هاوڵاتی دوای رۆژێك له خنكانی، ته‌رمی نیڤار كۆسره‌تی ته‌مه‌ن 13 ساڵ له‌لایه‌ن تیمه‌كانی به‌رگری شارستانی سۆران دۆزرایه‌وه. ئه‌مڕۆ هه‌ینی 7ی حوزه‌یرانی 2024 رەوەند هاودیانی وتەبێژی به‌رگری شارستانی سۆران بە هاوڵاتی رایگه‌یاند، كه ته‌رمی ئه‌و منداڵه ته‌مه‌ن 13 ساڵانه‌یان دۆزیه‌وه كه دوێنێ له روباری ناوپردان له قه‌زای چۆمان خنكا. دەشڵێت، ته‌رمەکە له‌لایه‌ن تیمه‌كانیانه‌وه دۆزراوه‌ته‌وه. رۆژی پێنجشه‌ممه 6ی حوزەیرانی 2024، نیڤار كۆسره‌تی ته‌مه‌ن 13 كه نه‌خۆشی داونی هه‌بوو و خه‌ڵكی شاری هه‌ولێر بوو، له سنووری چۆمان كه‌وته ناو ئاو و خنكا.
كە 86% داهاتەکەی بەشێوەی نەختینەیە و 14%ی بەشێوەی چەک بووە داهاتی یەك هەفتەی سلێمانی لە رۆژی 1ی حوزەیران تا 7ی حوزەیارنی 2024، بڕی 11 ملیار و 800 ملیۆن و 977 هەزار و 773 دینار بووە. ئەمڕۆ هەینی 7ی حوزەیرانی 2024، سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، بڕی 11 ملیار و 800 ملیۆن و 977 هەزار و 773 دینار بووە. بەجۆرێك كە 86%ـی داهاتەکە بەشێوەی نەختینەیە و 14%ـی داهاتەکە بەشێوەی چەکە.
هەوراز حوسێن هاوڵاتی، وارشۆ ژمارەیەک چەکدار لە سوودان کە گوایە سەر بە هێزی کاردانەوەی خێران هەڵیانکوتایە سەر گوندێکی وڵاتەکە و 150 کەسیان کوشتووە کە بەشێکیان ژن و منداڵ بوون. سەرلەئێوارەی ئەمڕۆ پێنجشەممە 6-6-2024، شایەدحاڵ بە میدیای ئەمریکییان راگەیاندووە، ژمارەیەک چەکداری هێزەکانی کاردانەوەی خێرای سوودان هێرشیان بۆ سەر گوندی نور لە ناوەڕاستی ویلایەتی جەزیرە کردووە. بە گوێرەی شایەدحاڵەکان، نزیکەی 40 سەرباز بە چەکی ئۆتۆماتیک و نیمچە قورس هێرشیان بۆ سەر دانیشتووانی گوندەکە کردووە و هاووڵاتیانی سڤیلیان کردووەتە ئامانج کە بەشێکیان ژن و منداڵبوون. لە هێرشەکەدا 150 کەس کوژراون و 200 کەسی دیکەش برینداربوون. بە گوێرەی خەڵکی گوندەکە، تاوەکو ئێستا لانیکەم 120 کوژراویان ناشتووە. لە گرتەیەکی ڤیدیۆییدا کە لە تۆڕە کۆمەڵایەتییەکان بڵاوکراوەتەوە، ژمارەیەک تەرمی هاووڵاتیانی سڤیل دەردەکەوێت کە هەموویان گوللەیان بەرکەوتووە و گیانیان لەدەستداوە. هێزەکانی کاردانەوەی خێرای سوودان لەبارەی هێرشەکەوە رایانگەیاند، هێرشیان کردووەتە سەر یەکەیەکی سوپای سوودان. ئەو دوو هێزە لە 15ی نیسانی 2023ـەوە شەڕی ناوخۆیان لە سوودان هەڵگیرساندووە و بەهۆی پێکدادانەکانیانەوە تاوەکو ئێستا 15 هەزار و 550 هاووڵاتی سڤیل کوژراون.
