پێشەوا هەورامى: نەگەینە ڕێککەوتن دەکشێینەوە

هاوڵاتی کارمەندانی بەڕێوەبەرایەتی هاتوچۆی سلێمانی مانگرتنیان لە کارکردن ڕاگەیاند، بەڕێوەبەری هاتوچۆی سلێمانیش دەڵێت، ئەو مانگرتنە هۆشدارییە بۆ حکومەت. به‌یانی ئه‌مڕۆ ئه‌فسه‌ر و كارمه‌ندانی به‌ڕێوه‌به‌رایه‌تی هاتوچۆی سلێمانی مانگرتنیان له‌ كاره‌كانیان راگەیاند و ده‌ڵێن، چیتر ئاماده‌نین كه‌ مامه‌ڵه‌ی هاوڵاتیانی رایی بكه‌ن و داوای موچه‌ ده‌كه‌ن. کارمەندانی بەڕێوەبەرایەتی هاتوچۆی سلێمانی ده‌ڵێن، چەند رۆژێکی دیکە دەبێتە مانگی دوو و هێشتا مووچەی مانگی 10ی ساڵی رابردوویان وەرنەگرتووە. ئاماژەیان بەوەش کرد، تا داواکانیان جێبەجێ نەکرێت و مووچەکانیان وەرنەگرن ئامادە نین بچنەوە سەر کارەکانیان. ئەمەشلەکاتێکدایە بڕیاروایه‌ ئه‌مڕۆ له‌سلێمانى‌و ناوچه‌كانى سنورى بایكۆت، خۆپیشاندانى فراوان‌و سه‌رتاسه‌رى ئه‌نجامبدرێت‌و پێشتریش  ئاوات ئازاد نوێنەری مامۆستایانی ناڕازی  بە هاوڵآتی ڕایگه‌یاندبوو، ئه‌مڕۆ خۆپیشاندانى فراوان ده‌كه‌ن‌و ژماره‌یه‌ك فه‌رمانگه‌ش بایكۆتى ده‌وام ڕاده‌گه‌یه‌نن‌و به‌شداریى خۆپیشاندانه‌كه‌یان ده‌كه‌ن.

