بارزانى لەسەر پێکهێنانى حکومەت زانیارى دەخاتەڕوو

هاوڵاتی دەستەى دەستپاکى عێراق ڕایگەیاند، بەهۆی پێشێلکاری لە گرێبەستێکی یاساییدا، سزای ١٠ ساڵ زیندانی بەسەر بەڕێوەبەری فڕۆکەخانەی نەجەف و سێ ئەندامی پێشووی فرۆکەخانەکەدا سەپێنرا. دەستەی دەستپاکی عێراق سەبارەت بە سزادانی چوار بەرپرسی عێراقی بەم شێوەیە زانیاری خستەڕوو. دەستەی دەستپاکی عێراق بڵاوی کردەوە، بەهۆی پێشێلکردن لە گرێبەستی ئامادەکردنی بەیاننامە بۆ درووستکردنی ڕێرەوی نوێی فڕین بۆ فرۆکەخانەی نەجەف و ڕێرەوی تاکسییەکان، سزای ١٠ ساڵ زیندانی بۆ (فائید کازم شەمەرى) سەرۆکی دەستەی بەڕێوەبەری فڕۆکەخانەی نەجەف و سێ لە ئەندامانی پێشوی فرۆکەخانەکە لە ئامادە نەبونی خۆیاندا سەپاندوە. دەشڵێن، گرێبەستەکە بە بڕی ٧١ ملیۆن و ٧٩٨ هەزار دۆلار بووە، پڕۆژەکە وەک تەندەرێکی گشتی ڕانەگەیەندراوە، بەڵکوو بە مەبەستی ئەوەی شوێنێک بۆ زۆرترین ژمارەی ڕکابەرەکان تەرخان بکرێت بە پێشێلکردنی ڕوونی رێنماییەکان. ئاماژە بەوە شکراوە، جگە لە سزای ١٠ ساڵ زیندانی لە بەرنبەردا هەریەکە لە سەرۆکی پێشووی دەستەی بەرێوەبردنی فرۆکەخانەی نەجەف و سێ ئەندامی دەستەی کارگێری بە بڕى ١٠ ملیۆن دینار سزادران.  

هاوڵاتی سەرچاوەیەك لە لیژنەی سووتەمەنی سلێمانی ڕایدەگەیەنێت، دابەشكردنی نەوتیان لەدەرەوەی شارەكان دەستپێكردووە، سەرەتا لە سنووری قەزای پشدەر و ڕۆژی پێنج شەممەش بەردەوام بوو. سەرچاوەیەك لە لیژنەی سووتەمەنی سلێمانی دابەشكردنی نەوتیان لەدەرەوەی شارەكان دەستپێكردووە، سەرەتا لە سنووری قەزای پشدەر و ڕۆژی پێنج شەممەش بەردەوام بوو لەگەڵ ئەوەشدا لە سنووری هەڵەبجە لە هەورامان دەستی پێكرد. ئەو سەرچاوەیە ئاماژەی بەوەش کرد، بڕیارە ئەم هەفتەیە لەناو شاری سلێمانی، دابەشكردنی نەوت دەستپێبكات بەجۆرێك ڕۆژێك لە ناوشار و ڕۆژێك لە دەرەوەی شار دابەش بكرێت.  هەروەها وتیشی، دابەش کردنی نەوتی سپی سەرەتا لە سنووری مەڵبەندی ١ەوە دەستپێدەكات، هەروەها بۆ هەر خێزانێك بڕی ٢٠٠ لیتر نەتیان بە بڕی ١٠٤ هەزار دینار پێ‌ دەدرێت.

