هاوڵاتى لە چوارەمین ساڵیادی ماڵئاوایی مام جەلال بافڵ تاڵەبانی هاوسەرۆکی یەکێتی پەیامێکی بڵاوکردەوە و رایگەیاند، "خۆمان ئامادەکردووە و لە بەردەم سەرپێخستنی خەونی تۆ و کاک نەوشیروان داین و دەمانەوێت ئەو سیاسەتە حەکیمانەی ئێوە بکەینە سەرمەشقی خەباتی نوێمان". بافڵ تاڵەبانی ئەمڕۆ یەک شەممە 3ی تشرینی یەکەم لە پەیامێکدا رایگەیاند، "لە چوارەمین ساڵڕۆژی ماڵئاوایی تۆدا یەکێتیمان لە ھەڵدێران پاراست و ژیانی سیاسی و حیزبایەتیمان ئاسایی کردەوە، ھەر بڕیارێک درابێت و لەداھاتوشدا دەدرێت لە خزمەتی چاکەی گشتی و یەکێتی و کوردستانەکەت دەبێت و ئەمانەتی تۆ لە بەرامبەر خوێنی شەھیدان و تێکۆشەرانی یەکێتی دەپارێزین، دەیبوژێنینەوە، رێکیدەخەینەوە". ئاماژەی بەوەشکردوە، "ئەرکی ئێمەیە بەرنامەکەت تەواوبکەین و یەکێتی ناو یەکێتی بپارێزین، ئەم یادە بەدەرفەت دەزانم تا جارێکی تر دڵنیات بکەمەوە و ویژدانم ئاسودەبکەم، دوای پشوودرێژی و دانبەخۆداگرتنێکی زۆر دواجار بە ھاوکاری دڵسۆزانی رێگاکەت و تێکۆشەران و شوێنکەوتوانی، یەکێتیمان لە ھەڵدێران پاراست و ژیانی سیاسی و حیزبایەتیمان ئاسایی کردەوە، ھەر بڕیارێک درابێت و لەداھاتووشدا دەدرێت لە خزمەتی چاکەی گشتی و یەکێتی و کوردستانەکەت دەبێت". باسیلەوەشکردووە، "راستە رێگری ھەبو بەڵام لەم کاروانەدا تەنھا نەبوین و تەنھا نین، پێکەوە ھەمومان تێکۆشەران، پێشمەرگەی دێرین، کەمئەندامانی سەنگەر، زیندانیانی سیاسی، کەسوکاری شەھیدان، ھەڤاڵان و کادران یەکێتیمان پاراست و لەخەمی یەکێتیدا بوین، وەک سەردەمی رابەرایەتی تۆ ئێستا یەکێتی و یەکێتییەکان ئازاو ئازادن کار بۆ ژیانێکی باشتر و کوردستانێکی ئاوەدانتر دەکەن". بافل تاڵەبانی هاوسەرۆکی یەکێتی و هاوکات کوڕی مام جەلال ئەوەشیخستۆتەڕوو، ''لەم قۆناغی خەباتی نوێیەشدا یەکێتییەکەمان و گۆڕانەکەی کاک نەوشیروان دوا ئاواتی ئێوە و ویستی کۆمەڵانی خەڵکیان بەجێگەیاند و پێکەوە بەرەو سەرکەوتن ھەنگاودەنێن و لە ھاوپەیمانیەتییەکەدا لە بەردەم وەفاداری خەڵک و کێشە بنچینەییەکانی ھەرێم و پارسەنگی ھێز و مافە دەستورییەکانمان راوەستاوین، ھاوپەیمانی کوردستان وەفادار دەبێت و کار بۆ ژیانێکی باشتر و پاراستنی قەوارەی ھەرێم دەکات، خۆمان ئامادەکردوە و لە بەردەم سەرپێخستنی خەونی تۆ و کاک نەوشیروان داین و دەمانەوێت ئەو سیاسەتە حەکیمانەی ئێوە بکەینە سەرمەشقی خەباتی نوێمان". دەقی پەیامەکەی بافڵ تاڵەبانی: لە چوارەمین ساڵڕۆژی ماڵئاوایی تۆدا بەشکۆوە رادەمێنم و تاوێک لە خەباتی رابەر و رۆشنکەرەوەی بیری کوردایەتی و بڵێسەی شۆڕشی نوێ، پشوودەدەم و بەدەم گەشبینی، ھیوا و ئومێدەوە بۆ ئاسۆیەکی روونتر ھەنگاودەنێم. ھەنگاوی وەفاداری دەنێين و بەشوێن دونیابینی و سیاسەتی حەکیمانەی مام ڕێدەکەين و ئەمانەتی تۆ لە بەرامبەر خوێنی شەھیدان و تێکۆشەرانی یەکێتی دەپارێزین، دەیبوژێنینەوە، رێکیدەخەینەوە. وەفادار بۆ یەکێتی و مێژووی پڕسەروەری مام ئەرکی ئێمەيە بەرنامەکەت تەواوبکەين و یەکێتی ناو یەکێتی بپارێزين. ئەم یادە بەدەرفەت دەزانم تا جارێکی تر دڵنیات بکەمەوە و ویژدانم ئاسوودەبکەم، دوای پشوودرێژی و دانبەخۆداگرتنێکی زۆر دواجار بە ھاوکاری دڵسۆزانی رێگاکەت و تێکۆشەران و شوێنکەوتوانی، یەکێتیمان لەھەڵدێران پاراست و ژیانی سیاسی و حزبایەتیمان ئاسایی کردەوە، ھەر بڕیارێک درابێت و لەداھاتووشدا دەدرێت لە خزمەتی چاکەی گشتی و یەکێتی و کوردستانەکەت دەبێت. راستە رێگری ھەبوو بەڵام لەم کاروانەدا تەنھا نەبووین و تەنھا نین، پێکەوە ھەموومان تێکۆشەران، پێشمەرگەی دێرین، کەمئەندامانی سەنگەر، زیندانیانی سیاسی، کەسوکاری شەھیدان، ھەڤاڵان و کادران یەکێتیمان پاراست و لەخەمی یەکێتیدا بووین، وەک سەردەمی رابەرایەتی تۆ ئێستا یەکێتی و یەکێتییەکان ئازاو ئازادن کار بۆ ژیانێکی باشتر و کوردستانێکی ئاوەدانتر دەکەن. لەم قۆناغی خەباتی نوێیەشدا یەکێتییەکەمان و گۆڕانەکەی کاک نەوشيروان دوا ئاواتی ئێوە و ویستی کۆمەڵانی خەڵکیان بەجێگەیاند و پێکەوە بەرەو سەرکەوتن ھەنگاودەنێن و لە ھاوپەیمانیەتييەکەدا لە بەردەم وەفاداری خەڵک و کێشە بنچینەییەکانی ھەرێم و پارسەنگی ھێز و مافە دەستوورییەکانمان راوەستاوین. ھاوپەیمانی کوردستان وەفادار دەبێت و کار بۆ ژیانێکی باشتر و پاراستنی قەوارەی ھەرێم دەکات. خۆمان ئامادەکردووە و لە بەردەم سەرپێخستنی خەونی تۆ و کاک نەوشیروان داین و دەمانەوێت ئەو سیاسەتە حەکیمانەی ئێوە بکەینە سەرمەشقی خەباتی نوێمان. کەرکوک و کەرکوکییەکان، خانەقینییەکان، شەنگال، مەخمور و ئازیزانمان لە ناوچە دابڕێندراوەکان لەبەرامبەر بەڵێنی سەرۆک مام جەلال و خەمی کوردستانی بوونی ئێوە وەفادارین و لەئاست بەرپرسیارێتی پەیمانی مام دەبین و قودسی کوردستان قوڵایی ستراتیژی خەباتمان دەبێت و بەگیانمان دەیپارێزین، بۆ ھەمیشە لەگەڵتانین و شارەکەی خۆمان جێنەھێشتووە و جێی ناھێڵین، وەفا و وەسێتی باوکمانە و دەیپارێزین.... بۆ تۆی باوکیش بیرت دەکەم، زۆرجار لەبەرامبەر مەزنیت، رابەرایەتی و پێشەواییت، داکۆکیت لەمافە گشتییەکان و ئازادی رادەربڕین و تەبایی و یەکڕیزی گەلی کورد، خەمت بۆ نیشتمانێک کە رەنگدانەوەی ھەموو بۆچوونە جیاوازەکان بێت، رادەمێنم و بەڵێن بە رۆحت دەدەم کە ئەم بەرپرسیارێتییە بە ئەمانەتەوە بەجێ بگەیەنم و مەشخەڵی شۆڕشی نوێ و یەکێتییەکەت بڵێسەدارتر بکەم. ئارامی بۆ ڕۆحی مەزنت و رێگات رۆشن و یەکێتییەکەت ئاوەدانتر باوکە گیان. کوڕی خۆت بافڵ