هاوڵاتی هێزەکانی سووریای دیموکرات هەسەدە و ئاسایشی رۆژئاوای کوردستان، بەبەشداریی هاوپەیمانیی نێودەوڵەتی، ئەمڕۆ شەممە 27ی کانوونی دووەم، لەناو کامپی هۆڵ قۆناغی سێیەمی ئۆپەراسیۆنی "مرۆڤایەتی و ئاسایش" ی لە دژی شانەکانی داعش دەستپێکرد.  لەم بارەیەوە ئه ندامی فه رمانده یی گشتیی هێزه کانی ئاسایشی ناوخۆ، عه لی حه سه ن به زمانی عەرەبی ، وته بێژی یه په گه ڕوکەن جه مال به زمانی کوردی بەیاننامەکەیان خوێنده وه . دەقی   بەیاننامەکە بەم شێوەیەیە:  "لە ساڵانی ڕابردوودا ئیدارەی خۆسەر و هێزە ئەمنی و سەربازییەکانی هەموو بارگرانییەکانی پەیوەست بە ڕێگریکردن لە زیادبوونی هەڕەشەی تیرۆریستی لە کەمپی هۆل و کەمکردنەوەی دڕندەیی ئەو چالاکییە تیرۆریستییانەی کە شانەکانی داعش بەرامبەر بە دانیشتوانی کەمپەکە ئەنجام دەدرێن، لە ئەستۆ گرتووە". . ئەمەش بەهۆی گرنگی نەدانی هێزە نێودەوڵەتییەکان بە ئاستی مەترسی ئەم گەشەسەندنە  کەخۆیان  ناچارنەدیتوە  بەرپرسیارێتی ئەم دۆسیە مەترسیدارە لە ئەستۆ بگرن..     لە ماوەی ڕابردوودا چەتەکانی داعش جموجۆڵ و چالاکیی و شانەکانیان لە کەمپەکەدا زیاد دەکرد. ئه م زیادبوونه له هه مان کاتدا ڕوویدا  کەهاوکات هێرشه کانی ده وڵه تی داگیرکه ڕی تورکیا و چەتەکانی سه ڕ به ڕژێمی سوریا بۆ سەر باکوور و رۆژهەڵاتی سوریا ڕۆژ بە ڕۆژ لە زیادبووندایە . هەربۆیە ئەم شانە تیرۆرستیانە چەندین چالاکیی تۆقاندن و کوشتنیان ئەنجامداوە؛ هەروەها فشاریان خستۆتە سەر دانیشتوانی کەمپەکە و یارمەتییە مرۆییەکانی وەک پێداویستییە تەندروستییەکان سووتاندوە، ئەمەش ڕێگرییان بەڕێوەبردنە کەمپەکە دەکات لە هەمووڕویەکەوە . بەم شێوەیە هەوڵیان دا کەشێکی گونجاو بۆ شانە تیرۆریستەکان دروست بکەن و منداڵانی زیاتر تێوە بگلێنن و منداڵان لەبارەی بیرۆکە ڕادیکاڵ و توندوتیژەکان لە ڕێگەی ژنانی داعشەوە پەروەردە بکەن کە ڕۆڵێکی کارایان لە زیندووکردنەوەی داعشدا هەیە. هەروەها پلانی ڕفاندن و دروستکردنی پشێوی لە کەمپەکەدا زیاتر ڕێگەخۆشکەرە  بۆ تێکدانی ئاسایشی کەمپەکە.   جگە لەم کارانە، زۆرێک لە دانپێدانانەکانی شانەکانی داعش کە لەم دواییانەدا گیراون، ئەوە پشتڕاست دەکەنەوە کە چەتەکان پلانیان دانابوو لە دەرەوە هێرش بکەنە سەر کەمپەکە بە پەیوەندیکردن لەگەڵ جوڵەی شانەکانی ناوەوە، بە فەرمانی ڕاستەوخۆی فەرماندەکەیان. کەمپی هۆل تا ئێستاش ئامانجی سەرەکی و ئامرازی پڕوپاگەندەی داعشە و لە هەموو بڵاوکراوەکانیدا بەکاری دەهێنێت. بۆیە وەک درێژەپێدەری خەباتی گرانبەهامان و ئەرکە ئەخلاقی و مرۆییەکانمان بۆ ڕێگریکردن لەم کارە، وەک هێزەکانی ئاسایشی ناوخۆی باکور و ڕۆژهەڵاتی سوریا، هێزەکانی سوریای دیموکرات بە سەرۆکایەتی یەکینەکانی پاراستنی ژنان (یەپەژە) بەشداری دەکەن و بە پاڵپشتی هێزەکانی هاوپەیمانی نێودەوڵەتی بۆ بەرەنگاربوونەوەی داعش، قۆناغی سێیەمی ئۆپەراسیۆنی "مرۆڤایەتی و ئاسایش" لە کەمپی هۆڵ ڕادەگەیەنین. ئەم ئۆپەراسیۆنە ئەندامانی شانەکانی داعش و وشک کردنی بازنەکانیان و دەستگیرکردنی خراپەکاران و لەوانەش ئەوانەی بەرپرسن لە هێرشە تیرۆریستیەکان و هاوکارەکانیان و هەروەها ئەوانەی بیرۆکەی ڕادیکاڵ و توندوتیژانە لەنێو منداڵاندا بڵاودەکەنەوە دەکاتە ئامانج.   وەک هێزی ئۆپەراسیۆن کە بە هێز و دیسیپلین خۆیان سەلماندووە لە ماوەی ساڵانی درێژخایەنی بەرەنگاربوونەوەی تیرۆر،جەخت لەسەر پابەندبوونمان بە یاسا و ڕێکەوتننامەکانی مافی مرۆڤ دەکەینەوە. بە تایبەتی ئێمە پابەندبوونمان بەو یاسایانە نوێ دەکەینەوە کە میکانیزمی ئەمنی ڕێکدەخەن لە دژی ژینگەکانی وەک کەمپی هۆڵ، کە شانە تیرۆریستییەکان تێیدا هەڵکەوتوون و بۆ چالاکییەکانیان بەکاردەهێنرێن. هێزەکانمان لە ئۆپەراسیۆنە ئەمنییەکانی دەستبەجێ یان درێژخایەن و ڕێکارەکانی شکستپێهێنانی هەڕەشەی تیرۆر بۆ سەر هەرێم و گەلەکەی، هەموو ئەو ئەرکانەی پێیان سپێردراوە، جێبەجێ دەکەن.   . 27_01_2024 سکرتاریەرتی گشتی هیزەکانی ئاسایشی ناوخۆی باکوور و ڕۆژهەڵاتی سوریا _ کاپمی هۆل    

هاوڵاتی  پۆلیسی کەرکوک  رایگەیاند، توانیویانە دوو تۆمەتبار دەستگیر بکەن کە ١٨ـی ئەم مانگە لە کەرکوک شۆفێرێکی تەکسییان کوشت و دواتریش ئۆتۆمبیلێکەیان دزی. فەرماندەیی پۆلیسی پارێزگای کەرکوک لە راگەیەنراوێکدا بڵاویکردەوە، دوای کۆکردنەوەی زانیاری و لێکۆڵینەوە بەرێوەبەرایەتی ئاسایشی کەرکوک و فەرماندەیی پۆلیسی پارێزگاکە توانیان هەردو تۆمەتبارەکە بدۆزنەوە و دەستگیری بکەن. رەحیم میرزا خورشیدی تەمەن 72 ساڵ رۆژی ١٨ی مانگی (کانونی دوەم/1)  کە وەک شۆفێری تاکسی  لە پارێزگای کەرکوک کاری دەکرد بێسەروشوێنبوو دوای  بەدواداچون و کۆکردنەوەی زانیاری  دەرکەوت، دو کەسی نەناسراو ئەو شۆفێری تاکسییەیان کوشتوە و ئوتومبێلەکەیان دزیو لە تەرمەکەیان لە نزیک ناحیەی قەرەهەنجیر فڕێدابوو. بەگوێرەی زانیارییەکان، بکوژەکان لە سلێمانی و بە هاوکاریی ئاسایشی کەرکووک دەستگیرکراون و دوای دەستگیرکردنیان دانیان بە تاوانەکەدا ناوە و بڕیارە تۆمەتبارەکان رادەستی پۆلیس و دادگای کەرکووک بکرێنەوە.  