زانیاری ورد لەسەر ئۆپەراسیۆنەکانی هێزەکانی پارا*ستـــ*ـــنی گە*ل و هێرشەکانی سوپای داگیر*کەری تورکیا بەم شێوەیەی خوارەوەیە: ١ .یەکەی خاتوونی شەهید ئاخین موش ڕۆژی ١٩ی ئەیلول کاتژمێر ١٢:٥٦ خولەک، یەکەی شەهید ئاخین مووش ئۆپەراسیۆنێکی ئاسمانی دژی سوپای داگیر*کەری تورکیا ئەنجامدا کە لە هەوڵی دامەزراندنی ڕێگایەکی سەربازیدا بوون بۆ ئۆپەراسیۆنی داگیرکاریی لە گۆڕەپانی بەرخۆدان لە گردی بەهار، سەرەڕای کوژرانی سەربازێکی تورک، گورزێکیان لە بولدۆزەرێکی زرێپۆشیش وەشاند. ٢. ناوچەی شەهید دەلیل، ڕۆژئاوای زاپ لە ١٩ی ئەیلول کاتژمێر ٠٩:٥٠خولەک،  شە*ڕڤانا*نی یەکینە&کانی ژنا*نی ئازاد بە چەکی نیمچە ئۆتۆماتیکی سەربازانی داگیر*کەریان لە گۆڕەپانی بەرخۆدان لە گردی ئامێدی کردە ئامانج. لە ١٩ی ئەیلول کاتژمێر ٠٣:٣٠خولەک، هێز*ەکا*نی پارا*ستنی گە*ل بە چەکی قورس سوپای داگیر*کەری تورکیایان لە گۆڕەپانی بەرخۆدان لە گردی ئامێدی کردە ئامانج. ڕۆژی ٢٠ی ئەیلول کاتژمێر ٠٤:٣٠ خولەک، هێزە*کانی پارا*ستنی& گە*ل سەربازانی دوژمنیان کردە ئامانج؛ کە بە چەکی قورس هەوڵیان دەدا دار لە گۆڕەپانی بەرخۆدان لە گردی ئامێدی ببڕن. ٣. ناوچەی مەتینا لە ١٩ی ئەیلول، کاتژمێر ٠٩:٠٥ خولەک و ٠٤:٤٠ خولەک، هێزە*کانی پار+استنی^٪ گە#ل، سوپای داگیر٪$کەری تورکیایان کردە ئامانج کە هەوڵی دروستکردنی شوێن و پێگەیان دەدا لە گۆڕەپانی بەرخۆدان لە سێری مەتینا و جموجۆڵەکانیان ڕاگیرا. ٤. ناوچەی خاکورک لە ٢٠ی ئەیلول کاتژمێر ١٠:٣٠خولەک، شە*ڕڤا&نانی یەکینە*کانی ژ*نانی ئاز*اد بە چەکی قورس سەربازانی داگیر&کەری تورکیایان لە گۆڕەپانی بەرخۆدان لە گردی شەهید هێمن کردە ئامانج. ٥. هێرشەکانی سوپای داگیر$کەری تورکیا لە ڕۆژانی ١٨ و ١٩ و ٢٠ی ئەیلول فڕۆکە جەنگییەکانی تورکیا ٤ جار گۆڕەپانەکانی بەرخۆدانی گردی ڕۆست و شەهید شەریف و کۆشین و بەربزینیان لە دەڤەری خاکروک بۆرد^وو&مانکرد. ٧ جاریش مەیدانەکانی بەرخۆدانی جەمرۆبۆتکی و بلند باز و شکڤتیان و دینارت و دەشتی کافیایان لە ناوچەی کاری بۆردوومانکرد، دوو جاریش گۆڕەپانی بەرخۆدانیان لە ناوچەی سێری مەتینا و شیلازێ لە ناوچەی مەتینا بۆرد*ووما*نکرد، ٥ جاریش گۆڕەپانەکانی بەرخۆدانیان لە گردی بەهار و گردی جودی لە ناوچەی شەهید دەلیل لە ڕۆژئاوای زاب بۆردوومانکرد، کە  بە گشتی دەکاتە ١٨ هێرشی ئاسمانی. لە ٢٠ی ئەیلولدا، هێلیکۆپتەرە هێرشبەرەکانی تورکیا جارێک گۆڕەپانی بەرخۆدانیان لە گردی ئامێدی لە ناوچەی شەهید دەلیل لە ڕۆژئاوای زاب بۆردو*ومانکرد. ٢١ی ئەیلوولی ٢٠٢٤ ناوە&ندی ڕاگەیا*ندنی& هێزە*&کانی پارا&ستنی گە#ل

