونیشیكردەوە ئەو پارەیەی بەغدا دەینێرێت بەشی مووچە ناکات و حکومەتی هەرێمی کوردستان پێویستی بە 996 ملیار دینار هەیە، بەمپێیە بڕی 233 ملیار دینار کورتهێنان دروست دەبێت. سەرچاوەکە باسی لەوە کرد، بەغدا داوای کردووە هەرێمی کوردستان خۆی بە داهاتی ناوخۆ کورتهێنانەکە پڕبکاتەوە، بڕیاریشی داوە هیچ بڕە پارەیەکی دیکە بۆ هەرێمی کوردستان نەنێرێت تاوەکو مووچەی مانگی 10 دابەش نەکرێت.
- تەحریر شام و گرووپە چەكدارە هاوپەیمانەكانی ئەمڕۆ هەینی چوونەتە نێو پێنج شاری حەلەب و گەڕەكەكانیان كۆنتڕۆڵ كردووە. - چەند گرتە ڤیدیۆیەك بڵاوكراونەتەوە كه بڵاوبوونەوە و جوڵەكانی گرووپە چەكدارەكان نیشان دەدات كە بە ئازادانە لەناو هەندێك لە ناوچەكانی حەلەب جموجۆڵ دەكەن. ئامادەکردنی: هاوڵاتی ئەمڕۆ هەینی چەند گرتە ڤیدیۆیەك بڵاوكراونەتەوە كه بڵاوبوونەوە و جوڵەكانی گرووپە چەكدارەكان نیشان دەدات كە بە ئازادانە لەناو هەندێك لە ناوچەكانی حەلەب گەورە شەرەكانی باكوری سوریا جموجۆڵ دەكەن. ڕوانگەی سوری بۆ مافەكانی مرۆڤ ڕایگەیاند گرووپە چەكدارەكانی تەحریر شام گەیشتنە حەلەبی باكوری سوریا. رامی عەبدولڕەحمان بەڕێوەبەری ڕوانگەكە ڕایگەیاند دەستەی تەحریر شام و گرووپە چەكدارە هاوپەیمانەكانی ئەمڕۆ هەینی چوونەتە نێو پێنج شاری حەلەب وگەڕەكەكانیان كۆنتڕۆڵ كردووە. ئەمە گەورەترین شەڕ و ئاڵۆزییە لە ناوچەکانی باکووری رۆژئاوای سووریا، لە ساڵی 2020وە، لەدوای رێککەوتنی تورکیا و رووسیا بۆ ئاگربەست لەو ناوچەیە. رێککەوتنەکە بۆ ئەوە بوو سوپای سووریا هەوڵی کۆنترۆڵکردنەوەی شاری ئیدلیب نەدات کە بە پایتەختی دیفاکتۆی گرووپە چەکدارەکانی نزیک لە تورکیا ناسراوە. شەڕ و پێکدادان سێ رۆژە لەسەر رێگەی نێوان پارێزگای دیمەشق و حەلەبی سووریا لەنێوان گرووپە چەکدارە ئۆپۆزیسیۆنەکان و سوپای حکومەتی سووریا بەردەوامە و بەهۆیەوە هەزاران كەس ئاوارەبوون و زياتر له 400 كەسیش كوژران.
