- پەیوەندیەكانی نوری مالكی بە بەرپرسانی هەرێمی كوردستانەوە پەيوەستە بە دەستورەوە. - بەلای نوری مالكیەوە سەقامگیری هەولێر و سلێمانی و هەرێمی كوردستان بەواتاى سەقامگیری عێراقه ئامادەکردنی: هاوڵاتی پەیوەندیەكانی نوری مالكی سەرۆكی هاوپەیمانی دەوڵەتی یاسا و سەرۆك وەزیرانی پێشوتری عێراق بە بەرپرسانی هەرێمی كوردستانەوە پەيوەستە بە دەستورەوە. عەباس موسەوی راوێژكاری هاوپەیمانی دەوڵەتی یاسا تایبەت بە هاوڵاتی ڕاگەیاند حكومەتە خۆجیەكانی هەرێمی كوردستان و فڕاكسیۆنە سیاسیەكان چەند پابەند بن بە دەستورەوە و رێزی لێبگرن زیاتر لە نوری مالكی نزیك دەبنەوە. وتیشی: زۆربونی رێكەوتنە سیاسیەكان و رێزگرتن لە دەستور و پێشێل نەكردنی و پێشكەشكردنی خزمەتگوزاری بە هاوڵاتیان، پەیوەندیەكان باشتر دەكەن. دووپاتیشیكردەوە كە بەلای نوری مالكیەوە سەقامگیری هەولێر و سلێمانی و هەرێمی كوردستان بەواتاى سەقامگیری عێراقه و هەرچ قەیرانێكی ناوخۆیی بێگومان رەنگدانەوەی دەبێت وەك لەسەردەمی داعش روویدا. رونیشیكردەوە پەیوەندیيەكانی مالكی پەیوەندیەكی مێژویی و بەهێزە لەگەڵ كورد، دەشبینین هەرچ سەركردەیەكی كورد سەردانی بەغدا بكات بەچاوپێكەوتن لەگەڵ مالكی دەست پێدەكەن.  

  - له‌ رۆژی یه‌كشه‌ممه‌ 1ی (كانونی یه‌كه‌م)ی 2024ه‌وه‌ بایكۆتی هۆڵه‌كانی خوێندن ده‌كه‌ین. - هیوامان ده‌خواست هه‌موان پێكه‌وه‌ و ده‌ست له‌ناوده‌ست یه‌كمانبگرتایه‌ و نه‌سره‌وتینایه‌. ئامادەکردنی: هاوڵاتی ئه‌نجومه‌نی مامۆستایانی ناڕازیی شاره‌زور رایگەیاند  له‌ رۆژی یه‌كشه‌ممه‌ 1ی (كانونی یه‌كه‌م)ی 2024ه‌وه‌ بایكۆتی هۆڵه‌كانی خوێندن دەكەن. ئەنجومەنەكە له‌ڕاگه‌یه‌ندراوێكدا بڵاویكرده‌وه‌، ئێمه‌ ده‌زانین له‌گه‌ڵ ده‌سه‌ڵاتێكدا یه‌كانگیربوین؛ داماڵراوه‌ له‌ هه‌موو به‌هایه‌كی ئایینی و مرۆڤایه‌تی و ویژدانیی و ئه‌خلاقیی، ده‌سه‌ڵاتێك، كه‌ نه‌ك باكی به‌ هیچ ڕه‌هه‌ندێكی ژیانی ئێمه‌ نییه‌، به‌ڵكو له‌ بنه‌ڕه‌تدا له‌لایه‌ن دوژمنانی كورده‌وه‌، بۆ ئه‌و ئه‌ركه‌ هێڵدراونه‌ته‌وه‌ له‌سه‌ر كورسی ده‌سه‌ڵات؛ كه‌ (ژیان، شكۆ، ئایین، بژێوی، په‌روه‌رده‌، مرۆڤبون، بیركردنه‌وه‌ و هۆشیاری، ئازایه‌تی و هه‌ڵوێست، ته‌ندروستی، زمان، خۆشگوزه‌رانی)ی تاكبه‌تاكمان وردوخاش بكه‌ن. ئاماژه‌ی به‌وه‌شكردوه‌، "هیوامان ده‌خواست؛ هه‌موان پێكه‌وه‌ و ده‌ست له‌ناوده‌ست (له‌پێناو دین و ژینمان)، یه‌كمانبگرتایه‌ و نه‌سره‌وتینایه‌، تا یه‌ك به‌یه‌كی سه‌رانی ده‌سه‌ڵاتی تاڵانكارمان، دادگایی ده‌كرد له‌سه‌ر گشت كاره‌ چه‌په‌ڵه‌كانیان و له‌ كونجی زیندان ده‌مانڕزاندن، به‌ڵام به‌داخه‌وه‌ كه‌سانی ناهۆشیار و به‌رژه‌وه‌ندی په‌رست و ترسنۆك و كۆیله‌ و بێده‌ماغ، ڕێگرن له‌ به‌دیهاتنی ئه‌م هیواشادیهێنه‌ی ئێمه‌دا. ئه‌وه‌شیختۆته‌ڕو، ئێمه‌ پێمانوایه‌ ده‌نگ كردن دژ به‌ سته‌م و نادادی و ده‌نگهه‌ڵبرین بۆ مافه‌كان ئه‌گه‌ر له‌ ساڵێكدا، یه‌ك ڕۆژیش بێت، باشتر و سه‌ربه‌رزانه‌تره‌، له‌وه‌ی ته‌واوی ساڵه‌كه‌، به‌ بێده‌نگی و ملكه‌چی و زه‌لیلی به‌ڕێبكه‌ین. ئه‌وه‌شی ئاشكراكردوه‌، له‌ رۆژی یه‌كشه‌ممه‌ 1ی (كانونی یه‌كه‌م)ی 2024ه‌وه‌ بایكۆتی هۆڵه‌كانی خوێندن ده‌كه‌ین، هاوكات هانی ئه‌و مامۆستا و فه‌رمانبه‌رانه‌یش ده‌ده‌ین، كه‌ له‌ژێر چه‌پۆكی پڕ له‌نه‌فره‌تی حوكمڕانیی ئه‌م دزانه‌دا ژیان ده‌كه‌ن، هاوهه‌ڵویستبن له‌گه‌ڵمان.