هاوڵاتى نوری مالکی، سەرۆک وەزیرانی پێشووتری عێراق و سەرۆکی هاوپەیمانی دەوڵەتی یاسا رایگەیاند:" سەدام لە دۆسیە گەورەکاندا دادگایی نەکرا تەنیا لە یەک دۆسیەدا نەبێت، ئەی کوا دادگاییکردن لەسەر بەکارهێنانی چەکی کیمیایی و ئاوارەکردنی کوردەکان و شەهیدکردنی 22 هەزار کەس لە گەنجەکانیان، بۆیە دەڵێم هەمووان بێبەش بوون لە دادگاییکردنی سەدام لە تەواوی ئەم دۆسیانە". ئەمڕۆ یەکشهممه 3ی تشرینی یەکەم 2021، نوری مالکی، سەرۆک وەزیرانی پێشووتری عێراق و سەرۆکی هاوپەیمانی دەوڵەتی یاسا لە چاوپێکەوتنێک لەگەڵ کەناڵی ئەلحەدەس رایگەیاند:" هیچ کام لەو تاوانبارانە، ئەو دادگاییە دادپەروەرانەیە نەکران وەک ئەوەی نیشانی جیهان دران". وتیشی "من لە زیندان سەردانی سەدام حسێنم نەکرد و ئامادەی دادگایی کردنەکەی و لەسێدارەدانەکەشی نەبووم، بەڵام گەر لەسێدارە نەدرایە باشتر بوو، هەرچەندە ئەوە بڕیارێک بوو دەبوو جێبەجێ بکرایە". نوری مالکی باسی لەوەشکرد، سەدام لە دۆسیە گەورەکاندا دادگایی نەکرا تەنیا لە یەک دۆسیەدا نەبێت، ئەی کوا دادگاییکردن لەسەر بەکارهێنانی چەکی کیمیایی و ئاوارەکردنی کوردەکان و شەهیدکردنی 22 هەزار کەس لە گەنجەکانیان، بۆیە دەڵێم هەمووان بێبەش بوون لە دادگاییکردنی سەدام لە تەواوی ئەم دۆسیانە. بەیانی رۆژی 30ی کانوونی یەکەمی ساڵی 2006 کە هاوکات بوو لەگەڵ یەکەم رۆژی جەژنی قوربان، سەدام حسێن سەرۆکی پێشووتری عێراق لەسێدارەدرا.
هاوڵاتى مەلا بەختیار رایگەیاند: " نامەوێ روحت ئازار بدەم. بەڵام ناشتوانم بیشارمەوە كە یەكێتیەكەی جەنابت، دوورە لەو فەلسەفەیەی نەخشاندوتە، دڵنیابە، ئەگەر بەزوترین كات، پاك نەكرێتەوە لە پیلانگێڕان، لە هەلپەرستان، لە دز و درۆزنەكان، لە پلەو پایە خوازان، لەخۆفرۆشان بەم و بەو دەوڵەت، بەدڵنیاییەوە، یەكێتی دوا ساڵانی سیاسەت بەسەر دەبات ئەمڕۆ یەکشهممه 3ی تشرینی یەکەم 2021، مەلا بەختیار، لە پەیامێکدا بۆ چوارەم ساڵیادی مام جەلال تاڵەبانی، دەڵێت، "نامەوێ روحت ئازار بدەم. بەڵام ناشتوانم بیشارمەوە كە یەكێتیەكەی جەنابت، دوورە لەو فەلسەفەیەی نەخشاندوتە، دڵنیابە، ئەگەر بەزوترین كات، پاك نەكرێتەوە لە پیلانگێڕان، لە هەلپەرستان، لە دز و درۆزنەكان، لە پلەو پایە خوازان، لەخۆفرۆشان بەم و بەو دەوڵەت، بەدڵنیاییەوە، یەكێتی دوا ساڵانی سیاسەت بەسەر دەبات!" دەقی پەیامەکە یادی دوا كۆچی مام جەلال و مام ناسی ئەمڕۆ چوارەمین ساڵڕۆژی كۆچی دوایی سەرۆك مام جەلالە. كۆچێك، تەنها سەرۆكێكی لـێ نەسەندین. بەڵكو لە دوای خۆی لە رێبازەكەی و شكۆمەندیەكەی و دەرونە فراوانەكەشی بێبەشی كردین. هەرگیز ئەو چركە ساتەم بیرناچێتەوە كە یەكەمین جار لە (20/7/1977) لە گوندی (ماسی رۆ)ی هەكاری پێشوازیم لێكرد. نە لەشكری لەگەڵ بوو، نە تاقە چەكێكی قورس. تەنها خۆی و گۆچانەكەی و كێوێك لە ورەی بەرزی هێنابوەوە. لەم پەخشان ئامێزەدا نامەوێ لاپەڕەكانی مێژووی ئەم كەڵە رابەرە هەڵبدەمەوە، تەنها دەمەوێ بڵێم: مام ناسی لە ناو یەكێتیدا، وەكو فەلسەفەی سیاسی و تاكتیكی سیاسی و دوربینی سیاسی كەمن. كەمن ئەوانەی هاوخەباتی رۆژگاری سەختی مام جەلال بون و دەزانن ئەم رابەرە، لە كاتی تەنگانەدا، لەكاتی شەڕدا، لەكاتی نەبونی و برسێتیدا، لەكاتی گیرفان بەتاڵی و خواردنی بژی و مەمریدا، لە هەورازی سەخت و لێژگەی هەزار بەهەزاردا. لە كڕێوەی زستان و قرچەی هاویندا.. لە سەركەوتن و شكستدا، لە گریان و پێكەنیندا، لە هەڵچون و ئارامیدا، لە دانوستان و ئازایەتی بێوێنە بەرامبەر سەدام و كۆماری ئیسلامی و توركیاو لایەنە سیاسیەكاندا.. لەكاتی بۆردومان و فڕكان فڕكانی فڕۆكەدا.. بەڵێ كەمن ئەوانەی مام جەلال ناس بن. مام جەلال ناسی، بەلاف لێدان نییە. بە بەرزكردنەوەی وێنەكانی و فرمێسكی هەلپەرستی هەڵڕشتن نییە. بەدەست بەسەرداگرتنی پێگەو پایەكەیشی نییە. مام جەلال ناسی، قوڵبونەوەیە لە فەلسەفەی سیاسی و تێگەیشتن لە چۆنیەتی باوەڕبون بە ئازادی و دیموكراسی. لە دەربەست بوونە بە رەنجدەران. لە ناسینی مام جەلال، لەكاتی ململانێكان و بیرە جیاوازەكان.. لە گەرمەی، رەخنەگرتن و بەرپەرچدانەوەی بۆچونەكاندا. لەقبوڵنەكردنی خودی مام جەلالیشدا. ئەوانەی هاتونەتە سەر حازری.. یان ئەوانەی پێشمەرگە و كادری ماندووی شاخ بون و لەدوای راپەڕینیش دووربون لە وردەكاری سیاسەتی مام جەلال، ناكرێ میراتگری فەلسەفەی مام جەلال بن. بەڵكو ناشتوانن حیزبەكەی مام جەلالیش بپارێزن. چونكە ئاستی تێگەیشتنی ستراتیژییان و شارەزاییان لە فەلسفەو فەلسەفەی سیاسی و فەلسەفەی رەخنەی سیاسی، نزمترە لە تێگەیشتنەكانی مام جەلال. ئەمانە سەكۆی ئازادی دروستكراوی مام جەلال لە پاركی ئازادیدا دەبینن، بەڵام شانازیش دەكەن لەسەر رەخنە خەڵك سزا بدەن. چونكە باڵای زۆربەیان كورتترە لە كێلی بەرزی مامی رابەر!! مام! نامەوێ روحت ئازار بدەم. بەڵام ناشتوانم بیشارمەوە كە یەكێتیەكەی جەنابت، دوورە لەو فەلسەفەیەی نەخشاندوتە، دڵنیابە، ئەگەر بەزوترین كات، پاك نەكرێتەوە لە پیلانگێڕان، لە هەلپەرستان، لە دز و درۆزنەكان، لە پلەو پایە خوازان، لەخۆفرۆشان بەم و بەو دەوڵەت، بەدڵنیاییەوە، یەكێتی دوا ساڵانی سیاسەت بەسەر دەبات! مام! بنوو.. ئاسودە بنوو.. جەنابت هەتا چویتە مەزاری رۆح شادی، درێغیت نەكرد.. شانازیەكانت زۆرترن لە كەموكوڕیەكانت. بنوو.. ئاسودە بنوو.. مێژوو تۆماری كردووە، چ جوامێرێك و چ شۆڕشگێڕێك و چ دیموكراتخوازێك بووی.. ئەوانە تاوانبارن كە ئەو مێژووە دەزانن و بەپێڵاوی ئاسنین، پێشێلی دەكەن. بنوو.. تاڵەبانی.. رابەری نەمر.. بنوو.. رۆژگار رۆژی بەدواوەیە.. پیلانگێڕی ریسوایی دێنێ.. هەلپەرستی شەرمەزاری بەرهەمدێنێ.. مشەخۆری سەرشۆڕی هەتا هەتایی دەكاتە مۆری رەشی ناوچاوانی.. ئەوانەی لایان داوە لە رێبازی مام جەلال و لە دیموكراسی و لە رەخنەی ئازاد.
