فەرماندەی گشتی يەپەژە: ئەوەی ئێستا لە ئارادایە ناكرێت بە دانوستان وەسف بکرێت

هاوڵاتی وتەبێژی وەزارەتی دارایی لە دیداری ئەمڕۆی سلێمانیدا ڕایگەیاند، لە چەند ڕۆژی داهاتودا لیستی مووچە دەنێرن بۆ بەغداو پێشبینیدەکەن مووچەی مانگی نیسانی فەرمانبەرانی هەرێم لە هەفتەی داهاتوودا ڕەوانەی هەرێم بکرێت.  هونەر جەمال وتەبێژی وەزارەتی دارایی هەرێمی کوردستان ئەمڕۆ چوارشەممە ١٧/٤/٢٠٢٤ لە کۆنگرەیەکی ڕۆژنامەوانیدا سەبارەت بە پرسی مووچەو پلەبەرزکردنەوە رایگەیاند، چەند رۆژێکی دیکە لیستی موچەی فەرمانبەرانی هەرێم رەوانەی وەزارەتی دارایی عێراق دەکرێت، لە هەفتەی داهاتووشدا دەست بە دابەشکردنی موچەی فەرمانبەرانی عێراق دەکرێت و لەو وادەیەشدا پارە بۆموچەی فەرمانبەرانی هەرێمیش دەنێردرێت. وتیشی ،"بە گوێرەی بڕیارەکەی دادگای فیدڕاڵی بێت بۆ لەومەودوا کێشەی موچەی فەرمانبەران کۆتایی هاتوە و دواناکەوێت".  ناوبراو ئەوەشی خستەڕوو، داوایان لە حکومەتی عێراقی کردووە بۆ خەرجکردنی موچەی سێ مانگی کۆتایی ساڵی رابردوو، بەڵام تا ئێستا حکومەتی عێراقی وەڵامێکی یەکلاکەرەوەی نەداونەتەوە. سەبارەت بە پلە بەرزکردنەوەی فەرمانبەران و مامۆستایانی هەرێمیش هونەر جەمال ڕایگەیاند،  "بابەتی پلە بەرزکردنەوە بابەتێکی هونەرییە و کاتی دەوێت چونکە دەبێت هەموو دۆسییەی فەرمانبەران وردبینی تێدا بکرێت، ئێمەش نوسراومان کردووە بۆ سەرجەم وەزارەتەکان کە دەست بە وردبینییەکە بکەن، لە ئێستاشدا بەشێکی زۆری وەزارەتەکان کاری وردبینییان تەواویان کردووە و هەرکات لیستی هەموو وەزارەتەکان بە پلە بەرزکردنەوەوە تەواو بوو ئێمەش وەک وەزارەتی دارایی ڕەوانەی عێراقی دەکەین." ئەوەشی ڕوونکردەوە، بەهۆی ئەوەی ئەو بابەتە ئیلتیزاماتی ماددی هەیە بۆیە پێویستی بە گفتوگۆی زیاتر و ڕێککەوتنە بەڵام بەپێی بڕیارەکەی دادگا بێت پێویستە مووچەخۆرانی هەرێم پلەبەرزکردنەوەکەیان وەک فەرمانبەرانی عێراق بۆ هەژمار بکرێت. سەبارەت بە کردنەوەی لقی بانکی ڕەشید و ڕافیدەینیش لە هەرێمی کوردستان وتەبێژی وەزارەتی دارایی رایگەیاند، "هیچ بڕیارێک نییە بۆ ئەوەی لقی بانکەکانی رەشید و رافیدەین لە هەرێمی کوردستاندا بکرێنەوە و حکومەتی هەرێم بانکی نیشتمان بە جێگرەوەی ئەو دوو بانکە دەزانێت  وسێ ساڵە کار بۆ ئەو بانکە دەکرێت و کۆتایی ساڵی رابردوو لە بانکی ناوەندی مۆڵەتیان بۆی وەرگرتووە.      

هاوڵاتی فەیرووز ئەو کچەی لە کۆتاییەکانی ساڵی رابردوو لە یەکێک لە شوقەکانی ئیسکانی هەولێر لەلایەن دوو گەنجەوە فڕێدرایە خوارەوە، بە وتەی دایکی بەیانی ئەمڕۆ لەلایەن باوک و برایەکی و سێ کەسی دیکەوە کوژراوە،  هاوکات بە گوێرەی زانیارییەکان  لە ئێستادا کەسێک بە تۆمەتی کوشتنی ئەو کچە دەستگیرکراوە. ئەمڕۆ چوارشەممە ١٧/٤/٢٠٢٤ بە وتەی( نازە فەرهاد) دایکی فەیرووز، ئەمڕۆ کاتژمێر 8:00 ی  بەیانى کچەکەی لەلایەن باوک و براو و کوڕێکى پورییەوە تەقەى لێکراوە و کوژراوە. وتیشى: کچەکەم لەناو جێگاکەیدا  فیشەکى پێوەنراوەو و راستەوخۆ گیانى لەدەستداوە و سکاڵاش لەسەر باوکی و ئەو کەسانەی لەگەڵیدا بوون  تۆمار کراوە.  ئەمە جگە لەوەى جارێکى دیکە سکاڵا لەسەر ئەو دوو کوڕە تۆمار کراوە کە پێشتر لە باڵەخانەیەکى ئیسکان ئەو کچەیان هەڵدایە خوارەوە و دایکى ئەو کچە وتى: دوێنێ  ئازاد بون و هۆکارى کوشتنى کچەکەم ئازادبونى ئەو تۆمەتبارانە بووە چونکە لەبەردەم زیندان سناپیان کردووە و بڵاویان کردۆتەوە. بە گوێرەی زانیارییەکان، پێش نیوەڕۆی ئەمڕۆ چوارشەممە، چوار کەس بە چەکەوە چونەتە نێو ماڵی ئەو کچە و دەستڕێژی گولەیان لێکردوە و کوشوتیانە و  وابڕیارە  دوای تەواو بونی لێکۆڵینەوەکان دەزگا ئەمنییەکانی شاری هەولێر زانیاری زیاتر سەبارەت بەم ڕووداوە بخەنە ڕوو.

