هاوڵاتى سهرۆكی پهرلهمانی كوردستان داوا له سێ سهرۆكایهتییهكهی عێراق دهكات ڕۆڵیان ههبێت له كوژاندنهوهی ئاگری ناوچه سنوورییهكانی ههرێم. ئەمڕۆ یەكشەممە، 6 حوزەیرانی 2021 له دیداری ئاڵنگاری و پێشهاتهكانی بهردهم ههرێمی كوردستان كه له بینای پهرلهمانی كوردستان بهڕێوهدهچوو ڕێواز فایهق سهرۆكی پهرلهمانی كوردستان ڕایگهیاند: پێویسته سهرهڕای جیاوازی بیركردنهوهكانمان ههوڵبدهین مهترسییهكانی سهر قهوارهی ههرێمی كوردستان كۆمان بكاتهوه. سهرۆكی پهرلهمانی كوردستان سهبارهت به گرژییه سنوورییهكان، ڕایگهیاند: یاداشتێكمان لهبارهی گرژییهكانی سهر سنووری ههرێمی كوردستان ئاڕاستهی نهتهوه یهكگرتووهكان و بهرپرسانی عێراقی كردووه و دواشی له سێ سهرۆكایهتییهكهی عێراق كرد ڕۆڵیان لهكوژاندنهوهی ئاگری ناوچه سنوورهییهكان ههبێت. دیدار ئاڵنگاری و پێشهاتهكانی بهردهم ههرێمی كوردستان له چهند پانێڵی جیاواز پێكهاتووه كه ههموویان پهیوهندییان به قهوارهی ههرێمی كوردستانهوه ههیه.
هاوڵاتى سەرۆکایەتی کۆماری عێراق راگەیاندراوێکی لەبارەی کۆبونەوەی بەرهەم ساڵح و شاندی یەکێتی بڵاوکردەوە و رایگەیاند، جەختکرایەوە لە چارەسەرکردنی کێشە ھەڵپەسێردراوەکانی نێوان ھەردو حکومەتی فیدراڵ و حکومەتی ھەرێمی کوردستان بە گوێرەی دەستور و یاسا و پاراستنی مافی ھاوڵاتیان و موچەخۆران. ئەمڕۆ یەكشەممە، 6 حوزەیرانی 2021 سەرۆکایەتی کۆماری عێراق بڵاویکردەوە، بەرھەم ساڵح، سەرۆک کۆماری عێراق لە کۆشکی سەلام لە بەغدا پێشوازیکرد لە بافڵ تاڵەبانی، ھاوسەرۆکی یەکێتی و سەبارەت بە دۆخی گشتی عێراق و ھەرێمی کوردستان و گوزەرانی خەڵک گفتوگۆکراوە. دەقی ڕاگەیاندراوی سەرۆکایەتی کۆماری عێراق:... سەرۆک کۆمار پێشوازیکرد لە ھاوسەرۆکی یەکێتیی نیشتمانیی کوردستان د. بەرھەم ساڵح، سەرۆک کۆماری عێراق ئەمڕۆ یەکشەممە ٢٠٢١/٦/٦ لە کۆشکی سەلام لە بەغدا پێشوازیکرد لە بافڵ تاڵەبانی، ھاوسەرۆکی یەکێتیی نیشتمانیی کوردستان و سەبارەت بە دۆخی گشتی عێراق و ھەرێمی کوردستان و گوزەرانی خەڵک گفتوگۆکرا. لە دیدارەکەدا جەختکرایەوە لە بەھێزکردنی گفتوگۆ و دیالۆگ و چارەسەرکردنی کێشە ھەڵپەسێردراوەکانی نێوان ھەردوو حکومەتی فیدراڵ و حکومەتی ھەرێمی کوردستان بە گوێرەی دەستوور و یاسا و پاراستنی مافی ھاووڵاتیان و مووچەخۆران و ھێنانەکایەی دادپەروەری کۆمەڵایەتی و باشکردنی ژیان و گوزەرانی خەڵک بێ جیاوازی. لە بەشێکی دیکەی دیدارەکەدا دووپاتکرایەوە لە گرنگی پتەوکردنی ھاریکاری و ھەماھەنگی نێوان دەزگاکانی حکومەتی فیدراڵ و حکومەتی ھەرێم بۆ گەیشتن بە رێگاچارەی گونجاو لە پێناو بەرژەوەندی گشتی وڵات و بەھێزکردنی ئاسایش و ئارامی و ھێنانەدی داواکارییە رەواکانی خەڵک. ھەر لە دیدارەکەدا بەگرنگییەوە باس لە بەھێزکردنی دیالۆگی جددی نێوان ھێز و لایەنە سیاسییەکانی عێراق و ھەرێمی کوردستان کرا لە پێناو چارەسەرکردنی کێشە سیاسییەکان، بەتایبەتی کێشەکانی خەڵک.