هاوڵاتى بەڕێوەبەرایەتی ئاماری سلێمانی رایگەیاند: " لە ساڵی 2021دا کەمبووەتەوە بۆ 16%، واتە لەئێستادا 74.2%ی خەڵکی خاوەنی خانووی خۆیانن، پارێزگارى سلێمانیش دەڵێت"مەبەست لەم ئامارانە خستنەڕووی ئاستی خزمەتگوزاریی و پڕۆژەو دەرفەتی کارکردن و باروگوزەرانی هاووڵاتیان و سەرمایەگوزاریی و وەبەرهێنان و گەشەکردنی جۆریی و چەندیی پارێزگاکەیە. ئەمڕۆ یەکشهممه 3ی تشرینی یەکەم 2021، بەڕێوەبەرایەتی ئاماری سلێمانی بڵاویکردووەتەوە، لە ساڵی 1991دا ڕێژەی کرێچی لە پارێزگاکە 56% بووە، بەڵام لە ساڵی 2021دا کەمبووەتەوە بۆ 16%، واتە لەئێستادا 74.2%ی خەڵکی خاوەنی خانووی خۆیانن، پارێزگارى سلێمانیش دەڵێت"مەبەست لەم ئامارانە خستنەڕووی ئاستی خزمەتگوزاریی و پڕۆژەو دەرفەتی کارکردن و باروگوزەرانی هاووڵاتیان و سەرمایەگوزاریی و وەبەرهێنان و گەشەکردنی جۆریی و چەندیی پارێزگاکەیە". لە راگەیەنراوێکدا پارێزگای سلێمانی بە هەماهەنگیی لەگەڵ بەڕێوەبەرایەتی ئاماری سلێمانی و فەرمانگا پەیوەندیدارەکان بە پشتبەستن بە ئامارو کێوماڵە بەردەوامەکانی نەتەوە یەکگرتووەکان و وەزارەتەکانی پلاندانان لە حکومەتی ئیتحادیی و حکومەتی هەرێمی کوردستاندا، لێکۆڵینەوەیەکی ئاماریی بەراوردکاریی لەنێوان ساڵانی (1991 بۆ 2021)، واتە ماوەی (30) ساڵی ڕابردوودا کردووەو تەواوی سێکتەرە جیاجیاکانی تێدا ئاماژە پێکراوە. هەڤاڵ ئەبوبەکر، پارێزگاری سلێمانی ڕایگەیاند،مەبەست لەم ئامارانە خستنەڕووی ئاستی خزمەتگوزاریی و پڕۆژەو دەرفەتی کارکردن و باروگوزەرانی هاووڵاتیان و سەرمایەگوزاریی و وەبەرهێنان و گەشەکردنی جۆریی و چەندیی پارێزگاکەیە، کە لە زۆربەی سێکتەرە گرنگ و هەستیارەکاندا توانیویەتی ئاستی یەکەم لەسەر ئاستی عیراق و هەرێمی کوردستان بەدەستبهێنێت." پارێزگاری سلێمانى روونیکردەوە، ئەم ئامارە ڕاستەقینانە هاندەریان بن بۆ خزمەتی زیاترو بوژاندنەوەو پەرەپێدانی زۆرتر بەجۆرێک لە ئاست خواست و هەوڵ و داخوازیی و قوربانیدانی بەردەوامی ئەم پارێزگا شکۆدارەدا بێت، بەتایبەتیی کەلە چوار ساڵی ڕابردودا لەگەڵ ئەوەی لە ناو قوڵایی هەموو قەیرانەکاندابووین؛ بەڵام توانیومانە بە پشتیوانیی هەموو لایەک ئاڵنگارییەکان بۆ دەرفەتی گەشەکردن بگۆڕین و سلێمانی لە زۆر بواردا بخەینە سەر نەخشەی نێودەوڵەتیی. پارێزگای سلێمانی لەڕووی دانیشتوان و خێزان و کاروباری کۆمەڵایەتی: تێكڕای خەرجی مانگێکی خێزان (١,١٢٣,٠٠٠) دینار، و تێكڕای خەرجی مانگێکی تاكەکەس (٢٣٤,٠٠٠) دینار، و تێكڕای داهاتی مانگێکی خێزان (٨٤٢,٤٠٠) دینار، و تێكڕای داهاتی مانگێکی تاكەکەس (١٨٧,٢٠٠) دینارە ژمارەی ڕەگەزی مێ بەرامبەر (١٠٠) ڕەگەزی نێر (١٠٢,٨) مێیە. تاوانی گەورە و مامناوەند و بچوك (٣٥٠٩٣)، بەندكراوان لە نەوجەوان و پیاو و ژنان (١٢٩٦) بەندکراو. ژمارەی كوڕان لە خانەی نەوجەوانان (١٧)، ژمارەی كچان لە خانەی نەوجەوانان (٩). ژمارەی خێزانەکان بەپێی خەمڵاندنی بەڕێوەبەرایەتی ئاماری سلێمانی (٢٠٢١)، لە (١٩٩١) ١٤٩,١٢٤ خێزان و لە (٢٠٢١) ٥٧٨,٦٧٣ خێزانە. ژمارەی دانیشتوان بەپێی خەمڵاندنی بەڕێوەبەرایەتیی ئاماری سلێمانی (٢٠٢١)، لە (١٩٩١) ٩٥١,٧٢٣ کەس و لە (٢٠٢١) ٢,٥٤٦,١٦٢ کەسە. قەبارەی خێزان/ ژمارەی كەسەکان لە خێزانێکدا، لە (١٩٩١) ٩,٨ کەس و لە (٢٠٢١) ٤,٤ کەسە. ڕێژەی ئەوانەی بەخێو دەكرێن لە (٢٠٢١): ٣٩٪ هاوسەرگیریی لە (٢٠٢١): ١٣,٨٣٦ جیابوونەوە (تەڵاق) لە (٢٠٢١): ٤,٠٨٥ خاوەن خانوو: لە (١٩٩١) ٤٦٪ و لە (٢٠٢١) ٧٤,٢٪ كرێچی: لە (١٩٩١) ٥٦٪ و لە (٢٠٢١) ١٦٪ سوودمەند لە مووچەی چاودێری خێزان: لە (١٩٩١) ژمارەیەكی كەم و لە (٢٠٢١) ٢٦,٩٨١ سوودمەند لە مووچەی كەمئەندامان: لە (١٩٩١) ژمارەیەكی كەم و لە (٢٠٢١) ١٨,١٣٧ گەشەی دانیشتووانی ساڵانە لە (٢٠٢١): ٢,٤٪ چڕیی دانیشتوان (ژمارەی كەس لە یەک كیلۆمەتر دووجادا) لە (٢٠٢١): ١٠٨