هاوڵاتی کۆمەڵێک کەسایەتی لە هەرێمی کوردستان ، سەبارەت بە سەفەرەکەی "محمد شیاع سودانی " بۆ ئەمەریکا ، نامەیەکیان ئاراستەی کۆنگریسی ئەمەریکا کرد . لە نامەکەدا ئاماژە بەو مەترسییە ناوخۆیی و دەرەکییانە کراوە کە لە ئێستادا رووبەرووی هەرێمی کوردستان بۆتەوە و سەبارەت بە کێشە هەڵپەسێردراوەکانی نێوان حکومەتی ناوەند و حکومەتی هەرێمی کوردستانیش داوای نێوەندگیری کردووە، لە کۆتایی نامەکەشدا چەند پێشنیارێک بۆ رزگار بوونی هەرێمی کوردستان لەو دۆخە مەترسیدارە ناخۆیی و دەرەکییەی کە تێی کەوتووە بۆ کۆنگرێسی ئەمەریکا خراوەتە روو . هەروەک چۆن لە نامەکەدا هێرشەکانی ئێران بۆ سەر هەرێمی کوردستان و هەوڵی ئەو ووڵاتە بەمەبەستی فراوان کردنی هەژموونی خۆی لە هەرێمی کوردستان و هەرەشەی گروپە میلیشیا شیعەکان و هەڵوێستی دامەزراوە فیدراڵییەکانی حکومەتی عیراق لە بەرامبەر هەرێمی کوردستان و ترس لە رووکەش بوونی بریارەکانی حکومەتی فیدراڵی عیراق لە بەرامبەر خەڵکی هەرێم و لەشکەرکێشی سوپای تورکیا بۆ ناو قوڵایی خاکی هەرێمی کوردستان و هێرشەکانی چەکدارەکانی "داعش" ، باسکراون. لە بەشێکی دیکەی نامەکەدا باس لەو مەترسییە ناوخۆییانەی هەرێمی کوردستان کراوە کە خۆی لە ناکۆکی نێوان دوو حزبە سەرەکییەکەی هەرێمی کوردستان و ئەگەری شەری ناوخۆ و پێشێلکردنی مافەکانی مرۆڤ و بەرتەسک کردنەوەی بەردەوامی ئازادییەکان لە زۆنی هەردوو پارتی دەسەڵآتدار و قۆرخکردنەوەی شادەمارەکانی ئابووری کوردستان لە لایەن کۆمپانیاکانی سەر بە دوو خێزانی سیاسی دەسەڵاتداری کوردستان و ناشەفافی لە کۆکردنەوەی داهاتی گشتی و خەرجکردنی و بارگرانی قەرزەکانی هەرێمی کوردستان کە زیاتر لە 30 ملیار دۆلارە و درک نەکردن بە چەمک و پرەنسیپە سەرەکییەکانی حوکمداری دەبینێتەوە. لە درێژەی نامەکەدا پێشنیار کراوە کە کۆنگرێسی ئەمەریکا هەوڵەکانی بە مەبەستی دەست پێکردنەوەی هەناردە کردنەوەی نەوتی هەرێمی کوردستان بۆ بەندەری جەیهانی تورکیا و دروست نەکردنی بەربەست بۆ ناردنی بەشە بودجەی هەرێم لەلایەن حکومەتی عیراقییەوە بخاتە گەر. هەروەک چۆن بۆ چارەسەر کردنی کێشە ناوخۆییەکانی هەرێمی کوردستان پێشنیاری ئەوە بۆ کۆنگرێسی ئەمەریکا کراوە کە ئەو وڵاتە وەک ئەندامێکی هەمیشەیی ئەنجومەنی ئاسایش دەسەڵاتەکانی خۆی بە مەبەستی کردنەوەی ئاژانسێکی هاوشێوەی "یونامی"لە هەرێمی کوردستان لەلایەن نەتەوەیەکگرتووەکانەوە بەکار بهێنێت و ماندەیتێکی فراوانی بە مەبەستی راوێژ و هاوکاریکردنی حکومەتی هەرێمی بدرێتێ و هەڵبستێت بە نێوەندگیری حکومەتی فیدراڵ و حکومەتی هەرێم و سەرپەرەشتی پرۆسەی دیمۆکراسی بە گشتی و پرۆسەی هەڵبژاردن بە تایبەتی و گەشەدان بە پاراستنی مافەکانی مرۆڤ و چاکسازی یاسایی وداد و سەرپەرەشتی پرۆسەی شەفافییەت و راوێژی ئیداری و دارایی و ئابووری دامەزراوەکانی هەرێمی کوردستان بکات و هەروەها هەوڵبدات بۆ دامەزراندنی حکومەتێکی رەشید و رزگاربوون لە لە مۆنۆپۆڵی دوو بنەماڵە دەسەڵاتدارەکەی هەرێمی کوردستان بدات  . لە بەشێکی دیکەی نامەکەدا داوا کراوە لە پێناوی بەرژەوەندی هەموو عیراق و ناوچەکە هێزەکانی هاوپەیمانانی دژ بە داعش لە هەرێمی کوردستان بمێننەوە چونکە دانیشتانی هەرێمی کوردستان ئەو هێزانە بە زامنی ئاسایش و ئارامی ناوچەکە دەزانن .   دەقی نامەکەی بۆ کۆنگرێسی ئەمریکا نێردراوە:  بۆ بەڕێزانی ئەندامانی ئەنجومەنی پیران و کۆنگرێسی ئەمریکی: Tom Cotton … United States Senator Ted Budd … United States Senator Bill Hagerty… United States Senator Rick Scott … United States Senator Lake Ellzey … Member of Congress French Hill … Member of Congress Michael R. Turner … Member of Congress Michael Waltz … Member of Congress ئێمە وەکو نوخبەیەک لە چالالکوانی مەدەنی لەهەرێمی کوردستاندا پێتان رادەگەیەنین کە لە میانەی خویندنەوەمان بۆ ئەو نامەیەی کە رۆژی ٨٢٨٢/٣/٨٢ ئاڕاستەی سەرۆک جۆزێف بایدنتان کردبوو سەبارەت بە سەردانەکەی سەرۆکی ئەنجومەنی وەزیرانی عێراق محمەد شیاع سودانی لە ناوەڕاستی مانگی نیساندا بۆ واڵتە یەکگرتووەکانی ئەمریکا چەند سەرنج و رونکردنەوەیەکمان ال گەاڵڵە بووە دەمانەوێت بەڕێزتانی لێ ئاگادار بکەینەوە. سەرەتا دەمانەوێت سوپاسی گەرم و پێزانینی خۆمانتان پێ رابگەیەنین بەرامبەر بەو هەڵوێستە جوامێرانەو مرۆڤدۆستانەیەتان کە لە نامەکەتاندا بەرامبەر خەڵکی هەرێمی کوردستان دەرتانبڕیوەو خەمخۆری و پەرۆشیتان بۆ دەربازبوونی هەرێمی کوردستان لەو رۆژگارە سەختانەی پێیدا تێدەپەڕێت. ئێوە زۆربە راشکاوی دەستان خستۆتە سەر بەشێک لەو هەڕەشەو مەترسیانەی روبەڕوی هەرێم بوونەتەوە و دەبنە مەترسی لەسەر ئایندەی ئەم قەوارە دەستورییە، دەمانەوێت پێتان رابگەیەنین کە بێجگە لەو خااڵنەی کە ئێوە لە نامەکەتاندا ئاماژەتان پێداوە هەندێ هەڕەشەو مەسەلەی پەیوەندیداری تریش هەن کە باسکردنیان بەرچاومان زیاتر روندەکاتەوەو هەوڵدان بۆ چارەسەرکردنیان ئایندەی هەرێمی کوردستان رۆشنتر دەکاتەوە، کە خۆیان دەبیننەوە لە: یەکەم/ مەترسییە دەرەکییەکان: - هەوڵی واڵتی ئێران بۆ فراوانکردن و سەپاندنی هەژموونی خۆی لە تەواوی خاکی هەرێمی کوردستاندا. - هەڕەشە بەردەوامەکانی گروپە چەکدارە شیعییەکان و بۆردومانکردنی هەولێری پایتەخت وگوندە جێناکۆکەکانی نێوان هەرێم و بەغدا. - هەڵوێستی دامەزراوە فیدراڵییەکان بەرامبەربە هەرێمی کوردستان، لەبەر ئەوەی ئێمە زیاتر لە ٠٢٢ ساڵە وەکو میللەتێکی ژێر دەستە بەدەستی پێکهاتەی زۆرێنە لە عێراقدا دەچەوسێینەوەو تەعریب دەکرێین. ئەترسین هەڵوێست و بڕیارەکانی دامەزراوە فیدراڵیەکان بە روکەش یاسایی و دەستوری بن و لەناوەرۆکیشدا هەڵگری رۆحێکی توندڕەوی نەتەوەیی بن وهەوڵێک بێت بۆ سەرلەنوێ چەپەکخستنەوەی پێکهاتەی کورد لەعێراقدا. - لەشکرکێشی دەوڵەتی تورکیا بۆ ناو قواڵیی خاکی هەرێمی کوردستان و هێرشە درۆنییەکانی بۆ گوندو شارۆچکەکانی کوردستان بە بەهانەی هەبوونی بەرهەڵستکارانی تورکیا. - هێرشەکانی گروپی تیرۆریستی داعش بۆ ناوچە سنورییەکانی هەرێم و مەترسی چاالکبوونەوەی هێزە متبووکانیان. دووەم/ مەترسییە ناوخۆییەکان: - ناکۆکی نێوان دوو حیزبە سەرەکییەکەی هەرێمی کوردستان، کە ئەگەری شەڕی ناوخۆو دوو لەتبوونەوەی هەرێمی کوردستانی لێدەکەوێتەوە. - پێشێلکردنی مافەکانی مرۆڤ و تەسکبوونەوەی بەردەوامی مەودای ئازادییەکان لە هەردوو زۆنی دەسەاڵتدا. - قۆرخکردنی شادەمارەکانی ئابوری هەرێمی کوردستان لەالیەن کۆمپانیاکانی سەر بە دوو خێزانی سیاسی دەسەاڵتدارەوە. - ناشەفافی لە کۆکردنەوەی داهاتی گشتی و خەرجکردنیانداو نەبوونی یاسای بودجەی گشتی بۆ ماوەی زیاتر لە ٠٢ ساڵ. کە لە ئاکامدا ئەم سیاسەتە هەرێمی خستۆتە ژیر باری زیاتر لە ٣٢ ملیار دۆالر قەرزەوە. - درک نەکردن بە چەمک و پرەنسیپە سەرەکییەکانی حکومەتداری. ئەم خااڵنەی لەسەرەوە ئاماژەمان پێکردوون بریتین لە مەترسییە سەرەکییە دەرەکی و ناوخۆییەکانی سەر هەرێمی کوردستان کە ئایندەی هەرێمی نادیارو تەمومژاوی کردووە، هەر بۆیە جارێکی تر دەمانەویت ئێمە وەکو کەسانێکی دەرەوەی بازنەی حیزبەکان سوپاس و پێزانینی بێپایانی خۆمانتان پێ رابگەیەنین بەرامبەر بەو نامەیەی ئاڕاستەی سەرۆکی ئەمریکاتان کردووە، لەهەمان کاتدا هیوادارین کە هەوڵەکانتان لە پێناوی چارەسەرکردنی تەواوی ئەو هەرەشەو مەترسییانەدا بێت کە لەسەرەوە ئاماژەمان پێداون کە ئێمە ئەم پێشنیارانەی الی خوارەوە دەخەینە بەردەم بەڕێزتان: سەرەڕای ئەوەی لەنامەکەتاندا ئاماژەتان پێکردووە کە بیکەن بە پێش مەرج بۆ سەفەرەکەی بەرێز سودانی کە بریتییە لە سەرلەنوێ کردنەوەی بۆری هەناردەکردنی نەوتی هەرێمی کوردستان بۆ بەندەری جەیهانی تورکی و ناردنی بەشە بودجەی هەرێمی کوردستان بێ درروستکردنی بەربەست لەبەردەمیدا. بۆ چارەسەری کێشە دەرەکییەکانی تر بەباشی دەزانین و لە پێناوی بەرژەوەندی هەموو عێراق و ناوچەکەدا کە هێزەکانی هاوپەیمانی دژ بە داعش لە هەرێمی کوردستاندا بمێنێتەوە، لەبەر ئەوەی خەڵکی کوردستان هێزەکانی هاوپەیمانان بە زامنی ئاسایش و ئارامی ناوچەکە دەزانێت. بۆ چارەسەری کێشە ناوخۆییەکانیش پێشنیار دەکەین بۆ بەڕێزتان کە ئەمریکا وەکو ئەندامی هەمیشەیی ئەنجومەنی ئاسایش دەسەاڵتەکانی خۆی بەکار بێنێت بۆ ئەوەی نەتەوە یەکگرتووەکان ئاژانسێکی هاوشێوەی یونامی تایبەت بە هەرێمی کوردستان دابمەزرێنێت و ماندەیتێکی فراوانی بداتێ ئەرکی سەرەکی راوێژ و هاوکاریکردنی حکومەتی هەرێمی کوردستان بێت لە: - نێوەندگیری لە نێوان حکومەتی فیدراڵی و حکومەتی هەرێم بۆ چارەسەرکردنی کێشە هەڵپەسێردراوەکان. - سەرپەرشتی پرۆسەی دێمۆکراسی بەگشتی و پرۆسەی هەڵبژاردن بە تایبەتی. - گەشەدان بە پاراستنی مافەكانی مرۆڤ و چاكسازی یاسایی و دادی . - سەرپەرشتی پرۆسەی شەفافیەت و راوێژی ئیداری و دارایی و ئابوری بۆ دامەزراوەکانی هەرێمی کوردستان. هەوڵدان بۆ دامەزراندنی حکومەتێکی رەشید و رزگار بوون لە مۆنۆپۆڵی دوو بنەماڵەی دەسەاڵتدار. لەگەڵ رێزو سوپاسماندا.   Date: Tuesday, April 17, 2024 Dears Senators and Congressmen, We are a group of civilian activists in the Kurdistan Region of Iraq. The purpose of this letter is to inform you that we have reviewed your letter dated March 28, 2024, addressed to President Joseph Biden, regarding the official visit of the Prime Minister of Iraq to the United States in mid-April. Your letter raised some concerns we believe are necessary to share. First, we would like to express our heartfelt gratitude for your noble and humane stances towards the people of the Kurdistan Region, as expressed in your aforementioned letter, and for your persistent efforts to rescue them from the challenging times they have endured. You have pointed out in your letter some of the risks facing the Kurdistan Region of Iraq, which are expected to become serious concerns for the future of this constitutional entity. Therefore, we would like to inform you that in addition to what was mentioned in your letter, there are many other risks to the future of the region, including: External Risks: The Islamic Republic of Iran's attempts to expand its influence to include all territories of the Kurdistan Region.   The Turkish military penetration into the depths of the Kurdistan Region's territories، and their continuous bombing with drones and carrying out political assassinations within Kurdish cities and villages.   Ongoing threats from Shiite armed groups through the shelling of Erbil city and the Disputed Areas between the region and the federal government. Attitudes of federal institutions in Iraq towards the Kurdistan Region, given that our people have suffered from injustice, oppression, campaigns of genocide, and demographic change in Kurdish- majority areas by successive authorities that have governed Iraq. We are concerned that the positions and decisions issued by federal institutions may appear constitutional and legal on the surface, but they carry within them a will of nationalist extremism with the purpose of re- marginalizing the Kurdish component in Iraq. Organized terrorist attacks by ISIS in border areas between the region and Baghdad, with fears of reactivating its dormant cells.     Internal Risks: Internal conflicts between the two main ruling parties with affiliated militias may exacerbate fears of internal conflict and the division of the region. It is worth noting that these conflicts, with the presence of militias, have become a dilemma for civil and democratic transformation in the region.   Human rights violations and restricting freedoms in both spheres of influence.   Lack of separation of powers and the absence of independent and robust judicial authority. Companies owned by political families monopolize the region's key economic resources, and revenue collection and expenditures are not transparent. There has been no general budget law for over a decade, leading to debts estimated at over $30 billion.   In addition to what you mentioned in your letter, and in order to control the anticipated risks for the benefit and future of Iraq and the entire region, we believe it is necessary for the International Coalition Forces against ISIS to remain in Iraq especially in the Kurdistan Region, as well as for the United Nations Assistance Mission for Iraq (UNAMI) to remain in Iraq. Our people in the Kurdistan Region view them as guarantees for protecting the region and maintaining security and peace in the region. To address the internal risks facing the region, we request that you propose to the United States government, as a permanent member of the UN Security Council, to use its influence to establish a new UN agency with a political mandate similar to the UN mission (UNAMI) and authorize it with the following tasks: Coordinate between the federal government and the Kurdistan Regional Government to resolve outstanding issues between them. Supervise the democratic process in general and the electoral process in particular.   Enhance and protect human rights and judicial and legal reforms. Encourage and support the Kurdistan Regional Government in combating corruption and dismantling monopolies by political families.   Support the Kurdistan Regional Government in establishing a regular military force and disarming militias affiliated with political parties. A copy of this letter will be sent to:   -The Senate Committee on Foreign Relations. - Kurdish – American Caucus in Congress.   Respectfully     Names: Kawan Faraj Ali ... Civil activist and financial advisor Safwat Sidqi ... Lawyer and member of the Board of the Election Commission for the transitional period. Shawnim Muhammad Ghareeb ... Engineer and civil activist Taib Jabbar ... Civil engineer, writer, and civil activist Muhammad Karim ... Deputy Chairman of the Kurdistan Economic Forum and former Minister Khabat Abdullah ... Writer and journalist Gasha Dara Hafid ... Lawyer and former Deputy of Parliament in Kurdistan Region and member of Being Free Organization. Dr. Razaw Mahmoud Faraj ... Academic and former Deputy of Parliament in Kurdistan Region. Masoud Abdul Khaliq ... President of Standard Foundation. Dr. Brahan A. Yassin ... Former university professor Tahsin Kader Ali ... Former Minister in the Kurdistan Regional Government and civil activist Aram Jamal ... Head of the Kurdish Institute for Elections. Hawre Ahmed ... International law expert Shorsh Amin ... Civil activist Bakhtiar Zuhdi ... Head of the Kurdistan Relief Organization Salah Rashid ... Former Minister in the Kurdistan Regional Government Homer Mohammed ... Writer and civil activist Dr. Sherkao Muhammad Amin ... Academic and former Deputy of Parliament in Kurdistan Region Shwan Muhammad ... Journalist Nishtiman Abdulqadir ... Poet and civil activist Parwa Ali ... Former Deputy of Parliament in Kurdistan Region Stara Arif ... Writer and journalist Dr. Parween Arif ... Academic and expert in oral history Jamal Jalal Ali ... Retired employee Dr. Kamaran Qardagh ... Specialist doctor Ibrahim Ahmad Saleh ... Engineer, academic, and political activist Nawzad Majid Sharif ... Lawyer and political activist Kamran Osman ... Head of Human Rights department for CPT organization Halwest Abdullah ... Civil activist and Being Free Organization President Baban Jaafar ... Civil activist Mastan Ali ... Human rights advocate and civil activist   Shwan Abdullah ... Security officer and former political prisoner Mohammed Ahmed ... Writer and legal expert Sardar Qadir Ali ... Former acting governor and political activist Niyaz Abdullah ... Activist and human rights Advocate Burwa Rasul Ahmed ... Academic - University of Raparin Abbas Qadir Abdullah ... Lawyer - Koysinjaq Barzan Shalal Ahmed ... Poet and Civil Activist Asos Hardi …Writer and Journalist Jamal Aziz ... Former Ministry Attorney and Former Political Prisoner Jihad Mohammed Hamza Kareem ... Educational Expert and Civil Activist Faraidoon Hassan Abdullah ... Economist and civil activist Salah Hameed Majid ... Former cadre of the Communist Party and independent political activist Aras Mohammed Ghareeb ... Retired employee Yassin Qadir Barzanji ... Writer and playwright Ibrahim Majid Faraj ... University professor Dr. Raad Rafat Muhammad ... University professor Berusk Asaad Mohammed Mergasuri ... Civil activist Omar Fares Azmar ... Alpha Testing, Dallas, USA Mohammed Hassan Khurshid ... Former political prisoner and civil activist Dr. Sarwer Abdul Rahman Omar ... President of Pay Foundation for Education and Development Babakir Drayee … former manager of Sulaimani Directorate of Culture Khalat Khalid Diler ... Government employee Goran Aziz ... Interpreter - Sweden Dr. Dara Mohammed Jameel ... Consultant Aziz Ali ... Lawyer - United Kingdom Sarkawt Mohammad Fatah ... Writer and editor-in-chief of Yadname Magazine in the Netherlands Sarhang Faraj ... Former Deputy of Parliament in Kurdistan Region Dr. Sahl Saber Hamd Amin ... Member of Standard Organization Aras Jamal ... Civil engineer Faridon Saman ... Journalist and linguistic researcher - Erbil Abdullah Karim Mahmud ... Writer and journalist Payman Eizaddin ... Lawyer and former Deputy of Parliament in Kurdistan Region Delawar Qardagh ... Poet Shamal Abdulah Ali ... Shamal Aba Rash ... Theater artist   Hawraz Jamal Rafat ... Political activist - Netherlands Khalat Omar Ali Amin ... Writer and researcher Tariq Fateh Hasan ... Owner of Hawlati Newspaper Shamal Muhammad Wahbi ... Retired pharmacist Kamaran Kurdi… Political activist & freelancer - USA Yassin Aftaw ... Writer Rehman Ghareeb ... Representative of Metro Center for Defending Journalists Husam Barzanji ... Coordinator of Sustainable Development network in Kurdistan Region Yassin Rasul ... Businessman – Sweden Barham Hassan Abdullah… Civil activist - USA Hewa Kardoee... Immigration consultant - Sweden Goran Mariwany ... Poet and translator Shokhan Hama Rashid ... Lawyer Rebaz Ghareeb ... Civil activist Hawal Rouf Nali ... Researcher and civil activist - Germany Aram Hama Salih ... Engineer and human rights activist FRU Nazanin Ahmad Othman … Retired employee, Civil Activist - Germany Bahroz Hassan Abdullah …. Civil activist – USA Hemin Abdullah Abdulrahman … Journalist Saman Omer Said Gwl…Journalist. Fatima Ahmad Othman … Civil Activist – Germany Mirwan Ahmad Hassan … Agricultural Engineer. Bayan Ibrahim Rahim … International Journalist Jamal Mahmud Hamid … Painter – Canada Khabat Abdwlkarim … Civil activist. Karmand Mahmood Abdullah … Lawyer      