هاوڵاتى وەزارەتی كشتوكاڵ و سەرچاوەكانی ئاو، بڕیاریدا بەدیاری كردنی نرخی كڕینەوەی گەنمی جوتیاران لە دەرەوەی پرۆسەی وەرگرتنی گەنم لە لایەن عێراق، لە سایلۆكانی هەرێمی كوردستان، بەپێی ئەو گرێبەستەی كە ئەنجامدراوە لەگەڵ هەردوو كۆمپانیای خۆشناو و قەیوان. ئەمڕۆ یەكشەممە، 6 حوزەیرانی 2021 وەزارەتی كشتوكاڵ و سەرچاوەكانی ئاو، بڕیاریدا بەپێی فەرمانی وەزاری ژمارە( ٣٧٥٠) لە ڕێكەوتی ٢٠٢١/٦/٦ بە واژۆی بێگەرد تاڵەبانی دەرچووە، بەپێی رێكەوتنی نێوان هەردوو كۆمپانیا و وەزارەتی كشتوكاڵ، نرخی كڕینەوەی گەنمی جوتیاران بۆ ئەم ساڵ دیاریكراوە. دەقی راگەیاندنی وەزارەتی کشتوکاڵ و سەرچاوەکانی ئاو وەزارەتی کشتوکاڵ و سەرچاوەکانی ئاو، بڕیاریدا بەدیاری کردنی نرخی کڕینەوەی گەنمی جوتیاران لە دەرەوەی پرۆسەی وەرگرتنی گەنم لە لايەن عيراق، لە سایلۆکانی هەرێمی کوردستان، بەپێی ئەو گرێبەستەی کە ئەنجامدراوە لەگەڵ هەردوو کۆمپانیای خۆشناو و قەیوان. بەپێی فەرمانی وەزاری ژمارە( ٣٧٥٠) لە ڕێکەوتی ٢٠٢١/٦/٦ بە واژۆی بێگەرد تاڵەبانی دەرچووە، بەپێی رێکەوتنی نێوان هەردوو کۆمپانیا و وەزارەتی کشتوکاڵ، نرخی کڕینەوەی گەنمی جوتیاران بۆ ئەم ساڵ دیاریکراوە، هاوپێچ زانیاری زیاتر لەسەر پرۆسەی وەرگرتن و کڕینەوەی گەنم ئاماژەی پێکراوە لە (5) خاڵدا. ئەم بڕیارە یەکێکە لە هەنگاوە گرینگەکانی پرۆژەی ستراتیژی و نیشتیمانی بەبازاڕکردنی گەنمی جوتیاران لەسەرجەم پارێزگاکانی هەرێمی کوردستان کە ڕاستەوخۆ لەلایەن بێگەرد تاڵەبانی، وەزیری کشتوکاڵ و سەرچاوەکانی ئاو، سەرپەرشتی و چاودێری دەکرێت. راگەیاندنی وەزارەتی کشتوکاڵ و سەرچاوەکانی ئاو
هاوڵاتى مەکتەبی سیاسی پارتی لەبارەی رووداوەكەی دوێنێ بۆ سەر هێزی پێشمەرگە لە چیای مەتین راگەیاندراوێکی بڵاوکردەوە و رووداوەكە بە پیلانێكی گەورە دادەنێت و" پەكەكە "تۆمەتبار دەكات بەوەی دەستدرێژی كردۆتە سەر پێشمەرگە", بەڵام پارتی كرێكارانی كوردستان سەرەرای رەتكردنەوەی ئەو تۆمەتانە ئەوە دوپاتدەكەنەوە پارتی رێگە بۆ لەشكركێشی توركیا خۆش دەكات. مەکتەبی سیاسی پارتی لە ڕاگەیاندراوەكەیدا باسی هێرشەكانی توركیا ناكات كە 40كم هاتۆتە ناو خاكی هەرێمە و گوند و ناوچەكانی كوردستان بۆردومان دەكات. دەقی راگەیاندنی مەکتەبی سیاسی پارتی جەماوەری خۆشەویستی کوردستان حزب و لایەنە سیاسیەکان وا جارێکی دیکە و لە درێژەی سیاسەتە شەڕنگێزەکانی سێ دەیەی رابردوویاندا، دیسان چەکدارانی پەکەکە بە فەرمانی راستەوخۆی سەرانی گومانباری قەندیل، دەستیان چووە خوێنی پێشمەرگەی کوردستان و لەهێرشێکی لەناکاودا لە چیای مەتینی ناو خاکی ھەرێمی کوردستان پەلاماری هێزێکی پێشمەرگەیان دا، لە ئەنجامی ئەو پەلامارەدا پێنج پێشمەرگە شەهید و حەفتی دیکەش بریندار بوون. خهڵكی ئازیزی كوردستان.. ئێمە بە حوکمی تەجرەبەی زۆرمان لەگەڵ پەکەکە و سەرانیان، باش له مهبهست و مهرامهكانی پهكهكه تێدهگهین و ئەوەشمان زۆر جاران بە راشکاوی پێڕاگەیاندوون کە ئهوهی چهكدارەکانیان ساڵانیکە له ههرێمی كوردستان ئەنجامی دەدەن، تهنیا له بهرژهوهندیی نەیارانی گهلی كوردستان و ئەو لایەنانەیە کە نەک خۆشیان بۆ خەڵکی کوردستان ناوێت، بگرە لە دووی فورسەتێکن بۆ لەنیوبردنی، کەچی بەداخەوە، سەرانی پەکەکە، بە پێچەوانەی چاوەروانیی خەڵکی کوردستان و بانگەشەکانی خۆیانەوە ئهمڕۆ، نەک هەر رەچاوی هەلومەرجی هەستیاری هەرێمی کوردستان و گوزەرانی خەڵکەکەی ناکەن، بەڵکو بوونهته جێبهجێكاری ئهجیندای دەرەکی و بیانوویەکی حازربەدەست بۆ دهوڵهتانی ئیقلیمی تا هەر کاتێک و لە هەر جێیەک بیانەوێت سنوورەکان و سەروەری هەرێمی کوردستان ببەزێنن و فشارێکی ناوەختەی زۆر بخەنە سەر هەرێمی کوردستان، لەگەڵ ئەوەی باش دەرک بەوە دەکەن کە هەر زەبرێک بەر هەرێمی کوردستان بکەوێت، دەبێتە کارەساتێکی گەورە بۆ تێکڕای کوردستانیان