- سنوور لەگەڵ دراوسێی سوریا، بەتایبەتی لە ناوچەکانی باکوری ڕۆژهەڵاتی سوریا بههێزه و قەڵاداره. - کەرتی فەرماندەیی هێزە سنوورییەکان هەیە و ئەوان بە نوێترین جۆری چهگ و تهقهمهنی پڕچهككراون. - ئەگەر هەوڵی هێرشکردن یان گەیشتن بە سنووری عێراق بدەن ڕووبەڕووی توندترین وەڵام دەبنەوە. ئامادەکردنی: هاوڵاتی لیوا یەحیا ڕەسووڵ، وتەبێژی فەرماندەی گشتی هێزە چەکدارەکان، ئەمڕۆ هەینی، پشتڕاستی کردەوە کە سنوور لەگەڵ سوریا بە توندی پارێزراوە و ئەمنیەتییەکی بەرزی هەیە. ليوا ڕەسووڵ لە لێدوانێكی ڕۆژنامەوانیدا ڕایگەیاند بەتەواوەتی ئاسایشی سنووری عێراق یەکێکە لە کارە لە پێشینەکانی ئێمە، ئاماژەشی بەوەدا کە سنوور لەگەڵ دراوسێی سوریا، بەتایبەتی لە ناوچەکانی باکوری ڕۆژهەڵاتی سوریا بههێزه و قەڵاداره و کەرتی فەرماندەیی هێزە سنوورییەکان هەیە و ئەوان بە نوێترین جۆری چهگ و تهقهمهنی پڕچهككراون، هەروەها قەڵای بەهێز جگە لە کۆنترۆڵکردنی سنوورەکان لە ڕێگەی فڕۆکەی بێفڕۆکەوانەوە. ئاماژەی بەوەشکرد کەرتەکانی سوپای عێراق لەپشت هێزە سنوورییەکانەوە هەیە بۆ ئەمنیەتی ئەو ناوچانە هێزە چەکدارەکان ئۆپەراسیۆنی چاودێری بەردەوامیان هەیە و سنوورەکان بە شێوەیەکی بەرز ئەمن وپارێزراون، ئاماژەی بەوەشکرد دەزگای هەواڵگری چاودێری هەر جوڵەیەکی باندە تیرۆریستییەکان دەکەن و ئەگەر هەوڵی هێرشکردن یان گەیشتن بە سنووری عێراق بدەن ڕووبەڕووی توندترین وەڵام دەبنەوە. ڕەسووڵ ڕوونیشیکردەوە سنوورەکان لەمێژە لەلایەن هێزەکانی سنووری و کامێرای شهوان و فڕۆکەی بێفڕۆکەوانەوە کۆنتڕۆڵ کراون، جگە لە ئۆپەراسیۆنە تایبەت و پێشوەختەکان کە لەناو ئەو ناوچانە ئەنجامدراون، دوایینیان ئەو هێرشە بوو کە 6 حەشارگەی پاشماوەکانی داعشی کردە ئامانج باندە تیرۆریستییەکان لە ناوچەی وادی حۆران.
- هۆکاری کێشەکانی نێون هەرێم و بەغدا حکومەتی هەرێمە. - حکومەتی هەرێم پابەند نابێت بە داواکارییەکانی بەغدا و بڕیارەکانی دادگای فیدراڵییەوە. ئامادەکردنی: هاوڵاتی مستەفا عەبدوڵا بەرپرسی کارگێڕی مەکتەبی یەکگرتوو رایگەیاند، هۆکاری کێشەکانی نێون هەرێم و بەغدا حکومەتی هەرێمە. بەرپرسی کارگێڕی مەکتەبی یەکگرتوو لە لێدوانێكی رۆژنامەوانیدا ڕایگەیاند حکومەتی کاربەڕێکەری هەرێم هەموو مانگێک کۆمەڵێک ناوی دیکە بۆ لیستی موچە زیاد دەکات. باسی لەوەش کرد، زیاد کردنی ئەو ناوانە کێشەی بۆ مووچەی فەرمانبەرانی هەرێم دروستکردووە. ئاماژەی بەوەشکرد، هۆکاری کێشەکانی نێوان هەرێم و بەغدا حکومەتی کاربەڕێکەری هەرێمە و پابەند نابێت بە داواکارییەکانی بەغدا و بڕیارەکانی دادگای فیدراڵییەوە.
- لەهێرشەكەدا 4 كەس ڕاستەوخۆ بە فیشەك برینداربون و بارودۆخی سیانیان ناجێگیرە. - چوار كەسی تریش بە وردە شوشە برینداربون. ئامادەکردنی: هاوڵاتی چەكدارێك هێرش كرده سەر نەفەرهەڵگرێكی ئیسرائیلی و 8 كەس بریندارن. وەزارەتی تەندروستی ئیسرائیلی ڕایگەیاند چەكدارێك تەقەی لە نەفەرهەڵگرێك كردووە لەنزیك نیشتەجێبونی ئەرئیل لە كەناری ڕۆژئاوا . وتيشى: لەهێرشەكەدا 4 كەس ڕاستەوخۆ بە فیشەك برینداربون و بارودۆخی سیانیان ناجێگیرە و چوار كەسی تریش وردە شوشەیان بەركەوتووە و برینداربون، دواتر هێزەكانی ئیسرائیل چەكدارەكە دەكوژن. لە دوای هەڵگیرسانی جەنگی غەززە، لە کەناری ڕۆژئاوا ئاستی توندوتیژیەكان بەرزبۆتەوە و بە سەدان فەڵەستینی لە هێرشەكانی ئیسرائیلدا كوژراون، لەبەرامبەردا دەسەڵاتدارانی ئیسرائیل دەڵێن: بە دەیان ئیسرائیلی لەسەر دەستی فەڵەستینیەكان لەسەر شەقامەكان كوژراون.