هاوڵاتی مامۆستایانی ناڕازی هەولێر ئەمڕۆ لە ڕاگەیەندراوێکدا بایکۆتی هۆڵەکانی خوێندنیان ڕاگەیاند و دەڵێن، سبەی یەکشەممە لە سەرتاسەری سنوری هەولێر دەستپێدەکەین و لە سنوری سلێمانیش خۆپیشاندانی بەرفراوان ئەنجامدەدرێت.  ئاوات ئازاد نوێنەری مامۆستایانی ناڕازی بە هاوڵاتی وت، " سبەی یەکشەممە جگە لە وەی له‌سنورى بایكۆت خۆپیشاندانى فراوان ئه‌نجامده‌ده‌ن، ده‌شڵێت:"ژمارەیەك لەفەرمانگەکانی دیكه‌ش بایکۆت ڕادەگەیەنن‌و بەشداریی خۆپیشاندانی سبەینێ دەکەن". لەبارەی بایکۆتەکەی هەولێریشەوە ئەو مامۆستایە بڕیارەکەی مامۆستایانی هەولێری پشتڕاستکردەوە و وتی،" ژمارەیەک مامۆستای ناڕازی لە هەولێریش بایکۆت ڕادەگەیەنن هاوکات هیوادارین بەشێوەیەکی سەرتاسەری لە پارێزگاکەکەدا پشتگیرییان لێبکرێت". لە ڕاگەیەندراوەکەی مامۆستایانی ناڕازی هەولێردا هاتووە، "وەکو ئاگادارن وا بۆماوەی چوار مانگ دەبێت حکومەتی هەرێم، موچەی فەرمانبەران و مامۆستایانی دابەشنەکردوە و حکومەتی هەرێم خۆی کەڕ کردوە لەبەرامبەر جێبەجێکردنی داواکارییەکانی مامۆستایان و فەوتانی ساڵێکی 700 هەزار قوتابی ، هەروەکو بەڵێنیان دابو کە هەڵوێستی جدیییان دەبێت لەبەرامبەر بێ وەڵامی حکومەت." ئەوەشخراوەتەڕو، بۆیە سبەی رۆژی یەکشەممە، بایکۆتی سەرتاسەری لەسنوری شاری هەولێر  ڕادەگەیەنن تاوەکو حکومەتی هەرێم موچەی ئەم مانگە دابەش دەکات، بۆ مانگەکانی دیکەش دابەشکردنی موچە ئاسایی دەکاتەوە. لە ماوەی چوار مانگی رابردوودا، مامۆستایانی وانەبێژ و دامەزراو لەو ناوچانەی بایکۆتیان کردووە چەندین گردبوونەوە و ناڕەزاییان بەڕێوەبردووە و داوای جێبەجێکردنی داواکارییەکانیان کردووە، کە خۆی لە دامەزراندنی مامۆستایانی وانەبێژ و گریبەست و پێدانی شایستە داراییەکان لە کاتی خۆیدا دەگرێتەوە، هاوکات چەند جارێک قوتابییانیش لەگەڵ مامۆستایاندا بەشداریی ناڕەزاییەکانیان کردووە و لەگەڵ پشتگیرکردنی داوای مامۆستایان، داوایان کردووە هەوڵەکان چڕبکرێنەوە بۆ دەستپێکردنی خوێندن لە سنوورەکانیان. لە پەروەردەی گشتیی سلێمانی، 39 هەزار و 13 مامۆستا و فەرمانبەر هەن کە 29 هەزار و 466 مامۆستای میلاک، نۆ هەزار و 546 فەرمانبەر و 600 وانەبێژن. 386 هەزار و 422 قوتابیش لە قوتابخانە حکومییەکان وانە دەخوێنن. لە سنووری بەڕێوەبەرایەتیی گشتیی پەروەردەی سلێمانی، 101 قوتابخانەی تایبەت هەن کە سێ هەزار و 470 مامۆستا تێیاندا وانە دەڵێنەوە و 29 هەزار و 555 قوتابیش تێیاندا وانە دەخوێنن.