و کورد لە هەر کوێیەک بن. جیا لە شەڕفرۆشتنی بەردەوام و راکێشانی سوپای دەرەوە و گێچەڵەکانیان بە هەرێمی کوردستان، سەران و چهكدارانی پەکەکە لەو رۆژەوەی هەڵاتوون و هاتوونەتە نێو خاکی هەرێمی کوردستانەوە، لە جیاتی ئەوەی وەک پەنابەر و میوان هەڵسوکەوت بکەن، نەک وەک خانەخوێش بگرە وەک داگیرکەر مامەڵە لەتەک گوندنشینان و جووتیارانی كوردستاندا دەکەن، منداڵانی کوردستان دەڕفێنن و مەشقی سەربازیان پێدەکەن و چەکداریان دەکەن. بەدرێژایی ناوچە کوردستانیەکانی دەرەوەی ئیدارەی هەرێم لە خانەقینەوە تا شنگال، پهكهكه، دۆست و هاوپەیمانی ئەو هێز و تاقم و میلیشیایانەیە کە دژایەتی خەڵکی هەرێمی کوردستان دەکەن و ناوەناوە هەولێر مووشەکباران دەکەن..هەر بە هاوکاریی ئەوانیش، بوونەتە رێگری یەکەم و هەرە گەورەی بەردەم جێبەجێکردنی رێککەوتنی شنگال و ئاوادەنکردنەوەی دەڤەرەکە و گەڕانەوەی خەڵکە ماڵوێرانەکەی بۆ زێد و سەر ماڵوموڵکی خۆیان. پاش راپهڕینی ئاداری ١٩٩١، گوندنشینه راگوێزراوهكان به دهستی رژێمی بهعس، به حهماسهت و چاو له داهاتوەیەکی گەش، گهڕانهوه گوندهكانی خۆیان، بهڵام پهكهكه بووه هۆی دووباره دهربهدهربوونهوهی گوندنشینانی سەدان گوندی ناوچه سنوورییهكان. پهكهكه، ههر بهوهندهوە نهوهستاوە کە بەناهەق باج و سهرانه له جووتیارانی كوردستان وهربگرێت، بهڵكو به بهرنامه، ههوڵی تێكدانی قهوارهی دهستووریی ههرێمی كوردستان دهدات. له ساڵی ٢٠١٤، كاتێ داعش پهلاماری كوردستانی دا، پێشمهرگه له ناوچه سنوورییهكان بهرهو بهرهكانی شهڕی دژی داعش چوون، پهكهكهش ئهو بارودۆخهی قۆستهوه، بهره بهره چووه ناو گوندهكان، کاتێک پێشمهرگه بهسهر داعشدا سهركهوت و فشار و مەترسیی داعشی تا ئاستێکی بەرچاو لە کوردستان دوورخستەوە، گهڕایهوه شوێنهكانی خۆی له ناوچه سنوورییهكان، كهچی پهكهكه خۆی به خاوهن ماڵ دهزانێ، پێشمهرگه و خهڵكی كوردستانیش به بێگانه! بۆیه زووزوو رووقایمانە رایدەگەنێت کە نابێت پێشمهرگه بچنه ئەو ناوچانەی ئهوان رۆژگاری سەرقاڵی پێشمەرگە بە شەڕی داعشەوە داگیریان کردوون. پهكهكه هیچ كاتێك رێزی لە سەروەریی هەرێمی کوردستان نەگرتووە و ئیعتباری بۆ حكوومهتی ههرێم كوردستان و دامەزراوەکانی دانهناوه و هیچ حسێبێکی بۆ یاساکان نەکردووە، بە پێچەوانەوە دانبهخۆداگرتنی حكوومهتی هەرێم و دامەزراوەکانی بە خراپترین شێوە قۆستۆتهوه. پهكهكه به مهبهست و دەستی ئەنقەست شهڕی لهگهڵ توركیا گواستۆتهوه نێو خاکی ههرێمی كوردستان و بهپیلانێکی دانراو شهڕ دهكات و ناوچهكان بۆ سوپای توركیا بهجێ دههێڵێت، تا خاکەکەمان بە داگیرکردن بدات و فشارەکانی سەر هەرێمی کوردستان زێدەتر بکات. ئهو دهستدرێژییهی دوێنێی پهكهكه بۆ سهر پێشمهرگه، دهستدرێژییه بۆ سهر تەواوی خاک و سەروەریی و خەڵکی ههرێمی كوردستان، هەر بۆیه لهسهر ههموو هێز و لایهنه سیاسییهكانی ههرێمی كوردستان پێویسته، به یهكدهنگی و یهكههڵوێستی، رووبهڕووی ئهو پیلانه گهورهیه ببنهوه كه سەرانی پهكهكه جێبهجێکارین. هاوکات لهسهر حكوومهتی فیدڕاڵی عێراقیش پێویسته رۆڵ و ئەرکی خۆی بگێڕێت. سەروەری بۆ شەھیدان و، بەرز و پارێزراوبێ ئەزموونی ھەرێمی کوردستان... مەکتەبی سیاسی پارتی دیموکراتی کوردستان
.jpg)
هاوڵاتى ناوەندی راگەیاندن و چاپەمەنی هێزەکانی پاراستنی گەل رایگەیاند لە چالاکییەکی گەریلاکان دژی سوپای توركیا لە مەتینا، سێ داگیرکەر سزادران و مۆڵگەیەک ڕووخێندرا. ئەمڕۆ یەكشەممە، 6 حوزەیرانی 2021 ناوەندی راگەیاندن و چاپەمەنی هێزەکانی پاراستنی گەل رایگەیاند:" بەپێی زانیاریی سەرچاوە هەرێمییەکان، کاتژمێر ٠٧:٣٠ خولەکی ئێوارەی دوێنێ، گەریلاکانی هەپەگە و یەژاستار لە گردی کۆردینەی هەرێمی مەتینا، بە سەر داگیرکەرانیاندا داوە و گورزی قورسیان لێداون. لەو چالاکییەدا مۆڵگەیەکی سەربازانی سوپای توركیا ڕووخێندراوە و سێ داگیرکەر سزادراون.