ئامادەکردنی: هاوڵاتی تێسلا یەکەمین مۆبایلی خۆی لە ژێر ناوی "تێسلا مۆدێل پای؛ Tesla Model Pi”(π) بڵاو دەکاتەوە و چاوەروان دەکرێت چەندین تایبەتمەندی ناوازەی تێدا بێت و نرخەکەشی گونجاوبێت. تایبەتمەندییەکی سەرنجڕاکێشی مۆدێل پای بریتییە لەکۆنێکت بوونی لەگەڵ مانگە دەستکردەکان و تۆڕی مانگی دەستکردی ستارلینکی کۆمپانیای سپەیس ئێکس، کەئەمەش وادەکات بە ئاسانی ئینتەرنێتی جیهانی بەردەست بکات تەنانەت لە دوورترین شوێنەکانیشدا کە ئەمەش پرۆژەیەکی ئیلۆن مەسکە بە بلاوکردنەوەی ئینتەرنێتی جیھانی. جگە لەوەش مۆبایلەکە پشتگیری لە سیتەمی نیورالینک Neuralink دەکات بۆ توانای هاوکاتکردنی مێشک کە ئەمەش پرۆژەیەکی ئیلۆن مەسکە بۆ بەستنەوەی مێشک و ئامێرەکان. چاوەروان دەکرێت مۆبایلەکە پشت ببەستێت بە وزەی خۆر و بارگاوی بکرێتەوە و پێویستی بە بارگاوی کەرەوەی کارەبایی نەبێت. ئەمەش وادەکات ببێتە دۆستی ژینگە لەگەڵ چەندین تایبەتمەندی تر وەک ژیری دەستکرد و پاراستنی زانیارییە کەسیەکان و پاتری بەھێز. ھەروەھا مۆبایلەکە زۆر بە ئاسانی لەگەل بەرھەم و ئامێر و ئۆتۆمبێلەکانی تێسلا پەیوەست دەبێت و تۆرێ کۆمەڵایەتی X بە تایبەتمەنی ناوازە بەردەست دەبێت تێیدا. ڕاگەیاندنی مۆبایلی تێسلا مۆدێل پای لەلایەن ئیلۆن ماسکەوە ئاماژەیە بۆ گۆڕانکارییەکی بەرچاو لە پیشەسازی مۆبایلە زیرەکەکاندا. بە تایبەتمەندییە پێشکەوتووەکانی و بژاردەی شەحنکردنەوەی بەردەوام و پەیوەندی جیهانی، مۆدێل پای زیاترە لە تەنها مۆبایلێکی زیرەک بەڵکو ھەنگاوێکی نوێیە بۆ داهاتووی تەکنەلۆژیای مۆبایل.
