هاوڵاتی - تانكەكانی سوپای ئیسرائیل چوونەتە ناو قوڵایی خاكی سوریا. - تەنها (25) كلیۆمەتر لە خۆرئاوای دیمەشقی پایتەختەوە دوورن. - ئیسرائیل بە واشنتۆنی راگەیاندووە نیەتی چوونە ناوخاكی سوریای هەیە. ئاژانسی هەواڵی رۆیتەرز بڵاویكردەوە، تانكەكانی سوپای ئیسرائیل چوونەتە ناو قوڵایی خاكی سوریا، بەجۆرێك تەنها (25) كلیۆمەتر لە خۆرئاوای دیمەشقی پایتەختەوە دوورن. بەوتەی سەرچاوەیەكی ئەمنی سوریا، هێزەكانی ئیسرائیل گەیشتوونەتە ناوچەى (قتنا) كە بەقوڵی (10) كلیۆمەتری ناوخاكی سوریایە لە رۆژهەڵاتی ناوچە داماڵراو لە چەك، كە گردی جۆلان لە سوریا جیادەكاتەوە. هاوكات دەستەی پەخشی ئیسرائیل بڵاویكردەوە: ئیسرائیل بە واشنتۆنی راگەیاندووە نیەتی چوونە ناوخاكی سوریای هەیە، لەبەرامبەردا واشنتۆن هیچ رێگرییەكی پیشاننەداوە. دەستەكە لەزاری بەرپرسێك لە ئیدارەی ئەمریكاوە ئەوەشی ئاشكراكردووە: ئیسرائیل بە واشنتۆنی وتووە چوونە ناوخاكی سوریا كاتی و تەكتیكیە. دوێنێ بنیامین ناتانیاهۆ، سەرۆك وەزیرانی ئیسرائیل رایگەیاند: گردی جۆلانی سوری بۆ هەتاهەتایە دەبێت بە بەشێك لە خاكی ئیسرائیل. لای خۆیه‌وه مه‌رسه‌دی سوری بۆ مافی مرۆڤ بڵاویكرده‌وه: فرۆكه جه‌نگیه‌كانی ئیسرائیل 300 جار بۆردومانی سوریای كردووه و سه‌نته‌ری لێكۆڵینه‌وه‌ی سه‌ربه سوپا و فرۆكه‌ی جه‌نگی و بنكه سه‌ربازییه‌كانی سوریای كردوه‌ته‌وه ئامانج.
هاوڵاتی - سێ هاوڵاتیشیان لە گەڕەكه کوردنشینەکانی منبج کوشتووە کە یەکێکیان ژنە. - هاوڵاتیان لە منبجەوە بەرەو ناوچەکانی ڕۆژهەڵاتی ڕووباری فورات ئاوارە دەبن. گرووپە چەکدارەکانی سەر بە تورکیا له سوريا دەستیان کردووە بە کوشتنی هاوڵاتیانی کورد و سووتاندن و تاڵانکردنی ماڵەکانیان لە منبج. ڕوانگەی سورى بۆ مافەکانی مرۆڤ بڵاویکردەوە گرووپە چەکدارەکانی سەر بە تورکیا له سوريا دەستیان کردووە بە کوشتنی هاوڵاتیانی کورد لەسەر ناسنامە و سێ هاوڵاتیشیان لە گەڕەكه کوردنشینەکانی منبج کوشتووە کە یەکێکیان ژنە. ڕوونیشیکردەوە کە لە گەڕەکەکانی نەواجە و ئەسەدیە و ڕێگەی جەزیرەش دەستیان کردووە بە تاڵانکردنی ماڵی هاوڵاتیانی کورد و سووتاندنیان. دوێنێش 10 هاووڵاتی مەدەنی بە هۆی بۆردومانی تورکیا بۆ سەر گوندی زرڤانی ڕۆژهەڵاتی منبج گیانیان لەدەستدا. ڕوانگەی سووریا ئەوەشی خستەڕوو کە هاوڵاتیان لە منبجەوە بەرەو ناوچەکانی ڕۆژهەڵاتی ڕووباری فورات ئاوارە دەبن.
هاوڵاتی - وه‌زاره‌تی گه‌نجینه‌ی ئه‌مریكا، سه‌پاندنی سزاكانی به‌سه‌ر فه‌واز ئه‌خراس خه‌زوری به‌شار ئه‌سه‌د ڕاگه‌یاند. - به‌هۆی پێشكه‌شكردنی پاڵپشتی و ئاسانكاری بۆ به‌شار ئه‌سه‌د سه‌باره‌ت به بابه‌ته داراییه‌كان و خۆدزینه‌وه له سزاكان. وه‌زاره‌تی گه‌نجینه‌ی ئه‌مریكا، سه‌پاندنی سزاكانی به‌سه‌ر فه‌واز ئه‌خراس خه‌زوری به‌شار ئه‌سه‌د سه‌رۆك كۆماری هه‌ڵاتوی سوریا ڕاگه‌یاند كه پیشه‌ی پزیشكه له بەریتانیا. وه‌زاره‌تی خه‌زێنه‌ی ئه‌مه‌ریكا له راگه‌یه‌ندراوێكدا خستنه‌ڕوی فه‌واز ئه‌خراسی له لیستی سزاكان ڕاگه‌یاند به‌هۆی پێشكه‌شكردنی پاڵپشتی و ئاسانكاری بۆ به‌شار ئه‌سه‌د سه‌باره‌ت به بابه‌ته داراییه‌كان و خۆدزینه‌وه له سزاكان. فه‌واز ئه‌خراس له مانگی (ئه‌یلول)ی ساڵی 1946 له شاری حمس له‌دایكبوه، به‌پێی لیستی وه‌زاره‌تی گه‌نجینه‌ی ئه‌مریكا كه سزای به‌سه‌ردا سه‌پێنراوه، دوو ڕه‌گه‌زنامه‌ی سوری و بەریتانیای هه‌یه و پزیشكێكی پسپۆڕی نه‌خۆشییه‌كانی دڵه، هه‌روه‌ها له له‌نده‌ن پزیشكی كردووه و كچه‌كه‌ی به‌ناوی ئه‌سما هاوسه‌ری به‌شار ئه‌سه‌د، له بەریتا له‌دایكبووه. به‌گوێره‌ی ئاژانسی فرانس پرێس، فه‌واز ئه‌خراس كه ناونیشانی تۆماركراوی له خانویه‌كی بێگه‌رد له ڕۆژئاوای له‌نده‌نه، له ساڵی 2020دا له‌گه‌ڵ ئه‌سما و سه‌حه‌ری هاوسه‌ری و ژماره‌یه‌ك ئه‌ندامی دیكه‌ی خێزانه‌كه‌ی له لیستی سزاكانی ئه‌مریكادا جێگیركراون.