- شاندێكی پارتی دیموكراتی كوردستان سەردانی بزوتنەوەی گۆڕانیان کرد. - سەردانەكە بۆ مەبەستی پێک هێنانی کابینەی نۆیەمی حکومەتى هەرێمی كوردستانە. ئامادەکردنی: هاوڵاتی ئێوارەی ئەمڕۆ چوارشەممە شاندێكی پارتی دیموكراتی كوردستان كە پێكهاتبوون لە دڵشاد شەهاب ڕاوێژکاری سەرۆکی هەرێم و پشتوان سادق بەرپرسی مەکتەبی ڕێکخستن لەهەولێر وهۆشیار زێباری سەرۆکی دانوستکاری پارتی سەردانی بزوتنەوەی گۆڕانیان کرد. پەیامنێری هاوڵاتی ئاشكرای كرد شاندەكەی پارتی لەلایەن دانا ئەحمەد مەجید پێشوازیان لێکرا و سەردانەكە بۆ مەبەستی پێک هێنانی کابینەی نۆیەمی حکومەتى هەرێمی كوردستانە. ئەمڕۆ دڵشاد شەهاب ئەندامی شاندی دانوستاندنی پارتی رایگەیاند دەست بە سەردانەکانیان دەکەن و بەبێ جیاوازی سەردانی هەموو لایەنەکان دەکەن.    

- ئەمریكا هەوڵدەدات بۆ گه‌یشتن به‌ ئاگربه‌ست له‌ غه‌ززه‌ و ئازادكردنی بارمته‌كان و كۆتاییهێنان به‌ شه‌ڕه‌كه. -‌ ئه‌مریكا له‌ ڕۆژی چوارشه‌ممه‌وه‌ هه‌وڵه‌ نوێیه‌كانی بۆ گه‌یشتن به‌ ئاگربه‌ست له‌ كه‌رتی غه‌ززه‌ ده‌ستپێده‌كات. ئامادەکردنی: هاوڵاتی جۆ بایدن سه‌رۆكی ئه‌مریكا ڕایگه‌یاند، واشنتن هه‌مو هه‌وڵێك ده‌دات له‌گه‌ڵ ناوبژیوانان بۆ گه‌یشتن به‌ ئاگربه‌ست له‌ غه‌ززه‌ و كۆتاییهێنان به‌ شه‌ڕه‌كه‌ به‌بێ ئه‌وه‌ی حه‌ماس له‌ ده‌سه‌ڵاتدا بێت. جۆ بایدن له‌سه‌ر پلاتفۆرمی ئێكس نوسیویه‌تی، له‌ ڕۆژانی داهاتودا ئه‌مریكا هه‌وڵێكی دیكه‌ ده‌دات له‌گه‌ڵ توركیا و میسر و قه‌ته‌ر و ئیسرائیل و ئه‌وانی دیكه‌ بۆ گه‌یشتن به‌ ئاگربه‌ست له‌ غه‌ززه‌ و ئازادكردنی بارمته‌كان و كۆتاییهێنان به‌ شه‌ڕه‌كه‌ به‌بێ ئه‌وه‌ی حه‌ماس له‌ ده‌سه‌ڵاتدا بێت. لای خۆیه‌وه‌ جه‌یك سولیڤان ڕاوێژكاری ئاسایشی نیشتمانی كۆشكی سپی ڕایگه‌یاند، ئه‌مریكا له‌ ڕۆژی چوارشه‌ممه‌وه‌ هه‌وڵه‌ نوێیه‌كانی بۆ گه‌یشتن به‌ ئاگربه‌ست له‌ كه‌رتی غه‌ززه‌ ده‌ستپێده‌كات. جه‌یك سولیڤان له‌ چاوپێكه‌وتنێكدا له‌گه‌ڵ كه‌ناڵی MSNBC ڕایگه‌یاند، سه‌رۆك بایدن به‌نیازه‌ ده‌ست به‌ ئه‌م كاره‌ بكات له‌ ڕێگه‌ی نێردراوانه‌وه‌ كه‌ په‌یوه‌ندی له‌گه‌ڵ توركیا و قه‌ته‌ر و میسر و ئه‌كته‌ره‌كانی دیكه‌ی ناوچه‌كه‌دا ده‌كه‌ن. دوای ئه‌وه‌ی ئاگربه‌ستی نێوان ئیسرائیل و حزبوڵا له‌ لوبنان كه‌وته‌ بواری جێبه‌جێكردنه‌وه‌، بزوتنه‌وه‌ی حه‌ماس ڕایگه‌یاند، پابه‌ندن به‌ هاوكاریكردن له‌گه‌ڵ هه‌ر هه‌وڵێكی ئاگربه‌ست له‌ كه‌رتی غه‌ززه‌.  

