ناوەڕۆکى کۆبونەوەکەى ئەنجومەنى وەزیران بڵاوکرایەوە

سەرۆکی هەرێمی کوردستان و سەرۆکی پەرلەمانی عێراق، هاوڕا بوون له‌سه‌ر گرنگيى گه‌يشتن به‌ ڕێگه‌چاره‌يه‌كى گونجاو بۆ كێشه‌ى مووچه‌ى مووچه‌خۆرانى هه‌رێمى كوردستان، به‌تايبه‌تى له‌م قۆناغه‌ هه‌ستياره‌دا. هاوکات دووپاتیان کردەوە، چاره‌كردنى پرسه‌كان له‌گه‌ڵ هه‌رێم له‌ به‌رژه‌وه‌نديى ته‌واویی عێراقدايه‌. ئەمڕۆ یەکشەممە 6ـی تەممووزی 2025، نێچیرڤان بارزانی، سەرۆکی هەرێمی کوردستان، پێشوازيى له‌ مه‌حموود مه‌شهه‌دانى، سه‌رۆكى پەرلەمانی عێراق و شاندێكى ياوه‌رى كرد.   بەگوێرەی نووسینگەی سەرۆکی پەرلەمانی عێراق، لە کۆبوونەوەکەدا، تاوتوێی پەیوەندیی نێوان حکومەتی عێراق و حکومەتی هەرێمی کوردستان کرا. هەروەها "جەخت لەسەر پێویستیی دوورخستنەوەی پرسی مووچەی فەرمانبەران و هەوڵدان بۆ چارەسەرکردنی بەدوور لە ناکۆکییە سیاسییەکان کرایەوە".   لە راگەیێندراوەکەدا هاتووە، "هەردوولا ئامادەیی تەواوی خۆیان بۆ دەستپێکردنی گفتوگۆیەکی جدی دەربارەی ئەم قەیرانە دەربڕی، و ئەوەی کە ئەنجومەنی نوێنەران رۆڵێکی سەرەکی هەبێت لە کۆکردنەوەی لایەنەکان لەسەر ئەو چارەسەرانەی کە حکومەتی هەولێر و حکومەتی ناوەند پێشکەشی دەکەن؛ بۆ گەیشتن بە پەیوەندییەکی کارگێڕیی هاوئاهەنگ کە نەکەوێتە ژێر کاریگەریی کێشە سیاسییەکان. هەروەها گەیشتوونەتە چەند چارەسەرێک کە لە ڕۆژانی داهاتوودا گفتوگۆیان لەسەر دەکرێت".   لە بەشێکی دیکەی راگەیێندراوەکەدا، مەشهەدانی جەختی کردەوە "لە ئێستادا و لەم بارودۆخە هەستیارەدا پێویستیمان بە یەکڕیزی هەیە بۆ یەکلاییکردنەوەی دۆسیە هەڵپەسێردراوەکان، حکومەتی ناوەند بە جیدی مامەڵە لەگەڵ هەر پێشنیازێکی کرداری بۆ چارەسەرکردنی قەیرانەکە دەکات". ئەمە بەگوێرەی نووسینگەکەی.   هەروەها سەرۆکی پەرلەمانی عێراق باسی لەوەش کردووە، "ئێمە لەگەڵ هاووڵاتییانی کوردستانین؛ چونکە بەشێکە لە گەلی عێراق، هەروەک چۆن لەگەڵ هاووڵاتییانی هەموو پارێزگاکانی عێراقداین."

  هاوپەیمانیی نێودەوڵەتی 90 بارهەڵگر چەک و پێداویستیی سەربازیی رەوانەی رۆژئاوای کوردستان کرد، ئەمەش بەپێى ڕاپۆرتێکى روانگەی سووری. روانگەی سووری بۆ مافەکانی مرۆڤ بڵاویکردووەتەوە، هاوپەیمانیی نێودەوڵەتی 70 بارهەڵگر لە چەک و پێداویستیی سەربازیی لەڕێگەی دەروازەی وەلید کە هاوسنووری هەرێمی کوردستانە، رەوانەی بنکەی خەراب جیر لە رمێلانى رۆژئاوای کوردستان کردووە. ئەوەشهاتووە هاوپەیمانیی نێودەوڵەتی 20 بارهەڵگری دیکەی چەک و تەقەمەنی بەهەمان شێوە لە هەرێمی کوردستانەوە بردووەتەوە بارەگای قەسرک لە حەسەکە. ئەوە لەکاتێکدایە، ئێستا ژمارەی سەربازانی ئەمریکا لە سووریا هەزار و 500 سەربازە و پێشتریش 500 سەربازی دیکەی لە سووریا کشاندبووەوە، لەکاتێکدا لە سەردەمی دەسەڵاتی پێشووی سووریا ژمارەی سەربازانی ئەمریکا زیاتر لە دوو هەزار سەرباز بووە.

  دوای هاتنەوەی وەفدی (دەم پارتی) لە دیداری عەبدوڵا ئۆجالان لە دورگەی ئیمرالی، سبەینێ وەكو وادەی دیداری وەفدەكە لەگەڵ رەجەب تەیب ئەردۆغانی سەرۆكی توركیا دیاریكرا. كاتی كۆبوونەوەكە كاتژمێر 3:00ی پاشنیوەڕۆی سبەینێیە، (پەروین بوڵدان)و (مەدحەت سانجار) ئەندامانی سەرەکی وەفدی (دەم پارتی) بۆ ئیمرالی دەچنە دیداری ئەردۆغان.  بەر لە سەردانكردنی ئەردۆغان، وەفدی ئیمرالی لەگەڵ هەریەک لە تونجەر باقرخان و تولای حاتیمۆغولاری هاوسەرۆکانی گشتیی (دەم پارتی) کۆدەبێتەوە. دوای دیدارێكی (دوو كاتژمێرو نیو)ی لەگەڵ عەبدوڵا ئۆجالان، وەفدی پارتی یەکسانیی و دیموکراسیی گەلان (دەم پارتی) لە دورگەی ئیمرالی گەڕایەوە.   بڕیارە وەفدەكە راگەیەندراوێكی نوسراوی لەبارەی دواین دیداری خۆی لەگەڵ ئۆجالان بۆ رایگشتی كوردستان و توركیا بڵاوبكاتەوە.  وەفدی (دەم پارتی) بۆ دیداری ئەمڕۆی ئۆجالان پێكهاتبوو لە هەریەكە لە (پەروین بوڵدان)، (مەدحەت سانجار)و (فایەق ئۆزگور ئەرۆل)، مەدحەت سانجار كە لە شوینی كۆچكردوو (سری سورەیا ئۆندەر) دانرابوو، ئەمڕۆ یەكەمجار بوو بچێتە دیداری ئۆجالان.  میدیای نزیك لە پارتی كرێكارانی كورستان دەڵێ: رێبەر ئاپۆ راگەیاندراوێکی مێژوویی بڵاودەکاتەوەو دواتر شاندی ئیمرالی (دەم پارتی) لەگەڵ رەجەب تەیب ئەردۆغان سەرۆک کۆماری تورکیا کۆدەبێتەوە. بڕیاری ئەم هەفتەیە، گروپێك لە گەریلاكانی پە*كە*كە لە مەراسیمێکی "سیمبولیک"دا ژمارەیەک چەک لەناودەببەن، ئەمەش وەكو وەڵامدانەوەیەك بۆ بانگەوازەكەی ئۆجالان و بریاری پارتەكەیان بۆ خۆهەڵوەشاندنەوە. لە سەرەتای دەستپێکردنی گفتوگۆی نوێی ئاشتی لە توركیا تاوەكو ئێستا وەفدی (دەم پارتی) شەش جار سەردانی دوورگەی ئیمرالی کردووە بۆ دیدار لەگەڵ ئۆجالاندا.