هاوڵاتی - لێره‌و له‌وێ هه‌ندێك لێدوان و ڕاگه‌یه‌نراوی نابه‌رپرسیارانه له‌سه‌ر مووچه بڵاوده‌كرێنه‌وه. - به‌درێژایی چه‌ند مانگی ڕابردو به‌به‌رده‌وامی تیمه ته‌كنیكیه‌كانمان له‌گه‌ڵ وه‌زاره‌تی دارایی حكومه‌تی فیدڕاڵ له‌سه‌ر هێڵ بون. وه‌زاره‌تی دارایی و ئابوری هه‌رێمی كوردستان ڕایگەیاند هێشتا كێشه‌كانى مووچەی فەرمانبەرانی هەرێم به‌رده‌وامن و له‌هه‌وڵی چاره‌سه‌ركردنیداین. وه‌زاره تەكە له‌ڕاگه‌یه‌ندراوێكدا بڵاویكرده‌وه، له‌باره‌ی لێدوانه‌كانی رێباز حه‌ملان بریكاری وه‌زاره‌تی دارایی عێراق رونكردنه‌وه ده‌دات و راشیده‌گه‌یه‌نێت، له ڕۆژی ده‌ستبه‌كاربونی رێباز حه‌ملانه‌وه تا ئێستا هه‌نگاوێكی ئیجابیمان لێ نه‌بینیوه و ئومێده‌وارین به ئه‌ركی خۆی هه‌ستێت كاری خۆی له وه‌زاره‌ته‌كه‌ی جێبه‌جێبكات و هه‌مو ئه‌و بابه‌تانه‌ی جه‌نابیان باسی كردوه ئاگامان لێی نییه. وتيشى: له‌سه‌ر بابه‌تی ناردنی ته‌مویلی موچه‌ی فه‌رمانبه‌رانی هه‌رێمی كوردستان، له‌لایه‌ن وه‌زاره‌تی دارایی حكومه‌تی فیدراڵه‌وه، كه سه‌ره‌ڕای بڕیاری دادگای فیدراڵی و هه‌وڵه‌كانی وه‌زاره‌تمان بۆ چاره‌سه‌ری كێشه‌كان و ڕۆڵی سه‌رۆك وه‌زیرانی هه‌رێمی كوردستان كه به‌ئه‌ركی خۆی و زیاتریش له‌و ڕوه‌وه هه‌ستاوه، به‌ڵام هێشتا كێشه‌كان به‌رده‌وامن و له‌هه‌وڵی چاره‌سه‌ركردنیداین، سه‌ره‌ڕای دۆخی هه‌ستیاری فه‌رمانبه‌ران و موچه خۆرانی هه‌رێمی كوردستان كه ماوه‌ی دو مانگه موچه‌یان وه‌رنه‌گرتوه لێره‌و له‌وێ هه‌ندێك لێدوان و ڕاگه‌یه‌نراوی نابه‌رپرسیارانه له‌سه‌ر موچه بڵاوده‌كرێنه‌وه به‌پێوستمان زانی چه‌ند ڕاستیه‌ك بۆ ڕایگشتی بخه‌ینه‌ڕو یه‌كه‌م: به‌درێژایی چه‌ند مانگی ڕابردو به‌به‌رده‌وامی تیمه ته‌كنیكیه‌كانمان له‌گه‌ڵ وه‌زاره‌تی دارایی حكومه‌تی فیدڕاڵ له‌سه‌ر هێڵ بون بۆ چاره‌سه‌ری كێشه ته‌كنیكیه‌كانی لیستی موچه‌و به‌شی زۆری كێشه هونه‌ریه‌كانی لیستی موچه چاره‌سه‌ر كراوه‌و له ئێستاشدا تیمه‌كانمان له‌به‌غدان بۆ چاره‌سه‌ری كێشه‌ی گواستنه‌وه‌ی پاره له ته‌رخانكراوه‌كانی هه‌رێم و ڕاده‌ستكردنی لیستی موچه‌ی مانگی كانونی یه‌كه‌م به‌وه‌زاره‌تی دارایی عێراق. دوه‌م: سه‌باره‌ت به‌ڕاگه‌یه‌نراوی بریكاری وه‌زاره‌تی دارایی عێراق كه له‌سه‌ر موچه‌ی هه‌رێم بڵاوی كردۆته‌وه، هه‌رچه‌نده جه‌نابیان له‌و ئه‌ركه‌یدا نوێیه‌و چه‌ند ڕۆژێكه ده‌ست به‌كاربوه، به‌بیریان دێنینه‌وه كه ئه‌و به‌شێكه له وه‌زاره‌تی دارایی عێراق، پێویست بو له‌وه‌زاره‌ته‌كه‌ی خۆی هه‌وڵی چاره‌سه‌ری ئه‌و كێشانه بدات كه بۆ موچه‌ی هه‌رێمی كوردستان دروستكراوه و تا ئێستاش به‌رده‌وامه، ئه‌و بابه‌تانه‌ی باسی كردون له بنه‌ڕه‌تدا كێشه‌ی ده‌ستكردن و سیاسین كه وه‌زاره‌تی دارایی