-سبەینێ شاندی یەكێتی بە نوێنەرایەتی قوباد تاڵەبانی و ڕێواز فایق و شاندی پارتی لە دەباشان كۆدەبنەوە. - تەوەری سەرەكی كۆبوونەوەكە گفتوگۆكردنە لەسەر پێكهێنانی كابینەی نوێی حكومەتی هەرێمی كوردستان. ئامادەکردنی: هاوڵاتی بڕیارە سبەینێ شەممە هەردوو شاندی یەكێتی نیشتیمانی كوردستان و پارتی دیموكراتی كوردستان كۆببنەوە. پەیامنێری هاوڵاتی ئاشكرای كرد سبەینێ شاندی یەكێتی بە نوێنەرایەتی قوباد تاڵەبانی و ڕێواز فایق و شاندی پارتی لە دەباشان كۆدەبنەوە. تەوەری سەرەكی كۆبوونەوەكە گفتوگۆكردنە لەسەر یەكەم دانیشتنی پەرلەمانی كوردستان و پێكهێنانی كابینەی نوێی حكومەتی هەرێمی كوردستان. دوێنێ سەعدی ئەحمەد پیرە وتەبێژی یەکێتی نیشتیمانی کوردستان بەدەنگی ئەمریكای ڕاگەیاند، پێم وایە دوای دانیشتنی پەرلەمانی هەرێم یەکێتی و پارتی بەیەکەوە کۆدەبنەوە. دوای ئەوەی نێچیرڤان بارزانی سەرۆكی هەرێمی كوردستان رۆژی یەكەم دانیشتنی پەرلەمانی دەستنیشان كرد، شاندی پارتی و یەكێتی لە 27ی ئەم مانگەوە دەستیان بە سەردانەكانیان كرد بۆ لای لایەنەكانی دیكە بەمەبەستی گفتوگۆكردن بۆ پێكهێنانی كابینەی 10ی حكومەتی هەرێمی كوردستان.
-سبەینێ شاندی یەكێتی بە نوێنەرایەتی قوباد تاڵەبانی و ڕێواز فایق و شاندی پارتی لە دەباشان كۆدەبنەوە. - تەوەری سەرەكی كۆبوونەوەكە گفتوگۆكردنە لەسەر پێكهێنانی كابینەی نوێی حكومەتی هەرێمی كوردستان. ئامادەکردنی: هاوڵاتی بڕیارە سبەینێ شەممە هەردوو شاندی یەكێتی نیشتیمانی كوردستان و پارتی دیموكراتی كوردستان كۆببنەوە. پەیامنێری هاوڵاتی ئاشكرای كرد سبەینێ شاندی یەكێتی بە نوێنەرایەتی قوباد تاڵەبانی و ڕێواز فایق و شاندی پارتی لە دەباشان كۆدەبنەوە. تەوەری سەرەكی كۆبوونەوەكە گفتوگۆكردنە لەسەر یەكەم دانیشتنی پەرلەمانی كوردستان و پێكهێنانی كابینەی نوێی حكومەتی هەرێمی كوردستان. دوێنێ سەعدی ئەحمەد پیرە وتەبێژی یەکێتی نیشتیمانی کوردستان بەدەنگی ئەمریكای ڕاگەیاند، پێم وایە دوای دانیشتنی پەرلەمانی هەرێم یەکێتی و پارتی بەیەکەوە کۆدەبنەوە. دوای ئەوەی نێچیرڤان بارزانی سەرۆكی هەرێمی كوردستان رۆژی یەكەم دانیشتنی پەرلەمانی دەستنیشان كرد، شاندی پارتی و یەكێتی لە 27ی ئەم مانگەوە دەستیان بە سەردانەكانیان كرد بۆ لای لایەنەكانی دیكە بەمەبەستی گفتوگۆكردن بۆ پێكهێنانی كابینەی 10ی حكومەتی هەرێمی كوردستان.
- ئاسمان بەگشتی ساماڵ بێت لەگەڵ هەندێك پەڵە هەور. - پلەکانی گەرما كەمێك بەرزتر دەبێت. بهڕێوهبهرایهتی كهشناسی و بومهلهرزهزانی ههرێمی كوردستان پێشبینیكرد ئهمڕۆ ئاسمان بەگشتی ساماڵ بێت لەگەڵ هەندێك پەڵە هەور و پلەکانی گەرما كەمێك بەرزتر بێت، سبهینێش خێراىی با لەسەرخۆ و مامناوەند دەبێت و له نێوان 10 بۆ 20 كیلۆمهتر دهبێت لهكاتژمێرێكدا. بهڕێوهبهرایهتیەكە بڵاویكردهوه، ئهمڕۆ ههینی ئاسمان بەگشتی ساماڵ دەبێت لەگەڵ هەندێك پەڵە هەور و پلەکانی گەرما كەمێك بەرزتر دەبێت لە تۆمارکراوەکانى دوێنێ. ئاماژهی بهوهشكردوه، خێرایی با لەسەرخۆ و مامناوەند دەبێت و له نێوان 10 بۆ 20 كیلۆمهتر دهبێت لهكاتژمێرێكدا، ئاڕاستەی با باکوری خۆرئاوا دەبێت. كهشناسی