هاوڵاتی   ئالینا ڕۆمانۆڤسکی باڵیۆزی ئەمریکا لە عێراق، له‌ بڵاوکراوەیەکی تۆڕی کۆمەڵایەتی “X” رایگه‌یاند، وڵاته‌كه‌ی پابەندە بە کارکردن لەگەڵ هاوبەشەکانی لە حکومەتی عێراق و ڕێکخراوەکانی کۆمەڵگەی مەدەنی عێراق، بۆ بەرەوپێشبردنی عێراقێکی ئاشتیخواز و ئاوەدان بۆ نەوەکانی داهاتوو، ده‌شڵێت، "هەڕەشەکان لەسەر ئاسایش و سەروەری عێراق بەردەوامە". ئالینا ڕۆمانۆڤسکی، باڵیۆزی ئەمریکا لە بەغدا له‌ په‌یامێكدا له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی "X" بەبۆنەی ڕۆژی جیهانیی ئاشتی، نوسیویه‌تی، "هەڕەشەکان لەسەر ئاسایش و سەروەری عێراق بەردەوامە. هەروەها هەر لە پەیامەکەیدا هاتووە و دەڵێت، ئەمریکا پابەندە بە کارکردن لەگەڵ هاوبەشەکانی لە حکومەتی عێراق و ڕێکخراوەکانی کۆمەڵگەی مەدەنی عێراق، بۆ بەرەوپێشبردنی عێراقێکی ئاشتیخواز و ئاوەدان بۆ نەوەکانی داهاتوو".   ئەمە لە کاتێدایە، هێرش و داگیرکارییەکانی وڵاتانی دراوسێی عێراق بەتایبەتی دەوڵەتی تورک بۆ سەر هەرێمی کوردستان بەردەوامە، کە بەهۆیەوە چەندین هاوڵاتی مەدەنی کوژراون و بیرنداربوو، هەروەها دەیان خێزانیش لەگوندەکانی سەر سنوور بەهۆی هێرش و بۆردوومانەکانەوە ئاوارە بوون، تا ئێستا نە حکومەتی عێراق و نە حکومەتی هەرێمی کوردستان هیچ هەڵوێستێکی کرداریان بەرامبەر بە تورکیا نەبووە، بگرە هەندێک لایەنی سیاسیش ئاسانکاریان بۆ داگیرکارییەکانی تورکیا کردوە. هەروەها لە ماوەی ڕابردوودا وڵاتی ئێرانیش چەندین جار هێرشی کردۆتە سەر سنوورەکانی هەرێمی کوردستان و عێراق بەبیناووی بوونی هەندێک لە حزبەکانی ڕۆژهەڵاتی کوردستان.  

هاوڵاتی هەرچەندە وابڕیاربوو كە هەفتەی ڕابردوو شاندی باڵای هەرێمی کوردستان سەردانی بەغدا بكەن، بەڵام بەهۆی چەند كێشەیەكی هونەری لەتەواونەبوونی لیستی مووچە، ئەو سەردانە ئەنجام نەدراو بڕیارە سبەی شاندەکە سەردانی بەغدا بكەن و لەگەڵ خۆیاندا لیستی مووچەی هەشت ببەنە بەغدا. بەگوێرەی ئەو زانیارییانەی دەست هاوڵاتی کەوتووە، قەرارە سبەی یەكشەممە شاندێكی باڵای حكومەتی هەرێم، كە پێكدێن؛ لە ئومێد سەباح سەرۆكی دیوانی ئەنجومەنی وەزیران، ئامانج ڕەحیم سكرتێری ئەنجومەنی وەزیران، ئاوات شێخ جەناب وەزیری دارایی و چەند بەرپرسێكی دیكەی حكومەتی هەرێم سەردانی بەغدا دەكەن و لەگەڵ بەرپرسانی حكومەتی عێراق كۆدەبنەوە. هەروەها سەبارەت بە مەبەستی سەردانەكەی شاندەكەی هەرێم بۆ بەغدا، باسی لەوەکرد، سەرەڕای ئەوەی لیستی مووچەی مانگی هەشت لەگەڵ خۆیان دەبەن، لە هەمان كاتیشدا گفتوگۆ لەسەر مووچەی خانەنشینان بە گشتی و تەواوكاری مووچەی مانگی هەشت دەكەن. ئاماژەی بەوەشکرد، هەر لە سەردانی ئەو شاندەی هەرێم بۆ بەغدا و كۆبوونەوەیان لەگەڵ بەرپرسانی عێراق گفتوگۆ لەسەر كێشەی ناوی زیاد كراوی مووچەخۆران و چارەسەری كێشەی رادەستكردنی داهات و هەروەها باس لە دامەزراندنی سێ یەكەمەكان و گرێبەستەكان دەكەن.  