هاوڵاتی – عەمار عەزیز سێ ئەندامی ئەو خێزانەی چەند رۆژێك لەمەوبەر بەهۆی تەقینی سۆپای غازەوە لەسنوری پارێزگای دهۆك بریندار بوون بەهۆی سەختی برینەكەیانەوە گیانیان لەدەستدا. خەلیل مەحمود، قائیمقامی قەزای سێمێل بە هاوڵاتی وت "شەوی 23ی ئەم مانگە لەگوندی هاجنسێ سەر بە قەزای سێمێل بەهۆی تەقینەوەی سۆپای غاز ، حەوت ئەندامی خێزانێك لەو روداوە برینداربوون، بەهۆی سەختی برینەكەیانەوە ئەمڕۆ شەمە 27ی كانوونی دووەمی 2024،سیانیان  گیانیان لەدەستداوە". وتیشی"دۆخی تەندروستی چوار بریندارەكەی تریان باشە، بەڵام تا ئێستا چارەسەری پێویست بۆیان دەكرێت، هەموویان ئەندامی یەك خێزانن و خەڵكی رۆژئاوای كوردستانن".

هاوڵاتی  وتەبێژی كەجەكە رایگەیاند چەكدارانی پارتی دیموكراتی كوردستان لەسەر شوێن و جوڵەی گەریلا زانیاری هەواڵگری دەداتە سوپای توركیاو چەند رۆژی رابردووش ئەحداسیاتی دوو سەیارەی ئێمەیاندا بەسوپای توركیاو لە ئەنجامدا بوونەتە ئامانجە فڕۆكەی جەنگییەكانی توركیا و لەناوچوون. دەشڵێت پارتی رێگا بۆ سوپای داگیركەر دروست دەكات و ئیمكانیاتی لۆجیستییان بۆ دابین دەكات و پاسەوانیشیان بۆ دەكات و بریندارەكانیان تیمار دەكات و دەیانگوازێتەوە.  زاگرۆس هیوا، وتەبێژی پەیوەندییەكانی كۆما جڤاكێن كوردستان (كەجەكە)  لەوەڵامی پرسیارێكی ڕۆژنامەی هاوڵاتی سەبارەت بەڕاستی ڕوداوەكانی شەڕی پێشمەرگەو گەریلا وتی "چەند رۆژێك لەمەو پێش لە چاپەمەنی باشوری كوردستاندا بەڵگەیەك بڵاوكرایەوە كە تیایدا فەرمان بە هێزە چەكدارەكانی پەدەكە كرابوو لە هەر شوێنێك گەریلایان بینی بێ دوودڵی تەقەیان لێبكەن و شەهیدیان بكەن، بێگومان ئەمە تەنیا فەرمانێكی سەربازی نییە، بۆچوون و هەڵوێست و سیاسەتێكی بەرنامەبۆداڕێژراوە لەلایەن دەوڵەتی داگیركەری توركیا و پەدەكەوە".  وتیشی" گەرچی پەدەكە نكۆڵی لەم بەڵگەیە كرد، بەڵام لە كردەوەدا راستییەكەی بۆ هەموو كەسێك ئاشكرابوو، دوو رۆژ پاش ئاشكرابوونی ئەم بەڵگەیە، چەكدارانی پەدەكە لە شوێنێك كە لەساڵی ١٩٨٢ەوە رێگەی هاتووچووی هەڤاڵانی ئێمەیە، شانبەشانی سەربازانی توركیا لە گوندی سەرگەڵێ ئامێدی بۆسەیان داناو تەقەیان لە هەڤاڵان كرد، لەم بۆسەیەدا دوو هەڤاڵمان بریندار بوون". وتەبێژی كەجەكە ئەوەشی وت"هاوكات چەكدارانی پەدەكە ئەحداسیاتی دوو سەیارەی ئێمەیاندا بەسوپای داگیركەری تورك و لەئەنجامدا بوونە ئامانجە فڕۆكەی جەنگییەكانی توركیاو لەناو چوون،ئەمە نموونەیەكی زۆر ئاشكرای هاوكاری پەدەكەو توركیایە دژ بە گەریلا.  "بە گوێرەی وەزارەتی ناوخۆی سەر بە پەدەكە سوپای توركیا بۆی هەیە بە دەیان كیلۆمەترە بێتە ناوەوەی هەرێمی كوردستان،  بەسەدان دەبابە و تۆپ و سەیارەی سەربازی لە دەوروبەری ئامێدی جێگیر بكات و ئەمە هیچ‌ مەترسییەك دروست ناكات،  بەڵام گەریلا بۆی نییە بەرەنگاری ئەو داگیركەرانە ببێتەوە". زاگرۆس هیوا وای وت. ئەوەشی خستەڕوو "پەدەكە بۆ خۆی رێگا بۆ سوپای داگیركەر دروست دەكات، ئیمكانیاتی لۆجیستیكییان بۆ دابین دەكات، حەرەسیاتیان دەگرێت،  لەسەر شوێن و جوڵەی گەریلا زانیاری و ئیستخباراتیان  پێدەدات، بریندارەكانیان تیمار دەكات و دەیانگوازێتەوە، لەهەمانكاتیشدا بۆسە بۆ گەریلای ئازادی كوردستان دادەنێت و هێرشیان دەكاتە سەرو شەهید و برینداریان دەكات". وتەبێژەكەی كەجەكە رەخنە لەسیاسەتی پارتی دیموكراتی كوردستان دەگرێت، دەشڵێت "ئەگەر پەدەكە هێزێكی كوردی بوایە پێویست بوو كارێكی پێچەوانەی ئەمەی كردبایە، بەڵام بەداخەوە بۆتە بەكرێگیراوی دەوڵەتی داگیركەری توركیاوەو ئەجێندای توركیا پێویستی بە چی بێت ئەوە جێبەجێ دەكات، ئەم سیاسەتەی پەدەكە نەك تەنیا زەرەر لە بەرژەوەندی هەموو كورد دەدات، بەڵكو هەبوونی كورد و نیشتمانی كورد دەخاتە بەردەم مەترسییەكی زۆر جیددیەوە". لەبەشێكی تری لێدوانە تایبەتەكەیدا بۆ هاوڵاتی  ئەوەشی وت"بانگەوازمان هەیە بۆ رای گشتی، رۆشنبیران، هونەرمەندان، نووسەران، كەسایەتییە كۆمەڵایەتیی و ئاینییەكان، رێكخراوەكانی كۆمەڵگای مەدەنی و هەموو هێز و لایەنە سیاسییەكانی هەر چوار بەشی كوردستان كە لە دژی ئەم  كردەوانەی  پەدەكە هەڵوێست وەربگرن".