هەوراز حوسێن هاوڵاتی، وارشۆ 12 مانگی رابردوو هەریەکیان گەرمترین مانگ بوون بەراورد بە هەمان کاتی ساڵەکانی پێشوو، ئەمە بە گوێرەی نەتەوەیەکگرتووەکان. ئەنتۆنیۆ گۆتێرێز دەڵێت، زەوی لەسەر شاڕێی دۆزەخە و دەبێت رێگە لە گەرمبوونی زیاتری بگیرێت. ئاژانسی کۆپەرنیکەس بۆ زانیاری گۆڕانی کەشوهەوای سەر بە یەکێتی ئەوروپا دەڵێت، لە دوای 1940ـەوە کە دەست بە پێوانی پلەی گەرمی زەوی کراوە، 12 مانگی رابردوو ریکۆردی بەرزترین پلەکانی گەرمایان شکاندووە و لەو ساڵەدا پلەی گەرمای زەوی بە تێکڕا 1.6 پلەی سلیزی لە پێش کاتی شۆڕشی پیشەسازی بەرزتربووە. نەتەوەیەکگرتووەکانیش لە راپۆرتێکی جیادا باس لەوە دەکات، ئەگەری 80٪ هەیە لە پێنج ساڵی داهاتوودا، پلەی گەرمی زەوی بگاتە 1.5 پلەی سلیزی گەرمتر لە کاتی پێش شۆڕشی پیشەسازی. ئەنتۆنیۆ گۆتێرێز، سکرتێری گشتیی نەتەوەیەکگرتووەکان دەڵێت، نیگەرانە لەوەی جیهان رووەو چی ئاڕاستەیەکی مەترسیدار دەڕوات. دەڵێت، لە جیاتی ئەوەی پلەی کەشوهەوای زەوی سەقامگیرتر بێت، بەرەو گۆڕانی زیاتر دەڕوات. گۆتێرێز دەڵێت، ئەگەری گەیشتن بەو ئاستە مەترسیدارەی گەرمی لە 2015ـدا 0٪ بوو، بۆیە داوا لە تەواوی جیهان دەکات تاوەکو ساڵی 2030 هەوڵ بۆ کەمکردنەوەی دەردانی دوانەئۆکسیدی کاربۆن بدەن بە رێژەی 30٪. سکرتێرەکەی نەتەوەیەکگرتووەکان دەڵێت، "پێویستە لەسەر شاڕێی بەدۆزەخبوونی کەشوهەوا لابچین". دەشڵێت، ئەمە شەڕێکە ساڵەکانی 2020ـەکان بڕیاردەدەن دەیبەینەوە یان نا. هەرچەندە لە 2015ـەدا رێکەوتنی جیهانی بۆ کەمکردنەوەی دەردانی دوانەئۆکسیدی کاربۆن بۆ بەرگەهەوا کرا، رێژەی ئەو گازە زیانبەخشە لە بەرگەهەوادا لە ساڵی 2023 بەرزترین بووە لە مێژوودا. ئامانجی وڵاتان وایە، رێگە نەدەن پلەی گەرمای زەوی بگاتە 1.5 پلەی سلیزی گەرمتر لە کاتی پێش شۆڕشی پیشەسازی؛ ساڵی رابردوو پلەی گەرمی زەوی 1.45 پلەی سلیزی گەرمتربوو لەو کاتە.
هاوڵاتی/ سازگار ئەحمەد شارەزایەکی کەشناسی رایدەگەیەنێت، لە رۆژانی داهاتوودا بەهۆی زیادبوونی رێژەی شێوە پلەکانی گەرما لە ناوچەکانی هەرێمی کوردستان زیاتر بەرزدەبنەوە. ئەمڕۆ پێنجشەممە 6ی حوزەیرانی 2024، شاڵاو هیدایەت، شارەزای کەشناسی رایگەیاند، "هۆکاری سەرەکی کە لەم چەند رۆژەی رابردوودا لە هەندێک ناوچە و رۆژانی داهاتوو له ناوچەکان بەگشتی هەستکردنی پلەی گەرمی زیاتر دەبێت لە پلەی گەرمی راستەقینەیی بەرزبوونەوەی رێژەی شێیە بە دوایدا کرداری بوون بەهەڵم بوون و دواتر دروستبوونی هەور". ئاماژەی بەوەشکرد، "ماوەی چەند رۆژێکە بای باکووری رۆژهەڵات لەناو کوردەوەرایدا ناسراوە بەڕەشەبا چالاکە بایه کە بەوە ناسراوە کە بایەکی گەرم و شێدارە تایبەت لەوەرزی گەرمادا ئەو ناوچانەی کە بایەکەی تێدا چالاکە پلەی گەرمی هەستپێکراو کەمتر دەبێت لەپلەی گەرمی راستە قینەیی