  مەسرور بارزانی، سەرۆکی حکوومەتی هەرێمی کوردستان، پێشوازی لە مەحموود مەشهەدانی، سەرۆکی ئەنجوومەنی نوێنەرانی عێراق کرد. ئەمڕۆ یەکشەممە، 6ـی تەممووزی 2025، ئەو کۆبوونەوەیە بەڕێوەچوو  کە شاخەوان عەبدوڵلا، جێگری سەرۆکی ئەنجوومەنی نوێنەران و پەرلەمانتار زیاد جەنابی، سەرۆکی لیژنەی دەستپاکيی ئەنجومەنی نوێنەران ئامادەی بوون، گفتوگۆ لەبارەی گرنگیی چارەسەرکردنی کێشەکانی نێوان هەرێمی کوردستان و حکوومەتی فیدراڵ، بە تایبەتی بابەتی مووچە و شایستە داراییەکانی مووچەخۆرانی هەرێمی کوردستان کرا. هەردوولا هاوڕابوون لەسەر ئەوەی نابێت بە هیچ شێوەیەک بابەتی مووچە، تێکەڵ بە هيچ کێشە و ناکۆکییەکی سیاسی بکرێت و مووچەخۆرانی هەرێمی کوردستان باجی ئەو ناکۆکییانە بدەن، کە بەشێوەیەکی نادادپەروەرانە مامەڵە لەگەڵ خەڵکی کوردستان کراوە. هەردوولا جەختیان لەوە کردەوە کە پێویستە لە زووترین کاتدا ، کێشەی مووچە چارەسەر بکرێت و شایستە داراییەکانی هەرێمی کوردستان بنێردرێت. لەمبارەیەوە گفتوگۆکانی نێوان هەردوو حکوومەتی هەرێم و فیدراڵ بەردەوامن، بۆ ئەوەی لەم چەند ڕۆژەدا، کێشەکە چارەسەر بکرێت. لە تەوەرێکی دیکەی گفتوگۆکاندا، جەخت لە پێویستیی ڕێزگرتن لە سیستەمی فیدراڵیی عێراق و مافە دەستوورییەکانی قەوارەی هەرێمی کوردستان کرایەوە.

  لەماوەی ڕابردوودا کۆمسیۆنی هەڵبژاردنەکان تۆمارکردنی زیاتر لە حەوت هەزار و 900 کاندیدی ڕاگەیاند کە کێبڕکێ دەکەن بۆ بەدەستهێنانی 329 کورسی لە هەڵبژاردنی داهاتووی پەرلەمانی عێراقدا. ئەم ژمارەیە لەدواى ساڵی ٢٠٠٣ەوە بەرزترین ژمارەیە لەهەڵبژادنەکاندى هێندە کاندید هەبێت، ئەمەش ڕەنگدانەوەی فراوانبوونی بەشداری سیاسییە. چاودێرانی هەڵبژاردن دەڵێن: ڕەنگە ئەم ژمارەیە زۆرەی کاندیدان نەتوانن خواستەکانی گەلی عێراق بەدی بهێنن، هەروەها دەبێتە هۆی پارچە پارچەبوونی دەنگی دەنگدەران و دەرفەت بۆ هێزە سیاسییە گەورەکان زیاتر دەڕەخسێنێت. جاودێران جەختیش دەکەنەوە، کێبڕکێ و هەڵبژاردنی کاندید لەسەر بنەمای هۆز یان کەسایەتیی، بەبێ دیدگای نیشتمانی یان بەرنامەی کار، دامەزراوە یاساییەکان لاواز دەکات، وەک ئەوەی لە پێشوودا ڕوویداوە.   ڕوونیشیان کردەوە، زۆرینەی لیستە بەشداربووەکان پێشنیازی باشی ئابووری یان خزمەتگوزارییان نییە، لەکاتێکدا زۆرینەی کاندیدەکان پشت بە بەڵێنی جەماوەر دەبەستن، نەک پێشکەشکردنی بەرنامەی کار بۆ چارەکردنی قەیرانی وڵات.   چاودێران جەخت دەکەنەوە "سەرکەوتنی هەڵبژاردنەکە تەنیا بەند نییە بە ژمارەی بەشداربووان یان ڕێژەی دەنگدان، بەڵکو بەندە بە ژینگەی یاسایی و ئەمنی کە دەنگی هاووڵاتیان لە زەوتکردن بپارێزێت. ئەوان جەخت لەوە دەکەنەوە کە "کێبڕکێ لەسەر بنەمای ئارەزووی کەسی یان ڕەچاوکردنی ناوچەیی و خێڵەکی، بەبێ دیدگای نیشتمانی یان بەرنامەی واقیعی، دۆخی لاوازی لەناو دامەزراوەی یاسادانان بەرهەم دەهێنێتەوە، وەک ئەوەی لە خولەکانى پێشوودا ڕوویداوە". ئەم هۆشدارییانە هاوکاتە لەگەڵ پەرەسەندنی نیگەرانییەکان سەبارەت بە کاریگەریی پارەی سیاسی و چەکی نافەرمی لە هەندێک بواردا. ترس لە دووبارەبوونەوەی ساختەکاری یان فشاری دەنگدەران، جا لە ڕێگەی کڕینی دەنگەوە بێت یان هەڕەشەی نایاسایی، بەربڵاوە. چاودێران جەخت لەوە دەکەنەوە کە "سەرکەوتنی هەڵبژاردنەکە تەنها بەندە بە ژمارەی بەشداربووان یان ڕێژەی دەنگدان، بەڵکو بەندە بە ژینگەی یاسایی و ئەمنی کە دەنگی هاووڵاتیان لە کاریگەری و زەوتکردن دەپارێزێت، هەروەها بە ئەدای کۆمسیۆن لە دەستەبەرکردنی پێوەرەکانی دەستپاکی و دادپەروەری". 9ـی نیسانی 2025، نووسینگەی ڕۆژنامەوانیی محەممەد شیاع سوودانی، سەرۆک وەزیرانی فیدراڵ بڵاوی کردبووەوە‌، ئەنجوومەنی وەزیران بە زۆرینەی دەنگ، 11-11-2025ـی وەکوو ڕۆژی هەڵبژاردنی داهاتووی پەرلەمانی عێراق دیاریی کرد.