هاوڵاتی / شوان عباس بەدری ئەمرۆ چوارشەممە کۆمسیۆنی باڵای سەربەخۆی هەڵبژاردنەکانی عیراق لە رێی نووسراوێکەوە رایگەیاند ،ژمارەیەک کاندیدی لە هەڵبژاردنی پەرلەمانی کوردستان دوور خستۆتەوە . سەبارەت بەم بابەتە "هاوڵاتی"پەیوەندی بە "جومانە غەلای" وتەبێژی کۆمسیۆنی عیراقەوە کرد و ناوبراو وتی:" سەبارەت بە دوورخستنەوەی "کاوار ئەنوەر حسێن" کۆمسیۆن پارتەکەی ئاگادار کردبووە کە بە مەبەستی دەستەبەرکردنی ژمارەی ژنان لەناو لیستی حزبەکەیان دەبێت ناوی کاندیدێکی پیاو بسرنەوە و ناوی ژنێک کاندید بکەن". لە بەشێکی دیکەی قسەکانی "جومانە غەلای"وتی :" بە مەبەستی دەستەبەر کردنی رێژەی لە ٪30 ژنان لە ناو لیستی بزوتنەوەی پەیوەندی ئیسلامی ، ئەوا ناوی " نەرمین ساڵح عەبدوڵا" زیاد کراوە". سەبارەت بە دوورخستنەوەی کاندیدەکانی دیکە ناوبراو بە "هاوڵاتی" راگەیاند،" کاندیدەکانی دیکەش لەبەر نەبوونی مەرجی خۆکاندیدکردنیان بۆ هەڵبژاردنەکانی پەرلەمانی کوردستان بۆ ساڵی 2024 و بە پشت بەستن بە رینوومایەکانی ناونووسین و پشتراستکردنەوەی ناوی لیستی کاندیدەکان و سەرپێجی رینووماییەکان دوور خراونەتەوە و کەسی دیکە لە جێیان دانراوە". جێی ئاماژەیە  وابریارە لە 10/6/2024 هەڵبژاردنەکانی پەرلەمانی کوردستان لە هەرێمدا بەرێوە بچێت و  پارتی دیموکراتی کوردستانیش وەک نارەزایەتییەک لە بریارەکانی دادگای فیدراڵی عیراق و هەڵوەشاندنەوەی 11 کورسی کۆتای پەرلەمان و گۆرینی سیستمی هەڵبژاردنەکان لە بازنەی داخراوەوە بۆ فرە بازنەیی ، لە رێی راگەیندراوێکەوە ئاشکرای کرد بەشداری هەڵبژاردن ناکات .