هاوڵاتى ھێزەکانی پێشمەرگە و سوپای عێراق ئۆپەراسیۆنی ھاوبەشیان بۆسەر مۆڵگە و بنکەکانی چەکدارانی داعش لە سنوری قەزای کفری دەستپێکرد. ئەمڕۆ یەکشەممە، 6ی حوزەیرانی 2021 ئۆپەراسیۆنی ھاوبەشی ھێزەکانی پێشمەرگە و سوپای عێراق لە ناحیەی زنانە لە سنوری قەزای کفری لە چەند قۆڵێکی جیاوازەوە بۆسەر بنکە و مۆڵگەکانی گروپی چەکداری داعش دەستیپێکرد. بەگوێرەی زانیارییەکان ئۆپەراسیۆنەکە بە پاڵپشتی ھێزە ئاسمانییەکانی ئیتالیا بەردەوامە و ناو بە ناو دەنگی فرۆکە جەنگییەکان بەر سەر ئاسمانی ناوچەکە دەبیسرێت. لە ئۆپەراسیۆنەکە لیوای کۆماندۆ و لیوای ١٤٤ی پێشمەرگەی ھەرێمی کوردستان بەشدارن.جەعفەر شێخ مستەفا، جێگری سەرۆکی هەرێمی کوردستان لەراگەیانراوێکدا بڵاویکردەوە، "بەیانی ئەمڕۆ لە ئۆپەراسیۆنێکی هاوبەشی ئاسمانی و وشکانی لە نێوان هێزە تایبەتەکانی لیوای کۆماندۆی سەر بەفەرماندەیی هێزەکانی حەفتا، لەگەڵ هێزەکانی دژە تیرۆری عێراقی، بە پاڵپشتی هێزەکانی هاوپەیمانانی دژ بە داعش لە عێراق، هێرش کرایە سەر بنکە شاراوەکانی تیرۆریستانی داعش لە گوندی پەلکانە و قۆریچایی لە سنوری نێوان قەزای کفری و خورماتو". ئاماژەی بەوەشکردوە، لە ئۆپراسیۆنەکەدا گورزێکی کوشندە بەر تیرۆریستانی داعش کەوت کە کوژرانی چەند تیرۆریستێکی لێکەوتەوە و سێ ئۆتۆمبێل کرانە ئامانج و سوتێنران، ئۆپەراسیۆنەکە بەردەوامی هەیە بۆ پاککردنەوە و نەمانی داعش لە ناوچەکەدا. بەپێی زانیارییەکان گوندی بەلەگە بەھۆی ھەڕەشەی داعشەوە بەتەواوی لەلایەن دانیشتوانییەوە چۆڵ کراوە.
هاوڵاتى وتەبێژی هاوپەیمانی نێودەوڵەتی دژی داعش ڕایگهیاند:" بە مووشەکێک هێرشی کرایە سەر سەنتەری پاڵپشتی دیپلۆماسی هاوپەیمانان بەڵام زیانی گیانی و ماددی نەبووە و دەستیشیان بە لێکۆڵینەوە کردووە. هاوكات شانەی ئەمنی عێراق رایگەیاند بەرەبەیانی ئەمڕۆ یەکشەممە دوو فڕۆکەی بێفڕۆکەوانیان خستووەتە خوارەوە، کە ویستوویانە بنکەی ئاسمانی عەین ئەسەد بکەنە ئامانج. ماین مارۆتۆ، وتەبێژی هاوپەیمانی نێودەوڵەتی دژی داعش. لە تویتەر نووسیویەتی: "کاتژمێر 00:15 شەوی یەکشەممە سەنتەری پاڵپشتی دیپلۆماسیی هاوپەیمانان بە مووشەکێک هێرشی کرایە سەر". بەوتەی ماڕۆتۆ مووشەکەکە لە نزیک سەنتەرەکە کەوتووەتە خوارەوە، بەڵام زیانی گیانی و ماددی نەبووە و دەستیشیان بە لێکۆڵینەوە کردووە. ئەو بەرپرسەی هاوپەیمانان گوتیشی: "هەر هێرشێک بۆ سەر عێراق، هەرێمی کوردستان یان هاوپەیمانان پێشێلکردنی دەسەڵاتی دامەزراوە عێراقییەکان و دەسەڵاتی یاسا و سەروەریی وڵاتەکەیە". هەر شەوی رابردوو زەنگی ئاگادارکردنەوە لەنێو بنکەی سەربازی ڤیکتۆریا لە نزیک فڕۆکەخانەی نێودەوڵەتی