شاناز حەسەن ڕێكخەری كەمپینی هاودەنگی لەگەڵ زیندانیانی بادینان رایگەیاند:" سبەی دوو شەممە، کاتژمێر ۱٠ بۆ ۱۲ی سەرلەبەیانی، لە بەردەم دادگای شاروشارۆچکەکان چالاکی مەدەنی، بۆ پشتگیری لەزیندانیانی بادینان بەڕێوەدەچێت".دەڵێت:"داوا لە هەمو چین و توێژەکان، بە تایبەت فەرمانبەران و مامۆستایان دەکەین، ئامادەییەکی بەرفراوانیان هەبێت، لە پێناو پیشاندانی یەک دەنگی نیشتیمانی و بەرگری لە ئازادبونی رۆڵەکانی خۆتان، دەوامی فەرمیتان بگوازنەوە بۆ شوێنی چالاکیەکان". بڕیارە سبەینێ دووشەممە لەبەردەم دادگای شاروشارۆچکەکانی هەرێمى کوردستان چالاکی مەدەنی، بۆ پشتگیری لەزیندانیانی بادینان بەڕێوەبچێت. شۆڕش خدر، ئەندامی كەمپینی هاودەنگی لەگەڵ زیندانیانی بادینان ، لە ناوخۆ و رەوەندی کوردی لە لێدوانێكدا بەهاوڵاتی وت:" ئەم زیندانیانە زیاتر لە ساڵێكە دەستگیركراون و تائێستا هیچ پەراوێكی یاساییان بۆ نەكراوەتەوە، دور لەهەموو بەهایەكی ئەخلاقی و دیموكراتی مامەڵەیان لەگەڵدا دەكرێت". ئاماژەی بۆ ئەوەشكرد:" داوا لە هەمو چین و توێژەکان، بە تایبەت فەرمانبەران و مامۆستایان دەکەین، ئامادەییەکی بەرفراوانیان هەبێت، لە پێناو پیشاندانی یەک دەنگی نیشتیمانی و بەرگری لە ئازادبونی رۆڵەکانی خۆتان، دەوامی فەرمیتان بگوازنەوە بۆ شوێنی چالاکیەکان چونكە دەمانەوێ راستیەکی تاڵ بڵێین کە: نوێنەری چەند وڵات و لایەنێکی نێودەوڵەتی لە هەندێک کۆبونەوەی تایبەتدا بە راشکاوی ئەوەیان راگەیاندووە، کە ناکرێت خەڵکی خۆتان لە ئاستی کەیسی زیندانیان بێدەنگبن، کەچی داوای هاوکاری لە ئێمە بکەن!". زیندانیانی بادینان زیاتر لە 81 كەسن كە چالاكوان و ڕۆژنامەنوس و كەسانی مەدەنیان تێدایە و هەر یەكەیان بە یاسایەك و بە ماددەیەك سزا دراون. شۆڕش خدر، وتیشی:"ئێمە كۆمەڵێك چالاكوانین كەبە ئەركی ئەخلاقی خۆمانی دەزانین، ئەم كەمپینەمان سازكردووە چونكە پەیامی ئەمان پەیامی هەموو مرۆڤایەتیە و بۆیە دەمانەوێت ئەم كەمپینە بەرێوەبەین و بەردەوام دەبین". ئەندامی كەپینەكە جەختی لەوەشكردەوە:"لەمەودوا ڕۆژ بە ڕۆژ چالاكییەكانمان گۆرانكاری بەسەوردا دێت بە شێوەی جیا جیاو تا ئەنجامی دەبێتن بەردەوام دەبین". لەئێستادا دەیانەوێت بچنە بەردەمی هەموو دادگاكان لەناوەوە و دەرەوەی هەرێمی كوردستان و لە زۆر لە وڵاتانی جیهان ئامادەكاریان كردووە. هاوكات ماوەی سێ هەفتەیە زیاتر لە شەش كەس لە زیندانیانی بادینان مانگرتنیان ڕاگەیاندووە و ئێستا بارودۆخیان زۆر خراپە.
كۆنسهی بهڕێوهبهری كۆما جڤاكێن كوردستان (کەجەکە) رایگەیاند: "هیوادارین كه یهكێتی نیشتمانی كوردستان به پشتبهستن به میراتی نهتهوهیی و دیموكراسی مام جهلال بتوانێت بههێزتر له جاران له سهر گۆڕهپانی سیاسی باشووری كوردستان و عێراق رۆڵ بگێڕێت". ئەمڕۆ یەکشهممه 3ی تشرینی یەکەم 2021، لە چوارەم ساڵیادی کۆچی دوایی مام جەلال تاڵەبانی، سکرتێری کۆچکردووی یەکێتی و سەرککۆماری پێشووی عێراق. كۆنسهی بهڕێوهبهری كۆما جڤاكێن كوردستان لە ڕاگەیەندراوێکدا رایگەیاند: "له ساڵیادی كۆچی دوایی سهرۆك مام جهلالدا به ئهرك و بهرپرسیارێتی خۆمانی دهزانین كه بۆ خاوهن دهركهوتن له میرات و بیروهرهی ئهو سهركرده مهزنهی گهلهكهمان پهره به تێكۆشانی یهكێتی نهتهوهیی و خۆڕاگری له دژی داگیركهران بدهین". ئاماژە بەوەشدەکات، "ئهو دۆستایهتی و هاوڕێیهتییهی كه له نێوان سهرۆك مام جهلال، رێبهر ئاپۆ و مامۆستا ئیبراهیم ئهحمهددا بونیادنرا بوو به ههوێنی یهكێتی نهتهوهیی گهلی كورد له ههر چواربهشی كوردستان و دهسكهوتی مهزنی نیشتمانی و دیموكراتی لێكهوتهوه". ڕاگەیەندراوی کەجەکە بۆ رای گشتی له چوارهمین ساڵیادی كۆچی دوایی سهرۆك مام جهلال تاڵهبانی، رێبهر و دامهزرێنهری یهكێتی نیشتمانی كوردستان و سهرۆك كۆماری عێراق، سهری رێز و نهوازش بۆ بیرهوهری بهڕێزیان دادهنهوێنین و پابهندبوونی خۆمان به رێبازی ئازادیخوازی و نیشتمانپهرهوهرییان دووپات دهكهینهوه. له مێژووی ههر نهتهوهییهكدا كهسانێك دهردهكهون كه به زانابوونی مێژوویی، لێهاتوویی سیاسی و ههڵوێستی شۆڕشگێڕی مۆركی خۆیان له رووداو و پێشهاتهكان دهدهن و دهبنه بهشێك له ناسنامه و مێژووی ئهو نهتهوهیه. سهرۆك مام جهلال تاڵهبانیش ئهو كهسایهتییهیه كه به زیاتر له نیو سهده خهبات و تێكۆشان له پێناو ماف و ئازادییهكانی گهلی كورددا شوێنپهنجهی له سهر دهسكهوتهكانی ههر چوار بهشی كورستان و به تایبهتیش باشووری كوردستان دیاره. ههر لهم پێگهیهوه توانی له سهر ئاستی رۆژههڵاتی ناوین و عێراقیش ببێته ناونیشانی پێكهوهژیان، ئاشتی، دانۆستان و چارهسهری كێشهكان. ئهو دۆستایهتی و هاوڕێیهتییهی كه له نێوان سهرۆك مام جهلال، رێبهر ئاپۆ و مامۆستا ئیبراهیم ئهحمهددا بونیادنرا بوو به ههوێنی یهكێتی نهتهوهیی گهلی كورد له ههر چواربهشی كوردستان و دهسكهوتی مهزنی نیشتمانی و دیموكراتی لێكهوتهوه كه تا ئێستاش ههر بهردهوامن. له رۆژگاری ئهمڕۆماندا كه دوژمنانی گهلی كورد ههوڵی لهناوبردنی دهسكهوتهكانی گهلی كورد دهدهن، پابهندبوون به میراسی شۆڕشگێڕی، نهتهوهیی و نیشتمانپهرهوهری