- ئەمریكا هەوڵدەدات بۆ گه‌یشتن به‌ ئاگربه‌ست له‌ غه‌ززه‌ و ئازادكردنی بارمته‌كان و كۆتاییهێنان به‌ شه‌ڕه‌كه. -‌ ئه‌مریكا له‌ ڕۆژی چوارشه‌ممه‌وه‌ هه‌وڵه‌ نوێیه‌كانی بۆ گه‌یشتن به‌ ئاگربه‌ست له‌ كه‌رتی غه‌ززه‌ ده‌ستپێده‌كات. ئامادەکردنی: هاوڵاتی جۆ بایدن سه‌رۆكی ئه‌مریكا ڕایگه‌یاند، واشنتن هه‌مو هه‌وڵێك ده‌دات له‌گه‌ڵ ناوبژیوانان بۆ گه‌یشتن به‌ ئاگربه‌ست له‌ غه‌ززه‌ و كۆتاییهێنان به‌ شه‌ڕه‌كه‌ به‌بێ ئه‌وه‌ی حه‌ماس له‌ ده‌سه‌ڵاتدا بێت. جۆ بایدن له‌سه‌ر پلاتفۆرمی ئێكس نوسیویه‌تی، له‌ ڕۆژانی داهاتودا ئه‌مریكا هه‌وڵێكی دیكه‌ ده‌دات له‌گه‌ڵ توركیا و میسر و قه‌ته‌ر و ئیسرائیل و ئه‌وانی دیكه‌ بۆ گه‌یشتن به‌ ئاگربه‌ست له‌ غه‌ززه‌ و ئازادكردنی بارمته‌كان و كۆتاییهێنان به‌ شه‌ڕه‌كه‌ به‌بێ ئه‌وه‌ی حه‌ماس له‌ ده‌سه‌ڵاتدا بێت. لای خۆیه‌وه‌ جه‌یك سولیڤان ڕاوێژكاری ئاسایشی نیشتمانی كۆشكی سپی ڕایگه‌یاند، ئه‌مریكا له‌ ڕۆژی چوارشه‌ممه‌وه‌ هه‌وڵه‌ نوێیه‌كانی بۆ گه‌یشتن به‌ ئاگربه‌ست له‌ كه‌رتی غه‌ززه‌ ده‌ستپێده‌كات. جه‌یك سولیڤان له‌ چاوپێكه‌وتنێكدا له‌گه‌ڵ كه‌ناڵی MSNBC ڕایگه‌یاند، سه‌رۆك بایدن به‌نیازه‌ ده‌ست به‌ ئه‌م كاره‌ بكات له‌ ڕێگه‌ی نێردراوانه‌وه‌ كه‌ په‌یوه‌ندی له‌گه‌ڵ توركیا و قه‌ته‌ر و میسر و ئه‌كته‌ره‌كانی دیكه‌ی ناوچه‌كه‌دا ده‌كه‌ن. دوای ئه‌وه‌ی ئاگربه‌ستی نێوان ئیسرائیل و حزبوڵا له‌ لوبنان كه‌وته‌ بواری جێبه‌جێكردنه‌وه‌، بزوتنه‌وه‌ی حه‌ماس ڕایگه‌یاند، پابه‌ندن به‌ هاوكاریكردن له‌گه‌ڵ هه‌ر هه‌وڵێكی ئاگربه‌ست له‌ كه‌رتی غه‌ززه‌.  

هاوڵاتی - داوا لە سودانى دەکەن رێوشوێنی داننان بە زانکۆی گەرمیان لەلایەن وەزارەتی خوێندنی باڵای عێراقەوە تەواو بکرێ. - یاداشتەکە هەریەک لە سەرۆکی فراکسیۆنەکانی یەکێتی و پارتی و نەوەی نوێ، یەکگرتوو و کۆمەڵ ئیمزایان لەسەری کردووە. -هەڵمەتەکە بەردەوامە تا زۆرترین ئیمزای پشتیوانی پەرلەمانتارانی عێراقی بۆ کۆدەکرێتەوە.   سەرۆکی فراکسیۆنە کوردییەکان لە پەرلەمانی عێراق داوا لە محەمەد شیاع سودانی سەرۆك وەزیرانی عێراق دەكەن بەفەرمی ڕێکارەکانی داننان بە زانکۆی گەرمیان تەواو بکات. بەپێی یاداشتێكی ڕەسمی سەرۆکی پێنج فراکسیۆنی کوردستانی و ژمارەیەک پەرلەمانتاری عێراق لەنووسراوێکدا داوا لە سەرۆکی ئەنجومەنی وەزیرانی عێراق دەکەن، کە رێوشوێنی داننان بە زانکۆی گەرمیان لەلایەن وەزارەتی خوێندنی باڵای عێراقەوە تەواو بکرێ. ئاماژەی بەوەشداوە، هەڵمەتێکی کۆکردنەوەی ئیمزای پشتیوانی سەرۆکی فراکسیۆن و پەرلەمانتارانی عێراقی دەست پێکردوە بۆئەوەی حکومەتی عێراق دان بەزانکۆی گەرمیان بنێت. یاداشتەکە هەریەک لە سەرۆکی فراکسیۆنەکانی یەکێتی و پارتی و نەوەی نوێ، یەکگرتوو و کۆمەڵ ئیمزایان لەسەری کردووە، هەروەها ژمارەیەک پەرلەمانتاری عێراق ئیمزایان کردوەو هەڵمەتەکە بەردەوامە تا زۆرترین ئیمزای پشتیوانی پەرلەمانتارانی عێراقی بۆ کۆدەکرێتەوەو دواتر ئاراستەی سەرۆک وەزیرانی عێراق دەکرێ.