زریان فەرەیدوون بەپێى ئەو پێشبینییانەى بۆ کەشوهەواى 48 کاتژمێرى داهاتو کراوە، پلەکانى گەرما لە زۆرینەى ناوچەکانى هەرێمى کوردستان بەرزبونەوەى بەرچاو تۆمار دەکەن و لە گەرمیان پلەکانى گەرما نزیکى 40 پلە دەبنەوە پشتیوان ئیبراهیم  شارەزای کەسناسی ئەمڕۆ چوارشەممە ١٧/٤/٢٠٢٤ لە لێدوانێکدا بە هاوڵاتی وت، پلەکانی گەرما  لە هەندێک ناوچەی وەک گەرمیان و کەرکوک بە ڕێژەی ٧ بۆ ٨ پلەی سلیزی بەرزدەبنەوە و لە ناوچەکانی هەرێمیش بە گشتی بەردەوام دەبێت لە بەرزبوونەوە بە شێوەیەکی بەرچاو. سەبارەت بە ئەگەری بارانبارینیش ڕایگەیاند، پلەکانی گەرما بەردەوام دەبن لە بەرزبوونەوە ، تا کۆتاییەکانی مانگی چوار،و پێسبینیدەکرێت لە ٢٨ی مانگی ٤( نیسان) بۆ سەرەتای مانگی پێنج(ئایار) ١٠/ ٥ شەپۆلێکی بارانبارین ڕوولە ناوچەکانی هەرێم بکات . هاوکات بە گوێرەی پێشبینییەکانی کەشناسی  حکومەتی هەرێمی کوردستان ئه‌مڕۆ چوارشه‌ممه‌ ئاسمان ساماڵ ده‌بێت، پله‌كانی گه‌رما به‌ڕێژه‌ی 1-2 پله‌ی سیلیزی به‌رزده‌بنه‌وه‌ به‌راورد به‌ تۆماركراوه‌كانی دوێنێ و سبه‌ی پێنجشه‌ممه‌ش ئاسمان ساماڵ و په‌ڵه‌ هه‌ور ده‌بێت، پله‌كانی گه‌رماش به‌رز ده‌بنه‌وه‌ به‌راورد به‌ تۆماركراوه‌كانی ئه‌مڕۆ. به‌رزترین پله‌كانی گه‌رمای پێشبینیكراو به‌ پله‌ی سیلیزی هه‌ولێر : 32  سلێمانی : 29 دهۆك :  30  زاخۆ  : 31 هه‌ڵه‌بجه‌ : 30 كه‌ركوك : 35 سۆران : 29 حاجی ئۆمه‌ران : 20 گه‌رمیان : 37  