عێراق دروستی كردوه، پێویسته ئه‌و به‌ڕێزه سه‌رقاڵی چاره‌سه‌ركردنی ئه‌و كێشانه بێت له وه‌زاره‌ته‌كه‌ی خۆی نه‌ك له‌وه‌كیلی ئیمه‌وه قسه‌بكات، ئه‌وه‌ی نوێنه‌رایه‌تی ئێمه ئه‌كات تیمه‌كانمانن كه ئێستا له به‌غدادن نه‌ك به‌ڕێزیان، ئه‌وه‌ی قه‌باره‌ی كێشه‌كانی ئێمه‌ی چاره‌سه‌ركردوه له ڕابردودا هه‌ر تیمه‌كانی ئێمه بون، له ڕۆژی ده‌ستبه‌كاربونی جه‌نابیانه‌وه تا ئێستا هه‌نگاوێكی ئیجابیمان لێ نه‌بینیوه، ئومێده‌وارین به ئه‌ركی خۆی هه‌ستێت واته كاری خۆی له وه‌زاره‌ته‌كه‌ی جێبه‌جێبكات، هه‌رێمی كوردستان له ده‌ستێكی ئه‌میندایه، هه‌مو ئه‌و بابه‌تانه‌ی جه‌نابیان باسی كردوه ئاگامان لێی نییه، تیمه‌كانی ئێمه به‌بێ ئاگاداری جه‌نابیان له به‌غدان ، به‌هیچ جۆرێك ڕێگه‌پێدراو نییه به‌ناوی ئێمه‌وه قسه بكرێت كه ئێمه كه‌سمان نه‌كردوه به وه‌كیل، جه‌نابی نوێنه‌رایه‌تی عێراق ئه‌كات نه‌ك هه‌رێم، پێویسته به‌شێك بیت له چاره‌سه‌ری كێشه‌كان، ئه‌وه‌ی نوێنه‌رایه‌تی هه‌رێمی كوردستان ئه‌كات وه‌زاره‌تی دارایی هه‌رێم و حكومه‌تی هه‌رێمه ، بۆیه هیوادارین جه‌نابیان به‌ئه‌ركی خۆیان هه‌ستن و ده‌سه‌ڵاتی خۆیان بزانن، نه‌ك بێت له بری وه‌زاره‌تمان قسه بكات ، له‌م كاته‌دا چاوه‌ڕێمان ده‌كرد وه‌زاره‌ته‌كه‌ی جه‌نابیان كۆی ته‌مویلی موچه‌ی دو مانگی بناردایه نه‌ك بێت هه‌واڵی موچه بڵاوبكاته‌وه كه ئه‌ركی ئه‌و نییه. سێیه‌م: بۆ بریكاری وه‌زاره‌تی دارایی عێراق و هه‌مو لایه‌كی دوپات ده‌كه‌ینه‌وه، كه هه‌ر هه‌واڵ و زانیاری و بابه‌تێكی فه‌رمی تایبه‌ت به‌موچه ئه‌رك و تایبه‌تمه‌ندی وه‌زاره‌تمانه‌و هه‌ر زانیاری و داتاو هه‌واڵێكی موچه له‌پێگه‌ی فه‌رمی و پێگه‌كانی حكومه‌تی هه‌رێم بڵاونه‌بێته‌وه جێی متمانه نییه‌و ڕه‌تكراوه‌یه، وه‌زاره‌تی دارایی هه‌رێمی كوردستان به‌رپرس و تاكه لایه‌نی فه‌رمییه بۆ مامه‌ڵه‌كردن له‌سه‌ر كات و شێوازی دابه‌شكردنی موچه‌و هتد..
هاوڵاتی - ئەمڕۆ دووشەممە لیستی مووچەی مانگی کانوونی یەکەمی مووچەخۆرانی هەرێمی کوردستان، ڕادەستی وەزارەتی دارایی حکومەتی فیدراڵ کرا. - تا ئێستا مووچەی مانگی 10 و 11ى مووچەخۆرانی هەرێم دابەش نەکراوە. وەزارەتی دارایی ڕایگەیاند، لیستی مووچەی مانگی کانونی یەکەمی فەرمانبەرانی هەرێمی کوردستان ڕادەستی وەزارەتی دارایی حکومەتی فیدراڵ کرا. وەزارەتی دارایی هەرێمی کوردستان ڕایگەیاند، ئەمڕۆ دووشەممە لیستی مووچەی مانگی کانوونی یەکەمی فەرمانبەران و مووچەخۆرانی هەرێمی کوردستان، لەلایەن نوێنەری وەزارەتی دارایی هەرێمی کوردستانەوە ڕادەستی وەزارەتی دارایی حکومەتی فیدراڵ کرا. وەزارەتەکە هیچ ڕوونکردنوەیەکی دەربارەی مووچەی مانگی 10 و 11 نەداوە کە تا ئێستا دابەش نەکراوە.