دهڵێت، سبهی شهممه ئاسمان لە نێوان ساماڵ و پەڵە هەور دەبێت، لەگەڵ دروستبونی كەمێك تەم لە هەندێك ناوچە لە كاتەكانی بەیانیدا و پلەکانی گەرما بە نزیكەی 1 تا 3 پلە بەرزتر دەبێت بەراورد بە تۆمارکراوەکانى ئەمڕۆ. بەرزترین پلەکانی گەرمای پێشبینیکراو بە پلەی سیلیزی: هەولێر : 14 پلەى سیلیزى سلێمانی: 13 پلەى سیلیزى دهۆک : 13 پلەى سیلیزى کەرکوک : 16 پلەى سیلیزى هەڵەبجە: 13 پلەى سیلیزى زاخۆ: 14 پلەى سیلیزى حاجی ئۆمەران : 6 پلەى سیلیزى سۆران : 14 پلەى سیلیزى گەرمیان: 18 پلەى سیلیزى
- ئێران: هێرشی گروپە چەکدارەکان بۆسەر ریفی حەلەب و ئیدلیب پێشێلکردنی رێکەوتنی ئەستانەیە. - روسيا: لە هێرشەکەی چەکدارانی بەرەی نوسرە له سوريا لانی کەم ٤٠٠ چەکدار بە هاوکاری هێزی ئاسمانی روسیا کوژراون. دوای ماوەیەی چەند ساڵێک لە ئاگربەستی ناچاری رانەگەیەنراو لە نێوان لایەنە ناکۆکەکانی سوریا، جارێکی تر شەڕ و پێکدادانی خوێناوی دەستی پێکردەوە و چەکدارەکانی بەرەی نوسرە و تەحریر شام و هاوپەیمانەکانی هێرشیان کردە سەر شارەکانی حەلەب و ئیدلیب و سوپای سوریاش دەڵێت لانی کەم ٤٠٠ چەکداریان کوشتووە. لەوبارەیەوە جێگری سەرۆکی سەنتەری ئاشتی روسیا لە سوریا ئۆلیگ ئاکناسیوک لە کۆنگرەیەکی رۆژنامەنوسیدا رایگەیاند: لە هێرشەکەی چەکدارانی بەرەی نوسرە بۆ سەر ئەو ناوچانەی لە ژێر کۆنترۆڵی حکومەتی سوریادان لانی کەم ٤٠٠ چەکدار بە هاوکاری هێزی ئاسمانی روسیا کوژراون. بەپێی زانیارییەکانیش لەماوەی ٢٤ کاتژمێردا چەکدارەکانی بەرەی نوسرە ١٣ هێرشیان کردۆتە سەر سوپای سوریا ١٢ هێرشیان بۆ سەر شاری ئیدلیب و هێرشێکیش بۆ سەر شاری حەلەب بووە و لەو هێرشانەدا چەکدارەکانی بەرەی نوسرە زیانی گەورەیان بەرکەوتووە. لای خۆیەوە وتەبێژی وەزارەتی دەرەوەی ئێران ئیسماعیل بەقایی لە کۆنگرەیەکی رۆژنامەنوسیدا دەڵێت: هێرشی گروپە چەکدارەکان بۆسەر ریفی حەلەب و ئیدلیب پێشێلکردنی رێکەوتنی ئەستانەیە و هەرجۆرە دواکەوتنێک لە بەرەنگاربوونەوەیان ناوچەکە دووچاری خولێکی نوێی شەڕ و پێکدادان و ناسەقامگیری دەکاتەوە. وتەبێژی وەزارەتی دەرەوەی ئێران راشیگەیاند: ئەو پەلامارە نوێیە بەشێکە لە پیلانی ئەمریکا و ئیسرائیل بۆ تێکدانی ئاسایش و ئارامی ناوچەکە. هاوکات مەرسەدی سوری دەڵێت چەکدارەکانی تەحریر شام و گروپە چەکدارەکان بە ئامانجی فراوانکردنی ناوچەی دەسەڵاتیان هێرشی فراوانیان دەستپێکردووە و چەندین گوندیان لە دەوروبەری شارەکانی ئیدلیب و حەلەب کۆنتڕۆڵ کردووە، بە گوتەی خۆشیان مەبەستیانە ئامادەکاری بکەن بۆ گەڕانەوەی هاوڵاتیان بۆ ناوچەکانیان. دوای نزیکەی ١٣ ساڵ لە شەڕ و پێکدادانەکانی سوریا و کوژرانی نزیکەی ٥٠٠ هەزار کەس و ئاوارەبوونی ژمارەیەکی زۆری هاوڵاتیان، ئێستا ئەو وڵاتە دابەشبووە بەسەر چوار بەشدا بەشێکی وڵات لە لایەن کوردەوە حوکمڕانی دەکرێت بەشێکی تریشی لەلایەن هێزە جیهادییەکان و بەشێکیش لەلایەن ئەو چەکدارانەوە کۆنترۆڵ کراوە کە تورکیا پشتیوانیان دەکات، بەڵام تا ئێستاش نزیکەی لەسەدا ٧٠ی وڵات لەژێر دەسەڵاتی بەشار ئەسەد دایە کە لەلایەن روسیا و ئێران پشتیوانی تەواوی لێ دەکرێت.