وە راستەقینەش کەمتر لە پێشبینی وەک ئەم چەند رۆژەی ڕابردوو کە لەوێستگەکانی دەزگای کەشناسی ئاماژە بە 39 ° و 38 ° دەدرا بەنمونە بۆ سلێمانی کەچی 35 ° و 36 ° تۆمارکرا و لە قەڵادزێ ئاماژە بە 37 ° و 38 ° دەدرا کەچی 34 ° و 35 ° تۆمارکرا، هەڵکردنی ئەم بایە لەکاتی چالاکیدا و زیاتربوونیدا بۆ ناوچەکان بە گشتی یان بەشێک ناوچە پلەکانی گەرما نزمتر دەکاتەوە وادەکات پلەی گەرمی راستەقینەیی کەمتر بێت لەپێشبینی هەست پێکراویش لە تۆمارکراو، بەڵام کاتێک خێرایه کەی کەمە یان کەم دەبێتەوە و کپ دەبێتەوە وەک ئەو وێنەی ئەمرۆی ئیدارەی راپەرین هەور دێنە رۆژهەڵات و ناوچەکان پلەی گەرمی راستەقیەنەیی و گەرمی هەستپێکراو زیاتر دەبێت". وتیشی، "ئەم چەند رۆژەی دێت هەستکردن بەگەرما زیاتر دەبێت لەچاو پلەی گەرمی راستەقینەیی ئەویش بەهۆی زیادبوونی رێژەی شێیە و کرداری بەهەڵم بوون لەهەوادا زیاد دەکات دواتر هەور دروست دەبن وەک ئەوەی ئەمرۆش نمونەیە کەتۆزێ لەڕۆژانی پێشتر گەرمترە کە هەور لە رۆژهەڵاتەوە دروستبوون، ئەمەش واتای شێ زیادی کردووە ڕۆژانی دواتر زیاتریش دەبێتو هەوری زیاتریش دروست دەبن بەو هۆیەوە بەمەش هەست کردن بەگەرمی زیاتر دەبێت".
هاوڵاتی سزای سێدارە و 16 ساڵ زیندانبوونی مامۆستا محەممەد خزرنەژاد، یەکێک لە کەسایەتییە ئایینییەکانی شاری بۆکان کە لە رەوتی بزووتنەوەی "ژینا"دا دەستگیرکرابوو، لە لایەن دیوانی باڵای کۆماری ئیسلامیەوە پشتڕاستکراوەتەوە. بەپێی راپۆرتێک کە ماڵپەڕی هەنگاو بڵاوی کردووەتەوە، پێشتریش مانگی نیسانی2024، لقی 41ی دیوانی باڵای وڵات بە سەرۆکایەتی دادوەر عەلی ڕازینی، سزای سێدارەو 16 ساڵ زیندانیبوونی بەسەر مامۆستا محەممەد خزرنەژاد پشتڕاستکردبۆەوە. محەممەد خزرنەژاد مامۆستایەکی ئایینی تەمەن 45 سالی خەڵکی شاری بۆکانە کە لە لایەن ناوەندە ئەمنییەتییەکانەوە لە سەردەمی شۆڕشی ژینادا و نزیک 19 مانگ لەوە پێش دەستگیرکراوە. ئەم مامۆستا ئاینییە پێشتر لە لایەن لقی سێی دادگای شۆڕشێ ورمێ، بە دادوەری "رەزا نەجەزادە" تۆمەتی "فساد فی الارض"ی بەسەردا داسەپابوو و بە تۆمەتی زیانگەیاندن بە یەکپارچەیی و سەربەخۆیی ئێران، سزای 15 ساڵ زیندانیبوون و بە تۆمەتی پڕووپاگەناە دژی کۆماری ئیسلامی سزای یەکساڵ زیندانیبوونی بەسەردا داسەپابوو. محەممەد خزرنەژاد رۆژی 19ی تشرینی دووهەمی 2022 لە رەوتی بزووتنەوەی ژن، ژیان، ئازادیدا لەگەڵ کوڕەکەی بە ناوی یاسر لە لایەن هێزە ئەمنییەکانەوەدەستبەسەر کرا . دەستبەسەرکرانی مامۆستا محەممەد خزرنەژاد لە دوای ڕێوڕەسمی یادی ئەسعەد ڕەحیمی یەکێک لە گیانبەختکردووانی بزووتنەوەی ژن ژیان ئازادی بووە کە ناوبراو لەم ڕێوڕەسمە لە مزگەوتی ئیفتخاری بۆکان وتاری پێشکەش کردبوو و ڕەخنەی لە شێوازی هەڵسوکەوتی حکوومەت لەگەڵ خۆپیشاندەران گرتبوو.