هاوڵاتی دوای ئەوەی حکومەتی عێراق نزیکەی ١٥٠ ملیار دیناری بۆ پارەی گەنمی جووتیارانی هەرێمی کوردستان خەرجکرد و پارەکەی کرد بە چەک، بەڵام لە ئێستادا کێشە بۆ خەرجکردنی بەشە پارەی جووتیارانی سلێمانی و هەڵەبجە دروستبووە. نەسرین ئەحمەد، بەڕێوەبەری سایلۆکانی سلێمانی و هەڵەبجە، بەمجۆرە زانیارى خستووەتەڕوو، چەکی پارێزگاکانی هەولێر و دهۆک خەرجکراوە، بەڵام بە پاساوی نەخوێندنەوەی سیستەم، بانکی رافیدەین ئامادە نییە بەشە پارەی گەنمی شاری سلێمانی و هەڵەبجە خەرج بکات. بەڕێوەبەری سایلۆی سلێمانی دەڵێت، چەکەکە کۆمپانیایەک دروستی دەکات و هەر سەر بە بانکی رافیدەینە لە بەغدا، بەڵام ئێستا بانکەکە دەڵێت، ئەو چەکەی بۆ سلێمانی کراوە سیستەم نایخوێنێتەوە و بۆیە پارەکە خەرج ناکەن. نەسرین ئەحمەد وتیشی، بەڵێنمان پێدراوە سبەی کێشەکە چارەسەر بکەن، بەڵام دڵنیاکەرەوە نییە." هەروەها نازم محەممەد، بەڕێوەبەری سایلۆی دهۆک، پارەی ئێمه‌ وەرگیراوە و رۆژانی چوارشەممە و پێنجشەممە بەشێکیان دابەشکردووە و لە سبەینێوە بەشەکەی دیکەش دابەش دەکەن.

هاوڵاتی بڕیارە ئەمڕۆ، شەممە محەمەد شیاع سوودانی، بەسەردانێكی فەرمی بچێتە نیویۆرك، وەك نووسینگەكەی بڵاوی كردووەتەوە، سەردانەكەی سوودانی بەشداریكردنە لە ٧٩یەمین دانیشتنی كۆمەڵەی گشتیی نەتەوە یەكگرتووەكان. نووسینگەی راگەیاندنی سەرۆک وەزیران لە راگەیەندراوێکدا بڵاویکردەوە، سەردانەکەی محەمەد شیاع سودانی، سەرۆک وەزیرانی عێراق بە مەبەستی بەشداریکردنە لە  ٧٩هەمین دانیشتنی کۆمەڵەی گشتیی نەتەوە یەکگرتووەکان. هەروەها لە راگەیەندراوەکەدا هاتووە، سودانی لە کۆبوونەوەکەدا کە زۆرێک لە سەرکردەی وڵاتان بەشداری تێدادەکەن، وتاری عێراق پێشکەشدەکات. هەر بەپێی راگەیەنراوەكەی نووسینگەی راگەیاندنی سەرۆك وەزیرانی عێراق، سوودانی جگە لە كۆبوونەوەی لەگەڵ ئەمینداری گشتیی نەتەوە یەكگرتووەكان، زنجیرەیەك دیدار و كۆبوونەوە لەگەڵ سەركردەی چەند وڵاتێك و بەرپرسانی رێكخراو و ئۆرگانە نێودەوڵەتییەكان ئەنجام دەدات.  

هاوڵاتی بەگوێرەی ڕاگەیەنراوی وەزارەتی خوێندنی باڵا، زانكۆلاین بۆ ماوەى 10 رۆژ بۆ دەرچووانى 12ی ئامادەیى کارا دەکرێت. وەزارەتی خوێندنی باڵا و توێژینەوەی زانستیی هەرێمی کوردستان رایگەیاند، لە سبەینێوە زانكۆلاین بۆ ماوەى 10 رۆژ بۆ دەرچووانى 12ی ئامادەیى کارا دەکرێت، "ئێمە بەرپرس نابین لە هەر هەڵەیەک لەکاتى پڕکردنەوەى زانکۆلاین لە سەنتەرە بازرگانییەکان." پڕۆسه‌ی پێشکێشکردن بۆ وه‌رگرتنی ده‌رچووانی 12ی ئاماده‌یی له‌ زانكۆكانی هەرێمی كوردستان دەستپێدەکات، بەپێی وەزارەتی خوێندنی باڵا، لە رۆژی شەممە 21ی ئەیلوولی 2024ەوە، لە کاژێر 12:00ى نیوەڕۆ، زانكۆلاین بۆ ماوەى 10 رۆژ بۆ دەرچووانى 12ی ئامادەیى کارا دەکرێت. وەزارەتی خوێندنی باڵا و توێژینەوەی زانستیی هەرێمی کوردستان ئەوەشی خستەڕوو، سبەینێ 21ی ئەیلوول وێبسایتی (www.regayzanko.com) بۆ دەرچووانی 12ی ئامادەیی (زانستی، وێژەیی و پیشەیی) تاوەکو رۆژى 30ی ئەیلوول کارا دەبێت. هەروەها ده‌رچووان لەو ماوەیەدا ده‌توانن فۆرمی وه‌رگرتن له‌ زانكۆ و په‌یمانگه‌كان پڕبكه‌نه‌وە و پێشكەشی بكه‌ن، هه‌روه‌ك ده‌رچووان ده‌بێت سەردانی خوێندنگەکانی خۆیان بکەن بە مەبەستی وەرگرتنەوەی ناوى بەکارهێنەر و وشەى تێپەڕ (Username) و (Password)”.  