.jpg)
هاوڵاتی - دیوانی چاودێری دارایی فیدراڵی خشتەی شایستە داراییەکانی نێوان حکومەتی فیدراڵی و هەرێمی خستەڕوو. - ڕێژەی بەبانکیکردنی مووچە (تەوتین) لە بانکە باوەڕپێکراوەکانی بانکی ناوەندی عێراق ٨٠%ی تێپەڕاندووە. - پێویستە هەموارکردنەکە میکانیزمی ڕوون بۆ پاکتاوکردنی پێشینە داراییەکان لەخۆبگرێت پێش کۆتایی ئەمساڵ بۆ ئەوەی پارەکان کەڵەکەنەبن. دیوانی چاودێری عێراق ڕایگەیاند، ڕێژەی تەوتینکردنی مووچەی فەرمانبەرانی هەرێمی کوردستان لە بانکە متمانەپێکراوەکانی بانکی ناوەندی عێراق ٨٠٪ی تێپەڕاندووە. ئەنجومەنی نوێنەرانی عێراق لە بەیاننامەیەكدا ڕایگەیاند لیژنەی دارایی ئەنجومەنی نوێنەران میوانداری عەمار خەڵەف، سەرۆکی دیوانی چاودێری دارایی فیدراڵی کرد بۆ گفتوگۆکردن لەسەر ڕەشنووسی یەکەم هەموارکردنەوەی یاسای بودجەی گشتی. لە کۆبوونەوەکەدا عەتوان عەتوانی، سەرۆکی لیژنەکە جەختیکردەوە لەوەی دەیانەوێت یاساکە بە جۆرێک هەمواربکرێتەوە کە توانای جێبەجێکردنی هەبێت و بەوەش کۆتایی بە ناکۆکی نێوان حکومەتی فیدراڵی و هەرێمی کوردستان سەبارەت بە دۆسیەی نەوت بهێنرێت. ئەوەشی خستەڕوو کە تەواوکردنی کارەکانی لیژنەکە سەبارەت بەم هەموارکردنە پەیوەستە بە ئامادەبوونی وەزارەتی دارایی بۆ ڕوونکردنەوەی بنەمای یاسایی خەرجکردنی شایستە داراییەکانی کۆمپانیا بیانییەکانی نەوت کە لە هەرێمدا کاردەکەن. لای خۆیەوە سەرۆکی دیوانی چاودێری دارایی فیدراڵی خشتەی شایستە داراییەکانی نێوان حکومەتی فیدراڵی و هەرێمی خستەڕوو و ئاماژەشیدا بەو تێبینییانەی لەسەر ڕادەستکردنی داهاتی نەوتی و نانەوتی هەرێم بە حکومەتی فیدراڵی هەن. سەرۆکی دیوانی چاودێری دارایی جەختیکردەوە کە پێویستە هەموارکردنەکە میکانیزمی ڕوون بۆ پاکتاوکردنی پێشینە داراییەکان لەخۆبگرێت پێش کۆتایی ئەمساڵ بۆ ئەوەی پارەکان کەڵەکەنەبن. لە بەشێکی دیکەی کۆبوونەوەکەدا ستافی دیوانی چاودێری دارایی ڕێکارەکانی بەبەناکیکردنی مووچەی فەرمانبەرانی هەرێمی کوردستانی خستەڕوو و ڕایگەیاند، ڕێژەی بەبانکیکردنی مووچە (تەوتین) لە بانکە باوەڕپێکراوەکانی بانکی ناوەندی عێراق ٨٠%ی تێپەڕاندووە و کۆتایی ئەمساڵیش دوا وادەیە بۆ تەواوکردنی بایۆمەتری بۆ ئەوەی کێشەی دوومووچەیی چارەسەربکرێت.
هاوڵاتی - دیوانی چاودێری دارایی فیدراڵی خشتەی شایستە داراییەکانی نێوان حکومەتی فیدراڵی و هەرێمی خستەڕوو. - ڕێژەی بەبانکیکردنی مووچە (تەوتین) لە بانکە باوەڕپێکراوەکانی بانکی ناوەندی عێراق ٨٠%ی تێپەڕاندووە. - پێویستە هەموارکردنەکە میکانیزمی ڕوون بۆ پاکتاوکردنی پێشینە داراییەکان لەخۆبگرێت پێش کۆتایی ئەمساڵ بۆ ئەوەی پارەکان کەڵەکەنەبن. دیوانی چاودێری عێراق ڕایگەیاند، ڕێژەی تەوتینکردنی مووچەی فەرمانبەرانی هەرێمی کوردستان لە بانکە متمانەپێکراوەکانی بانکی ناوەندی عێراق ٨٠٪ی تێپەڕاندووە. ئەنجومەنی نوێنەرانی عێراق لە بەیاننامەیەكدا ڕایگەیاند لیژنەی دارایی ئەنجومەنی نوێنەران میوانداری عەمار خەڵەف، سەرۆکی دیوانی چاودێری دارایی فیدراڵی کرد بۆ گفتوگۆکردن لەسەر ڕەشنووسی یەکەم هەموارکردنەوەی یاسای بودجەی گشتی. لە کۆبوونەوەکەدا عەتوان عەتوانی، سەرۆکی لیژنەکە جەختیکردەوە لەوەی دەیانەوێت یاساکە بە جۆرێک هەمواربکرێتەوە کە توانای جێبەجێکردنی هەبێت و بەوەش کۆتایی بە ناکۆکی نێوان حکومەتی فیدراڵی و هەرێمی کوردستان سەبارەت بە دۆسیەی نەوت بهێنرێت. ئەوەشی خستەڕوو کە تەواوکردنی