هاوڵاتی کۆمسیۆنی باڵای سەربەخۆی هەڵبژاردنەکانی عیراق ڕایگەیاند، ژمارەیەک کاندیدییان لە هەرسێ  پارێزگای سلێمانی و هەڵەبجە ودهۆک ،بە هۆی سەرپێچی لە رێنماییەکانی کۆمسیۆن دوور خستۆتەوە. ئەمرۆ یەکشەممە 17/4/2024 کۆمسیۆنی هڵبژاردنەکان لە ڕێی نووسراوێکەوە کە وێنەیەکی دەست "هاوڵاتی"کەوتووە بڵاویکردەوە کە بە پێی بریاری (2 و 3) لە کۆنووسی ئاسایی ژمارە(15) ، بڕیاردرا بە دوور خستنەوەی هەریەک لە : "پەخشان عەبدولرەحمان ئەحمەد) و گۆرینی بە (ئەمینە موحەمەد پورکەریم) .  دوور خستنەوەی "ئاواز تۆفیق عەبدولعەزیز" و گۆرینی بە "رەنگین جەبار" .  دوورخستنەوەی "سارا نەجمەدین" لەسەر لیستی بەرەی گەل و گۆرینی  بە "یاد فکرەت خەسرەو".  سرینەوەی ناوی "کاوار نیعمەت محەمەد" لەسەر لیستی "هەڵوێست" لە پارێزگەی دهۆک و زیادکردنی ناوی "نەرمین محەمەد ساڵح" بۆ لیستی بزوتنەوەی پەیوەندی ئیسلامی کوردستان لە پاریزگای هەولێر.