هاوڵاتی لێژنەی پەرلەمانی عێراق بۆ بەرەنگاربوونەوەی هۆشبەرەکان ئاشكرای دەكات، لە چەند پارێزگایەكی عێراق تاقیگەی بەرهەمهێنانی هۆشبەرەکان دۆزراوەتەوە. ئەرشاد ساڵحی، ئەندامی لێژنەی بەرەنگاربوونەوەی هۆشبەرەکان لە پەرلەمانی عێراق:  “مەترسیی بەکارهێنانی هۆشبەرەکان بەجۆرێكە، گەیشتووەتە ئاستی دۆزینەوەی تاقیگەی بەرهەمهێنانی هۆشبەرەکان لە چەند پارێزگایەكی عێراق.” “ئەوەی هەیە دەرخەری مەترسیی بەڵای هۆشبەرەکانە لە عێراق و بۆ بەرەنگاربوونەوەی پێویستی بە هەوڵی جدیی هەیە.”  “ئێمە لە لێژنەی بەرەنگاربوونەوەی هۆشبەرەکان، باوەڕمان بە پێویستیی هەماهەنگیی نێوان سەرجەم دەزگا ئەمنییەکان هەیە، بۆ ئەوەی بەرەنگاری ئەو مەترسییە ببینەوە.” هاوکات مانگی رابردوو، میدیاكانی عێراق ئاشكرایان كرد، كه‌ كێڵگەیەكی گه‌وره‌ی چاندنی هۆشبەرەكان لە بەغدا دۆزراوەته‌وه‌، كە 7 دۆنم هۆشبەری تێدا چێنراوە. پێشتریش پارێزگاری واست رایگەیاند، كێڵگەیەكی چاندنی هۆشبەرەكانیان دۆزیوەتەوە، دواتر بووە مایەی تووڕەیی و بێزاریی خەڵكەكە. پاشان دەسەڵاتدارانی عێراق دەستگیركردنی سێ فەرمانبەری شارەوانییان راگەیاند، كە لە باخچە گشتییەكاندا هۆشبەری جۆری خەشخاشیان چاندبوو، ئەوەش تیشكی خستە سەر پەرەسەندنی چاندنی هۆشبەرەكان لە عێراق. چەند شارەزاو توێژەرێکی کۆمەڵایەتی بە میدیاکانی عێراقیان وتووە، دیاردەی چاندنی هۆشبەرەكان، كە لەم دواییانە بە ئاشكرا لە بەغدا دۆزراوەتەوە، بەڵگەیە لەسەر ئەوەی، كە قۆناغی گواستنەوەی هۆشبەرەكان لە عێراق گۆڕاوە بۆ قۆناغی بەرهەمهێنانی ناوخۆیی، مانای ئەوەیە، كە داخوازیی زۆری لەناوخۆی عێراق لەسەر هەیە و ئەمەش زەنگێكی ترسناكە و دەبێ بەرپرسانی ئەو وڵاتە بیبیسن.” هەروەها راپۆرتەكانی نەتەوە یەكگرتووەكانیش ئاماژە بۆ ئەوە دەكەن، ئاستی هۆشبەرەكان لەم پێنج ساڵەی دواییدا لە عێراق 30% زیاد كردووە، هۆكارەكانیش بۆ هەژاری و نەبوونی چاودێری لە سنوورەكان و خاویی گرتنەبەری رێوشوێن و رێكارەكان دەگەڕێننەوە.  