کارەکانی لیژنەکە سەبارەت بەم هەموارکردنە پەیوەستە بە ئامادەبوونی وەزارەتی دارایی بۆ ڕوونکردنەوەی بنەمای یاسایی خەرجکردنی شایستە داراییەکانی کۆمپانیا بیانییەکانی نەوت کە لە هەرێمدا کاردەکەن. لای خۆیەوە سەرۆکی دیوانی چاودێری دارایی فیدراڵی خشتەی شایستە داراییەکانی نێوان حکومەتی فیدراڵی و هەرێمی خستەڕوو و ئاماژەشیدا بەو تێبینییانەی لەسەر ڕادەستکردنی داهاتی نەوتی و نانەوتی هەرێم بە حکومەتی فیدراڵی هەن. سەرۆکی دیوانی چاودێری دارایی جەختیکردەوە کە پێویستە هەموارکردنەکە میکانیزمی ڕوون بۆ پاکتاوکردنی پێشینە داراییەکان لەخۆبگرێت پێش کۆتایی ئەمساڵ بۆ ئەوەی پارەکان کەڵەکەنەبن. لە بەشێکی دیکەی کۆبوونەوەکەدا ستافی دیوانی چاودێری دارایی ڕێکارەکانی بەبەناکیکردنی مووچەی فەرمانبەرانی هەرێمی کوردستانی خستەڕوو و ڕایگەیاند، ڕێژەی بەبانکیکردنی مووچە (تەوتین) لە بانکە باوەڕپێکراوەکانی بانکی ناوەندی عێراق ٨٠%ی تێپەڕاندووە و کۆتایی ئەمساڵیش دوا وادەیە بۆ تەواوکردنی بایۆمەتری بۆ ئەوەی کێشەی دوومووچەیی چارەسەربکرێت.
هاوڵاتی - داوای لە تورکیا و گروپە چەکدارەکانی پەیوەندیدار کرد هێرش نەکەنە سەر هێزەکانی سوریای دیموکرات. - ئەگەر تورکیا هێرش بکاتە سەر هێزە کوردییەکان، ئەمە دەبێتە هۆی هەڵاتنی دیلەکانی د*ا*ع*ش. - ئەگەر تورکیا ڕێکاری سەربازی لە دژی هێزە کوردییەکان لە سوریا بگرێتەبەر، ئەوە بەرژەوەندییەکانی ئەمریکا دەخاتە مەترسییەکی گەورەوە. لیندسی گراهام سیناتۆری کۆماریخوازی ئەمریکا داوای لە تورکیا و گروپە چەکدارەکانی پەیوەندیدار کرد هێرش نەکەنە سەر هێزەکانی سوریای دیموکرات (هەسەدە). گراهام لە پۆستەکەیدا کە لە ئێکس بڵاویکردووەتەوە، دەڵێت "دەبێت دڵنیابین لەوەی 50 هەزار دیل (دەستگیرکراو)ی داعش لە باکوری ڕۆژهەڵاتی سوریا لەلایەن هێزە کوردییەکانەوە دەستبەسەرکراون، ناتوانرێت ئازادبکرێن". وتيشى: ناتوانین ڕێگە بدەین ئەو هێزە کوردانەی کە هاوشانی ئەمریکا داعشیان لەناوبرد، لەلایەن تورکیا یان ئوپزسیۆنە توندڕەوەکانەوە هەڕەشەیان لێبکرێت. ڕاشیگەیاند، "تورکیا نیگەرانی ڕەوای هەیە سەبارەت بە گروپە جیاجیاکان لە باکووری ڕۆژهەڵاتی سوریا، بەڵام ئەگەر ململانێ لە نێوان تورکیا و هێزەکانی سوریای دیموکرات ڕووبدات یان تورکیا هێرش بکاتە سەر هێزە کوردییەکان، ئەمە دەبێتە هۆی هەڵاتنی دیلەکانی داعش. ئاماژەی بەوەدا کە پێی وایە ئەنقەرە شایەنی ناوچەیەکی داماڵینی سەربازییە لە نێوان باکووری ڕۆژهەڵاتی سوریا و تورکیا بۆ پاراستنی بەرژەوەندییەکانی، بەڵام ئەگەر تورکیا ڕێکاری سەربازی لە دژی هێزە کوردییەکان لە سوریا بگرێتەبەر، ئەوە بەرژەوەندییەکانی ئەمریکا دەخاتە مەترسییەکی گەورەوە. هۆشداریشی دا: کاتێک داعش دواجار دەسەڵاتی بەدەستهێنا، لە ئەنجامی پیلانەکانی ئەو ڕێکخراوە کە لە سووریاوە سەرچاوەی گرتووە، هەزاران ئەوروپی و ئەمریکی کوژران. هۆشدارییەکەی ئەو سیناتۆرە دوای ئەوە هات کە گرووپە چەکدارەکانی سەر بە تورکیا لە دوای ڕووخانی بەشار ئەسەد هێرشیان کردە سەر ئەو ناوچانەی لە دێرەزۆر و مەنبەج لە ژێر کۆنترۆڵی چەکدارانی کورددا بوون. ئەمەریکا کە نزیکەی 900 سەربازی هەیە لە ڕۆژاڤا و سوریا وەک بەشێک لە هاوپەیمانی نێودەوڵەتی دژی داعش، هەسەدە بە هاوبەشی سەرەکی خۆی لە شەڕی دژی ئەو گروپە چەکدارە دەزانێت. لە کەمپی هۆڵی حەسەکە زیاتر لە ٤٥ هەزار کەس هەن کە زۆربەیان ژن و منداڵی ئەندامانی داعشن.