  - فێستیڤاڵی گەلاوێژ بە رەسمی دواخراوە و لە ئایندەیەكی نزیكدا وادەی سازكردنی فێستیڤاڵ ئاشكرا دەكرێت. - بەرپرسیارێتی هیچ بۆنە‌و چالاكیەك لە ئەستۆ ناگرین كە بەبێ هیچ ماف و شەرعیەتێك بەناوی بنكەوە سازبدرێت. - بڕیاریاندا لە  فێستیڤاڵەكەدا خەڵاتێكی ساڵانە دابنرێت بە ناوی (خەڵاتی ساڵانەی سامی هادی بۆ داهێنان).   دەستەی باڵای فێستیڤاڵی گەلاوێژ بە سەرپەرشتی مەلا بەختیار كۆبونەوەیەكی ئەنجامدا و تێیدا بڕیاردرا بە دواخستی 27مین فیستیڤاڵی گەلاوێژ. دەستەكه ئەمڕۆ چوارشەممە لە ڕاگەیەندراوێكدا بڵاویكردەوە، بە سەرپەرشتی مەلا بەختیار، سەرپەرشتیاری تۆڕی ناوەندی رۆشنگەری چاودێر و دەستەی باڵای ناوەندی رۆشنگەری چاودێر و فێستیڤاڵی گەلاوێژ، كۆبوەوە و تاوتوێی بەرنامەی كاری داهاتوی تۆڕەكەی كرد. مەلا بەختیار لە كۆبونەوەكەدا ڕایگەیاند، لە ماوەی زیاتر لە چارەكە سەدەی رابردو، بنكەی روناكبیری گەلاوێژ 26 فێستیڤاڵی سازكردوە و لە 25 فێستیڤاڵیشەوە، ئەم بۆنە ئەدەبی و ڕوناكبیرییە، هەنگاوێكی گەورەی نا و بو بە فێستیڤاڵێكی نێودەوڵەتی. ئاماژەی بەوەشكرد، مەخابن، لەكاتێكدا سەرگەرمی ئامادەكارى بوین بۆ 27مین فێستیڤاڵ، دۆخێكی ناهەموار بەسەر تەواوی تۆڕی ناوەندی رۆشنگەری چاودێردا هات، كە بنكەی ڕوناكبیری گەلاوێژ، یەكێكە لە ئۆرگانەكانی ئەو تۆڕە، بەو هۆیەشەوە، بارەگا و بەشێكی زۆر لە كەلوپەلەكانی گەلاوێژیش دەستیبەسەردا گیرا. مەلا بەختیار باسی لەوەشكرد، ئێمە لە تۆڕی ناوەندی رۆشنگەری چاودێر ‌و بنكەی ڕوناكبیری گەلاوێژ، بەرپرسیارێتی هیچ بۆنە‌و چالاكیەك لە ئەستۆ ناگرین كە بەبێ هیچ ماف و شەرعیەتێك بەناوی بنكەوە سازبدرێت، هەروەک دەسبەرداری مافی یاسایی خۆشمان نابین و رێچكەی یاسایی دەگرینە بەر بۆ پارێزگاری لە ناو و ناوبانگ و شكۆی بنكە و فێستیڤاڵی گەلاوێژ. لە كۆبونەوەكەدا، دەستەی باڵای سەرپەرشتی تۆڕی ناوەندی رۆشنگەریی چاودێر، جەختی لەوەشكردەوە، بە هۆی ئەو بارە ناهەموارە و وەك بەرپرسیارێتیەكی پیشەیی ‌و ئەخلاقی بەرامبەر بە رەوت و سەنگ و دەسكەوتەكانی گەلاوێژ، بڕیارمان دا بە دواخستنی (27)ەمین فێستیڤاڵ، لێرەشەوە رایدەگەیەنین، ئێمە بەرپرسیارێتی تەواوی 26 فێستیڤاڵی رابردو، دەگرینە ئەستۆ‌و بە ڕێز و شانازیەوە لەو دەسكەوت و پێشكەوتنانە دەڕوانین كە فێستیڤاڵ و تۆڕی ناوەندی رۆشنگەری چاودێر بەدەستیان هێناوە لە چارەكە سەدەی رابردودا. هەروەها دەشڵێت، "دامەزراندنی بنكە و سازدانی یەكەمین فێستیڤاڵ، لە ساتەوەختێكدا بوو، كە تاكە دەنگێك لە كوردستان، دەنگی چەك ‌و تاكە ڕەنگیش ڕەنگی خوێن بوو، بەڵام گەلاوێژ وەك دەنگ و ڕەنگێكی جیاواز، توانی نائومێدی بڕەوێنێتەوە و رێچكەیەكی گرنگ بگرێتە بەر، كە بەرهەمەكەی هەڵكەوتنی دەیان و سەدان قەڵەمی بەبڕشت و جوانبەخشە. ئاماژەی بەوەش كرد، گشت نوسەران و روناكبیران، دۆستانی گەلاوێژ ئاگادار دەكەینەوە، 27مین فێستیڤاڵی گەلاوێژ بە رەسمی دواخراوە و لە ئایندەیەكی نزیكدا وادەی سازكردنی فێستیڤاڵ ئاشكرا دەكرێت. هەر لەو كۆبونەوەیەدا مەلا بەختیار و دەستەی باڵای ناوەندی رۆشنگەری چاودێر، بڕیاریان دا لە  فێستیڤاڵەكەدا، خەڵاتێكی ساڵانە دابنرێت بە ناوی (خەڵاتی ساڵانەی سامی هادی بۆ داهێنان)، بۆ زیندو هێشتنەوەی یاد و كارەكانی شادڕەوان سامی هادی كە لە 26 فێستیڤاڵی رابردو رۆڵی باڵای لە فێستیڤاڵدا هەبوو.  