هاوڵاتی ئاسایشی نیشتیمانی عێراق، ڕاگەیاندراوێکی سەبارەت بە دەستگیرکردنی تۆڕێکی ساختەکردنی ساڵنامەو تابلۆی ئۆتۆمبێل راگەیاند. ئاسایشی نیشتیمانی عێراق، لە راگەیەندراوێکدا ئاشکرایکردووە، تۆڕێکی دوو کەسیان لە پارێزگای دیالە دەستگیرکردوە، کە کاریان ساختەکردنی تابلۆی ئۆتۆمبێل و دەرکردنی ساڵنامەی ئۆتۆمبێل بووە. ئاماژەی بۆ ئەوەشکردووە، لە کاتی دەستگیرکردنیاندا 26 تابلۆی ساختەی ئۆتۆمبێل و چەندین ساڵنامەو بریکارنامەی ساختەیان پێبووە، کە بۆ رایی مامەڵەکانیان لە هەموو پاێزگاکانی عێراق بەکاریان هێناوە.

هاوڵاتی سەرچاوەیەکی ئەمنی بە هاوڵاتی رایگەیاند: شەوی ڕابردوو لەکاتی ئاهەنگ گێڕانێکی هاوسەرگیریدا لە گەڕەکی 55ی خوارووی کەرکوکدا، زاواو چەند کەسێکی نزیکی زیندانی کراون. سەرچاوەکە باسی لەوەشکرد، لەکاتی ئاهەنگەکەدا کەسوکاری زاوا تەقەیەکی خۆشی زۆریان کردووەو بەو هۆکارە هێزەکانی پۆلیسی فریاکەوتنیش بەگومانی شەڕو پێکدادان، بەپەلە گەیشتوونەتە شوێنی ئاهەنگەکەو زاواو سێ لە کەسە نزیکەکانیان دەستگیرکردووە، بەوەش زاوا شەوی هاوسەرگیری و هەنگوینی خۆی لە زیندان بەڕێکردووە.