هاوڵاتی  لەماوەی 24 كاتژمێردا لەسلێمانی دوو هونەرمەندی بواری میوزیك كۆچی دوواییان كرد. شەوی رابردوو هونەرمەند موزیسیان توانا فەرەج، دوای چەند رۆژێك مانەوەی لە نەخۆشخانە بەهۆی توشبوون بەجەڵتەی مێشك لەسلێمانی كۆچی دوایی كرد. هاوكات بەرەبەیانی ئەمڕۆ هونەرمەندی موزیسیان ئیبراهیم نەقدی ناسراو بە (مام شێر) كە خەڵكی رۆژهەڵاتی كوردستانە، بەهۆی نەخۆشی دڵ لەسلێمانی كۆچی دوایی كرد.  

هاوڵاتی  مامۆستایەكی ناڕازی رایگەیاند تیمێك لە پارێزەرانی خۆبەخش ئامادەن ببنە پارێزی كەیسی ئەو مامۆستایانەی كە لەلایەن پەروەردەكانەوە هەڕەشەی غیابدان و فەسڵكردنیان لێدەكرێت. ئاوات ئازاد مامۆستای ناڕای بڵاویكردەوە "تیمێك  لە پارێزەرانی خۆبەخش ئامادەن  لەپێناو كەیسی مامۆستایان خۆبەخشانە ببنە پارێزەری مافی مامۆستایان  بەهۆی ئەو بابەتی غیابدان و فەسڵكردنەی لەلایەن پەروەردەكانەوە بڵاو دەكرێتەوەو بۆتە هۆكاری ترس و دڵەڕاوكی لەنێوان مامۆستایاندا". ئەوەشی خستوەتەڕوو "ئەمە وەك فشارێك بەكار دەهێنرێت لەپێناو گێڕانەوەی مامۆستایان بۆ ناوەندەكانی خوێندن بەشێوەیەكی نایاسایی". ئەو مامۆستا ناڕازییە دەشڵێت "هەر مامۆستایەك یان كۆمەڵە مامۆستایەك دەتوانن لەڕێگای دادگای كارگێڕییەوە سكاڵای یاسایی تۆمار بكرێت لەسەر ئەو سزانە نایاسایەی كە پەروەردەكان دەستیانپێكردوە بەرامبەر بە مامۆستایان".

هاوڵاتی  ماتیو میلەر  وتەبێژی وەزارەتی وەزارەتی دەرەوەی ئەمریكا لەبارەی هێرشكەكەی شەوی رابردووی سەر كێڵگەی غازی كۆرمۆر راگەیەنراوێكی بڵاوكردەوەو رایگەیاند "پشتیوانی لە هاوبەشەكانمان لە عێراق و لەنێویاندا هەرێمی كوردستان دەكەین لە دژی ئەو كردەوە دڕندەو بێ مانایانە، داواش لە دەسەڵاتدارانی عێراق دەكەین لێكۆڵینەوە بكەن و ئەوانەی بەرپرسیارن رووبەڕووی دادپەروەریی بكەنەوە".  " هێرشەكە گروپە میلیشیاكانی سەر بە ئێران ئەنجامیانداوە" ماتیو میلەر  وا دەڵێت. وتەبێژی وەزارەتی وەزارەتی دەرەوەی ئەمریكا ئەوەشی وتوە "ویلایەتە یەكگرتووەكانی ئەمریكا بەردەوام دەبێت لە كاركردن لەگەڵ حكومەتی عێراق و حكومەتی هەرێمی كوردستان، بۆ پشتیوانیكردنی سەروەریی و ئاسایشی عێراق".