هاوڵاتی بڕیارە 22ی ئەم مانگە رەجەب تەیب ئەردۆغان، سەرۆکی تورکیا سەردانی عێراق بکات و لەبارەی پرسی هەناردەکردنەوەی نەوتی هەرێم و پرسی ئاو گفتوگۆ لەگەڵ بەرپرسانی عێراق بکات، هەروەها لەوانەشە سەردانی هەرێم بکات. لەبارەی سەردانەکەی سەرۆکی تورکیا بە رۆژنامەنووسانی راگەیاند "بە سەردانم بۆ عێراق  پەیوەندییەکانی نێوان تورکیا و عێراق دەگەیەنرێتە ئاستێکی نوێ و لایەنی عێراقیش بایەخێکی زۆر بە سەردانەکەم دەدەن". ئاماژەی بەوەشکرد "لەوانەیە لە سەردانەکەم بۆ عێراق، سەردانی هەولێریش بکەم و  پرسی هەناردەکردنەوەی نەوتیش لەگەڵ بەرپرسانی عێراق تاوتوێ دەکەین". وتیشی "کۆمەڵێک رێککەوتنمان لەبەردەمدایە بۆ ئەوەی لە کاتی سەردانەکەدا مۆری بکەین، هەروەها پرسی سەرەکیی لە بەرنامەکەدا، پرسی ئاوە، کە عێراق هەندێک کێشەی لەبارەیەوە هەیە".

هاوڵاتی فه‌رمانده‌یی هێزه‌كانی كۆماندۆی كوردستان رایگه‌یاند كه‌ له‌ ئۆپه‌راسیۆنێكی‌ هاوبه‌شی هێزی كۆماندۆی كوردستان و دژه‌تیرۆری عێراق و لیوای 16ی وه‌زاره‌تی پێشمه‌رگه‌ و هێزی هاوپه‌یمانان بۆ سه‌ر حه‌شارگه‌ و مۆڵگه‌كانی دا*ع*ش له‌ سنووری قه‌زای كفری، پێنج تیرۆریستی دا*ع*ش كوژران، كه‌ دوو له‌ تیرۆریستان پله‌ی ئه‌میریان هه‌بووه‌. فه‌رمانده‌یی هێزه‌كانی كۆماندۆی كوردستان رایگەیاند "پاش به‌ده‌ستهێنانی زانیاری وورد و دروست له‌لایه‌ن هێزه‌كانی كۆماندۆ له‌ جموجوڵی ژماره‌ك تیرۆریست و بوونی چه‌ند حه‌شارگه‌یه‌كی چه‌ك و ته‌قه‌مه‌نی له‌و ناوچه‌یه‌، كاتژمێر6.00 ی سه‌ر له‌ به‌یانی رۆژی سێشه‌ممه‌ 16ی نیسانی 2024 فه‌رمانده‌یی هێزه‌كانی كۆماندۆی كوردستان به‌ هه‌ماهه‌نگی له‌گه‌ڵ هێزی هاوپه‌یمانان و دژه‌تیرۆری عیراق و لیوای 16ی وه‌زاره‌تی پێشمه‌رگه‌ ئۆپراسیۆنێكیان بۆ سه‌ر مۆڵگه‌كانی تیرۆریستانی دا*ع*ش له‌ ناوچه‌ی تاوێركه‌وه‌ی سنووری قه‌زای كفری سه‌ر به‌ ئیداره‌ی گه‌رمیان ئه‌نجام دا". ئاماژە بەوەشکراوە "فرۆكه‌جه‌نگییه‌كانی هاوپه‌یمانان و عیراق له‌ ئاسمانه‌وه‌ بۆردومانی چه‌ند حه‌شارگه‌یه‌كی دا*ع*ش*یان كرد و له‌ زه‌مینیشه‌وه‌ هێزه‌كانی كۆماندۆ و لیوای 16ی وه‌زاره‌تی پێشمه‌رگه‌ و دژه‌تیرۆری عیراق له‌چه‌ند قۆڵێكه‌وه‌ هێرشیان كرده‌ سه‌ر مۆڵگه‌ و حه‌شارگه‌كانی تیرۆریستان". ئەوەشخراوەتەڕوو "له‌ ئۆپراسیۆنه‌كه‌دا، چه‌ند حه‌شارگه‌یه‌ك له‌ناو برا و لاشه‌ی پێنج تیرۆریستیش كه‌وته‌ ده‌ست "كوڕانی كۆماندۆ"، كه‌ دوو له‌ تیرۆرستان پله‌ی ئه‌میریان هه‌بووه‌، هاوكات ده‌ست به‌سه‌ر بڕێكی زۆر چه‌ك و ته‌قه‌مه‌نی و ماتۆرسكیلدا گیرا، هیچ زیانێكیش به‌ر هێزه‌ هاوبه‌شه‌كانی ئۆپراسیۆنه‌كه‌ نه‌كه‌وت".  

هاوڵاتی وتەبێژی حكومەتی عێراق رایدەگەیەنێت حكومەتی عێراق وەكو پرسێكی سیاسی مامەڵە لەگەڵ مووچەی مووچەخۆرانی هەرێمی كوردستان ناكات، ئاماژە بەوەشدەکات دەستپێكردنەوەی هەناردەی نەوتی هەرێم كاری لە پێشینەی حكومەتی عێراقە. باسم عەوادی، وتەبێژی حكومەتی عێراق رایگەیاند "حكومەتی عێراق وەكو پرسێكی سیاسی مامەڵە لەگەڵ مووچەی مووچەخۆرانی هەرێمی كوردستان ناكات و لە ئێستادا بڕیاری دادگای فیدراڵیی عێراق هەیە پێویستە جێبەجێبكرێت كە ئەو پرسە پێویستی بە رێككەوتن و گرتنەبەری رێوشوێنی یاسایی هەیە و لە هەمانكاتدا ناردنی مووچەی هەرێمی كوردستان سەقامگیریی دروستدەكات". لەبارەی دەستپێکردنەوەی نەوتی هەرێم وتەبێژی حکومەتی عێراق وتی "دەستپێكردنەوەی هەناردەی نەوتی هەرێم كاری لە پێشینەی حكومەتی عێراقە بەو پێیەی لە یاسای بودجەدا ئاماژە بە داهاتی نەوتی فرۆشراوی 400 هەزار بەرمیل نەوتی رۆژانەی هەرێم كراوەتەوە، بۆیە حكومەتی عێراق هەوڵ بۆ دەستپێكردنەوەی هەناردەی نەوتی هەرێم دەدات".