هاوڵاتی - داوای لە تورکیا و گروپە چەکدارەکانی پەیوەندیدار کرد هێرش نەکەنە سەر هێزەکانی سوریای دیموکرات. - ئەگەر تورکیا هێرش بکاتە سەر هێزە کوردییەکان، ئەمە دەبێتە هۆی هەڵاتنی دیلەکانی د*ا*ع*ش. - ئەگەر تورکیا ڕێکاری سەربازی لە دژی هێزە کوردییەکان لە سوریا بگرێتەبەر، ئەوە بەرژەوەندییەکانی ئەمریکا دەخاتە مەترسییەکی گەورەوە. لیندسی گراهام سیناتۆری کۆماریخوازی ئەمریکا داوای لە تورکیا و گروپە چەکدارەکانی پەیوەندیدار کرد هێرش نەکەنە سەر هێزەکانی سوریای دیموکرات (هەسەدە). گراهام لە پۆستەکەیدا کە لە ئێکس بڵاویکردووەتەوە، دەڵێت "دەبێت دڵنیابین لەوەی 50 هەزار دیل (دەستگیرکراو)ی داعش لە باکوری ڕۆژهەڵاتی سوریا لەلایەن هێزە کوردییەکانەوە دەستبەسەرکراون، ناتوانرێت ئازادبکرێن". وتيشى: ناتوانین ڕێگە بدەین ئەو هێزە کوردانەی کە هاوشانی ئەمریکا داعشیان لەناوبرد، لەلایەن تورکیا یان ئوپزسیۆنە توندڕەوەکانەوە هەڕەشەیان لێبکرێت. ڕاشیگەیاند، "تورکیا نیگەرانی ڕەوای هەیە سەبارەت بە گروپە جیاجیاکان لە باکووری ڕۆژهەڵاتی سوریا، بەڵام ئەگەر ململانێ لە نێوان تورکیا و هێزەکانی سوریای دیموکرات ڕووبدات یان تورکیا هێرش بکاتە سەر هێزە کوردییەکان، ئەمە دەبێتە هۆی هەڵاتنی دیلەکانی داعش. ئاماژەی بەوەدا کە پێی وایە ئەنقەرە شایەنی ناوچەیەکی داماڵینی سەربازییە لە نێوان باکووری ڕۆژهەڵاتی سوریا و تورکیا بۆ پاراستنی بەرژەوەندییەکانی، بەڵام ئەگەر تورکیا ڕێکاری سەربازی لە دژی هێزە کوردییەکان لە سوریا بگرێتەبەر، ئەوە بەرژەوەندییەکانی ئەمریکا دەخاتە مەترسییەکی گەورەوە. هۆشداریشی دا: کاتێک داعش دواجار دەسەڵاتی بەدەستهێنا، لە ئەنجامی پیلانەکانی ئەو ڕێکخراوە کە لە سووریاوە سەرچاوەی گرتووە، هەزاران ئەوروپی و ئەمریکی کوژران. هۆشدارییەکەی ئەو سیناتۆرە دوای ئەوە هات کە گرووپە چەکدارەکانی سەر بە تورکیا لە دوای ڕووخانی بەشار ئەسەد هێرشیان کردە سەر ئەو ناوچانەی لە دێرەزۆر و مەنبەج لە ژێر کۆنترۆڵی چەکدارانی کورددا بوون. ئەمەریکا کە نزیکەی 900 سەربازی هەیە لە ڕۆژاڤا و سوریا وەک بەشێک لە هاوپەیمانی نێودەوڵەتی دژی داعش، هەسەدە بە هاوبەشی سەرەکی خۆی لە شەڕی دژی ئەو گروپە چەکدارە دەزانێت. لە کەمپی هۆڵی حەسەکە زیاتر لە ٤٥ هەزار کەس هەن کە زۆربەیان ژن و منداڵی ئەندامانی داعشن.
هاوڵاتی - تره‌مپ، (ئه‌لینا حبه) كه كریستیانی به ڕه‌گه‌ز عێراقییه وه‌ك راوێژكاری خۆی ده‌ستنیشان كرد. - ئه‌لینا ته‌منی (40) ساڵه و پێشتر پارێزه‌ی تره‌مب بووه. دۆناڵد تره‌مپ سه‌رۆكی هه‌ڵبژێراوی ئه‌مریكا، (ئه‌لینا حبه) كه كریستیانی به ڕه‌گه‌ز عێراقییه وه‌ك راوێژكاری خۆی ده‌ستنیشان كرد. ئه‌لینا ته‌منی (40) ساڵه و پێشتر پارێزه‌ی تره‌مب بووه و یه‌كێك بووه له ئه‌ندامی ئه‌و تیمه‌ی به‌رگرییان له تره‌مپ كردووه له‌و تۆمه‌تانه‌ی ئاراسته‌ی كرابوون. ئه‌لینا حه‌به له تایفه‌ی كلدانیه و له ویلایه‌تی نیو جرسی له دایكبووه، دایك و باوكی له سه‌ره‌تای هه‌شتاكانی سه‌ده‌ی رابردوو له‌عێراقه‌وه بۆ ئه‌مریكا كۆچیان كردووه.