  دانیشتنى دادگای فیدراڵیی عێراق تایبەت بە دوو سکاڵا بۆ هەڵوەشاندنەوەی پەرلەمانی کوردستان بۆ کاتێکى نادیار دواخرا، ئەوەش بەهۆى ئەوەى سبەى سەرۆکى نوێی دادگاکە دەستبەکار دەبێت. سکاڵاکانى هەڵوەشاندنەوەى پەرلەمان لەلایەن هەریەکە لە عومەر گوڵپى، بەربژێرى سەرکەوتووى کۆمەڵى دادگەرى بۆ پەرلەمانى کوردستان و سروە عەبدولواحید، سەرۆکی فراکسیۆنی نەوەی نوێ لە ئەنجوومەنی نوێنەرانی عێراق تۆمارکرابوون و بەگوێرەى خشتەی دانیشتنەکان بڕیار بوو ئەمڕۆ یەکشەممە 6ـی تەمموز دادبینیان بۆ بکرێت. بگوتەی عومەر گوڵی بەهۆی ئەوەی ئەمڕۆ لە عێراق پشووە دانیشتنەکە ئەنجام نادرێت و بۆ کاتێکی دیکە دواخراوە. سکاڵای یەکەم لەلایەن عومەر گوڵپی کاندیدی دەرچووی کۆمەڵی دادگەری بۆ پەرلەمانی کوردستان پێشکەشکراوە و لەسەر سەرۆکی هەرێمی کوردستان و  پەرلەمان تۆمارکراوە و تێدا داوای هەڵوەشاندنەوەی ئەنجامی هەڵبژاردنی خولی شەشەمی پەرلەمانی کوردستان کراوە. عومەر گوڵپی داوادەکات، خولی شەشەمی پەرلەمانی کوردستان هەڵبوەشێندرێتەوە و سەرجەم ئەو مووچە و پاداشتانەی دراون بە پەرلەمانتاران لێیان وەربگیرێتەوە. هەروەها داوادەکات، کۆمیسیۆنی هەڵبژاردنەکانی عێراق، پابەند بکرێت بە زووترین کات ئامادەکاریی بۆ ئەنجامدانی هەڵبژاردنی پەرلەمانی کوردستان لە نزیکترین کاتدا بکات. سكاڵای دووەمیش لەلایەن سروە عەبدولواحید، سەرۆکی فراکسیۆنی نەوەی نوێ لە ئەنجوومەنی نوێنەرانی عێراق و سێ پەرلەمانتاری دیکەی ئەو حیزبە لە پەرلەمانی کوردستان تۆمارکراون و تیایدا داوای هەڵوەشاندنەوەی ئەنجامی خولی شەشەمی پەرلەمان دەکەن.

  بۆ ساڵی داهاتوو ئەمەریکا بەردەوام دەبێت لە پاڵپشتیی هێزە هاوپەیمانی لە سوریا و بڕی 130 ملیۆن دۆلار بۆ ئەو مەبەستە تەرخان دەکات، پشکی شێری ئەو یارمەتییەش بۆ هێزەکانی سوریای دیموکرات (هەسەدە) دەبێت. لە چوارچێوەی بودجەی وەزارەتی بەرگری بۆ ساڵی 2026 ئەمەریکا زیاتر لە 130 ملیۆن دۆلار بۆ سندوقی راهێنان و پڕچەککردنی دژە داعش (CTEF) لە سوریا تەرخان دەکات بۆ یارمەتیی و پاڵپشتی هێزە هاوپەیمانەکانی لە سوریا، بەشێکی زۆری ئەو پاڵپشتییەش وەک ساڵانی رابردوو بۆ هێزەکانی سوریای دیموکرات (هەسەدە) دەبێت. بودجەکەی پنتاگۆن بۆ پاڵپشتیی هاوپەیمانەکانی لە سوریا بۆ شەڕی رووبەڕووبونەوەی شانە نوستوو و نهێنییەکانی داعش، پاراستنی کامپەکانی وەک هۆل و رۆژ، زیندانەکانی داعش و هەر پرۆسەیەکی دیکەی پەیوەست بەو بابەتانە تەرخان دەکرێن. لە بەیاننامەکەیدا، ئەمڕۆ شەممە، 5ی حوزەیران، ئاماژەی بەوەکردووە، ئەمریکا پابەندە بە "شکستی بەردەوام"ی داعش، بە پاڵپشتیکردنی هێزەکانی "هاوبەشی متمانەپێکراو" بۆ پاراستنی فشاری بەردەوام لەسەر ئەو گروپە، بە لەبەرچاوگرتنی ئەوەی سەرهەڵدانەوەی ئەو گروپە مەترسییە بۆ سەر بەرژەوەندییە نیشتمانییەکانی ئەمریکا، بۆ گەلانی عێراق و سوریا و لوبنان و بۆ سەر کۆمەڵگەی نێودەوڵەتی بە گشتی. واشنتۆن بەردەوامە لە پاڵپشتیکردنی هێزەکانی سوریای دیموکرات لە باکووری ڕۆژهەڵاتی سوریا و سوپای سوریای ئازاد کە بنکەیان لە سێگۆشەی سنوری نێوان سوریا و ئوردن و عێراقە. ئەمەریکا دەڵێت، ئەم پاڵپشتییە بە ئامانجی بەرەنگاربوونەوەی داعش و ڕێگریکردنە لە سەرهەڵدانەوەی داعش.