هاوڵاتی  وتەبێژی حكومەتی هەرێم رایگەیاند بەهۆی هێرشەكەی سەر كۆرمۆرەوە كارەبای هاوڵاتیان نەماوەو داواكارین هەموولایەك هاوكاری لیژنەی حكومەتی فیدراڵی بكەن بۆ دۆزینەوەو دەستگیركردنی تیرۆریستان پێشەوا هەورامانی وتەبێژی حكومەتی هەرێمی كوردستان دوای نزیكەی 24 سەعات لەهێرشەكەی سەر كێڵگەی غازی كۆرمۆر راگەیەنراوێكی بڵاوكردەوەو تیایدا ئاماژەی بەوەداوە "شەوی رابردوو هێرشێكی تیرۆریستی كرایە سەر كێڵگەی غازیی كۆرمۆر لە سنووری چەمچەماڵ و ئەنجامەكەی نەمانی كارەبای هاونیشتیمانییانی هەرێمی كوردستان بوو". ‌"ئەم هێرشە تیرۆریستییە بۆ سەر ژێرخانێكی گرنگی وەك كارەبا كاریگەری راستەوخۆی دەبێت لەسەر ژیانی خەڵك و ئیش و كاروباری رۆژانەیان" وتەبێژی حكومەت وا دەڵێت. ئەوەشی خستوەتەڕوو "ئێمە لەحكومەتی هەرێمی كوردستان داواكارین هەموولایەك هاوكاری لیژنەی حكومەتی فیدراڵی بكەن بۆ دۆزینەوەو دەستگیركردنی تیرۆریستان و سزادانییان و رێگری لە دووبارەبوونەوەی كردەوەی هاوشێوە".  

هاوڵاتی  سەرۆكی حكومەتی هەرێم رایگەیاند ئەو هێرش و پەلامارانەی دەكرێنە سەر هەرێمی كوردستان هەوڵە بۆ نەهێشتنی قەوارەی هەرێم و داوا لەخەڵكی كوردستان دەكەم هەستی نیشتمانپەروەرییان بەهێز بێت،  دەبێت حكومەتی عێراق  هەرێم بپارێزێت. مەسرور بارزانی سەرۆكی حكومەتی هەرێم لەبارەی هێرشە درۆنی و موشەكییەكانی سەر هەرێم پەیامێكی بڵاوكردەوەو رایگەیاند "ئەو هێرش و پەلامارە هەمەجۆرانەی دەكرێنە سەر هەرێمی كوردستان، هەوڵی دوژمن و نەیار و خائینانە بۆ نەهێشتنی قەوارەی هەرێم و پێیانوایە بەم هێرش و فشارە بەردەوامانە، كوردستان هەرەس دەهێنێت".  "سوپاسی هاوخەمی و هەڵوێستی وڵاتانی دۆست دەكەین، كە بەردەوام ئەم هێرشانەیان شەرمەزار كردووە، بەڵام بە لێدوان و شەرمەزاركردن، كۆتایی بەم پیلان و هێرشە ناڕەوایانە نایێت و ڕێگری لە دووبارەبوونەوەیان ناكات". سەرۆكی حكومەت وا دەڵێت. ئەوەشی خستوەتەڕوو "گرنگە هەنگاوی كرداری لە لایەن حكومەتی عێراقەوە بنرێت بۆ كۆتاییهێنان بە مەترسیی ئەم گرووپە لەیاسادەرچووانەو دەبێ ئاسایشی هەموو عێراق، بەهەرێمی كوردستانیشەوە بپارێزێت". لەبەشێكی تری پەیامەكەیدا دەشڵێت "داوا لە وڵاتانی دۆستیش دەكەین، كە ڕێكاری جدی بگرنەبەر و هاوكاری مەیدانیمان بكەن، بۆ ئەوەی ئاسایشی خەڵكی ئێمە و ئاسایشی ئابووری و سەقامگیری سیاسی لە هەرێمی كوردستان پارێزراو بێت". سەرۆكی حكومەت لەپەیامەكەیدا وتیشی "داوا لەخەڵكی كوردستانیش دەكەم، بەخۆڕاگری و ورەیەكی بەرزەوە، ڕووبەڕووی ئەو پیلانانە ببنەوە و هەستی نیشتمانپەروەرییان هەر بەهێز بێت و ڕێگە بە خۆفروش و خاكفرۆش و كۆیلەی ناحەزان نەدەن".      