ئهم دۆستایهتییه كلیلی تێپهڕبوونه له قهیرانهكان و بهرهنگاربوونهوهی هێرشهكان. له چوارهمین ساڵیادی كۆچی دوایی سهرۆك مام جهلالدا به ئهرك و بهرپرسیارێتی خۆمانی دهزانین كه بۆ خاوهن دهركهوتن له میرات و بیروهرهی ئهو سهركرده مهزنهی گهلهكهمان پهره به تێكۆشانی یهكێتی نهتهوهیی و خۆڕاگری له دژی داگیركهران بدهین و لهسهر بنهمانی ئاشتی و دادپهرهوهری و یهكسانی ژیانێكی ئازاد و دیموكراتی له ههموو كوردستاندا بونیاد بنێین. هیوادارین كه یهكێتی نیشتمانی كوردستان به پشتبهستن به میراتی نهتهوهیی و دیموكراسی سهرۆك مام جهلال بتوانێت بههێزتر له جاران له سهر گۆڕهپانی سیاسی باشووری كوردستان و ئێراق رۆڵ بگێڕێت. لهگهڵ رێزدا كۆنسهی بهڕێوهبهری كۆما جڤاكێن كوردستان KCK
.jpg)
هاوڵاتى وەزارەتى دارایى و ئابورى حکومەتى هەرێمى کوردستان رایگەیاند:" سبەی دووشەمممە موچەی ئەنجومەنی ئاسایش، دەزگایی گشتی ئاسایش و خانەنشینی پێشمەرگە بەبێ لێبڕین دابەشدەکرێت. ئەمڕۆ یەکشهممه 3ی تشرینی یەکەم 2021، وەزارەتى دارایى و ئابورى حکومەتى هەرێمى کوردستان خشتەیەکی نوێی موچەی بڵاوکردەوە و رایگەیاند، سبەی دووشەممە موچەی ئەنجومەنی ئاسایش، دەزگایی گشتی ئاسایش و خانەنشینی پێشمەرگە دابەشدەکرێت. هاوكات لیستی دابەشكردنی موچەی ئەم هەفتەیەی راگەیاند
هاوڵاتى کۆمسیۆنی باڵای سەربەخۆی هەڵبژاردنەکانی عێراق رایگەیاند:" تاوەکو ئێستا 61 كاندیدی لایەنە سیاسییەکان و كاندیدی سەربەخۆیان بەهۆی سەرپێچیکردنی رێنوێنییەکانی بانگەشەی هەڵبژاردن سزاداوە، 9 لەو كاندیدانە كاندیدی لایەنە کوردستانییەکانن". ئەمڕۆ یەکشهممه 3ی تشرینی یەکەم 2021، کۆمسیۆنی هەڵبژاردنەکانی عێراق، لە چەند نووسراوێکی فەرمیدا کە لە ماڵپەڕی خۆیدا بڵاوی کردوونەتەوە رایگەیاند: "تاوەکو ئێستا 61 كاندیدیی لایەنە سیاسییەکان و كاندیدی سەربەخۆمان بەهۆی سەرپێچیکردنی رێنوێنییەکانی بانگەشەی هەڵبژاردن ژمارە 5ی ساڵی 2020 سزاداوە، سزاکەش بریتییە لە پێبژاردنی یەک ملیۆن دینار بۆ هەر بەربژێرێک". بەگوێرەی نووسراوەکەی کۆمسیۆنی هەڵبژاردنەکانی عێراق، كاندیدانی سزادراوی لایەنە کوردستانییەکان بریتین لە، 4 كاندیدی پارتی دیموکراتی کوردستان، 3كاندیدی هاوپەیمانی کوردستان، 1كاندیدی کۆمەڵی دادگەری، 1 كاندیدی سۆسیالیست دیموکراتی کوردستان، لەگەڵ سزادانی 11 كاندیدیی سەربەخۆ لە پارێزگاکانی عێراق کە هیچکامیان لە هەرێمی کوردستان نین، هەروەها 41 لەو كاندیدانە سزادراوانە بەربژێری لایەنە سیاسییە عێراقییەکانن. دیارترینی لایەنە عێراقییەکان کە كاندیدانیان سزادراون بریتین لە، کوتلەی سەدری سەر بە رەوتی سەدر، هاوپەیمانی فەتح کە باڵی سیاسی گرووپەکانی حەشدی شەعبییە، هاوپەیمانی دەوڵەتی یاسا بە سەرۆکایەتیی نووری مالیکی، بابلیوون کە سەر بە گرووپێکی چەکداری کریستیانە لە نێو حەشدی شەعبی، تەقەدوم بە سەرۆکایەتیی محەممەد حەلبووسی، سەرۆکی پەرلەمانی عێراق. لەگەڵ عەزم بە سەرۆکایەتیی خەمیس خەنجەر. ئەمە لە کاتێکدایە کۆمسیۆنی هەڵبژاردنەکانی عێراق تاوەکو ئێستا بەهۆی سەرپێچییەوە 6 كاندیدی لەم هەڵبژاردنە دوورخستووەتەوە. کۆمسیۆنی هەڵبژاردنەکانی عێراق دەڵێت، ژمارەی ئەو کەسانەی کە لە هەڵبژاردنی پێشوەختی پەرلەمانی عێراق لە مانگی ئۆکتۆبەری ساڵی 2021 مافی دەنگدانیان هەیە 24 ملیۆن و 29 هەزار و 927 دەنگدەرە، لە کاتێکدا زیاتر لە 3 هەزار و 240 کەس لەو هەڵبژاردنە خۆیان بەربژێر کردووە بۆ بردنەوەی 329 کورسییەکەی پەرلەمانی عێراق.
هاوڵاتى نێچیرڤان بارزانی، سەرۆکی هەرێمی کوردستان لە چوارەمین ساڵڕۆژی کۆچی دوایی مام جەلال رایگەیاند: "مام جهلال ئاواتهخوازی یەكڕیزی، تەبایی و برایەتی بوو كە كلیلی سەركەوتنمانە." ئەمڕۆ یەکشهممه 3ی تشرینی یەکەم 2021، نێچیرڤان بارزانی، سەرۆکی هەرێمی کوردستان لە تویتەری خۆی نووسیویەتی، "ئەمڕۆ له يادی كۆچى سەرۆك مام جەلالدا بە رێزەوە یادی خەبات و تێكۆشانیان بۆ ھێنانەدی مافەكانی گەلانی عێراق و گەلی كوردستان بەتایبەتی دەكەینەوە. مام جهلال ئاواتهخوازی یەكڕیزی، تەبایی و برایەتی بوو كە كلیلی سەركەوتنمانە. یادەوەریتان بەخێر و گیانتان شاد." جەلال حوسامەدین نوروڵڵا نووری، لە ساڵی 1933 لەدایکبووە و بە مام جەلال ناسرابوو، سکرتێری پێشووی یەکێتی و سەرۆککۆماری پێشووتری عێراق بوو. لە ساڵی 2012 بەهۆی جەڵتەی مێشکەوە رەوانەی ئەڵمانیا کرا، رۆژی سێشەممە 3ـی ئۆکتۆبەری 2017 لە ئەڵمانیا کۆچی دواییکرد.