  لە وەڵامی وەزارەتی ناوخۆی عێراقدا، وەزارەتی ناوخۆی هەرێم  رونکردنەوەیەکی بڵاوکردەوە و تێدا هاتوە؛ لە ساڵانی ڕابردوش كە بە دەیان جار بە درۆن و موشەك هەرێم کراوەتە ئامانج و  ئاراستە و سەرچاوەی موشەك و درۆنەكانیش دیار بون، هیچ کەسێکیش لەسەر ئەو کارە سزا نەدراوە، هەست دەکەین جۆرێك لە پەردەپۆشكردن و خۆدزینەوە لە بەرپرسیارێتی هەیە لەلایەن حکومەتی فیدڕاڵەوە. وەزارەتی ناوخۆی هەرێم لەسەر هێرشيکانی ئەمدواییە، ڕونکردنەوەیەکی بڵاوکردەوە، وەڵامی وتەبێژی هێزە چەکدارەکانی عێراق دەداتەوە، کە وتوبوی  "ئەوەی لە وەزارەتی ناوخۆی هەرێمی کوردستانەوە دەرچووە سەبارەت بە تۆمەتبارکردنی دامەزراوەیەکی ئەمنیی فەرمیی عێراقی، کارێکە رەتکراوە و سەرکۆنەکراوە و بە هیچ بیانوویەک رێگەپێدراو نییە." لە رونکردنەوەکەدا وەزارەتی ناوخۆ ئاماژەی وەکردوە،  ئەو چاوەڕوانییە لە لایەنە پەیوەندیدارەكانی حكومەتی فیدڕاڵ هەیە، لە كاتی بونی هەڕەشە لەسەر هەرێمی كوردستان یان هەر ناوچەیەكی تری عێراق، لە پێناو زانینی ڕاستییەکان و دوبارەنەبونەوەی هەرەشەکان و سزادانی ئەنجامدەرانی ریوشوێنی جدیی و پێویست بگیرێتە بەر، بەڵام  وەک دەردەکەویت جۆرێک لە خۆدزینەوە و پەردەپۆشکردن هەیە. هەروەها ئاماژەی بەوەش کردوە، لە ساڵانی ڕابردوش كە بە دەیان جار بە  درۆن و موشەك هەریم کراوەتە ئامانج و  ئاراستە و سەرچاوەی موشەك و درۆنەكانیش دیار بون، بەڵگەی پێویستیش لەبەردەستدا بون، بەڵام لەسەر ئەو تاوانانە  كەس سزا ندرا و هیچ ڕێوشوێنێكیش لەبەرانبەر هیچ لایەنێك نەگیرایەبەر. دەقی رونکردنەوەکەی وەزارەتی ناوخۆی هەرێم؛  ئەو چاوەڕوانییە لە لایەنە پەیوەندیدارەكانی حكومەتی فیدڕاڵ هەیە كە لە كاتی بونی هەڕەشە لەسەر هەرێمی كوردستان یان هەر ناوچەیەكی تری عێراق، لەپێناو دەركەوتنی ڕاستییەكان و ڕێگەگرتن لە دووبارەبوونەوەی هەڕەشەكان و سزادانی ئەنجامدەران، ڕێوشوێنی پێویست بگیرێتە بەر، بەڵام بە داخەوە هەست دەکەین جۆرێك لە پەردەپۆشكردن و خۆدزینەوە لە بەرپرسیارێتی هەیە بەرانبەر ئەو زێدەڕۆییە ئەمنییانەی كە لە دژی هەرێمی كوردستان ئەنجام دەدرێن. لە ساڵانی ڕابردووش كە بە دەیان جار هەرێم بەر پەلاماری درۆن و مووشەكەكان دەكەوت، هەرچەندە ئاراستە و سەرچاوەی مووشەك و درۆنەكانیش دیار بوون و چەندین جار بۆ دەرخستنی ڕاستییەكان لیژنەی هاوبەشی نێوان حكومەتی هەرێم و حكومەتی فیدڕاڵ دروست بوون، بەڵام دیسان بەداخەوە نە دەرئەنجامی لێكۆلینەوەكان بۆ ڕای گشتی ئاشكرا دەكران و نە لەسەر ئەو تاوانە ئاشكرا و كردەوە نایاساییانە كەس سزا دەدرا و هیچ ڕێوشوێنێكیش لەبەرانبەر هیچ لایەنێك نەگیرایەبەر. ئەمە لە حاڵێكدا بوو كە لە بەرزترین ئاستی نێوان هەردوولا هەماهەنگی هەبووە و بەڵگەی ڕوون و ئاشكراش لەبەر دەست بوونە. لێرەدا ڕایدەگەیەنین كەشوهەوای سیاسی و بیروڕای سیاسیی لایەنەكان بەهەر بارێكدا بێت، پاراستنی ئاسایشی وڵات و ڕێگەگرتن لە بە ئامانجگرتنی ژیانی هاووڵاتییان و سەروەری و سەقامگیریی وڵات ئەركی لەپێشینەی دامودەزگە فەرمییەكانی هەردوو حكومەتی فیدڕاڵی عێراق و حكومەتی هەرێمی كوردستانە.

وتەبێژی فەرماندەی هێزە چەکدارەکانی عێراق، وەڵامی راگەیەندراوی وەزارەتی ناوخۆی هەرێمی کوردستانی دایەوە و تۆمەتبارکردنى حەشدى شەعبى بە هێرشە درۆنییەکان سەرکۆنە دەکات. سەباح نوعمان، گوتەبێژی فەرماندەی هێزە چەکدارەکانی عێراق لە راگەیەندراوێکدا گوتى "تۆمەتبارکردنى دامەزراوەیەکى ئەمنیی فەرمى، لەژێر هەر پاساوێکدا بێت رەتکراوەیە، سەرکۆنەى دەکەین و داوای پێدانی بەڵگە بەلایەنی حکومەتی فەرمی دەکەین". شەوی رابردوو، وەزارەتی ناوخۆی هەرێمی کوردستان رەتیکردەوە بە درۆن هێرشکرابێتە سەر بنکەیەکی سەر بە ئیسرائیل لە هەولێر و دەشڵێت، "ئەو هێرشانە لەلایەن هەندێک گرووپی سەر بە حەشدی شەعبی ئەنجامدەدرێن". سەباح نوعمان جەختیکردووەتەوە "حکومەتی عێراق بە دامەزراوە ئەمنییەکانییەوە، دووپاتیانکردووەتەوە دوودڵ نابن لە گرتنەبەرى رێکارى یاسایی توند بەرامبەر ئەوانەى هەوڵى تێکدانى سەقامگیرى دەدەن لە تەواوى عێراق". دەشڵێت، ئاڵنگارییەکانی ئێستا دەخوازن، هەماهەنگی و هاوکاریی لەڕێگەی کەناڵە فەرمییەکانەوە هەبێت لەبری پەنابردن بۆ میدیا و بە راپۆرت و لێدوان دەرفەت بدەن بەوانەی لە بۆسەدان بۆ سوکایەتی بە دامەزراوەکانی عێراق. وەزارەتی ناوخۆى حکومەتى هەرێمى کوردستان لە روونکردنەوەکەیدا ئاماژەی بەوەشکردبوو "لە چەند میدیایەکی ئەلیکترۆنیی فەرمی لە ئێران، وا بڵاوکراوەتەوە کە گوایە شەوی پێنجشەممە لە هەولێر بە درۆن هێرش کراوەتە سەر بنکەیەکی سەر بە ئیسرائیل، هەموو ئەو هەواڵانە چەواشەکارین و دوورن لە راستییەوە، نە بنکەی ئیسرائیلی لە کوردستان هەیە و نە ئۆپراسیۆنی وەهاش ئەنجامدراون". وەزارەتی ناوخۆ دەشڵێت، "شەوی پێنجشەممە درۆنێک لە ناوچەیەکی چۆڵەوانی لە نزیک هەولێر کەوتەخوارەوە. ئەم هێرشانەش لەلایەن هەندێک گرووپی سەر بە حەشدی شەعبی بە مەبەستی ئاژاوەنانەوە ئەنجامدەدرێن". بەپێویستى زانى بوو لایەنە پەیوەندیدارەکان لە حکومەتی فیدراڵی سنوورێک بۆ ئەم کارە تێکدەرانە دابنێن و رێکاری یاسایی بەرامبەر بە تاوانباران بگرنەبەر.