هەولێر لێدرا, کە هێزەکانی ئەمریکای تێدایە. هەفتەی رابردوو هێزە ئەمنییەکان لە سنووری پارێزگای کەرکووک دەستیان بەسەر پێنج مووشەکدا گرت، کە بە ئاڕاستەی شاری هەولێر بۆ تەقاندن ئامادەکرابوون. لەلایەکی دیکەوە شانەی ئەمنی عێراق رایگەیاند بەرەبەیانی ئەمڕۆ یەکشەممە دوو فڕۆکەی بێفڕۆکەوانیان خستووەتە خوارەوە، کە ویستوویانە بنکەی ئاسمانی عەین ئەسەد بکەنە ئامانج. ئەمڕۆ یەکشەممە، 6ی حوزەیرانی 2021، شانەی ئەمنی عێراق، رایگەیاند سیستەمی بەرگریی بنکەی ئاسمانیی عەین ئەسەد لە پارێزگای ئەنبار توانیویەتی کاژێر 00:30 خولەکی بەرەبەیانی ئەمڕۆ 6ی حوزەیرانی 2021 بەرپەرچی هێرشێک بداتەوە، کە لەرێگەی دوو فڕۆکەی بێفڕۆکەوانەوە بووە و هەردووکیان خراونەتە خوارەوە. بنکەی ئاسمانیی عەین ئەسەد, یەکێکە لەو بنکانەی بەردەوام رووبەڕووی هێرشی مووشەکی و فڕۆکەی بێفڕۆکەوان دەبێتەوە, کە بەلای ئەمریکییەکانەوە گرووپە چەکدارییەکانی نزیک لە ئێران لە پشت ئەو هێرشانەن.
هاوڵاتى خهڵکى کامپى پهنابهرانى شههید ڕۆستهم جودی، له دژى هێرشهکانى دهوڵهتى تورک و بۆردومانى ئهمڕۆى فڕۆکهى بێ فڕۆکهوانى ئهو دهوڵهته بۆ سهر کهمپهکه ڕژانه سهرشهقام. دوا بهدواى بۆردومانى فرۆکهى بێفرۆکهوانى تورکیا بۆ سهر کهمپى مهخمور، خۆپیشاندهران لهبهردهم بیناى ماڵباتى شههیدان کۆبوونهوه و لهوێوه بهرهو خاڵى پشکنینى سوپاى عێراق له قهزاى مهخمور بهڕێپێوان ڕۆیشتن و دروشمى “بژى بهرخۆدانى مهخمور” یان دهوتهوه و ئاماژهیان بۆ ئهوهکرد که ئهوان زوڵم و زۆرداریى دهوڵهتى تورکیایان قبوڵ نییه و ئاواره بوون، بۆ ئهوهى تا سهرکهوتن خۆیان ڕابگرن و ههنگاو بۆ دواوه نهنێن. حاجى کاچان، هاوسهرۆکى ئهنجومهنى گهلى مهخمور، رایگهیاند:"له ماوهى 27 ساڵى مافى پهنابهریدا دهوڵهتى تورک و هاوکارهکانیان پهدهکه و به پشتیوانى هێزهکانى ناتۆ، دهیان جار هێرشیان کرده سهر ئازادیخوازانمان بههۆى سیاسهتى قڕکردن و ئینکارکردنى دهوڵهتى تورکهوه، ناچاربووین خاکى باووباپیرانمان بهجێ بهێڵین ههر له سهرهتاوه تا ئێستا، وهک دایکان و باوکانى شههیدان و شوێنکهوتوانى ڕێبهر ئاپۆ، هیچ کاتێک ههنگاوێک مان بۆ دواوه نهناوه و ههرگیز ههنگاو بۆ دواوه نابهین ههتا دوژمن تێکنهشکێنین". ههروهها راشیگهیاند:" بهرخۆدانى ئێمه تا سهرکهوتن بهردهوام دهبێت سهرهڕاى ههموو هێرشهکان، ههڵوێستى گهلهکهمان لێره ئهوه پیشان دهدات که له دژى داگیرکاریى و هێرشهکان درێژه به تێکۆشانیان بدهن". دواتر وهفدێک به ناوى خهڵکى کهمپهکه لهگهڵ هێزه سهربازییهکانى عێراق کۆبوونهوه و داوایان له بهرپرسانى سوپاى عێراق کرد، که له بهرامبهر هێرشهکانى دهوڵهتى تورکدا بوهستهنهوه و بێ ههڵوێست نهبن.