هاوڵاتی  دوای هێرشكەی شەوی رابردووی سەر كێڵگەی كۆرمۆر كە بەرهەمهێنانی غازی لەكێڵگەكەدا وەستاندوە  بەهای پشكەكانی كۆمپانیای دانە غاز لە بازاڕی ئەبوزەبی نزیكەی 3% دابەزی. كۆمپانیای دانەغاز لە ساڵی 2005ەوە لە بازاڕی ئەبوزەبی تۆماركراوەو وەبەرهێنانی لە هەرێمی كوردستان و وڵاتی میسر لە بواری وزەدا ئەنجام دەدات. هەر گۆڕانكارییەك لە بڕی بەرهەم لەو كێڵگانە كاریگەری لەسەر بەهای پشكەكانی كۆمپانیاكە دروست دەكات كە ئێستا بەهای بازاڕییەكەی ملیارێك و 400 ملیۆن دۆلارە. هاوكات راگەیاندنی شانەی ئەمنی عێراق ئەمڕۆ هەینی، بڵاویكردەوە؛ بەفەرمانی محەمەد شیاع سودانی، سەرۆك وەزیرانی عێراق و بۆ بەدواداچون لە هێرشەكەی دوێنێ شەوی سەر كێڵگەی گازی كۆرمۆر لیژنەیەك بۆ لێكۆڵینەوە پێكبهێنێت  ئەوەشی خستوەتەڕو، حکومەتی عێراق هەوڵدەدات ژێرخانی وڵات پەرەپێبدات و بژێوییەکی شایستە بۆ هاووڵاتیان دابین بکات و ئابوریی نیشتمانی بپارێزێت، بەڵام تێکدەرەكان کێڵگەی غازی کۆرمۆریان لە باشووری پارێزگای سلێمانی، هەرێمی کوردستان بە ئامانج گرتوە. ئەوەشخراوەتەڕو، لەسەر ئەو روداوە تێکدەرانەیە، محەمەد شیاع سودانی فەرماندەی گشتی هێزە چەکدارەکانی عێراق، فەرمانی کردوە لیکۆڵینەوە لەسەر روداوەکە بکرێت و تەواوی نهێنییەکانی لە ماوەی 48 کاتژمێردا ئاشکرا بکرێت. لە راگەیەنراوەی فەرماندەیی ئۆپەراسیۆنە هاوبەشەکان باس لەوەشکراوە، سودانی داواشیکردوە، رێکاری یاسایی بەرامبەر ئەو لایەنە بگیرێتە بەر کە ئەو تاوانەی ئەنجامداوە و هەڕەشەی لەسەر پڕۆژەیەکی وزەی سنوری هەرێمی کوردستان دروستکردوە.

هاوڵاتی  رێكخراوی گەشەپێدانی بازرگانی ئێران رایگەیاند  ئاڵوگۆڕی بازرگانی نێوان هەولێرو ئێران بەردەوامەو هیچ گۆڕانكارییەكی وا لە ئاڵوگۆڕی بازرگانیی نێوان هەردوولا رووینەداوە. محەمەد قەناد زادە، جێگری بەڕێوەبەری رێكخراوی گەشەپێدانی بازرگانیی ئێران رایگەیاند "رووداوەكانی ئەمدواییە كاریگەریی ئەوتۆی لەسەر ئاڵوگۆڕی بازرگانی نێوان ئێران و هەولێر نەبووە، ئێستاش وەك جاران بازرگانی نێوان هەردوولا بەردەوامەَ". ئەوەشی رونكردوەتەوە"هەوڵەكانی نێوان هەردوولایان بەردەوامە لە دروستكردنی هاوبەشی بازرگانیی نێوان هەولێر و تاران و لابردنی ئاستەنگییەكانی بەردەمیان". دوای هێرشە موشەكییەكانی ئێران بۆ سەر شاری هەولێر كە بووە هۆی بەئامانجكردنی خەڵكی مەدەنی، وەك كاردانەوەیەك بەرامبەر ئێران، ژووری بازرگانی هەولێر داوای لەهاووڵاتیان و بازرگانان كرد بایكۆتی هێنان و بەكارهێنانی كاڵا ئێرانییەكان بكەن و پەیوەندییە ئابووری و بازرگانییەكان لەگەڵ ئێران هەڵپەسێرن هەرێمی كوردستان بازاڕێكی گرنگی ساغكرنەوەی بەرهەمەكانی ئێرانە كە ڕۆژانە هاوردە دەكرێن، بەپێی زانیاریەكانیش رۆژانە 600 بۆ 650 بارهەڵگر كاڵاو شمەك لە دەروازەی حاجی ئۆمەران هاوردەی هەرێمی كوردستان دەكرێت و دەروازەی حاجی ئۆمەرانیش تەنها دەروازەیە لە سنووری پارێزگای هەولێر كە هاوسنوورە لەگەڵ رۆژهەڵاتی كوردستان.      