  - سبەینێ شەشەمین پێشانگای نێودەوڵەتی كتێب بە بەشداریی زیاتر لە ٢٠٠ كۆمپانیای ناوخۆیی و بیانی لە سلێمانی دەكرێتەوە. - كۆمپانیاكان لە ١٢ وڵاتی جیاوازەوە بە هەزاران ناونیشانی نوێ، بەشداری لە پێشانگاكەدا دەكەن.   ساڵانە لە شاری سلێمانی پێشانگای كتێب دەكرێتەوە و ژمارەیەكی زۆر لە هاوڵاتیان و ڕۆشنبیرانی كوردستان و شارە جیاوازەكانی باشووری كوردستان سەردانی دەكەن. بڕیارە سبەینێ شەشەمین خولی پێشانگای نێودەوڵەتی كتێب بە بەشداریی زیاتر لە ٢٠٠ كۆمپانیای ناوخۆیی و بیانی و ١٢ وڵاتی جیاواز لە شاری سلێمانی بكرێتەوە. پێشانگاكه بە سەرپەرشتی لەتیف ڕەشید سەرۆك كۆماری عێراق و وەزارەتی ڕۆشنبیریی حكومەتی هەرێمی كوردستان و بە بەشداری زیاتر لە ٢٠٠ كۆمپانیای ناوخۆيی و بیانی دەكرێتەوە. بەپێی زانیاریەكان كۆمپانیاكان لە ١٢ وڵاتی جیاوازەوە بە هەزاران ناونیشانی نوێ، بەشداری لە پێشانگاكەدا دەكەن و بۆ ماوەی هەفتەیەك بەردەوام دەبێت و بۆ یەكەمجار زانكۆكانی هەرێمی كوردستان لەوانەش (زانكۆی سلێمانی، زانكۆی كۆمار و زانكۆی ئەمریكی) لە پێشانگاكەدا چالاكییان دەبێت و كتێبخانەی زانكۆی سلێمانیش كتێبەكانی لەو پێشانگەیەدا نمایش دەكات.

  -لیژنەی باڵای دیاریکردنی نرخی کارەباى کۆمەڵگاکانى نیشتەجێبون نرخی کیلۆواتی کارەبای موەلیدەی بۆ مانگی (تشرینی دوەم) دیاریکرد. - نرخی کارەبای موەلیدە بۆ کۆمەڵگاکانى نیشتەجێبون (ستییەکان) لە مانگی (تشرینی دوەم)، بریتییە لە (260) دینار بۆ هەر کیلۆواتێک.   بەڕێوەبەرایەتی گشتی کارەبای سلێمانی ڕایگەیاند، نرخی کارەبای موەلیدە بۆ کۆمەڵگاکانى نیشتەجێبون (ستییەکان) لە مانگی (تشرینی دوەم)، بریتییە لە (260) دینار بۆ هەر کیلۆواتێک، ئەوەش لەسەر بنەمای نرخی گازوایل لە بازاڕ و ئەو توێژینەوەیەی بۆ خەرجی موەلیدەی ستییەکان كراوە، ئەو نرخە دیاریكراوە.   بەڕێوەبەرایەتیەكە لە ڕاگەیەندراوێكدا بڵاویكردەوە، لیژنەی باڵای دیاریکردنی نرخی کارەباى کۆمەڵگاکانى نیشتەجێبون، ئەمڕۆ کۆبونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی (تشرینی دوەم) دیاریکرد، کە بریتییە لە (260) دینار بۆ هەر کیلۆواتێک. ئاماژەی بەوەشكرد، بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە، نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە بریتییە لە (260) دینار. بەگوێرەی راگەیەندراوەكەی بەڕێوەبەرایەتی گشتی کارەبای سلێمانی، نرخى کیلۆواتێک کارەباى موەلیدەى ستییەکان بۆ مانگی (ئەیلول)ی ئەمساڵ بریتی بوە لە (253) دینار.