هاوڵاتى وهزارهتى بهرگرى عێراق راگهیهنراوێکى لهبارهى شههیدبوونى پێشمهرگهکانهوه له مهتیناى نزیک ئامێدى بڵاوکردهوه و تێیداسهرکۆنهى دهکهن و دهشڵێن لێکۆڵینهوه له رووداوهکه دهکهن. ئهمڕۆ شهممه پێنجى حوزهیرانى 2021، لهراگهیهنراوهکهى وهزارهتى بهرگریى عێراق ئاماژه بهوه کراوه، "وهزارهتى بهرگریى عێراق سهرکۆنهى ئهو هێرشه تیروریستییه ترسنۆکانهیه دهکات که یهکهیهکى سهربازیى عێراقى لهچوارچێوهى هێزهکانى پێشمهرگه له رێگهى چیاى مهتینى پارێزگاى دهۆک لهسهر دهستى گروپى چهکداریى ناعێراقى روبهڕوى بوهوه." ههروهها وهزارهتى بهرگریى عێراق، ئهوهشدهخاتهروو که هێزهکانى پێشمهرگه "بهشێکى دانهبڕاوه له هێزه چهکدارهکانمان و ههر دهستدرێژییهک بۆ سهر ئهم هێزه رهتکراوهیه و قبوڵکراو نییه." وهزارهتى بهرگریى عێراق ئهوهشى گوتووه، "روونى دهکهینهوه که لێکۆڵینهوه له رووداوهکه دهستیپێکردووه و ههر دهستدرێژییهک بۆ سهر خوێن و ئاسایشى عێراقییهکان، دهبێت به سزاى دادپهروهرانهى خۆى بگات." هاوکات وهزارهتى بهرگریى عێراق له راگهیێندراوهکهیدا رایگهیاندوه، "دوپاتیشى دهکهینهوه که هێزهکانى عێراق به سهرجهم بهش و جۆرهکانییهوه بهرپرسه له سهپاندنى سهروهریى نیشتمانى لهسهر تهواوى خاکى عێراق و رێگهپێدراوه به بهرپهرچدانهوهى ههر پێشێلکارییهک، چى نێوخۆیى بێت یان دهرهکى و دهستدرێژیکار سزاى خۆى وهردهگرێت."
هاوڵاتى وهزارهتى کشتوکاڵى عێراق راگهیهنراوێکى لهبارهى ناردنى مریشکى سپى توشبو بهئهنفلۆنزاى باڵنده لهڕێگاى ههرێمى کوردستان بڵاوکردهوه و تێیدا ئاماژه بهوه کراوه چهند شاحینهیهک لهتورکیاوه هاتون و بهناو خاکى ههرێمدا تێپهڕیون که ژمارهیهکیان ههڵگرى ڤایرۆسى ئهنفلۆنزاى باڵنده بون و گوازراونهتهوه بۆ کێڵگهکانى پهلهوهر لهچهند پارێزگایهک. حەمید نایف وتەبێژی وەزارەتی کشتوکاڵی عێراق شەممە رایگەیاند، ژمارەیەک شاحینەی مریشکی سپی لەتورکیاوە هاتوە و بەناو خاکی هەرێمی کوردستاندا تێپەڕیوە کە هەڵگری ڤایرۆسی ئەنفلۆنزای باڵندەبون و گوازراونەتەوە بۆ پارێزگاکانی ناوەڕاست و خواروی عێراق لەوانە، بەسرە و ئەنبار. وتەبێژی وەزارەتی کشتوکاڵی عێراق راشیگەیاند، دوای ئاشکرابونی ئەو حاڵەتانە، توانیویانە تەواوی مریشکەکانی کێڵگەی بەسرە و شوێنەکانی دیکەش لەناوببەن، ئەوەش بەمەبەستی کەمکردنەوەی مەترسییەکانی بڵاوبونەوەی ڤایرۆسەکە. ئاماژەی بەوەش کرد" لەئێستادا دۆخەکە کۆنترۆڵکراوە و هیچ مەترسییەک لەئارادا نیە، بەڵام پێوەیستە هۆشیارانە هەنگاوبنێن بۆ کۆنترۆڵکردنی تەواوەتی".
هاوڵاتى کۆنگرهى نهتهوهى کورد ( ک.ن.ک) له بارهى شهڕى چیاى مهتین داوا دهکات ئهرکى ههر گرنگ و بهپهله ئهوهیه رێگهنهدرێت کێشهکه گهورهتر بکرێت و ببێته هۆکارى شهڕێکى ناوخۆیی، بۆیه داواى دیالۆگ له پهکهکهو پارتى دهکات. ئهمڕۆ شهممه پێنجى حوزهیرانى 2021، کۆنسهى بهڕێوهبهریى کۆنگرهى نهتهوهیى کوردستان (ک.ن.ک) رایگهیاند:" زیاتر له 40 رۆژه لهشاخى مهتینا و ناوچهکانى دوروبهری، شهڕێکى سهخت لهنێوان سوپاى تورکیا و گهریلاکانى ههپهگهدا بهردهوامه، ئامانجى دهوڵهتى تورکیاو ئهنجامهکانى ئهو شهڕه ئاشکران". ههروهها ئاماژه بهوهکراوه که سوپاى تورکیا، خهڵکى ناوچهکهو دێ و دێهات و ژینگهى ناوچهکهشى کردوهته ئامانجى شهڕهکهى خۆى و لهههوڵى ئهوهدایه ههموو ناوچهکه داگیر بکات، ههتا ئێستا 22 گوندى کوردو کلدانیان چۆڵکراون و زهوى و باخهکانى خهڵک و دارستانى ناوچهکه سوتێنراون و زیاتر له ههزارو 500 کهسى خهڵکى ئهو گوندانه ئاواره بوون. کۆنگرهى نهتهوهیى کورستان ئهوه دهخاتهروو که ئهرکى ههر گرنگ و بهپهله ئهوهیه رێگهنهدرێت کێشهکه گهورهتر بکرێت و ببێته هۆکارى شهڕێکى ناوخۆیی، گهلى کوردستان و دۆستانى کورد به ههستیارییهوه له دۆخهکه دهڕوانن، پێویسته به ههموو شێوازێک ههوڵ بدهن گرژیهکان گهورهتر نهبێت. هاوکات کۆنگرهى نهتهوهیى کورد باس لهوهشدهکات که فراوانبوونى رووداوهکه دڵى خهڵکى کوردستان و دۆستانى دۆزهکهى ئهسووتێنێت و دڵى نهیارانى خۆش دهکات و پێویسته ههموو کێشهو ئاڵۆزییهکانى نێوان هێزه کوردستانییهکان له رێگاى دیالۆگهوه چارهسهربکرێن. بۆ ئهو مهبهستهش، "نزیکهى ساڵێکه ئێمه له ههوڵى ئاشتى و دیالۆگى ناوخۆییداین. کۆنگرهى نهتهوهیى کوردستان و یهکێتى ڵهرلهمانتارانى کوردستان و کۆمهڵێک کهسایهتیى کوردستانیی، کۆمیتهیهکى دیالۆگى ناوخۆییان ڵێکهێناو کهوتنه ههوڵدان و ههتا ئێستاش بهردهوامن". کۆنگرهى نهتهوهیى کوردستان داوا له پارتى و پهکهکه دهکات که کێشهکه به رێگاى دیالۆگ چارهسهر بکهن و ههموو هێزو کهسایهتییه کوردستانییهکان لهو بوارهدا به ههڵوێست بن و رۆڵێکى ئهرێنى ببینن.