هاوڵاتی سۆران عومەر دەڵێت، ئەم مانگە کۆتا مانگە بەغدا مووچەی هێزە ئەمنییەکان بۆ هەرێمی کوردستان بنێرێت. ئەمڕۆ پێنجشەممە 6ی حوزەیرانی 2024، سۆران عومەر ئەندامی پەرلەمانی عێراق ڕایگەیاند، "دەبێت حکوومەتی هەرێم تێ بگات هەتا لیستی هێزە ئەمنییەکان نەنێردرێت حکوومەتی فیدڕاڵی پارە نانێرێت". سەبارەت بە مووچەی هێزە ئەمنییەکان ئەوەی خستەڕوو، ئەگەر ئەم مانگەش بەغدا لەدەرەوەی ناوی هێزە ئەمنییەکان و بە (تەکلیف) پارە بۆ هێزە ئەمنییەکان بنیرێت، مانگی داهاتوو ئەو پارەیە نانێرێت".
هاوڵاتی ئەمڕۆ پێنجشەممە 6ی حوزەیرانی 2024، ، سایلۆی سلێمانی لە ڕێگەی راگەیەندراوێکەوە جووتیارانی ئاگادار کردەوە و راگەیاند، پڕۆسەی بە بازاڕکردنی گەنمی جوتیاران بۆ ساڵی 2024 دەستیپێکرد لە پێناو باش بەڕێوەچوونی پڕۆسەکە، داواکارین لە جوتیاران پابەندی چەند خاڵێک بن. لە راگەیاندراوەکەدا سایلۆی سلێمانی چەند خاڵێک دەخاتەڕوو و دەڵێت، یەکەم، وەرگرتنی گەنم لە جوتیاران بە پێی ناوچە دەبێت هەفتەی یەکەم جوتیارانی سنووری بەشی کشتوکاڵی تانجەرۆ (عەربەت) گەنمیان لێ وەردەگیرێت، بۆیە داواکارین لە جوتیارانی ناوچەکانی تر گەنم نەهێنن، چونکە لێیان وەرناگیرێت. دووەم، ئۆتۆمبێلە بارهەڵگرەکان و تراکتۆرەکان بە یەک ڕیز بوەستن ڕۆژانە باج دابەشدەکرێت نابێت بە دوو ڕێزی بوەستن باج بە دوو ڕیز نادرێت. سێهەم، بەهۆی تێکچوونی جەگەکانی سایلۆکەمان گەنم لە ئوتومبێلی فلات وەرناگیرێت، بۆیە داواکارین لە جوتیاران گەنمەکانیان بکەنە ناو ئۆتۆمبێلی بارهەڵگری قلابەوە. چوارەم، داواکارین لە جوتیاران دڵنیابن بەقەد رەصیدەکانیان گەنم باربکەن و لە رەصیدەکانیان زیاتر نەهێنن، چونکە نە زیادەکانیان بۆ دەگێڕێتەوە نە ڕەصیدەکانیان بۆ دەگۆڕێت. پێنجەم، داواکارین لە جوتیاران گەنمی ئەسپێ لێدراو، خوراو، بۆنگرتوو نەهێنن، چونکە بە پێی بڕیاری کۆمپانیایی گشتی بازرگانی دانەوێڵە مەڵبەندی گشتی بەغدا دەست بەسەر پشتگیریی بەشە کشتوکاڵییەکانیان رەصیدەکانیان دەگیرێت .
هاوڵاتی هێرشێکی ئاسمانی ئیسرائیل بۆ سەر قوتابخانەیەکی نەتەوە یەکگرتووەکان لە ناوەڕاستی غەززە، کە سەدان کەسی ئاوارەی لەخۆگرتبوو، بووە هۆی کوژرانی 27 کەس. بەپێی سەرچاوەکان، فرۆکەیەکی ئیسرائیل بە دوو موشەک هێرشی کردووەتە سەر پۆلەکانی نهۆمی سەرەوەی قوتابخانەیەکی نەتەوە یەکگرتووەکان کە "بارەگایەکی حەماس" بووە لە کەمپی پەنابەرانی نەسیرەت. لای خۆشیانەوە، نووسینگەی ڕاگەیاندنی بزووتنەوەی حەماس باس له‌وه‌ده‌كه‌ن، لانیکەم 27 کەس لە هێرشەکەدا کوژراون و ئیسرائیلیش بە ئەنجامدانی "کۆمەڵکوژییەکی ترسناک" تۆمەتبار کردووە. جێگای ئاماژەیە، بەگوێرەی ئاماری دەسەڵاتدارانی تەندروستی غەززە، لە 7 ئۆکتۆبەرەوە لانیکەم 36 هەزار و 580 کەس لە غەززە کوژراون.