هاوڵاتی بەڕێوەبەری تەندروستی سلێمانی لەبارەی ئەو پەتایەی کە لەئێستادا لەناو هاوڵاتییاندا بڵاوە روونکردنەوە دەدات دەڵێت "ئەم پەتایە کۆرۆنا نییە، بەڵکو پەتای وەرزییە". د.سەباح ھەورامی، بەڕێوەبەری گشتی تەندروستی سلێمانی رایگەیاند "ئەم پەتایەی ئێستا لەناو خەڵکدا بڵاوبووەتەوە، کۆرۆنا نییە بەڵکو پەتای وەرزییە، بەڵام ڤایرۆسەکەی بەشێکی زۆری کۆرۆنا و چەند ڤایرۆسێکی دیکەیە". ئاماژەی بەوەشکرد "سەبارەت بە نەخۆشی کۆلێرا ئەم پەتایە پێویستی بە رێگرییە لە بڵاوبوونەوەی و دەبێت لەگەڵ ھاتنی وەرزی گەرمادا فەرمانگە پەیوەندیدارەکان رێگریی لە بڵاوبوونەوەی بکەن". وتیشی "، یەکێک لە ھۆکارەکانی ئەم پەتایە ئەوەیە ئاوی سلێمانی بەشێکی پیسە و یەکەکانی نیشتەجێبوونیش سەرچاوەی ئاوەکانیان پاک نییە و دەبێت ئەو کێشانە چارەسەر بکرێن".

هاوڵاتی/ سازگار ئەحمەد ئەندامێکی پەرلەمانی عێراق لەبارەی زیادکردنی مووچەی خاوەن پێداویستییە تایبەتەکانی هەرێمی کوردستان روونکردنەوە دەدات. دارا سێکانیانی، ئەندامی لیژنەی ئابووری لە پەرلەمانی عێراق بە هاوڵاتی راگەیاند "هەمواری یاسای زیادکردنی مووچەی خاوەن پێداویستی تایبەت لە ١٧٠ هەزارەوە بۆ ٢٥٠ هەزار لە پەرلەمانی عێراق دەرچووە و دەنگی لەسەر دراوە". ئاماژەی بەوەشکرد "گەشبینین بەوەی لە داهاتوودا ئەم بڕیارە خاوەن پێداویستییە تایبەتەکانی هەرێمیش بگرێتەوە کە لە مادەی ١٤ لە دەستووری عێراق هاتووە دەبێت هەموو هاوڵاتییانی عێراق یەکسان بن ماف و مووچەکانیان، هەروەها بڕیاری دادگای فیدراڵی کە هەردوو حکومەتی پابەندکردووە مووچەی فەرمانبەران بدەن و مووچەی فەرمانبەرانی هەرێم هاوتای عێراق بکرێت".  

هاوڵاتی سه‌رۆكی هه‌رێم و باڵیۆزی فه‌ره‌نسا جه‌خت له‌ ئه‌نجامدانی هه‌ڵبژاردن به‌ به‌شداریی هه‌موو لایه‌نه‌كان ده‌كه‌نه‌وه‌. سەرۆکایەتیی هەرێمی کوردستان لە راگەیەندراوێکدا دەڵێت، نيوه‌ڕۆى ئه‌مڕۆ سێشەممە، نێچيرڤان بارزانى، سه‌رۆكى هه‌رێمى كوردستان له‌گه‌ڵ‌ پاتريك دورێل باڵيۆزى فه‌ره‌نسا له‌ عێراق كۆبۆوه‌ و لەبارەی دۆخى ناوخۆى هه‌رێمى كوردستان، په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان و په‌يوه‌ندييه‌كانى هه‌ولێر ـ به‌غدا، گفتوگۆيان كرد. له‌ راگه‌یه‌ندراوه‌كه‌ی سه‌رۆكایه‌تیی هه‌رێمی كوردستاندا هاتووه‌، "له‌ ته‌وه‌رێكی‌ دیكه‌ی‌ كۆبوونه‌وه‌كه‌دا جه‌ختیان له‌ گرنگیی‌ ئه‌نجامدانی‌ هه‌ڵبژاردنی‌ په‌رله‌مانی‌ كوردستان به‌ به‌شداریی‌ هه‌موو لایه‌نه‌كان كرده‌وه‌، هه‌روه‌ها به‌ره‌وپێشچوونه‌كانی‌ گفتوگۆی‌ حكومه‌تی‌ هه‌رێمی‌ كوردستان و حكومه‌تی‌ عێراقیی‌ فیدراڵییان به‌ ئه‌رێنی‌ هه‌ڵسه‌نگاند." باسلەوەسکراوە کە : دۆخی‌ ناوچه‌كه‌ به‌گشتی‌ و چه‌ند پرسێكی‌ دیكه‌ی‌ جێی‌ بایه‌خی‌ هاوبه‌ش، لایه‌نێكی‌ دیكه‌ی‌ كۆبوونه‌وه‌كه‌ بووه‌. جێگەیباسە رۆژی 10ـی حوزەیرانی ئەم ساڵ بۆ بەڕێوەچوونی هەڵبژاردنی پەرلەمانی کوردستان دیاریکراوە.    

هاوڵاتی دوای ئەوەی شەوی ڕابردوو کاندیدێکی بەرەی گەل لە ڕوداوێکی هاتوچۆدا لە قەزای بەردەڕەش بە ئوتومبێل لە ماتۆرسکیلێکیدا و لە ئەنجامدا شۆفێری ماتۆرسکیلەکە گیانیلەدەستدا، خۆی ڕادەستی پۆلیس کرد.  شەوی رابردوو، ڕووداوێكی هاتوچۆ لە سنووری قەزای بەردەڕەش لەنێوان ئۆتۆمبێلێكی جۆری (تۆیۆتا كامری) و ماتۆڕسكیلێك ڕووی دا و لە ئەنجامدا شۆفێری ماتۆڕسكیلەكە بە ناوی عەبدوڵا نەجم گیانی لەدەست دا و كەسێكی دیكەش بریندارە ، هەردوو گەنجەکە، خەڵكی كۆمەڵگەی (بشیریان)ی سەر بە ناحیەی كەلەكی سەر بە قەزای بەردەڕەشن. لەم بارەیەوە  زکری زێباری نزیک لە لیستی بەرەی گەل، ئەمڕۆ سێشەممە وردەکاری ڕوداوەکەی بۆ هاوڵاتی ئاشکرا کردو وتی، مەهدی ساڵح کاندیدی  لیستی (بەرەی گەل) ”شەوی ڕابردوو بەهۆی ئەوەی دوو ماتۆڕسكیل كێبڕكێیان كردووە، یەكێكیان ڕووبەڕوو تووشی پێكدادان بووە لەگەڵ ئۆتۆمبێلەكەی مەهدی ساڵح و بەهۆی ئەمەشەوە گیانیلەدەستاوە". وتیشی ، ”ئێستا مەهدی ساڵح خۆی رادەستی پۆلیس كردووە.“ لیستی بەرەی گەل، لەلایەن لاهور شێخ جەنگییەوە سەرکردایەتی دەکرێت ولە  هەڵبژاردنەکانی پەرلەمانی کوردستاندا بەشداری دەکات.  

