.jpeg)
نێچيرڤان بارزانى: داعش هێشتا مه‌ترسييه‌كى ڕاسته‌قينه‌يه
20 كاتژمێر لەمەوپێش
نێچيرڤان بارزانى، سه‌رۆكى هه‌رێمى كوردستان و جه‌نه‌راڵ كيڤن لامبێرد، فه‌رمانده‌ى هێزه‌كانى هاوپه‌يمانان له عێراق و سووريا، دووپاتی ئەوە دەکەنەوە، داعش هێشتا مەترسییەکی ڕاستەقینەیە.
ئه‌مڕۆ پێنجشه‌ممە 31ێ تەممووزی 2025، نێچيرڤان بارزانى، سه‌رۆكى هه‌رێمى كوردستان، پێشوازیى له جه‌نه‌راڵ كيڤن لامبێرد، فه‌رمانده‌ى هێزه‌كانى هاوپه‌يمانان له عێراق و سووريا و شاندێكى ياوه‌رى كرد.
بەپێی ڕاگەیەندراوی سەرۆکایەتی هەرێمی کوردستان، له كۆبوونه‌وه‌يه‌كدا كه وه‌زير و سوپاسالارى پێشمه‌رگه و كونسوڵى گشتيى ئه‌مه‌ريكا له هه‌رێمى كوردستان ئاماده‌ى بوون، دوايين پێشهاته‌كانى دۆخى ئه‌منى و هه‌ڕە‌شه و مه‌ترسييه‌كانى تيرۆر و په‌لامار و جووڵه‌كانى داعش تاوتوێ كران، هه‌روه‌ها باس له پێويستيى كاراكردنى زياترى هه‌نگاوه‌كانى پرۆسه‌ى يه‌كخستنه‌وه‌ى پێشمه‌رگه و چاكسازى له وه‌زاره‌تى كاروبارى پێشمه‌رگه كرا.
هه‌ردوولا هاوڕا بوون كه داعش هێشتا مه‌ترسييه‌كى ڕاسته‌قينه‌يه له‌سه‌ر ئاسايش و سه‌قامگيريى عێراق و سووريا به‌تايبه‌تى، بۆيه پێويسته هه‌موو لايه‌نه په‌يوه‌نديداره‌كان هاريكارى و هه‌ماهه‌نگى بكه‌ن بۆ ڕووبه‌ڕووبوونه‌وه‌يان و هه‌موو هاوكارييه‌ك بكه‌ن بۆ نه‌هێشتنى يه‌كجاريى هێزه‌كانى له سووريا و عێراق، بۆ ئه‌م مه‌به‌سته‌ش به‌رده‌واميى ئه‌ركى هێزه‌كانى هاوپه‌يمانيى نێوده‌وڵه‌تييان به پێويست زانى.
هه‌ردوولا داكۆکييان كرده‌وه كه كورد و پێكهاته‌كان له سووريا ده‌بێ هاوبه‌شێكى كاراى ئێستا و داهاتووى وڵات بن، هه‌روه‌ها دوايين پێشهاته‌كانى ڕۆژهه‌ڵاتى ناوه‌ڕاست و لێكه‌وته و كاريگه‌رييه‌كانى به‌سه‌ر سه‌قامگيريى وڵاتانى ناوچه‌كه‌وه، په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى دراوسێ، ته‌وه‌رێكى ديكه‌ى كۆبوونه‌وه‌كه بوو.
.png)
.png)
.jpg)
.png)
.png)