هاوڵاتی ئەندامێکی ئەنجومەنی نوێنەرانی عێراق رایگەیاند، وەزارەتی دارایی عێراق لەسەر بنەمای داتای ڕاستەقینە مووچەی مەدەنی و هێزە ئەمنییەکان دەنێرێت. ئەمڕۆ پێنجشەممە 6ی حوزەیرانی 2024، موسەننا ئەمین، ئەندامی ئەنجومەنی نوێنەرانی عێراق لە کۆنگرەیەکی ڕۆژنامەوانیدا ڕایگەیاند، حکومەتی هەرێم کۆدی موچەخۆرانی هێزە ئەمنییەکانی ناردووە بۆ بەغدا، بەڵام عێراق قبوڵی ناکات چونکە پڕیەتی لەناوی ساختە. وتیشی، حکومەتی هەرێمی کوردستان لە دەزگائەمنییەکاندا، بەرگری، فریاکەوتن، زێرەڤانی، هێزەکانی 70 و 80، لیستی مووچەی سەرجەمیان نێردراوە بەڵام قوبوڵ نەکراون لە لایە عێراقەوە. ئەمەش لەکاتێکدایە، نزیکەی دوو مانگ دەبێت هێزەئەمنییەکانی هەرێمی کوردستان مووچەی وەرنەگرتووە، تا ئێستاش مووچەخۆرانی مەدەنی مووچەی مانگی ئایاریان وەرنەگرتووە.
هاوڵاتی راپۆرتە رۆژنامەوانیە عەرەبیەكان ئاشكرایدەكەن, نەتەوە یەكگرتووەكان محەمەد بن عەوەز نێردەی هەمیشەیی سەڵتەنەی عومانی, بۆ پۆستی سەرۆكی نێردەی یۆنامی لە عێراق دەستنیشانكردووە. ئەوەش لە دوای ئەوەوەدێت، ئەنجومەنی ئاسایشی نێودەوڵەتی بە كۆی دەنگ, رەزامەندی پیشاندا لەسەر كۆتایهێنان بە ئەركی سیاسی نەتەوە یەكگرتووەكان لە عێراق و كۆتایهێنان بە كاری جنین پلاسخارت, سەرۆكی نێردەی نەتەوە یەكگرتوەكان. جێگای ئاماژەیە، حكومەتی عێراق رۆژی 8 ئایاری رابردوو, لە نامەیەكدا داوای لە ئەنجومەنی ئاسایشی نێودەوڵەتی كرد, كۆتایی بە ئەركی نێردەی نەتەوە یەكگرتووەكان لە عێراق بهێنێت, تا كۆتایی ساڵی (2025) وەك دوا وادە. لەسەر ئەو بنەمایە, هەینی رابردوو, ئەنجومەنی ئاسایش دەنگیدا لەسەر كۆتایهێنان بە كارەكانی ئەو نێردەیە كە ساڵی 2003 لە عێراق دامەزراوە, كە ئامانجی هەماهەنگیكردن بوو لە هەوڵە مرۆییەكان و, هەوڵەكانی سەرلەنوێ بنیادنانەوە دوای جەنگ. نەتەوە یەكگرتووەكان محەمەد بن عەوەز نێردەی هەمیشەیی سەڵتەنەی عومانی, بۆ پۆستی سەرۆكی نێردەی یۆنامی لە عێراق دەستنیشانكردووە. لەم مارەیەوە، تۆڕی هەواڵی "ئەرم"ی ئیماراتی بڵاویكردوەتەوە, هەندێك لەلایەن سیاسیەكان كە ناوی نەهێناون, تێبینیان هەیە لەسەر كاندیدكردنی بن عەوەزو, داوایان لە نەتەوەیەكگرتووەكان كردووە كەسێك رەوانە بكات بۆ عێراق بیانی نا عەرەبی بێت بۆ ئەو پۆستە, بەبێ رونكردنەوەی هۆكارەكەی.