  - هەموو لایەنەکان ئامادەییان نیشانداوە بۆ پێکهێنانی حکومەت و مەرجی پێشوەختەشیان نییە. - ئامانجی ئەوان حکومەتێکی بەهێزی سەرتاسەرییە.   دڵشاد شەهاب ئەندامی شاندی دانوستاندنی پارتی رایگەیاند دەست بە سەردانەکانیان دەکەن و بەبێ جیاوازی سەردانی هەموو لایەنەکان دەکەن.  دڵشاد شەهاب لە كۆنگرەیەكی رۆژنامەوانیدا ڕایگەیاند هەموو لایەنەکان ئامادەییان نیشانداوە بۆ پێکهێنانی حکومەت و مەرجی پێشوەختەشیان نییە. وتيشى: پارتی حکومەتێکی بەهێز و سەرتاسەری دەوێت کە هاوبەشییەکی بەهێز بێت، بۆئەوەی بەیەکەوە بەرگەی ئاڵنگارییەکانی ناوچەکە بگرین و لە ئاست ویست و داخوازییەکانی خەڵک بین. ئاماژەی بەوەشکرد، پەیامیان بۆ هەموو لایەنەکان ناردووە، ئەوەی ئەمڕۆ پێڕانەگەین رۆژانی داهاتوو پەیامی خۆمانیان پێدەگەیێنین، رەنگە ئەمڕۆ نەتوانین سەردانی مەکتەبی سیاسیی یەکێتی بکەین لەبەر ئامادەنەبوونی شاندەکەیان، بەڵام هیچ جیاوازی لەنێوان لایەنەکان ناکەین. رۆژی سێشەممە، 26ی تشرینی دووەمی 2024 دڵشاد شەهاب، وتەبێژی سەرۆکایەتی هەرێمی کوردستان لە کۆنفڕانسێکی رۆژنامەوانیدا رایگەیاند، ئەمڕۆ نێچیرڤان بارزانی، سەرۆکی هەرێمی کوردستان فەرمانی هەرێمی ژمارە 417ـی ساڵی 2024 دەرکرد؛ بۆ ئەوەی رۆژی دووشەممە، 02-12-2024 کاتژمێر 11:00ـی پێش نیوەڕۆ یەکەم دانیشتنی خولی شەشەمی پەرلەمانی کوردستان بەڕێوەبچێت، ئەم فەرمانەش لە رێکەوتی دەرچوونی جێبەجێ دەکرێت و لە رۆژنامەی وەقایعی کوردستان بڵاودەکرێتەوە.

- ئاسمان ساماڵ و سارد دەبێت، پلەکانی گەرما لەکاتەکانی بەیانی بە چەند پلەیەک نزمدەبێتەوە. - ناوچە شاخاوییە بەرزەکان و سنورییەکان ئەگەری کەمێک بەفری دەبێت. ئامادەکردنی: هاوڵاتی به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم كه‌شی پێشبینیكراوی 48 كاتژمێری داهاتوی راگه‌یاند و به‌پێی پێشبینیه‌كانیش، تا کاتەکانی دوای نیوەڕۆی ئەمڕۆ ئەگەری باران بارینی پچڕ پچڕی هەیە، پاشان ئێوارە کەشەکە جێگیر دەبێت و پلەکانی گەرما لەکاتەکانی بەیانی بە چەند پلەیەک نزم دەبێتەوە. به‌ڕێوه‌به‌رایه‌تیەكە له‌ڕاگه‌یه‌ندراوێكدا بڵاویكرده‌وه‌، ئه‌مڕۆ چوار شەممە  ئاسمان بەگشتی نیمچە هەور دەبێت، ناوچە شاخاوییە بەرزەکان و سنورییەکان ئەگەری کەمێک بەفری دەبێت سەنتەری پارێزگاکان و سەرجەم ناوچە جیا جیاکانی دیكە تا کاتەکانی دوای نیوەڕۆ ئەگەری باران بارینی پچڕ پچڕی هەیە، لە کاتەکانی ئێوارە کەشەکە جێگیر دەبێت و کاریگەری ئەم شەپۆڵە باران بارینەی روی لەناوچەکە کردبو کۆتای دێت، ئاسمان بۆ ساماڵ دەگۆرێت، و پلەکانی گەرما  نزمدەبێتەوە لە تۆمارکراوەکانى دوێنێ .  ئاماژەی بەوەشكرد، سبەی پێنجشەممە ئاسمان ساماڵ و سارد دەبێت، پلەکانی گەرما لەکاتەکانی بەیانی بە چەند پلەیەک نزمدەبێتەوە، لە ناوچە شاخاوییەکان بۆ سفر پلەی سیلیزی یان بۆ ژێر سفر پلەی سیلیزی دادەبەزێت، هەروەها بەرزترین پلە کەمێک بەرز دەبێتەوە بەراورد بە تۆمارکراوەکانى ئەمڕۆ. بەرزترین پلەکانی گەرمای پێشبینیکراو بە پلەی سیلیزی : هەولێر     : 13 پلەى سیلیزى سلێمانی  : 11 پلەى سیلیزى دهۆک     : 10 پلەى سیلیزى کەرکوک  : 17 پلەى سیلیزى هەڵەبجە : 12  پلەى سیلیزى زاخۆ      : 12 پلەى سیلیزى حاجی ئۆمەران : 2 پلەى سیلیزى سۆران    :  10 پلەى سیلیزى گەرمیان  :   20 پلەى سیلیزى