هاوڵاتى قوباد تاڵەبانی رایگەیاند:" یەکێتی لە 40ساڵی رابردوو گرفتی هەبووە و رووبەروی بۆتەوە، ئێستا و داهاتووش کێشە هەبێت یەکێتی زاڵ دەبێت بەسەریاندا" دەشڵێت، "کێشەی هاوسەرۆکانی یەکێتی لەڕێگەی حزبەوە چارەسەر دەکرێ". ئەمڕۆ یەکشهممه 3ی تشرینی یەکەم 2021، چوارەمین ساڵیادی کۆچی دوایی مام جەلال تاڵەبانی، سکرتێری کۆچکردووی یەکێتی لەسەر مەزاری مام جەلال. قوباد تاڵەبانی رایگەیاند:""ئەوەی قبوڵی ڕەخنە ناکات بابڕوات ئیشێکی تر بدۆزێتەوە واز لەسیاسەتبهێنێت". ئەمڕۆ چوار ساڵ بەسەر کۆچی دوایی مام جەلال، سەرۆککۆماری پێشووتری عێراق تێدەپەڕێت، قوباد تاڵەبانی، کوڕی مام جەلال و سەرۆکی لیستی هاوپەیمانیی کوردستان کە لە یەکێتی و گۆڕان پێکهاتووە، بەو بۆنەیەوە لە وتارێکدا سووربوونی خۆی لەسەر یەکگرتنەوەی گۆڕان و یەکێتی رادەگەیێنێت. لە وتارەکەیدا، قوباد تاڵەبانی ئاماژەی بەوە کردووە، مام جەلال بەر لەوەی لە ساڵی 2017 کۆچی دوایی بکات، لەگەڵ نەوشیروان مستەفا، رێکخەری پێشووی بزووتنەوەی گۆڕان "خەونی یەكڕیزی و گێڕانەوەی برایەتی جارانتان هەبوو کە لە دەباشان هێڵە گشتییەکانتان بۆ راکێشاین، وا ئێمە هەنگاو بەرەو بەدیهێنانی ئەو خەونەی ئێوە دەنێین و سوورین كۆتایی بە هەموو دابەشبوونێك بهێنین و یەكێتی و گۆڕان بكەینە بەرە و هاوپەیمانێتییەكی سیاسی." جەلال حوسامەدین نوروڵڵا نووری، لە ساڵی 1933 لەدایکبووە و بە مام جەلال ناسرابوو، سکرتێری پێشووی یەکێتی و سەرۆککۆماری پێشووتری عێراق بوو. لە ساڵی 2012 بەهۆی جەڵتەی مێشکەوە رەوانەی ئەڵمانیا کرا، رۆژی سێشەممە 3ـی ئۆکتۆبەری 2017 لە ئەڵمانیا کۆچی دواییکرد. بە وتەی قوباد تاڵەبانی، سووربوونەکەی بۆ ئەوەیە ئەو یەکگرتنەوەیەی یەکێتی و گۆڕان "ببێتە مایەی خێر و خۆشی بۆ هەموو كۆمەڵانی خەڵكی کوردستان." قوباد تاڵەبانی لەبارەی باوکی و یەکێتییەوە نووسیویەتی، "دڵمان پڕە و هێشتا خەمباری ماڵئاوایی تۆین، بەڵام ئاسودەین كە لە هەوڵی گەیاندنی كاروانەكەتین بە دوا مەنزڵ، خەریكبوو ئەو یەكێتییەی هەموو ژیانی خۆتت لەسەر دانا بەرەو هەڵدێر بڕوات، بەڵام شانمان دایە ژێر باری راستكردنەوەی و ئێستا لەگەڵ ھەڤاڵان خەریكین هەنگاو بەهەنگاو بیخەینەوە سەر راستەڕێگەكەی تۆی مام و رابەر." لە بەشێکی دیکەی وتارەکەیدا، قوباد تاڵەبانی باسی لەوە کردووە کە "خەمێكی قووڵی" مام جەلال ئازادی و داكۆكیكردن بووە لە جیاوازییەکان، پاراستنی شکۆی نووسەران و رۆشنبیران، ئەو پێی وابووە، ئازادی مافێكی خۆڕسكە و "تەنانەت بۆ تانەدان و رەخنەی تووندیش لەخودی خۆت" بۆیە دەڵێت، "ئێمەش هەر لەسەر باوەڕی تۆین و گفت و بەڵێنمان ئەوەیە تا ئەو جێگایەی دەسەڵات و توانامان هەبێت، نەهێڵین گیراوی بیر و رۆژنامەنووسی زیندانیكراو و سەركوتكردنی رەخنەگرتن هەبێت و هەر بۆ پرەنسیپی چەپكە گوڵەكە تێدەكۆشین."
هاوڵاتى عێراق لەماوەی رابردوودا چەندین جار هەوڵی داوە سیستمی بەرگی ئاسمانی S-400 ی روسی لە وڵاتانی جیهان بکڕێت و بەڵام لەلایەن و توركیا و ئەمریكاوە ڕێگری لێدەكرێت. پسپۆڕێکی بواری سەربازیی عێراقی ئاشکرایدەکات کە ویلایەتە یەکگرتووەکانی ئەمەریکا لەپێناو ئەوەی کۆنترۆڵی بواری ئاسمانی عێراق بەتەواوەتی لەژێر دەستی خۆیدا بمێنێتەوە ڕێگریی لە عێراق دەکات بۆئەوەی سیستەمی بەرگری ئاسمانیی پێشکەوتوو لە وڵاتانی جیهان بکڕێت. هەروەک دەشڵێت هەریەک لە تورکیا و ئیسرائیلیش بۆئەوەی بتوانن بێ گرفت سەروەری عێراق پێشێل بکەن و بوارە ئاسمانییەکەی ببەزێنن، پشتیوانی ئەو خواستەی ویلایەتە یەکگرتووەکانی ئەمەریکا دەکەن. عەدنان کینانی پسپۆڕی بواری سەربازیی لەلێدوانێکی رۆژنامەوانیدا وتویەتی:" سیستەمی بەرگرییەکانی سەر باڵیۆزخانەی ویلایەتە یەکگرتووەکانی ئەمەریکا زۆر لە سیستەمە بەرگرییە ئاسمانییەکانی عێراق باشتر و پێشکەوتووترن، هۆکارەکەشی ئەوەیە کە واشنتۆن ڕێگە بە عێراق نادات سیستەمی بەرگری ئاسمانیی پێشکەوتوو بەدەست بهێنێت. کینانی ڕوونیشی کردۆتەوە کە هەر ئەمە وایکردووە تورکیا و ئیسرائیل بوێری ئەوەیان هەبێت بەبەردەوامی بواری ئاسمانیی عێراق ببەزێنن و سەروەریی خاکەکەی پێشێل بکەن، بۆیە ئەو دوو وڵاتە پشتیوان ئەو ئاڕاستەیەی ئەمەریکان بەرانبەر بەعێراق و دەیانەوێت عێراق بەلاوازیی بمێنێتەوە.
هاوڵاتى عێراق لەماوەی رابردوودا چەندین جار هەوڵی داوە سیستمی بەرگی ئاسمانی S-400 ی روسی لە وڵاتانی جیهان بکڕێت و بەڵام لەلایەن و توركیا و ئەمریكاوە ڕێگری لێدەكرێت. پسپۆڕێکی بواری سەربازیی عێراقی ئاشکرایدەکات کە ویلایەتە یەکگرتووەکانی ئەمەریکا لەپێناو ئەوەی کۆنترۆڵی بواری ئاسمانی عێراق بەتەواوەتی لەژێر دەستی خۆیدا بمێنێتەوە ڕێگریی لە عێراق دەکات بۆئەوەی سیستەمی بەرگری ئاسمانیی پێشکەوتوو لە وڵاتانی جیهان بکڕێت. هەروەک دەشڵێت هەریەک لە تورکیا و ئیسرائیلیش بۆئەوەی بتوانن بێ گرفت سەروەری عێراق پێشێل بکەن و بوارە ئاسمانییەکەی ببەزێنن، پشتیوانی ئەو خواستەی ویلایەتە یەکگرتووەکانی ئەمەریکا دەکەن. عەدنان کینانی پسپۆڕی بواری سەربازیی لەلێدوانێکی رۆژنامەوانیدا وتویەتی:" سیستەمی بەرگرییەکانی سەر باڵیۆزخانەی ویلایەتە یەکگرتووەکانی ئەمەریکا زۆر لە سیستەمە بەرگرییە ئاسمانییەکانی عێراق باشتر و پێشکەوتووترن، هۆکارەکەشی ئەوەیە کە واشنتۆن ڕێگە بە عێراق نادات سیستەمی بەرگری ئاسمانیی پێشکەوتوو بەدەست بهێنێت. کینانی ڕوونیشی کردۆتەوە کە هەر ئەمە وایکردووە تورکیا و ئیسرائیل بوێری ئەوەیان هەبێت بەبەردەوامی بواری ئاسمانیی عێراق ببەزێنن و سەروەریی خاکەکەی پێشێل بکەن، بۆیە ئەو دوو وڵاتە پشتیوان ئەو ئاڕاستەیەی ئەمەریکان بەرانبەر بەعێراق و دەیانەوێت عێراق بەلاوازیی بمێنێتەوە.