هاوڵاتی به‌گوێره‌ی كارنامه‌ی په‌رله‌مانی عێراق، سبه‌ی شه‌ممه‌ ده‌نگدان له‌سه‌ر هه‌ڵبژاردنی سه‌رۆكی نوێی په‌رله‌مان و خوێندنه‌وه‌ و په‌سه‌ندكردنی ژماره‌یه‌ك پڕۆژه‌یاسا به‌ڕێوه‌ ده‌چێت. له‌ كارنامه‌ی دانیشتنی رۆژی شه‌ممه‌ 27ـی كانوونی دووه‌می 2024ـدا هاتووه‌، له‌ كۆبوونه‌وه‌ی یه‌كه‌مدا سه‌رۆكی نوێی په‌رله‌مان هه‌ڵده‌بژێردرێت، كه‌ له‌ دانیشتنی 14ـی ئه‌م مانگه‌دا پرۆسه‌كه‌ قۆناغی یه‌كه‌می بڕی و تێیدا شه‌علان كه‌ريم، كاندیدی حزبی ته‌قه‌دوم 152 ده‌نگ و سالم عيساوی له‌ سیاده‌ 97 ده‌نگیان به‌ده‌ستتهێنا، به‌ڵام به‌هۆی دروستبوونی كێشه‌وه‌ نه‌توانرا گه‌ڕی دووه‌می ده‌نگدان بۆ هه‌ڵبژاردنی سه‌رۆكی نوێ ئه‌نجام بدرێت. هاوكات له‌ خشته‌كه‌دا هاتووه‌، دوابه‌دوای هه‌ڵبژاردنی سه‌رۆكی نوێی په‌رله‌مان، خوێندنه‌وه ‌و ده‌نگدان له‌سه‌ر كۆمه‌ڵێك پڕۆژه‌یاسا ئه‌نجام ده‌درێت. بەگوێرەی زانیارییەکانیش لە نێوان کوتلە سیاسیەکان تائێستا رێککەوتن بۆ ھەڵبژاردنی سەرۆکێکی نوێ بۆ ئەنجومەنەکە نەکراوە و ئەو کاندیدانەی لە دانیشتنی رابردو زۆرترین دەنگیان بەدەستھێنا، جارێکی تر ھەڵبژاردنیان بۆ دەکرێتەوە. ڕۆژی سێشەممە (14ـی تشرینی دووەمی 2023) دادگای فیدراڵی بڕیاری کۆتاییهێنان بە ئەندامێتی هەر یەکە لە محەممەد حەلبووسی و لەیس دلێمی لە پەرلەمانی عێراق هێنا و بەمەش راستەخۆ حەلبووسی لە پۆستی سەرۆکی پەرلەمانی عێراق دوورخرایه‌وه‌. حەلبووسی لە ساڵی 2018ـەوە سەرۆکی پەرلەمانی عێراق بوو، هاوکات سەرۆکی حزبی تەقەدومە. پێشتر و بەر لەوەی ببێتە سەرۆکی پەرلەمان، لە 29ـی ئابی 2017، ئەنجوومەنی پارێزگای ئەنبار بە زۆرینەی دەنگ حەلبووسی کردە پارێزگار. بۆ هەڵبژاردنی کەسێکیش بۆ شوێنی حەلبوسی ١٣ی ئەم مانگە ئەنجومەنی نوێنەران گەڕی یەکەمی دەنگدانی بۆ ھەڵبژاردنی سەرۆکی نوێی ئەنجومەنەکە رێکخست و تێیدا شەعلان ئەلکرەیم کاندیدی تەقەدووم بە بەدەستھێنانی  ١٥٢ دەنگ زۆرترین دەنگی بەدەستھێنا، بەڵام دواتر گەڕی دووەمی دانیشتنەکە دواخرا.  

هاوڵاتی کەشناسی هەرێم رایگەیاند، ئەو شەپۆلە باران و بەفرەی ناوچە جیاوازەکانی هەرێمی کوردستانی گرتوەتەوە، کاریگەرییەکی لە درەنگانی شەوی شەممە لاواز دەبێت و پلەکانی گەرما تا 5 پلە نزم دەبێتەوە. به‌ گوێره‌ی راگه‌یه‌ندراوی وه‌زاره‌تی گواستنه‌وه‌ و گه‌یاندنی حكومه‌تی هه‌رێمی كوردستان - به‌شی پێشبینی كه‌شوهه‌وا، ئه‌مڕۆ (هه‌ینی 26ـی كانوونی دووه‌می 2024)  ئاسمان نیمچە هەور دەبێت و پاشان دەگۆڕێت بۆ هەوری تەواو، لە سنووری پارێزگای دهۆک باران دەبارێت و لە ناوچە شاخاوییەکانیش ئەگەری بەفربارین هەیە، پاشان کاریگەریەکەی درێژ دەبێتەوە لە کاتەکانی شەو لەزۆربەی ناوچەکان باران ده‌بارێت. هەربەپێی پێشبینییەکان سبەی شەممە، ئاسمان بە گشتی هەوری تەواو دەبێت و لە زۆربەی ناوچەکان نمە باران و بارانی مام ناوەند دەبارێت. هاوکات لە ناوچە شاخاوییەکان و ئەو ناوچانەی نزیک لە ناوچە شاخاوییەکان بەفر دەبارێت و لە درەنگانی شەوی شەممە کاریگەری ئەو شەپۆلە لاواز دەبێت، ئاماژە بەوەش کراوە، پلەکانی گەرما بەگشتی دو تا پێنج پلە نزم دەبێتەوە و نزم پلەی گەرماش کە دو پلە دەبێت لە حاجی ئۆمەران تۆمار دەکرێت. بەرزترین پلەکانی گەرمای پێشبینیکراو بە پلەی سیلیزی : هەولێر:  12 پلەى سیلیزى سلێمانی: 9  پلەى سیلیزى دهۆک: 7   پلەى سیلیزى کەرکووک: 15 پلەى سیلیزى هەڵەبجە: 9  پلەى سیلیزى  زاخۆ:  6 پلەى سیلیزى گەرمیان: 15 پلەى سیلیزى حاجی ئۆمەران:   2پلەى سیلیزى سۆران:  8 پلەى سیلیزى