- له‌ دوای رێككه‌وتنی ئاگربه‌ست له‌ نێوان ئیسرائیل و حزبوڵای لوبنان كۆچی پێچه‌وانه‌ به‌ره‌و لوبنان ده‌ستیپێكرد. - سوپای ئه‌و وڵاته‌ و سوپای ئيسرائيل داوايان لە هاوڵاتیانی وڵاته‌كه‌ کرد ئارامبگرن لە گەڕانەوەیان. ئامادەکردنی: هاوڵاتی له‌ دوای رێككه‌وتنی ئاگربه‌ست له‌ نێوان ئیسرائیل و حزبوڵای لوبنان كۆچی پێچه‌وانه‌ به‌ره‌و لوبنان ده‌ستیپێكرد، سوپای ئه‌و وڵاته‌ و سوپای ئيسرائيل داوايان لە هاوڵاتیانی وڵاته‌كه‌ کرد ئارامبگرن لە گەڕانەوەیان بۆ ئەو گوند و شارۆچکە و ناوچانه‌ی کە هێزەکانی سوپای ئیسرائیل هاتونەتە ناویەوە، چاوەڕوانی کشانەوەی خۆیان بن بەپێی ڕێککەوتنی ئاگربەست. سوپای لوبنان ئەمڕۆ چوارشەممە لە بەیاننامەیەکدا ڕایگەیاند، لەگەڵ چونە بواری جێبەجێکردنی ئاگربەست، سوپا کاردەکات بۆ گرتنەبەری ڕێوشوێنی پێویست بۆ تەواوکردنی جێگیرکردن لە باشور بەگوێرەی ئەرکی حکومەتی لوبنان، هەروەها بۆ جێبەجێکردنی ئەرکەکانی بە هەماهەنگی لەگەڵ هێزی کاتی نەتەوە یەکگرتوەکان لە لوبنان (یونیفیل) لە چوارچێوەی بڕیارنامەی 1701. سوپای لوبنان جەختیكرده‌وه‌ لە گرنگی پابەندبونی گەلی لوبنان بە ڕێنماییەکانی ئەو یەکە سەربازییانەی کە لە ناوچەکەدا جێگیرکراون، بە مەبەستی پاراستنی سەلامەتی خۆیان، داوای لەو خێزانانە کرد کە دەگەڕێنەوە ناوچەکانی دیکە، وریابن لە بۆمبی و تەقەمەنی نەتەقێنراو و کەلوپەلی گوماناوی کە لەلایەن ئیسرائیلییەکانەوە بەجێماوە. کاتژمێر 4:00ی به‌ره‌بەیانی ئه‌مڕۆ چوارشەممە بە کاتی لوبنان، ڕێککەوتنی ئاگربەستی نێوان حزبوڵای لوبنان و ئیسرائیل کەوتە بواری جێبەجێکردنەوە، دوای زیاتر لە ساڵێک شەڕی نێوان هەردولا، سوپای ئیسرائیلیش لە بەیاننامەیەكدا داوای لە هاوڵاتیانی لوبنان كرد كە ئاوارەبوون ئارام بگرن و پەلە نەكەن لەگەڕانەوە بۆ ناوچەكانیان.

- فشاری ئەمریکا بۆ ئیسڕائیل ڕێگربوە هێرش بکاتە سەر عێراق. - ئەمریکا نایەوێت جەنگەکە لەوە زیاتر فراوان ببێت. - بەرژەوەندی زۆری ئەمریکا لە عێراق وایكردوه‌ رێگربێت له‌ ئه‌نجامدانی هێرش بۆ سه‌ر عێراق له‌لایه‌ن ئیسرائیله‌وه‌. ئامادەکردنی: هاوڵاتی جەبار یاوەر شارەزای کاروباری سەربازی ڕایگه‌یاند، لە دوای شەڕی غەززە لە هەر وڵاتێکەوە هێرش کرابێتە سەر ئیسرائیل، ئیسرائیل هێرشی کردوەتە سەر ئەو وڵاتە، وەک لوبنان و یەمەن و سوریا، بەڵام فشاری ئەمریکا بۆ ئیسڕائیل ڕێگربوە هێرش بکاتە سەر عێراق. جەبار یاوەر له‌باره‌ی هه‌ڕه‌شه‌كانی ئیسرائیل بۆ هێرشكردنه‌ سه‌ر عێراق به‌ ده‌نگی ئه‌مریكای ڕاگه‌یاند، عێراق هەوڵدەدات خۆی دوربخاتەوە و تێوەنەگلێت لەو شەڕەی کە هەیە، بەپێی بەدواداچونەکانی خۆم بۆ هەواڵەکان، لەم چەند ڕۆژەی ڕابردو دوای نامە هەڕەشە ئامێزەکەی ئیسڕائیل هەست بەجۆرێک لە کپبونی ئەو گروپە چەکدارانەی عێراق دەکرێت کە ڕۆژانە هێرشیان دەکردە سەر ئامانجە ئیسڕائیلییەکان، بۆیە عێراق دەیەوێت لە ڕەگای دیپلۆماسیەوە هەڕەشەکان لەخۆی دوربخاتەوە".  ئاماژه‌ی به‌وه‌شكردوه‌، بونی هاوپەیمانی نێودەوڵەتی دژ بە داعش، فشاری ئەمریکا هەتائێستا ڕێگربوە لەوەی ئیسرائیل هێرش بکاتە سەر عێراق، چونکە دەبینین لە دوای شەڕی غەززە لە هەر وڵاتێکەوە هێرش کرابێتە سەر ئیسرائیل، ئیسرائیل هێرشی کردوەتە سەر ئەو وڵاتە، وەک لوبنان و یەمەن و سوریا، بەڵام فشاری ئەمریکا بۆ ئیسڕائیل ڕێگربوە هێرش بکاتە سەر عێراق. به‌بڕوای جەبار یاوەر، "ئەمریکا نایەوێت جەنگەکە لەوە زیاتر فراوان ببێت، هه‌روه‌ها بونی بەرژەوەندی زۆری ئەمریکا لە عێراق" وایكردوه‌ رێگربێت له‌ ئه‌نجامدانی هێرش بۆ سه‌ر عێراق له‌لایه‌ن ئیسرائیله‌وه‌. ئه‌وه‌شی خستوه‌ته‌ڕو، "عێراق ناتوانێت بەرپەرچی هیچ هێرشێکی ئیسڕائیل بداتەوە، نەدەتوانێت ئاسمانی عێراق بپارێزێت لە هاتنی هەر فڕۆکەیەکی ئیسڕائیل نەدەشتوانێت هێرش بکاتە سەر ئیسڕائیل وەک وەڵامدانەوە لە حاڵەتی هێرشی ئیسڕائیل".  