هاوڵاتى "دهبێت له ههڵبژاردندا پشتیوانى له یهکێتیى نیشتمانى کوردستان (یهنهکه) بکرێت و ئهوهش ببێته بناغهى دروستکردن و بونیاتنانى بهرهیهکى نیشتمانپهروهری، چونکه یهکێتى بۆ ههبوون و دروستکردنى بهرهیهکى وهها زۆر گرنگه". سیروان ڤیان له وتارێکدا که تایبهت بۆ ماڵپهرى "هاوڵاتى" ناردووه بهناونیشانى(بۆ دهبێت پشتیوانى له یهکێتى بکرێت) ئاماژه بهوهش دهدات که "دهبێت رێکخستنهکانى ترى کورد به بێ ئهوهى خۆیان بخهنه ناو حساباتى حیزبییهوه پشتیوانى له یهکێتى بکهن. ئهگهر ئهوه روونهدات و رێکخستنه کوردییه دیموکراسیخواز و نیشتمانپهروهرهکان له ههڵبژاردندا یهکێتییهک و یهکگرتوویهک دروست نهکهن ئهوا هێڵى کوردى یارمهتیدهر و خیانهتهکار له ناوچه سۆرانییهکان و سلێمانیدا دهبنه خاوهن کاریگهرى و ئهوهش بۆ هێڵى کوردى نیشتمانپهروهر و دیموکراتیک شکست و لهدهستدان و تهنانهت دۆڕانێکى زۆر گهوره دهبێت". دهقى وتارى سیروان ڤیان: بۆ دهبێت پشتیوانى له یهکێتى بکرێت سیروان ڤیان زۆر جار باسى ئهوه دهکهین، که کورد به قۆناغێکى گرنگدا تێدهپهڕێت. کێشه و قهیرانهکانى سیستمى جیهانى له ڕۆژههڵاتى ناوهڕاست دا وهرسوڕاوه بۆ شهڕ. ئهو کێشانهى که ههیه و ئهو شهڕانهى روودهدهن شهر و کێشهکانى رۆژگارى ئهمڕۆ نین، یانى ههموویان عایدى رۆژههڵاتى ناوهڕاست نین، بهڵام ئهو شتانه لێره روودهدهن. ئهوه راستییهکه و دهبێت ههموو کهس بهپێى ئهو راستییه بجوڵێتهوه. ئهگهر لهو چوارچێوهیهدا جموجوڵ نهکرێت لهو کاتهدا رووبهڕووبوونهوهى راستییهکان شکست به دواى خۆیدا دههێنێت. تهنها شکستیش نا، بهڵکو دۆڕان و له دهستدانى گهورهش لهگهڵ خۆى دههێنێت. له ماوهى کورت مهودا له کوردستان نمونهى وهها روویانداوه. ئهگهر گهلى کورد بهپێى ئهو راستییانه و بهپێى ئهو شهڕه، که له رۆژههڵاتى ناوهڕاست و کوردستاندا روودهدات خۆى ئاماده نهکات و بهپێى ئهوهى نهجوڵێتهوه، ئهوا له دهستدان و دۆڕانى بهسهردا دێت. ئهو بهها و نرخ و دهستکهوتانه، که به تێکۆشان بهدهستهاتوون له دهست دهچن. دهبێت بزووتنهوه و رێکخستنهکانى کورد بهپێى ئهو راستییه ههنگاو بنێن. ئهگهر ههنگاوى سیاسى بهپێى ئهوه نهنرێت ئهوه به ماناى ئهوهیه، که تهسکبینى و گرێکوێرهیهکى سیاسیى ههیه، یانى غهفڵهت ههیه. ئهو راستییه له ناو ئێمهدا ههیه بۆیه سهرنج دهخهینه سهری. پێویسته ئێمه راستیى خۆمان و راستیى دونیا له رووى کۆمهڵایهتى و سیاسییهوه باش بناسین و لێى تێبگهین. ئهوه ههڵگرتنى ههنگاوى راست و دروست گرنگه. ئهوه راست نییه، که ئهو شتانه ئیهمال بکهین و خۆمان به جیاواز نیشان بدهین. ئهوه شتێکى کردهیى نییه و پێویستیش بهو ئیهمالکردن و خۆ به جیاواز زانینه نییه. له کاتێکى وهها گرنگ و قهیرانایدا له عێراق و باشوورى کوردستان ههڵبژاردن بهڕێوهدهچێت. پێویسته بزووتنهوهکانى کورد له ههڵبژاردندا له بهرامبهر ئهو مهترسى و هێرشانهى ئهنجام دهدرێن و پلانیان بۆ دانراوه، بهرهیهک دروست بکهن. پێویسته ناوهندى ئهو بهرهیه له ناوچه سۆرانییهکاندا بێت. ئهو بهرهیه، یانى جهبهه و بلۆک، دهبێت له دژى دید و تێگهیشتى پاکتاوکارى بهرامبهر به هێڵى کوردى دیموکراتیک و نیشتمانپهروهر دروست بکرێت. چونکه هێرش لهسهر هێڵى کوردى دیموکراتیک و نیشتمانپهروهر ههیه. ئهو هێرشه گهورهترین مهترسیى نزیک و بهرچاوه. پهیوهندیى به ههبوون و داهاتووى گهلى کوردهوه ههیه. ئهگهر ئهو هێرشانه تێکنهشکێنرێن و مهترسییهکان نهڕهوێنرێنهوه، هیچ کوردێک و بزووتنهوهیهکى کورد ناتوانێت کارێکى جیاواز و گرنگ ئهنجام بدات، ناتوانێت پێشکهوتن بهدهست بهێنێت. له ئێستا به دواوه له کوردستان پێشکهوتن به تێکشکاندنى ئهو هێرشانه و له ناوبردنى ئهو مهترسییانه بهدى دێت. باشه چى روودهدات و مهترسییهکه چییه؟ بۆ دهبێت بهره له ناوچه سۆرانییهکاندا دروست بکرێت؟ ئهگهر رووداوهکانى دونیا، رۆژههڵاتى ناوهڕاست و کوردستان له بهرچاو بگیردرێن ئهوا مهترسییهکه دهبینرێت. به ڕاستى لهمساڵانهى دوایدا تێگهیشتن لهسهر ئهوه باشتر دروست بوو، بهڵام سهربارى ئهوهش له رۆژههڵاتى ناوهڕاست عهقڵییهتى مۆدێڕنیتهى کاپیتالیستیى لیبراڵ بینینى راستییهکانى زۆر قورس و دژوار کردووه. ئهوهش کاریگهریى لهسهر رێکخستنهکانى کورد ههیه. بێگومان ئهوهش کاریگهرى لهسهر کۆمهڵگه و تاکهکانى کۆمهڵگهش ههیه. ئهگهر پهردهکه لاببرێت، ئهو راستییهى که ههیه و روودهدا بۆ کورد باشتر دهبینرێت و روون دهبێتهوه. دهوڵهتى تورکیا دهیهوێت ههبوونى گهلى کورد بسڕێتهوه، چونکه دهوڵهتى تورکیا دوژمنه گهوره و سهرهکییهکهى گهلى کورده. دهوڵهتى تورکیا ههبوونى خۆى لهسهر بنهماى سڕینهوهى کورد بونیاتناوه و خۆیشى بهوه پێناسهى کردووه، چونکه کورد و کوردستان به بهشێک له نهتهوهبوونى خۆى دهزانێت. له سهرهتاوه تاوهکو رۆژگارى ئهمڕۆ ئهو ههوڵهیان ههبووه و ههیه. ئێستا دهیانهوێت ئهو پرۆسهیه، یانى پرۆسهى سڕینهوهى ههبوونى گهلى کورد تهواو بکهن، چونکه کورد ئهمڕۆ گهیشتووهته ئاستى ئازادی. دهوڵهتى تورک گهیشتووهته ئهو ئهنجامه، که ئهگهر ئێستا ئهو پلانهى خۆى جێبهجێ نهکات ئیدى کورد ئازاد دهبن و پێگهى سیاسى و حقوقى و یاسایى بهدهست دههێنن و بهوهش کۆتایى به تموحهکان و ئامانجهکانى دهوڵهتى تورکیا دێت. بۆ ئهوهى ئهوه روونهدات دهوڵهتى تورکیا دهستى به پرۆسه و قۆناغى هێرشکردن و جێبهجێکردنى ئهو پلانه کردووه. رژێمى فاشیستیى ئاکهپه – مهههپه بۆ ئهوه هاتوونهته سهر کار و دهسهڵات. رهجهب