هاوڵاتی راپۆرتە رۆژنامەوانیە عەرەبیەكان ئاشكرایدەكەن, نەتەوە یەكگرتووەكان محەمەد بن عەوەز نێردەی هەمیشەیی سەڵتەنەی عومانی, بۆ پۆستی سەرۆكی نێردەی یۆنامی لە عێراق دەستنیشانكردووە. ئەوەش لە دوای ئەوەوەدێت، ئەنجومەنی ئاسایشی نێودەوڵەتی بە كۆی دەنگ, رەزامەندی پیشاندا لەسەر كۆتایهێنان بە ئەركی سیاسی نەتەوە یەكگرتووەكان لە عێراق و كۆتایهێنان بە كاری جنین پلاسخارت, سەرۆكی نێردەی نەتەوە یەكگرتوەكان. جێگای ئاماژەیە، حكومەتی عێراق رۆژی 8 ئایاری رابردوو, لە نامەیەكدا داوای لە ئەنجومەنی ئاسایشی نێودەوڵەتی كرد, كۆتایی بە ئەركی نێردەی نەتەوە یەكگرتووەكان لە عێراق بهێنێت, تا كۆتایی ساڵی (2025) وەك دوا وادە. لەسەر ئەو بنەمایە, هەینی رابردوو, ئەنجومەنی ئاسایش دەنگیدا لەسەر كۆتایهێنان بە كارەكانی ئەو نێردەیە كە ساڵی 2003 لە عێراق دامەزراوە, كە ئامانجی هەماهەنگیكردن بوو لە هەوڵە مرۆییەكان و, هەوڵەكانی سەرلەنوێ بنیادنانەوە دوای جەنگ. نەتەوە یەكگرتووەكان محەمەد بن عەوەز نێردەی هەمیشەیی سەڵتەنەی عومانی, بۆ پۆستی سەرۆكی نێردەی یۆنامی لە عێراق دەستنیشانكردووە. لەم مارەیەوە، تۆڕی هەواڵی "ئەرم"ی ئیماراتی بڵاویكردوەتەوە, هەندێك لەلایەن سیاسیەكان كە ناوی نەهێناون, تێبینیان هەیە لەسەر كاندیدكردنی بن عەوەزو, داوایان لە نەتەوەیەكگرتووەكان كردووە كەسێك رەوانە بكات بۆ عێراق بیانی نا عەرەبی بێت بۆ ئەو پۆستە, بەبێ رونكردنەوەی هۆكارەكەی.
هاوڵاتی نەوزاد شێخ کامیل، "دەڵێت لە بەغداوە شەش ملیار دیناری پارەی گەنمی جووتیارانی هەرێمی کوردستان نێردراوە و دەست بەخەرجکردنی دەکرێت". ئەمڕۆ پێنجشەممە 6ی حوزریارانی 2024، بەڕێوەبەری گشتیی بازرگانی لە وەزارەتی بازرگانی و پیشەشازیی هەرێمی کوردستان ڕایگەیاند "لەگەڵ ئەوەی گەنممان وەرنەگرتووە، بەڵام لە بەغداوە شەش ملیار دیناری پارەی گەنمی جووتیارانی هەرێمی کوردستان نێردراوە و دەست بەخەرجکردنی دەکرێت." ئاماژەی بەوەشکردووە، کە گەنم وەرگیرا، "بە چەند ڕۆژێک دوای وەرگرتنی، پارەکە دابەشی سەر جووتیاران دەکەین و هەفتەی داهاتووش دەست بە خەرجکردنی پارەكە دەكرێت". ئەوەشی خستۆتەڕوو، "دوای ئەوەی ئەو شەش ملیار دینارەی هاتووە خەرج دەکرێت، بەپێی وەرگرتنی گەنم بڕەپارەی دیکەش قۆناغ بە قۆناغ دەنێردرێت". جێگای ئاماژەیە، بۆ هەر تۆنێک گەنم بڕی 850 هەزار دینار دەدرێت و حکوومەتی عێراقی بڕیاری داوە 700 هەزار تۆن گەنمی جووتیارانی هەرێمی کوردستان وەربگرێ.