  كاوە ڕەش/ بەریتانیا     دوابەدوای لێكۆڵینەوەو ڕاپۆرتێكی نهێنی تۆڕی هەواڵی بی بی سی، كەئاشكرای كردوە، كەلەزۆرێك لەماركێتە بچوكەكانی ناو شەقامە گشتیەكانی بەریتانیا، بازرگانی بەجگەرەو توتن و ڤایبی نایاساییەوە دەكرێت، تیمی تایبەتی بەرەنگاربوونەوەی بازرگانی نایاسای هەڵمەت دەبەنەسەر جەندین ماركێت، كەزۆربەیان كوردن.  هاوكات لەگەڵ هەڵمەتی دەستبەسەرداگرتنی جگەرەو ڤایپی نایاسایی، تیمی پەیامنێرانی بی بی سی، یاوەری هێزەكانی پۆلیس دەكەن، بۆ نیشاندانی ئەو شوێنانەی كاریان فرۆشتنی جگەرەو تووتنی نایاساییە، لەناو ماركێتەكانی بەریتانیا.  لەكاتی پشكنین و لێكۆڵینەوەی پۆلیس لەماركێتەكان، كەبەشێكیان تونێلیان لەژێر ماركێتەكان درستكردووە بۆ شاردنەوەی جگەرەو شتی نایاسایی، خاوەن دووكانە كوردەكان ڕێگری دەكەن لەتیمی ڕیپۆرتەرو كامێرامانەكان، ڕووبەڕووی كامێرامان و پەیامنێران دەبنەوەو دەیانەوێ بەتورەییەوە كامێراكە ڕابگرن و دەست دەخەنە سەر ڕووی كامێراكەو بەری دەدەنەوە.   كوردەكان بەتووڕییەوە هێرش دەكەنە سەر ڕیپۆرتەرو كامێرامانەكان، هاوار دەكەن دەڵێن; نابێت ئەوانە تۆماربكرێن.  لەبەرامبەردا تیمە ڕۆژنامەوانییەكە دەڵێن كەئەوان مافی خۆیان و گشتیە، كەكاری خۆیان بكەن و تۆماری هەڵمەتی دەستبەرداگرتنی ئەوكارە نایاساییە بكەن لەكاتی پشكنیدا، تەنها لەتونێلێكدا كەكوردەكان لەژێر ماركێتەكان درووستیان كردبوو بەبەهای هەزاران پاوەند، پاكەت جگەرە دەدۆزنەوە.  یەكێك لەستافی دووكانەكان بەپێكەنینەوە دەڵێ، ئەو پاكەتانە هیچ نیە تەنها نرخەكەی زۆریەكەی ٥ بۆ ١٠ هەزار پاوەندە دەبیت.  ستافەكە دەڵێت، پاكەت و جگەڕە كەس ناكوژێ، ئێوە بڕۆنە دووكانی حەلاق و خوردنگەكان، هەموویان دەرمان و جگەرە دەفرۆشن، تیمەکانی ستانداردی بازرگانی دەڵێن; بەشێك لەو ماركێتانە پەیوەندیان لەگەڵ چەندین باندی تاوانکاریی ڕێکخراوا هەیە,  کە گومانیان لێدەکرێت، سەرچاوەی دابینكردنی جگەرەو توتن و ڤایپی نایاسایی بن بۆ فرۆشگایانە.  تیمەكە دەڵێن; ئەو قازانجانەی كە لە ماركێتەكان بەدەستدەهێنرێت، هاوتای قازانجی  فرۆشتنی ماددەی هێرۆین و کۆکاینە.  تیمیەكانی ستانداردە بازرگانییەکان ئەو پرسەیان بەشەڕ لەنێوان خۆیان و ماركێتەكان وەسف کردووە، چونكە بەگوتەی ئەوان جگە لەفرۆشتنی شتی نایاسایی سەدان لەو پەناخوازانەی كەمافی کارکردنیان لەبەریتانیا نیە، لەوێ کاردەكەن و لەهۆتێلەكان نیشتەجێین.     HMRC  حوكمەتیش دەڵێت; لانیکەم ٢.٢ ملیار پاوەند لەداهات، لەبەشی باج و گومرگی بەریتانیا، بەهۆی ماركێتەكانەوە لەدەست دەچێت لەو وڵاتە.  لەوەڵامی ڕاپۆرتی بی بی سی، وەزیری ناوخۆی بەریتانیا، ئیڤێت کوپەر ڕایگەیاندووە، شەرمەزارییەكى گەورەیە کەباندە تاوانبارەکان هەوڵی خراپ بەکارهێنانی شەقامە گشتیەكان دەدەن بەهۆی ئەكاڕە نایاسانەوە.   بەگوتەی وزیری ناوخۆ، حکومەتی بەریتانیا، لەدوای هەڵبژاردنەکانەوە ژمارەی هەڵکوتانە سەر شوێن کارە نایاساییەکان و دەستگیرکردنی ستاف و كرێكاری نایاسایی بە ڕێژەی 50% زیادکردووە.

  بڕیارە تۆم باراک، نێردەی تایبەتی ئەمریکا بۆ سوریا لەگەڵ مەزڵوم عەبدی، فەرماندەی گشتیی هێزەکانی سوریای دیموکرات کۆببێتەوە، ئەوەش لە چوارچێوەی هەماهەنگی نێوان هێزەکانی سوریای دیموکرات و هاوپەیمانی نێودەوڵەتی دژی داعش بە سەرۆکایەتی ئەمریکا لە سوریا و عێراق. سەرچاوەیەکی نزیک له "هەسەدە" که پەیوەندییەکی نزیکی لەگەڵ هاوپەیمانی نێودەوڵەتی له شەڕی دژ داعش هەیە، ئاشکرای کردووە، کۆبونەوەكه بەم زووانه بەڕێوەدەچێت، رەنگه له ماوەی چه ند رۆژێک یان هەفتەیەکدا ئەنجامبدرێت. سەرچاوەكە بە ماڵپەڕی "العربیة.نت"ی راگەیاندووە: باراک لەگەڵ فەرماندەی هێزەکانی سوریای دیموكرات، میکانیزمی جێبەجێکردنی رێککەوتنی (١٠)ی ئازار، کە لە نێوان عەبدی و سەرۆکایەتیی سوریا ئەنجامدراوە، گفتوگۆ دەکات.  ئاماژەی بەوەشداوە: رەنگە نوێنەری ئەمەریکا هانی، مەزڵوم عەبدی و ئەحمەد شەرع، سەرۆکی سوریاوە بدات بۆ ئەوەی رێککەوتنی پێشوویان نوێ بکەنەوە، یان پێشنیازی رێککەوتنێکی نوێ بکرێت بە پاڵپشتی فەرەنسا.  باراک لەگەڵ عەبدی چەند بابەتێکی دیکە تاوتوێ دەکات، دیارترینیان بەردەوامی هاوکارییەکانی هاوپەیمانی نێودەوڵەتی و هێزەکانی سوریای دیموکراتە سەبارەت بە شەڕی داعش و پەیوەندی لەگەڵ تورکیا. سەرچاوەکە ئاشکرایکردووە، نێردەی ئەمریکا پێشتر لە رێگەی پەیوەندییەکی تەلەفونییەوە مەترسی خۆی بۆ فەرماندەی هێزەکانی سوریای دیموكرات دەربڕیوە سەبارەت بە هەرەسهێنانی دۆخی ئەمنی سوریا، دوای جموجۆڵەكانی ئەم دواییەی داعش. تا ئێستا شوێنی کۆبوونەوەی باراک و عەبدی دیاری نەکراوە، بەڵام سەرچاوەکە ئاماژەی بەوە کردووە، پێدەچێت لە هەولێری پایتەختی هەرێمی کوردستان ئەنجام بدرێت، بەتایبەتی کە پێشتر عەبدی کۆبونەوەی لەگەڵ بەرپرسانی باڵا لە هەولێر ئەنجامداوە، لەنێویاندا کۆبونەوەی لەوێ لەگەڵ جان نۆێل بارۆت، وەزیری دەرەوەی فەرەنسا لە کۆتایی مانگی نیساندا. سەرچاوەكە راشیگەیاندووە: پێدەچێت نوێنەری ئەمریکا سەردانی هێزەکانی هاوپەیمانی نێودەوڵەتی بکات لە بنکەکانیان لە ناوچەکانی ئیدارەی خۆسەری باکور و رۆژهەڵاتی سوریا، کە ناوچەیەکە بە تەواوی لەلایەن هێزەکانی سوریای دیموكراتەوە کۆنترۆڵکراوە، بەشێک لە پارێزگاکانی حەلەب و دەیرەزورو تەواوی پارێزگاکانی حەسەکەو رەقە لەخۆدەگرێت، جگە لە دوو شارۆچکە، کە لە ئۆکتۆبەری ٢٠١٩ەوە لەلایەن تورکیاوە کۆنترۆڵکراون.