- ئەنجوومەنی وەزیرانی هەرێمی کوردستان ئەمڕۆ كۆبونەوەی ئاسایی خۆی ئەنجامدەدات و گفتوگۆ لەبارەی دو پرسەوە دەكرێت. - بریتین لە پڕۆسەی سەرژمێری گشتی دانیشتوان و پێدانی پارە بەشێوەی قیست لەلایەن زیادەڕۆكارانەوە. ئامادەکردنی: هاوڵاتی ئەنجوومەنی وەزیرانی هەرێمی کوردستان بڕیارە ئەمڕۆ كۆبونەوەی ئاسایی خۆی ئەنجامبدات و گفتوگۆ لەبارەی دو پرسەوە دەكرێت كە بریتین لە پڕۆسەی سەرژمێری گشتی دانیشتوان و پێدانی پارە بەشێوەی قیست لەلایەن زیادەڕۆكارانەوە. حكومەتی هەرێم لە بەیاننامەیەكدا بڵاویكردەوە ئەنجومەنی وەزیرانی هەرێمی کوردستان ئەمڕۆ چوارشەممە بە سەرۆكایەتی مەسرور بارزانی كۆببێتەوە و چەند تەوەرێك تاوتوێ دەكات لەوانە  خستنەڕوی ڕاپۆرتێکە لەلایەن وەزیری پلاندانان سەبارەت بە بەڕێوەچونی قۆناغی یەکەمی سەرژمێریی گشتیی دانیشتوان كه‌ لە ڕۆژانی 20 بۆ 21 ئەم مانگە لە عێراق و هەرێمی كوردستان به‌ڕێوه‌چو و هه‌روه‌ها قۆناغ و هەنگاوەكانی دیكەی پرۆسەكه‌ ده‌خرێته‌ به‌رباس و گفتوگۆكردن.  رونیشیكردەوە تەوەرێكی دیكەی كۆبونەوە بریتیە لە، پرۆژە بڕیارێكی پێشنیازكراو لەلایەن وەزارەتی شارەوانی و گەشتوگوزارەوە ده‌خرێته‌ڕو سەبارەت بە پاژەكردن یان (پێدان بە قیست)ی ئەو بڕە پارەیەی كە لە زیادەڕۆكار وەردەگیرێت كە بە زێدەڕۆیی خانووی نیشتەجێبونی لە سنوری شارەوانییەكان دروست كردوە.

- شەپۆلى بارانبارین تا نێوە شەو لە سەرجەم ناوچەکانى هەرێم بەردەوام بێت. - نمە باران و بەفر بارین بە شێوەى بچڕ بچڕ بەردەوام دەبێت تا سبەى بەیانى ڕۆژى چوارشەممە. ئامادەکردنی: هاوڵاتی بەڕێوەبەرایەتی كەشناسی و بومەلەرزەزانی هەرێم پێشبینیكرد ئەو شەپۆلە باران بارینەى کە ئەم ئێوارەیە دەستى پێکرد، تا نێوە شەو لە سەرجەم ناوچەکانى هەرێم بەردەوام بێت. بەڕێوەبەرایەتیەكە، ئەمشەو لە ڕاگەیەندراوێكدا بڵاویكردەوە، پێشبینى دەکرێت ئەو شەپۆلە باران بارینەى کە ئەم ئێوارەیە دەستى پێکرد لە سەرجەم ناوچەکانى هەرێم بەردەوام بێت بە شێوەى نمە باران و هەندێکات دەگۆڕێت بۆ بارانى مام ناوەند لە ناوچەى جیا جیا تا نێوە شەو. ئاماژەی بەوەشكرد، دوای نیوەشەو شەپۆلەكە لە سەنتەرى شارەکان کۆتایی دێت، بەڵام لە ناوچە شاخاویەکان نمە باران و بەفر بارین بە شێوەى بچڕ بچڕ  بەردەوام دەبێت تا سبەى بەیانى ڕۆژى چوارشەممە و دواتر شەپۆلەكە كۆتایی دێت. بڕی بارانى 12 کاتژمێرى ڕابردووى هەندێک لە ناوچەکانى هەرێم: هەولێر 6.6 ملم  شەمامک 6.6 ملم خەبات 9.4 ملم پیرمام 9.0 ملم سلێمانى 6.1 ملم چەمچەماڵ 10.2 ملم دهۆک 7.8 ملم زاخۆ 5.8 ملم ئاکرێ 8.4 ملم بامەرنێ 4.6 ملم مانگیش 9.4 ملم بارزان 6.2 ملم بازیان 9.4 ملم دەربەندیخان 1.4 ملم حاجى ئۆمەران 0.8 ملم سۆران 11.0 ملم هەڵەبجە 4.4 ملم هەڵشۆ 12.8 ملم کەلار 0.2 ملم مەیدان 0.4 ملم پێنجوێن 5.0 ملم مێرگەسور 4.2 ملم سیدەکان 6.6 ملم چۆمان 8.4 ملم کەرکووک 2.8 ملم دووز خورماتوو 5.4 ملم