- داهاتی ئەم هەفتەیەی سلێمانی زیاتر لە 21 ملیارو 201 ملیۆن و 972 هەزار دینارە. - لەو بڕە 19 ملیارو 842 ملیۆن و 27 هەزار دیناری واتە 94%ی نەختینەیە. بەگوێرەی ماڵپەڕی شەفافیەت، داهاتی ئەم هەفتەیەی سلێمانی ، زیاتر لە 21 ملیار دینارە كە 94%ی نەختینەیە. بەگوێرەی ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجەو هەردوو ئیدارەی راپەڕین و گەرمیان، داهاتی ئەم هەفتەیەی سلێمانی لە 23ی 11 تا 29ی 11ی 2024، زیاتر لە 21 ملیارو 201 ملیۆن و 972 هەزار دینارە. هەر بەگوێرەی ماڵپەڕەكە، لەو بڕە 19 ملیارو 842 ملیۆن و 27 هەزار دیناری واتە 94%ی نەختینەیەو هەروەها 1 ملیارو 359 ملیۆن و 944 هەزار دیناری واتە 6%ی بەشێوەی چەكەو مەقاسە سفرە.
- تائێستا بەهۆی شەڕەکەوە لە ناوچەکانی باکووری سووریا زياتر له 400 کەس کوژراون. - هێرشی چەکدارانی گرووپەکانی سەر بە تەحریر شام لە شاری ئیدلب لە رۆژئاوای سووریایەوە بۆ سەر پێگەکانی سوپای سووریا چڕتر بووەتەوە. - چەكدارەكان لە نزیک دەروازەکانی رۆژئاوای شاری حەلەبی دووەم گەورەترین شاری سووریان. هێرشی چەکدارانی گرووپەکانی سەر بە تەحریر شام لە شاری ئیدلب لە رۆژئاوای سووریایەوە بۆ سەر پێگەکانی سوپای سووریا چڕتر بووەتەوە و رێگەی سەرەکیی دیمەشق بۆ حەلەبیان پچڕاندووە. ئەبو زوبێر شامی فەرماندەی هێزەکانی تەحریر شام دەڵێت: "دووژمن خەڵکی ئێمەی کردە ئامانج لە ناوچە ئازادکراوەکان و زیانێکی زۆری پێگەیاندن، خەڵکەکەی رووبەڕووی کوشتن و ئاوارەکردن کردەوە، ئێمە لە ئیدارەی ئۆپەراسیۆنە سەربازییەکان، بەرپرسیارێتی هەڵدەگرین لە رووبەڕووبوونەوەی هەموو دووژمنکارییەک و کۆتاییهێنان بەو دەستدرێژییانەی رژێمی تاوانبار دەیکات و پارێزگاریکردن لە خەڵکەکەمان، ئەوەی دووژمن لە هێزەکانمانی بینی، تەنیا سەرەتا بوو". بەپێی زانیاریەكان ئەو گرووپە جیهادییە لە هێرشەکانیاندا لە 48 کاتژمێری رابردوودا، توانییان پێشڕەوی بەرچاو بکەن و رێگەی سەرەکیی نێوان دیمەشقی پایتەخت و حەلەب لە باکووری سووریا کۆنترۆڵ بکەن و ئێستا ئەوان لە نزیک دەروازەکانی رۆژئاوای شاری حەلەبی دووەم گەورەترین شاری سووریان و تەنیا دوو کیلۆمەتر لە ناوەندی شاری حەلەبەوە دوورن. لە دوای پێشڕەوییەکانی گرووپە چەکدارەکان، فڕۆکە جەنگییەکانی رووسیا و سووریا 63 