هاوڵاتی ئەمڕۆ هەینی 20ی ئەیلوولی 2024، مامۆستایانی گرێبەستی سەرجەم شارو شارۆچکەکانی هەرێمی کوردستان بەیاننامەیەکیان بڵاوکردەوە و ڕایانگەیاند، چیتر ئەو کەسانە نوێنەری ئێمە نین و بۆیان نییە بەناوی ئێمەوە خەریکی بە شانوباڵهەدان و پێشکەشکردنی گوڵ بن بەو دەسەڵاتدارانەی، کە جگەلە هاڕینی شکۆ و ئێسکەکانمان و چەرمەسەری بۆ ئێمە و گەلە ستەمدیدەکەمان، هیچ شتێکی جوانیان نەبووە پێشکەشمان بکەن. دەقی بەیاننامەکەی مامۆستایانی گرێبەستی سەرجەم شار و شارۆچکەکانی هەرێمی کوردستان: بەیاننامەی مامۆستایانی گرێبەستی سەرجەم شارو شارۆچکەکان ڕوونکردنەوەیەک لە نوێنەرانی مامۆستایانی گرێبەستی پەروەردەکان ــ بۆ ڕای گشتیی ــ مامۆستایانی میلاک و گرێبەست ــ فەرمانبەران و مافخوراوانی دەستی ستەم ــ دەزگا میدیاییەکان و سایت و پەیجەکان لەپاش چەندین ساڵ لە خەباتکردنمان؛ بە سەرما و گەرما، بۆ داواکردنی مافە سەرەتاییەکانمان کە سادەترینیان خۆی لە دامەزراندن بە شێوەی هەمیشەیی دەبینییەوە؛ دەسەڵاتی بێباک و لووتبەرز و داماڵراو لە بەهاکانی حوکمڕانیی و دەوڵەتداریی؛ هیچ وەڵامێکی ئەرێنی نەداینەوە، هەرجارە و بە فێڵ و بەڵێنێکی ناڕاست و لە بەرامبەریشدا بە هەڕەشەی دەرکردنمان لە وانەبێژی و چاوسوورکردنەوە کۆتاییان بە خەباتە مەدەنییەکەمان دەهێنا. پاش دووساڵ لە بەسەرچوونی ماوەی یاسایی ئەم حکومەتە و لە سەروەختی نزیکبوونەوەی بانگەشەی هەڵبژاردن؛ دەسەڵات لە ڕێی چەند کەسێکەوە (کە خۆیان وەک نوێنەر و دەمڕاستی وانەبێژان لەقەڵەمداوە) فەرمانی بەگرێبەستبوونمانی وەک مژدەیەکی گەورە پێ ڕاگەیاندووین. ئێمە وەک نوێنەرانی ڕاستەقینەی پەروەردەکان، سەرباری دەربڕینی نیگەرانی خۆمان بەرامبەر دەسەڵاتێک، کە مافی هەمیشەییبوونیان لێ زەوتکردووین و دەیانەوێت بە گرێبەستبوونێک (کە جیاوازییەکی ئەوتۆی نییە لەگەڵ وانەبێژیدا لە ڕووی ئیمتیازات و مووچەوە) سوپاسیان بکەین؛ هاوکات بە گومانەوە لەو جوڵە و لێدوانە قەبەکەرانەی چەند کەسێک دەڕوانین، کە شەو و ڕۆژیان داوەتە دەم یەک بۆ ماکیاجکردنی ڕووی دزێوی دەسەڵاتێکی تاڵانکاری بێهەست و ستەمکار. بەڕێزان... ئێمە پێمانوایە ڕابەرایەتی و نوێنەرایەتیکردنی هەر چینوتوێژێک؛ پێویستی بە کەسانی قوربانیدەر و هۆشیار و چاوکراوە و دلێرە؛ بەجۆرێک بەر لە شەڕی ماددە، شەڕی ئیرادە و شکۆ بۆ خۆی و هاوڕێکانی بکات. هەر بۆیە پێمان شەرم و نەنگییە چەند کەسێک بە نوێنەری خۆمان بزانین، کە بیریان چووبێتەوە یان لەبیری خۆیان بردووەتەوە! کە دەسەڵات سەبەتەیەک خورمای لێبردووین و شەکرێکی لە مێرووبەجێماوی بە منەت و چاوشۆڕکردن پێداوین. بۆیە لێرەوە ڕایدەگەیەنین؛ لەدوای ئەم ڕوونکردنەوەیەوە، چیتر ئەو کەسانە نوێنەری ئێمە نین و بۆیان نییە بەناوی ئێمەوە خەریکی بە شانوباڵهەدان و پێشکەشکردنی گوڵ بن بەو دەسەڵاتدارانەی، کە جگەلە هاڕینی شکۆ و ئێسکەکانمان و چەرمەسەری بۆ ئێمە و گەلە ستەمدیدەکەمان، هیچ شتێکی جوانیان نەبووە پێشکەشمان بکەن. بە دەسەڵاتیش دەڵێین: خەیاڵتان خاوە، بە فەرمانی گرێبەستکردنمان، بتانەوێ درز بخەنە نێوان ئێمە و مامۆستایانی بەهەڵوێستی هەمیشەییەوە؛ کردنەوەی دەوام بەندە بە پێدانی مووچەی مانگەکانی (٦٫٧٫٨٫٩) و جێبەجێکردنی داواکارییەکانی مامۆستایانی هەمیشەیی. نوێنەرانی پەروەردەکانی ١- شارەزوور ٢-هەڵەبجەی شەهید ٣- کەلار ٤- پێنجوێن ٥- سەیدسادق ٦- بەردەڕەش  ٧ - سۆران ٨- کفری ٩- پشدەر ١٠- دوکان ١١- کۆیە ١٢- ڕۆژهەڵات ١٣- ڕۆژئاوا ١٤- چەمچەماڵ ١٥- خەبات ١٦- کەرکووک ۱۷‌ـ قەرەداغ