  ئەمڕۆ، بەرگریى شارستانیى سۆران گەڕانێکى گشتگیر بۆ دۆزینەوەى تەرمى مامۆستا ئاڤێستا دەکات، کە لە مانگی نیسانی ئەمساڵ کەوتە ناو زێی گەورەوە و تاوەكو ئێستا تەرمەکەی نەدۆزراوەتەوە. بەرگریی شارستانیی ئیدارەى سۆران، لە راگەیەندراوێکدا ئاماژەى بەوەکردووە، ئەمڕۆ، لە کۆتا رۆژى سێیەم مانگى گەڕانەکانیان، هەڵمەتێکى گشتگیر و چڕ بە بەشدارى 100 کارمەند و ئەفسەر کە دابەشکراون بۆ 20 تیم، دەکەن بۆ دۆزینەوەى تەرمى مامۆستا ئاڤێستا. روونیشیکردووەتەوە، ئەم هەڵمەتە دەبێتە دوایەمین رۆژى گەڕانیان، ئەگەر نەتوانرا بدۆزرێتەوە، بە شێوەیەکى فەرمى ئەو دۆسییەیە دادەخەن و کۆتایی بە گەڕان و پشکنینەکانیان دەهێنن. ئەوەشیان خستووەتەڕوو، لەو هەڵمەتەدا تەواوى تواناکانیان لە رووى مرۆیی و ئامێر و کەرەستە بەردەستەکان بەکاردەهێنن. مامۆستا ئاڤێستای تەمەن 27 ساڵ، بەگوێرەی گێڕانەوەی کەسوکارەکەی، لە پێنجی نیسانى 2025 لەکاتێکدا لەگەڵ خێزانەکەی بۆ گەشت و سەیران چووبوونە دەرەوە، لەکاتی هەوڵدان بۆ رزگارکردنی براکەی لەناو زێی گەورە لە سنووری مێرگەسۆر، خۆی دەکەوێتە ناو رووبارەکەوە تاوەکو ئێستا تەرمەکەی نەدۆزراوەتەوە.

  بڕیارە چەند ڕۆژى داهاتوو، پێش دانانى چەکى گەریلاکان عەبدولا ئۆجەلان پەیامێکى نوێ سەبارەت بە پرۆسەى چارەسەریی پێشکەش بکات، سەرچاوەیەکى ئاگاداریش بەهاوڵاتى ڕاگەیاند بڕیارە پەیامەکە بەشێوەى ڤیدیۆیی بێت، ئەگەر وانەبێت پرۆسەکەو هەنگاوەکانى دیکە هیچى ناچێتە بوارى جێبەجێکردنەوە. ئێستا هەموو چاوەکان لەسەر هەرێمی کوردستانە، بە تایبەتی شاری سلێمانی، کە پارتی کرێکارانی کوردستان (پەکەکە) بڕیارە هەنگاوێکی نوێ لە پرۆسەی ئاشتی لەگەڵ تورکیا بنێت.  زاگرۆس هیوا، گوتەبێژی کۆما جڤاکێن کوردستان (کەجەکە)، باڵی سیاسیی پارتی کرێکارانی کوردستان (پەکەکە) دەڵێ، لە نێوان 10 بۆ 12ی تەممووز، یەکەم گرووپی گەریلاکان کە لە 30 کەس پێکدێت، لە سلێمانی چەکەکانیان دادەنێن.  زاگرۆس هیوا بە ئاژانسی هەواڵی ئەسۆشیەتد پرێسی راگەیاند، گەریلاکان "بە سەرپەرشتیی رێکخراوەکانی کۆمەڵگەی سڤیل و لایەنە پەیوەندیدارەکان" چەکەکانیان لەنێودەبەن. دوو رۆژ لەمەوبەر سەرچاوەیەکى ئاگادارو تایبەت بەهاوڵاتى ڕاگەیاند: لەچەند ڕۆژى داهاتوودا پەکەکە پرۆسەیەکى چەکدانانى سمبولیکى جێبەجیدەکات، ئەو گەریلایانە ژمارەیان ٣٠ کەسەو چەند بەرپرسێکى دیاریان لەگەڵدایە. بەپێى ئەو زانیاریانەى لەسەرچاوەیەکى تایبەتەوە دەستى هاوڵاتى کەوتووە  لەپرۆسەکەدا بەبەرچاوى میدیا ناوخۆیی و جیهانیەکانەوە چەکەکانیان لەناودەبەن واتە ڕادەستى هیچ کەس و لایەنێکى ناکەن، دواتر ئەو گەریلایانە دەچن بۆ شوێنێکى نادیار، واتە خۆیان ڕادەستى تورکیا ناکەن، چونکە دووجارى دیکە ئەم پرۆسەیە ئەنجامدراوەو گەریلاکانى پەکەکە خراونەتە زیندانەکانى تورکیاوە، بۆیە خۆیان تەسلیم ناکەن. زاگرۆس هیوا ئاماژەی بەوەشکرد، بۆ ئەوەی پەکەکە هەنگاوی زیاتر بەرەو چەکدانان بنێت "پێویستە ئەو گۆشەگیرییەی لە زیندان بەسەر ئۆجەلاندا سەپێندراوە هەڵبگیرێت و هەنگاوی دەستووری، یاسایی و سیاسی بنرێت بۆ دڵنیابوونەوە لەوەی ئەو گەریلایانەی واز لە ستراتیجی خەباتی چەکداری دەهێنن بتوانن لە تورکیا تێکەڵ بە سیاسەتی دیموکراسی ببن."   بەرپرسێکی حکومەتی هەرێمی کوردستان، کە بە مەرجی ئاشکرانەکردنی ناوی قسەی کردووە، بە ئەسۆشیەتد پرێسی راگەیاندووە، رێککەوتن کراوە بۆ ئەنجامدانی "لەنێوبردنێکی سیمبوولییانەی هەندێک چەکی سووک، بەمەبەستی دڵنیاکردنەوەی تورکیا" و ئەمەش بە ئامادەبوونی نوێنەرانی حکومەتی هەرێمی کوردستان دەبێت.   رۆژی دووشەممە لە تورکیا، عومەر چەلیک، گوتەبێژی پارتی داد و گەشەپێدان (ئاکپارتی) رایگەیاند، رەنگە پەکەکە "لە چەند رۆژی داهاتوودا" دەست بە رادەستکردنی چەک بکات، بەڵام هیچ وردەکارییەکی نەخستەڕوو.   چەلیک ئەوەشی خستەڕوو کە ئەردۆغان هەفتەی داهاتوو لەگەڵ ئەندامانی پارتی یەکسانی و دیموکراسیی گەلان (دەم پارتیی) زۆرینە کورد کۆدەبێتەوە بۆ گفتوگۆکردن لەسەر هەوڵەکانی ئاشتی.