هاوڵاتی - ئۆپۆزسیۆنی سوریا گەرەنتی ئەمنی بۆ بنکە سەربازییەکانی ڕوسیا لە سوریا دابین کردوە. - بەرپرسانی ڕوسیا پەیوەندی لەگەڵ نوێنەرانی ئۆپۆزسیۆنی سوریا دەکەن. ئاژانسی تاس-ی ڕوسیا بە پشتبەستن بە سەرچاوەکانی كۆشكی سه‌رۆكایه‌تی ڕوسیا (کرێملن) بڵاویكرده‌وه، کە ئۆپۆزسیۆنی سوریا گەرەنتی ئەمنی بۆ بنکە سەربازییەکانی ڕوسیا لە سوریا دابین کردوە. ئەو سەرچاوەیە بە ئاژانسەکەی ڕاگەیاندوە، "بەرپرسانی ڕوسیا پەیوەندی لەگەڵ نوێنەرانی ئۆپۆزسیۆنی سوریا دەکەن، کە سەرکردەکانیان بەرپرسیارن لە دەستەبەرکردنی ئاسایشی بنکە سەربازییەکانی ڕوسیا و دامەزراوە دیپلۆماسییەکان لە سوریا". ئۆپۆزسیۆنی چەکداری سوریاش پێشتر ڕایگەیاندبو، گەرەنتی ئەمنی بۆ نوێنەرایەتییە دیپلۆماسیه‌كانی ڕوسیا کە لە دیمەشقی پایتەختی سوریا ئامادەن، دابین ده‌كه‌ن. باڵیۆزخانەی ڕوسیا لە دیمەشق پێشتر ڕایگەیاندبو، هەمو کارمەندەکانی لە سوریا باشن، ئەوەش دوای ئەوەی ئۆپۆزسیۆنی چەکدار چونەتە ناو دیمەشق و ڕژێمی بەشار ئەسەدی ڕوخاند. سەرچاوەیەک لە باڵیۆزخانەکە بە تاس-ی ڕاگەیاندوە، "هەمو شتێک باشە"، بەبێ ئەوەی هیچ وردەکارییەکی زیاتر بخاتەڕو.
هاوڵاتی کەشناسی هەرێمى كوردستان پێشبینیكرد، ئەمڕۆ ئاسمان نیمچە هەور دەبێت، سبەینێ پلەکانی بەرزدەبنەوە بەراورد بە تۆمارکراوەکانی ئەمڕۆ. کەشناسی هەرێم لە بڵاوکراوەیەکدا ئاشکرای کرد: ئەمڕۆ دووشەممە، ئاسمان پەڵە هەور بۆ نیمچە هەور دەبێت، پلەکانی گەرما نزیک دەبێتەوە لە تۆمارکراوەکانى دوێنێ. باسی لەوەشکردووە: سبەینێ سێشەممە ئاسمان لەنێوان ساماڵ و نیمچە هەور دەبێت، پلەکانی گەرما کەمێک بەرزتر دەبێت بە ڕێژەى یەک بۆ دوو پلە لە تۆمارکراوەکانى ئەمڕۆ. بەرزترین پلەکانی گەرمای پێشبینیکراو بە پلەی سیلیزی: هەولێر: 21 پلەى سیلیزى سلێمانی: 16 پلەى سیلیزى دهۆک: 21 پلەى سیلیزى کەرکوک: 22 پلەى سیلیزى هەڵەبجە: 18 پلەى سیلیزى زاخۆ: 22 پلەى سیلیزى حاجی ئۆمەران: 10 پلەى سیلیزى سۆران: 15 پلەى سیلیزى گەرمیان: 23 پلەى سیلیزی
هاوڵاتی - ئەمريکا لە نزیکەوە چاودێریی قسە و کرداری گرووپە جیاجیاکانی ئۆپۆزیسیۆن لە سووریا دەکات. - بۆ ئەوەی هەموو مەترسییەک لەسەر هێزەکانی ئەمریکا و هاوبەشەکانی و شەڕی دژی داعش، دووربخەنەوە. - دەبێت گرووپەکانی ئۆپۆزسیۆن کار بۆ پاراستنی خەڵکی سڤیل بکەن، لەنێویاندا کەمینە نەتەوەیی و ئایینییەکان. وەزیرانی بەرگریی ئەمریکا و تورکیا لە پەیوەندییەکی تەلەفۆنیدا جەخت لە دوورخستنەوەی مەترسی لەسەر هێزەکانی ئەمریکا و هاوبەشەکانی و شەڕی دژی داعش دەکەنەوە. وەزارەتی بەرگریی ئەمریکا (پێنتاگۆن) رایگەیاند، لۆید ئۆستن و یاشار گولەر، وەزیرانی بەرگریی ئەمریکا و تورکیا لە پەیوەندییەکی تەلەفۆنیدا دۆخی سوریایان تاوتوێ کرد. پێنتاگۆن بڵاویكردەوە وەزیر ئۆستن جەختیکردەوە لەوەی ئەمريکا لە نزیکەوە چاودێریی قسە و کرداری گرووپە جیاجیاکانی ئۆپۆزیسیۆن لە سووریا دەکات. لە راگەیێندراوەکەی پێنتاگۆندا هاتووە، وەزیرانی بەرگریی ئەمریکا و تورکیا هاوڕابوون لەسەر ئەوەی دەبێت گرووپەکانی ئۆپۆزسیۆن کار بۆ پاراستنی خەڵکی سڤیل بکەن، لەنێویاندا کەمینە نەتەوەیی و ئایینییەکان، هەروەها پابەند بن بە بنەما نێودەوڵەتییە مرۆییەکان. پێنتاگۆن دەشڵێت "وەزیر ئۆستن و وەزیر گولەر هەردووکیان جەختیان لە گرنگیی هاوئاهەنگیی نزیک لەنێوان ئەمریکا و تورکیادا کردەوە بۆ ئەوەی رێگری لە گرژیی زیاتری دۆخە شڵەقاوەکە بکەن، هەروەها بۆ ئەوەی هەموو مەترسییەک لەسەر هێزەکانی ئەمریکا و هاوبەشەکانی و شەڕی دژی داعش، دووربخەنەوە. ئەمریکا نزیکەی 900 سەربازی لە سووریا و رۆژئاوای کوردستان هەیە، زۆربەیان لە ناوچەکانی ژێر کۆنترۆڵی هەسەدە جێگیرکراون و لە چواڕچێوەی هاوپەیمانییەکەی نێودەوڵەتی کە زیاتر لە 80 وڵات تێیدا ئەندامه، شەڕ لە دژی سەرهەڵدانەوەی داعش دەکات.