هاوڵاتی ئەمڕۆ پێنجشەممە 6ی حوزەیرانی 2024، نووسینگه‌ی ڕێكخه‌ری راسپارده نێوده‌وڵه‌تییه‌كانی حكوومه‌تی هه‌رێمی كوردستان، ڕاپۆرتی ساڵی دووه‌می جێبه‌جێكردنی پلانه‌كه‌ی بۆ مافه‌كانی مرۆڤ له ماوه‌ی نێوان ساڵی 2021 تا 2025 بڵاوكرده‌وه. لە ڕاپۆرتەکەدا ئاماژە بە، سه‌ر ئه‌نجامی توێژینه‌وه‌كانیان له‌باره‌ی كاری نایاسایی، گرتنه‌به‌ری ڕێكاره‌كان به‌رامبه‌ر به ئه‌شكه‌نجه‌دان، توندوتیژی خێزان، بازرگانیكردن به سێكسی و به‌ره‌نگاربوونه‌وه‌ی جیاكاری. له به‌شێكی تری ڕاپۆرته‌كه‌دا، ئاماره‌كانی توندوتیژی خێزانی و ژماره‌ی سكاڵا تۆماركراوه‌كان له داواكاریی گشتی خراونه‌ته‌ڕوو. کە لە كۆی داواكارییه تۆماركراوه‌كان له دادگا خراوەنەتەڕوو، کە ژماره‌یان 18620 سكاڵایه، له‌و ژماره‌یه‌ش 1733 داواكاری له دادگای تاوانه‌كان و 16887 سكاڵا له دادگای لێكۆڵینه‌وه تۆماركراون. هەروەها باس لە كۆی كه‌یسه یه‌كلاكراوه‌كان کراوە، کە ژماره‌یان 10897 كه‌یسه، له سه‌رجه‌می ئه‌و كه‌یسانه 1071 كه‌یس له دادگای تاوانه‌كان و 9826 كه‌یس له دادگای لێكۆڵینه‌وه یه‌كلایی كراونه‌ته‌وه. سەبارەت بە ئامارەکانی توندوتیژی دەڵێت، ئاماره‌كانی توندوتیژی كه به گوێره‌ی ڕه‌گه‌ز تۆماركراون، ژماره‌یان 1086 كه‌یسه، به‌شێوه‌یه‌ك 496 كه‌یس تایبه‌ت بووه به ڕه‌گه‌زی مێ و 590 كه‌یسیش په‌یوه‌سته به ڕه‌گه‌زی نێر. لە راپۆرتەکەدا هۆکارەکانی توندوتیژی خراوەنەتەڕوە، کە یەکەم، بریتین لە، كه له سه‌نته‌ر و نووسینگه‌كانی نه‌هێشتنی توندوتیژی تۆماركراون، پۆڵێنبه‌ندییه‌كه به‌گوێره‌ی 5 خاڵی سه‌ره‌كی رێكخراوه، ئه‌وانیش: یه‌كه‌م، باری خێزانیی و 991 حاڵه‌ت له‌باره‌ی كه‌سانی خێزاندار و 84 حاڵه‌ت له‌باره‌ی كه‌سانی سه‌ڵت تۆماركراون. دووه‌م، جۆری توندوتیژی، ئه‌وانیش بریتین له جه‌سته‌یی 319 حاڵه‌ت، ده‌روونی 423 حاڵه‌ت، سێكسی، 21 حاڵه‌ت و توندوتیژی جۆراوجۆر 307 حاڵه‌ت. سێیه‌م، له‌سه‌ر بنه‌مای هۆكاری توندوتیژییه و باوك 40 حاڵه‌ت، دایك 21 حاڵه‌ت، برا 50 حاڵه‌ت، هاوسه‌ر 759 حاڵه‌ت و كه‌سانی لابه‌لاش 230 حاڵه‌ت. چواره‌م، بریتییه له باری دارایی و به‌گوێره‌ی ئاماره‌كان، 208 حاڵه‌تی توندوتیژی خێزانی له توێژی هه‌ژاران تۆماركراوه و 368 حاڵه‌تیشان ئه‌وانه‌ن باری داراییان مامناوه‌نده، هه‌رچی ئه‌وانه‌ن كه باری داراییان باشه، حاڵه‌ته‌كانی توندوتیژی خێزانیان له ماوه‌ی توێژینه‌وه‌دا ژماره‌یان 511 حاڵه‌تن. پێنجه‌م، دوایین بنه‌ما كه پۆڵێنبه‌ندییه‌كه‌ی له‌سه‌ر كراوه، ئاستی خوێنده‌وارییه و 161 حاڵه‌ت په‌یوه‌ستن به كه‌سانی نه‌خوێنده‌وار و 925 حاڵه‌تیش له‌باره‌ی توێژی خوێنده‌واران تۆماركراون.