هاوڵاتى لهههرێمى کوردستان توشبون بهکۆرۆنا بهشێوهیهکى بهرچاو دابهزى که لهکۆى شهش ههزارو 191 پشکنین تهنها 268 تووشبوو تۆمار کراوهو چوار کهسیش گیانیان لهدهستداوه و 654 کهسى دیکه چاکبونهتهوه. دهقه راگهیهندراوى وهزارهتى تهندروستى حکومهتى ههرێم: ١. پشکنین: (٦١٩١ پشکنینى نوێ) • (١٩٣٨) ههولێر • (١٣٨٤) سلێمانی • (٢٨٦٩) دهۆک • (٠) ههڵهبجه • (٠) گهرمیان • (٠) ڕاپهڕین • ٢. تووشبوو: (٢٦٨ تووشبووى نوێ) • (٢٦) ههولێر • (٦٥) سلێمانی • (١٧٧) دهۆک • (٠) ههڵهبجه • (٠) گهرمیان • (٠) ڕاپهڕین ٣. چاکبوون: (٦٥٤ چاکبوون) • (٢٠٣) ههولێر • (٢٠٧) سلێمانی • (٢٣١) دهۆک • (١٣) ههڵهبجه • (٠) گهرمیان • (٠) ڕاپهڕین • ٤. مردن: (٤ مردن) • (١) ههولێر • (١) سلێمانی • (٠) دهۆک • (٠) ههڵهبجه • (٢) گهرمیان • (٠) ڕاپهڕین
هاوڵاتى وهزارهتى دارایی و ئابورى حکومهتى ههرێم ئاشکراى دهکات، سبهینێ موچهى یهک وهزارهتى دیکه دابهشدهکرێت. له ڕاگهیهندراوێکدا وهزارهتى دارایى و ئابوورى حکومهتى ههرێم بڵاویکردهوه، سبهینێ یهکشهممه 6ى حوزهیرانى 2021 مووچهى وهزارهتى پهروهرده دابهش دهکرێت . هاوکات لیستى موچهى بڵاوکردهوه که تا پێنج رۆژى دیکه سهرجهم وهزارهتهکان موچه وهردهگرن
هاوڵاتى کهمێک پێش ئێستا بهبهشدارى سهدان کهس له شهقامى سالم (سههۆڵهکه) له شارى سلێمانی خۆپیشاندان دژى داگیرکارى سوپاى تورکیا به دهستپێشخهریى ناوهندى کارى نیشتمانیى دهستیپێکرد، که لهلایهن 10 حزب و ڕێکخراوى کۆمهڵگهى مهدهنى ئهنجام دهدرێت. ئهمڕۆ شهممه کاتژمێر 5:30 خولهک ژمارهیهک له پارت و ڕێکخراوهکان بهشدارن له خۆپیشاندانهکهدا لهوانه حیزبى شیوعى و حزبى زهحمهتکێشانى کوردستان، حزبى کۆمۆنیست، تهڤگهرى ئازادی، گروپى ههنگ، ڕێکخراوى سهوزى کوردستان، ڕێکخراوى سروشتى کوردستان، ئاسۆى نوێ، سهکۆى دژى داگیرکاریی، دهستهى دهستپێشخهرى بۆ کۆنگرهى نهتهوهیى و ژمارهیهک لهکهسانى سهربهخۆ، ڕۆژنامهنووس و چالاکوان. خۆپیشاندهران چهندین دروشمیان بهرز کردوهتهوه لهوانه “بۆ دهرهوه بۆ دهرهوه سوپاى تورکیا بۆ دهرهوه” “بژى بهرخۆدانى گهریلا” “بمرێ خیانهت” دهڵێنهوه و چهندین پانکارد که لهسهریان نووسراوه “باشورى کوردستان قهڵاى مێژووى خهبات و بهرهنگارییه دژى داگیرکهران”بهرزکراونهتهوه. بڕیاره پاش گهیشتنى خۆپیشاندانهکه به پارکى ئازادیی، گردبوونهوهیهک سازبکرێت و تێیدا چهند پهیامێک دژى هێرش و لهشکرکێشییهکانى تورکیا رابگهیهندرێت.