  هاوڵاتی شەوی ڕابردوو لە ئەنجامی ڕووداوێکدا لە شەقامی بازنەی مەلیک مەحمود لە لایەن کەسێکەوە تەقە لە دوو گەشتیاری عەرب کرا و بە هۆیەوە یەکێکیان گیانیلەدەستدا. هۆکاری درووستبوونی ڕووداوەکە دەگەڕێتەوە بۆ دەست شکاندنەوەی ئۆتۆمبێل بەسەر یەکتریدا و دواتر لە نێوایاندا دەمەقاڵێ و گرژی درووسبووە و لە ئەنجامدا کەسێک کە برای بەرپرسێکی دژەتیرۆری یەکێتیە تەقەی لە دوو هاوڵاتییە عەرەبەکە کردووە و یەکێیان گوللە بەر قاچی کەوتووە و ئەوەی تریشتان بەر سەری کە بەهۆی سەخی برینەکەیەوە گیانی لەدەستدا. ئەمڕۆش لەسەر ئەم ڕووداوە دەزگای ئاسایشی هەرێمی کوردستان ڕاگەندراوێکی بڵاوکردەوە و ڕایگەیاند، دوای ئەوەی شەوی ڕابردوو ٢٠٢٤/٩/١٩ لە شەقامی مەلیک مەحمود لەشاری سلێمانی دەمەقاڵێ و ئاڵۆزی لە نێوان سەرنشینانی ( دوو )ئۆتۆمبێل دروست دەبێت، شۆفێری یەکێک لە ئۆتۆمبێلەکان بەچەکی جۆری (دەمانچە) دوو هاوڵاتی بریندار دەکات و بەداخەوە دەبێتە هۆی گیان لەدەستدانی یەکێکیان و تۆمەتبار بەخێرایی شوێنی ڕووداوەکە بەجێدەهێڵێت و هەڵدێت. ئەوەشی خستۆتەڕوو، دەستبەجێ بەڕێوەبەرایەتی ئاسایشی پارێزگاى سلێمانی گەیشتنە شوێنی ڕووداوەکە، بەبڕیاری دادوەری لێکۆڵینەوەی بەهاوکاری هێزە ئەمنییەکانی سلێمانی لەماوەی کەمتر لە( ٥ )کاتژمێر تۆمەتباری تەقەکەر دەستگیرکرا و ڕووبەڕوی یاسا کرایەوە. بە پێی زانیارییەکانی هاوڵاتی، ئەو گەشتیارە عەرەبانە لە کارمەندی وەزارەتی ناوخۆی عێراق بوون و بۆ گەشتیاری هاتبوونە شاری سلێمانی و بەڵام دوێنێ شەو لە ئەنجامی ڕووداوەکە هەردووکیان بریندارکراون و گوستراونەتەوە بۆ نەخۆشخانە و یوکێکیان بەهۆی سەختی برینەکەی ئەمڕۆ گیانی لەدەستدا و تاوەنباری ڕووداوەکەش برای بەرپرسێکی دژە تیرۆری یەکێتییە.

هاوڵاتی نەوزاد شێخ كامیل، بەڕێوەبەری گشتیی بازرگانیی هەرێمی کوردستان لەبارەى قەدەغەکردنى هاوردەى مۆدێلێکى ئۆتۆمبێل بۆ هەرێمی کوردستان ڕایگەیاند، بڕیارە لە مانگی ١١ی ئەمساڵەوە هاوردەكردنی ئۆتۆمبێلى مۆدێل ٢٠٢٢ بۆ هەرێمی كوردستان ڕابگیرێت. نەوزاد شێخ کامیل دەشڵێت، لە دوای مانگی ١١ی ئەمساڵەوە بڕیارە ئۆتۆمبێلی مۆدیلەكانی ٢٠٢٣- ٢٠٢٤ و ٢٠٢٥ هاوردەی هەرێمی کوردستان بكرێن. ئەوەشی ئاشکراکردووە، ئەو ئۆتۆمبێلانەی مۆدیل ٢٠٢٢ ن و داخڵكراون هیچ گرفتێكیان نییە و تابلۆیان پێدەدرێت.

هاوڵاتی دەزگای ئاسایشی هەرێمی کوردستان کە ڕاگەندراوێکدا ڕایگەیاند، تۆمەتباری ڕووداوی تەقەکردنەکەی شەوی ڕابردووی شەقامی (مەلیک مەحمود)ی شاری سلێمانیمان دەستگیرکرد. دەقی ڕاگەندراوەکەی دەزگای ئاسیشی هەرێمی کوردستان: دەزگای ئاسایشی هەرێم دەستگیرکردنی تۆمەتباری ڕووداوی تەقەکردنەکەی شەوی ڕابردووی شەقامی (مەلیک مەحمود)ی شاری سلێمانی ڕادەگەیەنێت. دوای ئەوەی شەوی ڕابردوو ٢٠٢٤/٩/١٩ لە شەقامی مەلیک مەحمود لەشاری سلێمانی دەمەقاڵێ و ئاڵۆزی لە نێوان سەرنشینانی ( دوو )ئۆتۆمبێل دروست دەبێت، شۆفێری یەکێک لە ئۆتۆمبێلەکان بەچەکی جۆری (دەمانچە) دوو هاوڵاتی بریندار دەکات و بەداخەوە دەبێتە هۆی گیان لەدەستدانی یەکێکیان و تۆمەتبار بەخێرایی شوێنی ڕووداوەکە بەجێدەهێڵێت و هەڵدێت. دەستبەجێ بەڕێوەبەرایەتی ئاسایشی پارێزگاى سلێمانی گەیشتنە شوێنی ڕووداوەکە، بەبڕیاری دادوەری لێکۆڵینەوەی بەهاوکاری هێزە ئەمنییەکانی سلێمانی لەماوەی کەمتر لە( ٥ )کاتژمێر تۆمەتباری تەقەکەر دەستگیرکرا و ڕووبەڕوی یاسا کرایەوە.