تهیب ئهردۆغان ئاکتۆرى سیاسیى ئهو رژێم و پلانهیه. ههندێک کورد و ههندێک رێکخستنى کوردیش ههوڵ دهدهن ئهو راستییه بشارنهوه، یان به شێوهیهکى جیاواز نیشانى بدهن. له باشوور ئهو جۆره ههوڵ و نزیکایهتییه ههیه. له شوێنهکانى تریشدا ههیه، بهڵام لهبهر ئهوه ئهمڕۆ ناوهندى هێرشهکان باشووره، بۆیه له رووى سیاسیهوه ئێستا باشوور گرنگتره. ئهو کهسانهى، که ئهو کاره دهکهن بوونهته هاوکار و یارمهتیدهرى داگیرکهرى و چوونهته ناو خیانهت و مرۆڤهکان و دهورووبهرهکهى خۆیان فرۆشتووه. لهبهر ئهوهى ئهو هێڵه یارمهتیدهره بۆ داگیرکهرى له بادینان به زۆر زاڵکراوه و کۆمهڵگه سهرکوت و بێدهنگ کراوه، دهبێت له ناوچه سۆرانییهکان و به تایبهتى له ناوچهى سلێمانى پێشهنگایهتى بۆ هێڵى کوردى دیموکراتیک و نیشتمانپهروهر بکرێت، چونکه ناوچهى سلێمانى و گهلى سلێمانى له بزووتنهوهى رزگاریى کورد له باشووردا واتایهکى زۆر گرنگ و کاریگهرییان ههیه. گهلى سلێمانى له مێژوودا رۆڵێکى وههایان گێڕاوه و ئهوان له باشوور بۆ بونیاتنان و چهسپاندنى هێڵى نیشتمانپهروهرى بوونهته ژێرخان و بهردى بناغه. یانى هێڵى نیشتمانپهروهریى باشوور له سلێمانیدایه. گهلى سلێمانى هێڵى نیشتمانپهروهریى بونیاتناوه و له ههمان کاتدا پێشهنگایهتیشى بۆ کردووه. بۆ ئهوهى هێرشه فاشیستییهکانى دهوڵهتى تورک تێکبشکێنرێن و مهترسى لهسهر ههبوونى کورد کۆتایى پێ بێت، ئێستا پێویستى به پێشهنگایهتیى گهلى سلێمانى ههیه، چونکه ئهوهى بۆ کوردان پێویسته ههڵوێستى گهلى سلێمانییه. دهبێت ههڵه تێگهیشتن دروست نهبێت، چونکه پێشهنگ بۆ سلێمانى پێویست نییه، بهڵکو پێشهنگایهتیى سلێمانى بۆ وڵات پێویسته. دهبێت لهو جیاوازییه تێبگهین. وڵات پێویستى به ناسنامه، ههڵوێست و شێوازى سلێمانى و خهڵکى سلێمانى ههیه. ئهگهر سلێمانى له رۆژگارى ئهمڕۆماندا ئهو پێشهنگایهتییه بکات ئهوا ههڵوێست و شێوازى سلێمانى یانى هێڵى کوردى نیشتمانپهروهر و ئهوهش له سهرتاسهرى باشووردا دهچهسپێت و بۆ پارچهکانى ترى کوردستانیش دهبێته ههنگاوێک و سهرهتاییهکى زۆر گهوره. بێگومان ئهوه خۆى له خۆڕا دروست نابێت و روونادات. ئهوه بابهتێکى سیاسییه و پێویسته رێکخستنه سیاسییکانى کورد به بهرپرسیاریى خۆیان ههستن و ئهوه جێبهجێ بکهن. دهبێت رێکخستنهکانى کورد به تایبهتى ئهوانهى ناوچه سۆرانییهکان و سلێمانى ههڵوێستێکى وهها بگرنهبهر و ههنگاوى پێویستى بۆ بنێن، بۆیه پێویسته له ههڵبژاردندا بهرهیهکى وهها دروست بکرێت. ئهم قۆناغ و سهردهمه پێویستى به ههڵوێست و بۆچوونێکى سیاسى و ستراتیژیى ههیه. دهبێت هیچ کهس و هیچ رێکخستنێک به شێوهیهکى ئاسایى له ههڵبژاردن نزیک نهبێتهوه. دهبێت له ههڵبژاردندا پشتیوانى له یهکێتیى نیشتمانى کوردستان (یهنهکه) بکرێت و ئهوهش ببێته بناغهى دروستکردن و بونیاتنانى بهرهیهکى نیشتمانپهروهری، چونکه یهکێتى بۆ ههبوون و دروستکردنى بهرهیهکى وهها زۆر گرنگه. دهبێت رێکخستنهکانى ترى کورد به بێ ئهوهى خۆیان بخهنه ناو حساباتى حیزبییهوه پشتیوانى له یهکێتى بکهن. ئهگهر ئهوه روونهدات و رێکخستنه کوردییه دیموکراسیخواز و نیشتمانپهروهرهکان له ههڵبژاردندا یهکێتییهک و یهکگرتوویهک دروست نهکهن ئهوا هێڵى کوردى یارمهتیدهر و خیانهتهکار له ناوچه سۆرانییهکان و سلێمانیدا دهبنه خاوهن کاریگهرى و ئهوهش بۆ هێڵى کوردى نیشتمانپهروهر و دیموکراتیک شکست و لهدهستدان و تهنانهت دۆڕانێکى زۆر گهوره دهبێت.
هاوڵاتى سەرۆکایەتی هاوپەیمانی کوردستان رایگەیاند:"بەبۆنەی چوارەمین ساڵیادی کۆچی دوایی مام جەلال، سەرۆکی کۆماری پێشووتری عێراق و سکرتێری گشتی یەکێتی نیشتیمانی کوردستان، بڕیاریانداوە بۆ ماوەی 24 کاتژمێر لە سەرتاسەری کوردستان هەڵمەتی بانگەشەی هەڵبژاردن رابگرن. دەقی راگەیەنراوەکە: هاوڵاتیانی خۆشەویستی کوردستان جەماوەرە دڵسۆزەکەی هاوپەیمانی کوردستان؛ بەبۆنەی چوارەمین ساڵیادی ماڵئاویی سەرۆک مام جەلال، سەرۆکایەتی هاوپەیمانی کوردستان بڕیاریدا بۆ ماوەی ٢٤ کاتژمێر لە سەرتاسەری کوردستان هەڵمەتی بانگەشەی هەڵبژاردن رابگرێت. داواکارین کاندیدە بەڕێزەکانی هاوپەیمانی کوردستان و هەموو کادر و هەڵسوڕاوانی یەکێتی نیشتمانی کوردستان و بزووتنەوەی گۆڕان لە کاتژمێر ١٢ی ئەمشەوەوە بۆ ماوەی ٢٤ کاتژمێر هەموو چالاکییەکی بانگەشەی هەڵبژاردن رابگرن. هەروەها داوا لە میدیا و کەناڵەکانی راگەیاندنی یەکێتی و گۆڕان دەکەین لە ماوەی دیاریکراودا لە جیاتی رووماڵی بانگەشەی هەڵبژاردن، بەرنامەکانیان تەرخان بکەن بۆ باسکردن لە ژیان و خەبات و تێکۆشانی سەرۆک مام جەلال و هەڤاڵە تێکۆشەرەکانی و لەسەرووی هەمووشیانەوە سەرکردەی مەزن رەوانشاد کاک نەوشیروان مستەفا. سەرۆکایەتی هاوپەیمانی کوردستان 2/10/2021
.jpg)
هاوڵاتى وهزارهتى تهندروستى حكومهتى ههرێمى كوردستان ڕایگهیاند:" لهماوهى 24 كاتژمێرى ڕابردودا 6033 پشكنینى كۆرۆنا لهههرێم ئهنجامدراوه، 438 كهس توشى ڤایرۆسهكهبوون. بهپێى ڕاگهیهندراوى وهزارهتى تهندروستى ههرێم، 6033 پشكنینى كۆرۆنا لهههرێم لهماوهى 24 كاتژمێردا ئهنجامدراوهو 438 توشبوى نوێ تۆماركراوه، 1414كهسیش ڤایرۆسهكهیان تێپهڕاندوه. ئهوهشخراوهتهڕوو، 19 هاووڵاتى لهههرێم بهڤایرۆسهكه گیانیان لهدهستداوه، 12 كهس لهههولێر 4كهس لهسلێمانى 3 كهس له دهۆك بوه. بهبهراورد به ژمارهى پشكنینهكان ڕێژهى توشبون دابهزیوه بۆ كهمتر له 8% و پێشتر لهنێوان له 13% تا له 16%بوه.
.jpg)