هاوڵاتى فهرماندهیى مهیدانى خابورى "ههرێمى مهتینا"ى ههپهگه لهسهر گواستنهوهى هێز، لهلایهن پارتییهوه لهراگهیهندراوێکدا وردهکاریى نوێ ئاشکرا دهکات ڕایگهیاند:" 25 ساڵه هێزى پێشمهرگه نههاتووهته ئهم مهیدانه و هێزهکانى گهریلاى تێدان و لهدژى سوپاى داگیرکهرى تورک مینڕێژکراوه". ئهمڕۆ شهممه پێنجى حوزهیرانى 2021، فهرماندهیى مهیدانى خابورى ههرێمى مهتیناى هێزهکانى پاراستنى گهل- ههپهگه، ڕاگهیهندراوێکى بڵاوکردهوه که تێیدا ئاماژه بهوه کراوه که"ئهو ههوڵهى پهدهکه زۆر مهترسیداره و شهڕێکى قورس لهنێوان هێز کوردییهکان دروست دهکات". دهقى راگهیهندراوى فهرماندهیهکى ههپهگه: له ڕاگهیهندراوهکهدا هاتوو: ئهمڕۆ کاتژمێر 04:00ى بهیانی، هێزهکانى سهربه پهدهکه، له دوولاوه هێرشیان کرده سهر دۆڵێک لهنێوان گردى چارچلا و گردى جولهمێرگ، که خاڵێکى ستراتیژیى مهتینایه، بۆ ئهوهى ئهو هێرشه که ٥٠ زرێپۆش تێدا بهشداربوون، نهیهته ناو دۆڵهکهوه، هێزهکانمان به چهکى سووک تهقهى ئاسمانییان کرد، بهڵام ئهو هێزانه بێ گوێدانه هۆشدارییهکانمان، هێرشبهرانه بهرهو پێشهاتن. ئهو دۆڵه هیچ گوند و شوێنێکى نیشتهجێیبوونى تێدا نییه، 25 ساڵه هێزى پێشمهرگه نههاتووهته ئهم مهیدانه و هێزهکانى گهریلاى تێدان و لهدژى سوپاى داگیرکهرى تورک مینڕێژکراوه، سهرهڕاى ئهوهى ئهمانهیان زانیوه و هۆشدارییشیان پێدرا، بهڵام یهک دوو ئۆتۆمبێلیان بهردهوام بهرهوه پێش دههاتن، بههۆى تهقینهوهیهک که هۆکارهکهى نازاندرێت، چهند قوربانیى لێکهوتهوه، ئهم ئهنجامه خواستى ئێمه نهبوو و دڵى مرۆڤ دهئیشێنێت، بهڵام بهرپرسیارێتیى ئهم ڕووداوه له ئهستۆى ئێمه نییه، بهرپرسیارێتى ڕووداوهکه لهسهر ئهوانهیه که هێزهکهیان جوڵاندووه. ئهو جوڵهیه لهدژى گهریلاکانى ئازادیى کوردستان، که دژى هێرشهکانى دووژمن بۆسهر هێڵهکانى کێسته و زهندورا، بهرخۆدانى مێژوویى دهکهن، واتایهکى دیکهى جگه له پشتیوانیى له دهوڵهتى تورک نییه، داواى زهوتکردنى ئهم مهیدانه خزمهت به دووژمن دهکات تا ئهو مهیدانه بهرتهسک بکاتهوه، بهرخۆدان ئاستتهنگ بکات و ڕێگه بۆ دهوڵهتى تورک دهکاتهوه، ئهمه جوڵهیهکه بۆ له پشتهوه خنجهرلێدان له گهریلا، سهرهڕاى ئهمهش گهریلاکانمان ئهو هێزهیان نهکرده ئامانج، ئهو هێزه به ههڵهى خۆى یان به ئهنجامێکى دیکه بوونهته قوربانی، دواى ئهوهى هێرشیان کرده سهر هێزهکانمان، کهوتنه حاڵهتى شهێ و هێشتاش لهو حاڵهته دان. لهم سهردهمه گرنگه مێژووییهدا ئهم ههوڵه، که لهلایهن پهدهکهوه نیشاندراوه، ههوڵێکه که ڕێگه بۆ شهڕێکى قورس لهنێوان هێزه کوردییهکان دهکاتهوه، ئهمه بۆ کورد و پرسى نهتهوهیى کوردستان به واتاى زیانێکى گهورهیه، دیسانیش ئێمه نامانهوێت شهڕێکى شووم لهناو کورد دهستپێبکات، ئێمه تهنیا دهمانهوێت لهدژى دهوڵهتى تورک که دووژمنى سوێندخواردووى گهلهکهمانه بهرخۆدان بکهین و بجهنگین، گهریلاکانى کوردستان به بهرخۆدانێکى مێژوویى ٤٣ ڕۆژه، نیشانیاندا که دهتوانن هێرشهکانى دهوڵهتى تورک بۆسهر باشوورى کوردستان تێکبشکێنن، ویستى گهمارۆدانى ئێمه، له بنچینهى کوردیدا نییه، ههروهها ههوڵێکى لهم شێوهیه بۆ داهاتووى گهلهکهمان دهبێته مهترسییهکى گهوره. وهک گهریلاکانى ئازادى کوردستان، بۆ ئهوهى پهدهکه دهست لهم ههڵویسته ههڵگرێت، داوا له خهڵکى وڵاتپارێزى بادینان، ههموو گهلى کوردستان، هێزه سیاسییهکان، ڕۆشنبیران و هونهرمهندان دهکهین که ئهرکى خۆیان جێبهجێى بکهن.
.jpg)