هاوڵاتی - جەخت لە جێبەجێکردنی بڕیارنامەی 2254ـی ئەنجوومەنی ئاسایشی نێودەوڵەتی لەبارەی سووریا دەکاتەوە. - پێشبینی دەکەن پەیوەندییەکانیان لەگەڵ سوریا لەسەر بنەمای بەرژەوەندیی هاوبەش و پابەندبوون بە یاسای نێودەوڵەتی بەردەوام بێت. - بە لەبەرچاوگرتنی هەڵسوکەوتی کاراکتەرە کاریگەرەکان لە گۆڕەپانی سیاسی و ئەمنیی سوریادا رێباز و هەڵوێستی گونجاو دەگرێتەبەر. وەزارەتی دەرەوەی ئێران ڕایگەیاند دیاریکردنی چارەنووس و بڕیاردان لەسەر ئایندەی سووریا بەرپرسیارێتیی خەڵکی ئەو وڵاتەیە، بەبێ دەستێوەردانی وێرانکەر و سەپاندنی دەرەکی. وەزارەتی دەرەوەی ئێران لە راگەیێندراوێکدا ئاماژە بەوە دەکات، دیاریکردنی چارەنووسی گەلی سووریا پێویستی بە کۆتاییهێنان بە ململانێ سەربازییەکان دەستبەجێ پێشگرتنە لە کردەوە تیرۆریستییەکان و دەستپێکردنی دیالۆگی نیشتمانی بە بەشداریی هەموو پێکهاتەکانی کۆمەڵگەی سووریا، لە پێناو پێکهێنانی حکومەتێکی بنکەفراوان کە نوێنەرایەتیی هەموو گەلی سووریا بکات. وەزارەتەکە هاوکات، جەخت لە جێبەجێکردنی بڕیارنامەی 2254ـی ئەنجوومەنی ئاسایشی نێودەوڵەتی لەبارەی سووریا دەکاتەوە کە رێگەچارەیەکی سیاسی بۆ دۆخی وڵاتەکە دەخاتەڕوو. وتيشى: پێشبینی دەکەن پەیوەندییەکانیان لەگەڵ سوریا لەسەر بنەمای بەرژەوەندیی هاوبەش و پابەندبوون بە یاسای نێودەوڵەتی بەردەوام بێت. ئاماژە بەوە دەدات، ئێران بە وردی چاودێریی پێشهاتەکانی سووریا و ناوچەکە دەکات و بە لەبەرچاوگرتنی هەڵسوکەوتی کاراکتەرە کاریگەرەکان لە گۆڕەپانی سیاسی و ئەمنیی سووریادا رێباز و هەڵوێستی گونجاو دەگرێتەبەر.
هاوڵاتی - لە 11 رۆژی رابردووی شەڕ و پێکدادانی سووریا بەسەدان کەس کوژراون. - لە نێو کوژراوەکاندا 138 سڤیل و 380 سەرباز و 392 چەکدار هەن. روانگەی سووری بۆ مافەکانی مرۆڤ رايگەیاند، لە 11 رۆژی رابردووی شەڕ و پێکدادانی سووریا بەسەدان کەس کوژراون. رامی عەبدولڕەحمان بەڕێوەبەری ڕوانگەكە لە لێدوانێكی رۆژنامەوانیدا ڕایگەیاند: 910 کەس کوژراون بەهۆی شەڕەكانی سوریادا كوژراون و لە نێو کوژراوەکاندا 138 سڤیل و 380 سەرباز و 392 چەکدار هەن. رۆژی 25-11-2024 چەکدارانی دەستەی تەحریری شام و هاوپەیمانەکانی لە پارێزگەی ئیدلیبەوە، بە ئاراستەی رۆژئاوای حەلەب هێرشیان کرد و دوای دوو رۆژ شارەکەیان گرت، دواتر شار بە شاری سووریایان راماڵی و توانییان هەریەک لە: حمس، حەما، دەرعا، سوەیدا و قونەیترە کۆنتڕۆڵبکەن. 08-12-2024، دەستەی تەحریری شام گەیشتنە نێو دیمەشق و پایتەختی سوریایان گرت، حکومەتی بەشار ئەسەد سەرۆکی سووریا رووخا و خۆیشی بۆ مۆسکۆ هەڵات. میدیای فەرمیی رووسیا لە زاری بەرپرسێکی کۆشکی سەرۆکایەتیی رووسیا بڵاویکردەوە: "ئەسەد و ئەندامانی خێزانەکەی گەیشتوونەتە مۆسکۆ. رووسیا بە هۆکاری مرۆیی مافی مانەوەیانی پێبەخشیوە."
.jpg)