  وتەبێژی وەزارەتی درەوەی توركیا لە بارەی خۆپیشاندانەكانی پردێوە، ڕایدەگەیەنێت وڵاتەکەی لە نزیکەوە چاودێریی پێشهاتەکان دەکات و دەشڵێت، دەبێت توركمان لە كەركوك نوێنەرایەتی راستەقینەیان هەبێت. ماوەى دوو هەفتەیە هاوڵاتییانی پێکهاتەی تورکمان لە شارەدێی پردێ، خۆپیشاندان و ناڕەزایەتی دەردەبڕن بەهۆی گۆڕینى بەڕێوەبەرى شارەوانى کە پۆستەکە لە کەسێکى کوردەوە دراوەتەوە بە کوردێکى دیکە، بەڵام تورکمانەکان داواى پۆستى زیاتر لە شارەدێکە دەکەن. ئەمڕۆ هەینی، ئۆنجو کەچەلی، وتەبێژی وەزارەتی دەرەوەی تورکیا، لە راگەیەندراوێکدا کە لە تۆڕی کۆمەڵایەتیی ئێکس بڵاوی کردووەتەوە، هەڵوێستی وڵاتەکەی لەبارەی رووداوەکانی چەند رۆژی رابردووی ناحیەی پردێ خستەڕوو.   کەچەلی نووسیویەتی: چاوەڕوانیی سەرەکیمان ئەوەیە کە هاونیشتمانە تورکمانەکانمان بە شێوەیەکی شایستە لەناو پێکهاتەی سیاسی و دەوڵەتیی عێراقدا نوێنەرایەتی بکرێن.   وتەبێژی وەزارەتی دەرەوەی تورکیا دەڵێت، پرسی نوێنەرایەتیی تورکمانەکان لە کەرکووک "گرنگییەکی تایبەتی هەیە،" بەتایبەت لە دانان و ئەرکپێسپاردنەکان لە هەموو دامەزراوە گشتییەکاندا و لە سەرووی هەمووشیانەوە لە ئەنجوومەنی پارێزگادا. سەبارەت بە دانانی بەڕێوەبەری نوێی ناحیەی پردێ، کەچەلی دەڵێت: "دانانی بەڕێوەبەرێکی ناتورکمان بۆ ناحیەی پردێی کەرکووک، کە ناوچەیەکی تورکماننشینە، بە شێوەیەکی رەوا بووەتە هۆی دروستبوونی ناڕەزایەتی و نائومێدی لەنێو کۆمەڵگەی تورکماندا." لەلایەکى دیکەوە، رێبوار تەها، پارێزگارى کەرکوک، رایگەیاند، سەرۆکى ئەنجوومەنى پارێزگا، لیژنەیەکی پێکهێناوە بۆ پێداچوونەوە بە هاوسەنگی پۆستەکان لە فەرمانگە و یەکە کارگێڕییەکان لە سەرجەم شارەدێکانى کەرکوک. پارێزگارى کەرکوک، لە وەڵامى ناڕەزایی ژمارەیەک لە لایەنگرانى تورکمانى لە دابەشکردنى پۆستەکانى شارەدێى پردێ، پەیامێکى بڵاوکردەوەو رایگەیاند، بە سەرۆکایەتیی سەرۆکى ئەنجوومەنى پارێزگا لیژنەیەک پێکهێنراوە بۆ پێداچوونەوە بە پۆستەکان لە سەرجەم شارەدێکانى کەرکوک و جارێکى دیکە سەرجەم پۆستەکان بە هاوسەنگى لە نێوان پێکهاتەکان دابەشدەکەنەوە.