هەوراز حوسێن هاوڵاتی، وارشۆ ڤلادمیر پووتین دەڵێت، لارییان لەوە نییە کێ دەبێتە سەرۆکی ئەمریکا، چونکە هەرکەس ببێتە سەرۆکی ئەو وڵاتە، هیچ کاریگەرییەکی لەسەر سیاسەتی رووسیا نابێت، بەڵام ئەوە روونە دادگەکانی ئەمریکا بۆ جەنگێکی سیاسی لە دژی دۆناڵد ترەمپ بەکاردەهێنرێن. رۆژی چوارشەممە 5-6-2024، ڤلادمیر پووتین، سەرۆکی رووسیا قسەی بۆ ژمارەیەک میدیای رۆژئاوا کرد و لەبارەی ئەمریکاوە گوتی، "ئەوان لە ناو خۆیاندا خەریکن خۆیان دەسووتێنن، دەوڵەت و سیستمە سیاسییەکەیان دەسووتێنن. ئەوە روونە لە سەرتاسەری جیهان کە لێکۆڵینەوەکانی سەر ترەمپ، بەتایبەت ئەو تۆمەتانەی کە لەسەر بنەمای هەندێک رووداو دەدرێنە پاڵی کە چەندین ساڵ پێش ئێستا روویانداوە، بەبێ بەڵگەی راستەوخۆ، بە سادەیی بەکارهێنانی سیستمی دادە لە جەنگێکی سیاسیدا [دژی ترەمپ]". قسەکانی پووتین لەکاتێکدایە، ئەوە نزیکەی ساڵێکە چەند کەیسێکی جۆراوجۆر لەبارەی گێچەڵ و دەستدرێژی سێکسی و پێدانی بەرتیل بە ئەکتەرێکی فیلمە رووتەکان و ژمارەیەک کەیسی هاوشێوە لە دادگەکانی ئەمریکا لە دژی دۆناڵد ترەمپ، سەرۆکی پێشووی ئەمریکا کراوەتەوە. ترەمپ دەڵێت، پارتی دیموکراتەکانی ئەمریکا لە هەوڵی ئەوەدان نەهێڵن خۆی بۆ سەرۆکایەتی ئەمریکا بەربژرێر بکاتەوە. لە بەشێکی دیکەی قسەکانیدا پووتین دەڵێت، "زۆر بەسادەیی، ئێمە گوێی پێ نادەین" کێ هەڵبژاردنی سەرۆکایەتی ئەمریکا دەباتەوە. دەشڵێت، هەر سەرۆکێک هەڵبژێردرێت بۆ ئەوان جیاوازی نییە و دەتوانن کار لەگەڵ هەر سەرۆکێکدا بکەن کە ئەمریکییەکان هەڵیدەبژێرن. پووتین لە بەشێکی دیکەی قسەکانیدا باسی جۆ بایدن، سەرۆکی ئەمریکا دەکات و دەڵێت، ئەو سیاسییەکی کۆنی پێشبینیکراوە. مەبەستی پووتین لەوەدایە، رووسیا دەزانێت هەنگاوەکانی بایدن لەبارەی رووداوەکانەوە پێش ئەوەی هەڵیانبێنێ چۆنن. هەروەها لەبارەی ئەو تۆمەتانەی ئەمریکاوە کە دەدرێتە پاڵ رووسیا لەبارەی ئەوەی دەستی لە هەڵبژاردنەکانی ئەمریکا هەیە، پووتین دەڵێت، رووسیا دەست ناخاتە کارووباری ناوخۆی ئەمریکاوە. ئەو لە قسەکانیدا لەبارەی دۆناڵد ترەمپ، سەرۆکی ئەمریکاوە دەڵێت، لە ماوەی سەرۆکایەتی پێشووی ترەمپدا، پەیوەندییەکانیان لەگەڵ ئەمریکا بە تەواوەتی پچڕاوە. ئاماژە بەوەش دەکات، نازانن ئەگەر ترەمپ ببێتەوە بە سەرۆکی ئەمریکا پەیوەندییەکانیان چۆن دەبێت، بەڵام جەختی لەوەکردەوە، ترەمپ و رووسیا هیچ پەیوەندییەکی تایبەتیان بەیەکەوە نییە. پووتین لەبارەی دەستوەردانی ئەمریکاوە لە شەڕی ئۆکراینا دەڵێت، "هیچ کەس لە ئەمریکا ئۆکراینای بەلاوە گرنگ نییە، ئەوان تەنیا گەورەیی خۆیان بەلاوە گرنگە. ئەمریکا شەڕ بۆ خەڵکی ئۆکراینا ناکات، بەڵکو بۆ گەورەکردنی خۆی دەیکات".