هاوڵاتی/ سازگار ئەحمەد داڕشتنەوەی/ زریان فەرەیدوون دوای بڕیارەکەی دادگەی فیدراڵی لەبارەی مووچەی فەرمانبەرانی هەرێمی کوردستان وەزارەتی پێشمەرگە داوای لە عێراق کردووە لەلەسەر بنەمای هاوتاکردنی مووچەی فەرمانبەرانی هەرێمی کوردستان و عێراق، مووچە و سەرجەم دەرماڵەکانی هێزی پێشمەرگە هاوتای هێزە ئەمنییەکانی عێراق بکرێت لیوا بەختیار محەمەد سدیق، ئەمینداری گشتی وەزارەتی پێسمەرگەی هەرێمی کوردستان، لەم بارەیەوە بە هاوڵاتی وت، وەزارەتی پێسمەرگە لیژنەی تایبەت بەم پرسەی هەیە و پێستریش ویستویانە مووچە و دەرماڵەی هێزەکانی پێشمەرگە هاوتای هێزەکانی عێراق بکەنەوە بەڵآم بەهۆی نەبوونی بودجەی پێویست نەیانتوانیوە ئەو کارە بکەن ،دەشڵێت "گەر بودجەی وەزارەتی پێشمەرگە بچێتە سەر بەغدا هەوڵئەدەین  مووچەو دەرماڵەکان هاوتا بکەین ". باسی لەوەشکرد ، کە ئەو پرسە لە ئەنجومەنی وەزیران و وەزارەتی دارایش باسکراوە بەڵام هەنگاوە عەمەلییەکانی ماوە کە ئەویش پەیوەستە بە بودجەوە و بڕیاری کۆتای بەغدا. سەبارەت بە زیادبونی پارەی هێزەکانیش وتی، " زیادبونی پارەکە پەیوەستە بە پلەی فەرمانبەرەکەوە و  لە ٪٢٠  تا ٪٥٠ زیاد دەکات لە جوندییەکەوە هەتا عەمیدێک". لە وەزارەتی پێشمەرگە چوار جۆری دەرماڵە هەیە؛ خێزان و منداڵ، مەترسی، خواردن و بڕوانامە، بەڵام زیاتر لە 30 ساڵە دەرماڵەی بڕوانامە خەرج نەکراوە، ئێستا وەزارەتی پێشمەرگە داوا دەکات دەرماڵەکە خەرج بکرێت.  جێگەیباسە  وەزارەتی پێشمەرگە لە 30 لیوای هاوبەش و نزیکەی 60 هەزار پێشمەرگە پێکهاتووە و گەر بڕیارەکە جێبەجێبکرێت ئەوا هاوتاکردنی مووچە و دەرماڵە  دەیانگرێتەوە، ئەمە جگە لە یەکەکانی حەفتا و هەشتا کە داواکراوە ئەوانیش بگرێتەوە.    

هاوڵاتی کۆشکی سپی لە راگەیێندراوێکدا ناوەڕۆکی کۆبوونەوەکەی سەرۆکی ویلایەتە یەکگرتووەکانی ئەمریکا و سەرۆکوەزیرانی عێراقی ئاشکرا کرد و، راشیگەیاند لە کۆبونەوەکەدا باس لە هەرێمی کوردستان بە تایبەت پرسی مووچە و هەڵبژاردنەکان کراوە. بە گوێرەی ڕاگەیەندراوە هاوبەشەکەی نێوانیان جۆ بایدن، پشتگیری رێککەوتنى نێوان هەولێر و بەغدادی کردوە سەبارەت بە بودجە و موچەى فەرمانبەرانی هەرێمی کوردستان هاوکات سەبارەت بە هەڵبژاردنى پەرلەمانى کوردستانیش داوایکردووە هەڵبژاردنێکی پاک و بێگەرد و دیموکراسییانە بکرێت. ئاژانسی هەواڵی ئەلمۆنیتەریش لەسەر دانیشتنەکە نوسیویەتی لە دانیشتنەکەیدا لەگەڵ سەرۆکی ئەمریکا سودانی بەرگری لە بڕیارەکانی ئەم دواییەی دادگای فیدراڵی عێراق کردوە کە ڕێگەی بە بەغدا داوە ڕاستەوخۆ مووچەی فەرمانبەرانی حکومەتی هەرێمی کوردستان بدات، و هەڵبژاردنەکانی هەرێم لەلایەن کۆمسیۆنی عێراقەوە بەڕێوەببرێت. سودانی باسی لەوەشکردووە، سەرکردەکانی هەرێم عێراقیان تۆمەتبار کردووە بەوەی کە دادگای فیدراڵی بە شێوەیەکی سیستەماتیکی سەروەری و دەسەڵاتی حکومەتی هەرێمی کوردستان کەم دەکاتەوە و کوردستانی کردۆتە ئامانج". ئەلمۆنیتەر باسی لەوەکردووە کە  سودانی بە بایدنی گوتووە دادگای فیدراڵی هەرێمی کوردستانی نەکردۆتە ئامانج و گرنگی بە هەماهەنگی نێوان هەرێم و عێراق دەدەن . کاتێک پرسیاری لێکراوە سەبارەت بە ڕێگریکردن لە هێرشەکانی داهاتووی ئێران بۆ سەر ناوچەکە، سودانی وتی گفتوگۆ باشترین چارەسەرە لەگەڵ دراوسێکانی عێراقدا ". جۆ بایدنیش لە وەڵامی ئەمەدا ، جەختی لەسەر بەردەوامی رێککەوتنەکەی نێوان عێراق و هەرێم کردوە و و تویەتی: پێویستە پەیوەندییەکانى هەرێم و عێراق بە هاوسەنگى و سەقامگیری بمێنێتەوە. هەر بە گوێرەى ڕاگەیەنراوە هاوبەشەکەی نێوانیان، سەرۆکى ئەمەریکا داوای لە سودانى کردوە دەست بەهەناردەکردنەوەى نەوتى هەرێمی کوردستان بکرێت. لە بەشێکی دیکەی کۆبونەوەکەى نێوان سەرۆکی ئەمەریکا و سەرۆک وەزیرانى عێراق پرسی کشانەوەی هێزەکانی ئەمەریکا و سزای بانکە عێراقیەکان تاوتوێکراوە. کۆشکی سپی لە راگەیندراوەکەیدا، ئاشکرای کردوە کە هەریەک لە جۆ بایدن و محەمەد شیاع سودانی پشتگیری لە کشانەوەی هێزەکانی ئەمەریکا دەکەن، ئەمەش لە دوای کۆتای هاتنی دانوستەنەکانی نێوانیان و ئەنجامدانی پێداچونەوەی تەواوەتی لە مەترسیەکانی داعش لە عێراق. لە ڕاگەیندراوەکەدا ئەوەشهاتوە، لە کۆتایی ساڵی 2024دا بانکەکانی عێراق پەیوەندیەکانیان و مامەڵەکانیان ڕاستەوخۆ بە بانکە نێیودەوڵەتییەکانەوە دەبەسترێتەوە. هاوکاتیش، جۆ بایدن و سودانی ئاماژەیەن بەوەشکردوە، کە چاکسازییەکانى عێراق لە کەرتی بانکیدا سەرکەوتنی پێوە دیارە و بەردەوام دەبن لەسەری و لە کۆتای ئەمساڵدا دەرئەنجامەکانی بەدەر دەکەوێت. رۆژی شەممە، 13ـی نیسان، محەممەد شیاع سوودانی بە سەردانێکی فەرمی بەرەو واشنتن بەڕێکەوت؛ رۆژی دووشەممە، 15ـی نیسان لە کۆشکی سپی لەگەڵ جۆ بایدن، سەرۆکی ئەمریکا کۆبووەوە.