  ئایشەگوڵ دۆغان، وتەبێژی پارتی یەكسانی و دیموكراتی گەلان (دەم پارتی)، سەبارەت بە کۆبوونەوەی کۆمیتەی حێبەجێكاری ناوەندیی پارتەکەی، بە میدياكانی توركیای راگەیاند: دەچینە قۆناغێکی نوێوە، بەپێی ئەو زانیاریانەی سەبارەت بەم قۆناغە دەستمان کەوتووە، هەفتەی داهاتوو ساتەوەختێكی مێژوویی دەبین بە کۆمەڵێک هەنگاوەوە. وتیشی: پێشبینی دەکەین بەڕێز ئۆجەلان لێدوانێک سەبارەت بە کۆبونەوەکە بدات، کە پرۆسەکە لە ماوەی چەند رۆژێكی كەمدا دەگوازێتەوە بۆ قۆناغێکی نوێ،  ئێمە وەک دەم پارتی پێمان وایە ئەم لێدوانە زۆر کاریگەر دەبێت ئەگەر لە رێگەی ڤیدیۆوە پێشکەش بێت، جەختیشكرد لەوەی، هیچ زانیارییەکیان نییە کە ئایا لە رێگەی ڤیدیۆوە دەبێت یان نا، بەڵام هیوادەخوازن وابێت. تەواوى قسەکانى ئایشەگوڵ دۆغان.. ئایشەگوڵ دۆغان وتەبێژی دەم پارتی سەبارەت بە کۆبوونەوەی کۆمیتەی بەڕێوەبەری ناوەندی (مەیەکە) لە ناوەندی گشتی بەیاننامەیەکی بڵاو کردەوە. ئایشەگوڵ دۆغان ئاماژەی بۆ ئەو پرسانە کرد کە لە (مەیەکە)دا باسیان لێوە کراوە و ڕایگەیاند کە لە پرسی دیموکراتیکبوون و ئاشتی تورکیا باسیان لەسەر کردووە و وتی: "لەبەر ئەوەی تورکیا بەبێ ئاشتی دیموکراتیزە ناکرێت." ئایشەگوڵ دۆغان ڕایگەیاند، لە کۆبوونەوەکەدا باس لە کۆمیسیۆنی داهاتوو کرا کە لە پەرلەمان بڕیارە دابمەزرێت و وتی: "دەتوانین بڵێین ئیتر نزتکە بچینە قۆناغێکی نوێیەوە، دەتوانین باسی چەند هەنگاوێکی ئەم قۆناغە نوێیە بکەین، یەکێک لەوانە کۆمیسیۆنی داهاتووە کە لە پەرلەمان دادەمەزرێت، ئەم قۆناغە قۆناغێکی گرنگە، چاوەڕوانی و داواکارییەکی گشتییە، هاوکات لە پەرلەمانیش کۆدەنگی هەیە. پێویستە ئەم هەنگاوە بەهێزتر بکرێت. لە ڕووی کۆدەنگی کۆمەڵایەتی یان ڕەوابوونی کۆمەڵایەتیەوە زۆر گرنگە. بۆیە دەمانەوێت کۆمیسیۆنەکە بەشێوەیەکی ڕێکخستنی یاسایی دابمەزرێت. بەو شێوە کارەکانی کاریگەرتر و ئەنجامەکانی هەمیشەیی دەبن." ئایشەگوڵ دۆغان ڕایگەیاند، وەک پارتی باس لە ئاشتی کۆمەڵایەتی دەکەن و دەیانەوێت خۆیان بگەیەنە هەموو لایەنەکانی کۆمەڵگا، لە هەر کاتێکدا پێویستی کرد دەبێ بتوانین ڕاپۆرت و بەڵگە لە کەسانی شارەزا و پسپۆڕ وەربگرین، هەروەها دەبێت میکانیزمێک دابنرێت کە لایەنە کۆمەڵایەتیەکان لە کاتی بڕیارداندا بتوانن بەشدار بن. هەروەها ئایشەگوڵ دۆغان ڕایگەیاند کە یەکێک لە ڕێکارە سەرەکییەکانی پارتەکەیان، فرەچەشنیە و وتی: "بۆیە دەبێت هەنگاوە کۆمەڵایەتییەکەی بەهێز بێت و ئەو میکانیزمەی لەناو کۆمەڵگادا دادەمەزرێت کۆمیسیۆن قبووڵیە و بۆچوون و پێشنیارەکان بۆ کۆمیسیۆن گرنگ دەبن. هەروەها لەسەر ئەو پارتیانەی کە فراکسیونیان لە پەرلەماندا نییە، دەبێ چی بکەن و چۆن بەشداری بکەن باس کراوە، چونکە پێشنیارەکانیان بۆ کۆمیسیون زۆر گرنگە. ئێمە دەچینە قۆناغێکی نوێیەوە. بەگوێرەی ئەو زانیاریانەی بە ئێمەدا ڕاگەیەندراوە، هەفتەی داهاتوو چەند هەنگاوێکی مێژوویی دەست پێدەکا و پێکەوە شایەتی دەبین. هەروەها لەسەر شوێنەکە قسەی زۆر دەگوترێ. ئێمە دەرفەتی ئەوەمان نییە کە ئەوانە پشتڕاست بکەینەوە. کاتێک کە لایەنەکان بەیاننامەیان ڕاگەیاند هەموو شت ڕوون دەبێتەوە. هەنگاوێکی مێژوویی پلان بۆ داڕێژراوە کە لە هەرێمی فیدراڵی کوردستان بەڕێوە دەچێت. هەروەها ئەم هەنگاوە بەگوێرەی جێبەجێکردنی بڕیارەکانی کۆنگرەی پەکەکەیە. هەروەها یەکێک لە ئەکتەرە گرنگەکانی پرۆسەکە دەم پارتیە. بۆیە ئێمەش ئامادەکاریمان هەیە. هەرچەندە لەبەردەستی ئێمەدا زانیاری سنوورداریش بێت، تەنانەت ئیمە یەکسەر موخاتەب نەبین، بەڵام پێکەوە شایەتی پێشهاتێکی مێژوویی دەبین بۆ تورکیا و ڕۆژهەڵاتی ناوەڕاست. ئەمە نە تەنها شایەت بوونێکە، بەڵکو بەرپرسیارێتیکی مەزنە. دەبێت هەر کەس بەپێی قۆناغەکە خۆی بەر پرسیار ببینێت. ئێمە بەرەو قۆناغێک دەڕۆین کە بەرپرسیارێتی زیاترمان پێدەبەخشێ و پێویست بە هەنگاوی جددیتر و بەهێز هەیە. بۆیە دەڵێین پێویستە بە زووترین کات کۆمیسیۆن دابمەزرێت و پێش ئەوەی کۆمیتەی گشتی و پەرلەمان پشوو بدات، بەپەلە دەست بە کارەکانی بکات. وەڵامی ئەمە تەنیا بە ڕێبازی سیاسی و یاسایی دەبێت. پێویستە هەموو لایەک بە بەرپرسیاریەتی زیاترەوە کار بۆ سەرکەوتنی پرۆسەی ئاشتی و کۆمەڵگەی دیموکراتیک بکەن. پاشان ئایشەگوڵ دۆغان وەڵامی پرسیاری ڕۆژنامەنووسانی دایەوە. لە وەڵامی پرسیاری "ئایا پێش چەک دانان پەیامێک لە ئۆجالانەوە ڕادەگەیەنرێت؟ هەروەها لە کوێ چەک دادەنرێت؟، وتی: "چاوەڕێ دەکەین هەفتەی داهاتوو بە پێی بانگەوازی ئاشتی و کۆمەڵگەی دیموکراتیکی بەڕێز ئۆجالان کە لە ٢٧ی شوبات ڕاگەیەندرا و بڕیارە پەیوەندیدارەکانی کۆنگرەی پەکەکە، هەنگاوێکی مێژوویی بنرێت. ناتوانم وادەیەکی دیاریکراو بدەم، چونکە لە دەستپێشخەریی ئێمەدا نییە. لایەنەکان بۆ خۆیان دەبێ ئەوە ڕوون بکەنەوە." ئایشەگوڵ دۆغان ئەوەشی ڕایگەیاند، بەپێی ئەو زانیاریانەی لەبەردەستیاندایە، ئەم هەنگاوە لە هەرێمی فیدراڵی کوردستان بەڕێوە دەچێت، بەڵام هێشتا لە کام شار بێت ڕوون نییە. عایشەگوڵ دۆغان لە درێژەی قسەکانیدا وتی: "ئەوەی دەکەوێتە سەر شانی هەردوولا، پاراستنی ئاگربەستی هەمیشەییە، بۆ ئەوەی شەڕ بەتەواوەتی کۆتایی پێ بهێنرێت و چەک بەکار نەهێنرێت. هەروەها چاوەڕێ دەکەین بەڕێز ئۆجالان لە ماوەی چەند ڕۆژی داهاتوودا لەسەر ئەو بابەتە بەیاننامەیەک ڕابگەیەنێت." ئایشەگوڵ دۆغان سەبارەت بەو بانگەشەیەی کە "سەبارەت بە چەک دانانەکە مەراسیم بەرێوە دەچێت دیمەن و وێنەی بڵاودەکرێنەوە"، ڕایگەیاند: "هیچ زانیارییەکیان لەسەر ئەو بابەتە نییە و سەرچاوەکانی ئێمە ئەو جۆرە زانیاریانەیان پشتڕاست نەکردۆتەوە. سەبارەت بە پرسیاری "ئایا پەیامەکە بە دیمەن دەبێت یان نا"، عایشەگوڵ دۆغان ڕایگەیاند، هەروەها هیچ زانیارییەکیان لەسەر ئەو بابەتە نییە، بەڵام داوا دەکەن پەیامەکە بە دیمەن بێت.