هێرشی ئاسمانییان بۆ سەر گوندەکانی هەردوو پارێزگای حەلەب و ئیدلیب کردووە و بەهۆی ئەو بۆردوومانانەشەوە زياتر له 400 كەس كوژراون. ئەمە گەورەترین شەڕ و ئاڵۆزییە لە ناوچەکانی باکووری رۆژئاوای سووریا، لە ساڵی 2020وە، لەدوای رێککەوتنی تورکیا و رووسیا بۆ ئاگربەست لەو ناوچەیە. رێککەوتنەکە بۆ ئەوە بوو سوپای سووریا هەوڵی کۆنترۆڵکردنەوەی شاری ئیدلیب نەدات کە بە پایتەختی دیفاکتۆی گرووپە چەکدارەکانی نزیک لە تورکیا ناسراوە. شەڕ و پێکدادان سێ رۆژە لەسەر رێگەی نێوان پارێزگای دیمەشق و حەلەبی سووریا لەنێوان گرووپە چەکدارە ئۆپۆزیسیۆنەکان و سوپای حکومەتی سووریا بەردەوامە و بەهۆیەوە هەزاران كەس ئاوارەبوون و نزیكەی 250 كەسیش كوژران. سەرچاوەكانی هەواڵ ئاشكرایان كردووە شەڕەکە لەنێوان هێزی ئۆپۆزیسیۆنی تەحریر شام و هاوپەیمانەکانییەتی دژی به سوپای سووریا هەڵگیرساوە. بەگوێرەی سەرچاوەكان، هێزە ئۆپۆزیسیۆنەکان دەستیان بەسەر چەندین گونددا گرتووە و سوپای وڵاتەکەش بەردەوامە لە بۆردوومانکردنی ئەو ناوچانەی هێزەکانی تێدان. ڕۆژی چوارشەممە ڕابردوو لە پارێزگای حەلەب شەڕ و پێکدادان لە نێوان چەند گرووپێکی چەکدار و هێزەکانی حکومەتی سووریا درووست بوو. چالاكوانانی حەلەب دەڵێن: ژووری ئۆپەراسیۆنی فەتح موبین، کە دەستەی تەحریر شام، ئەحرار شام، جەیش عەززە و ژمارەیەک گرووپی دیکە لە خۆدەگرێت شەڕێکی راگەیاندوه و ناوی نا راگرتنی شەڕانگێزی، لەو شەڕەدا ژمارەیەک گوند و ناوچە لە رۆژئاوای حەلەب دەستی بەسەردا گیرا، لەوانە گوندی عەین جارا، عاجل، عوێجل ، قوبتان جەبەل، هۆت، ئۆرم سوخرا و ئۆرم کوبرا. لەلایەن خۆیەوە سوپای سووریا رایگەیاند، لەگەڵ هێزە هاوپەیمانەکانی رووبەڕووی هێرشەکانی هێزە چەکدارەکان بوونەتەوە و زیانی گەورەیان لێداون. دوای ئەوەی رژێمی سووریا لە چەند ئۆپەراسیۆنێکدا لە ساڵانی 2018 بۆ 2020 ناوچەكانی رۆژئاوای حەلەبى کۆنترۆڵ کرد، بە هاوکاری لەگەڵ چەکدارانی ئێران، نزیکەی ملیۆنێک کەس كۆچیان كردوو ئاوارەبوون، بەشێکیان لە تورکیا یان وڵاتانی ئەورووپا بوونە پەنابەر و بەشێکیش بوونە ئاوارەی نێوخۆ لە شارە جیاکانی وەکو عەفرین و ئیدلب. ساڵی 2011 جەنگی نێوخۆیی لە سوریا هەڵگیرسا و بووه هۆی ئاوارەبوونی سەدان هەزار کەس و کوژرانی زیاتر لە نیو ملیۆن کەس.