بەرپرسانی پارتی و یەكێتی لەسەر پێكهێنانی كابینەی نوێ چى دەڵێن؟

هاوڵاتی وتەبێژی وەزارەتی دەرەوەی ئەمریكا، سەبارەت بە مانەوە یان كشانەوەی هێزەكانی وڵاتەكەی لە عێراق، ڕوونكردنەوە دەدات و دەڵێت باسیان لە كشانەوەی هێزەكانیان نەكردووە. چەند ساڵێكە كە بەشێك لە بەرپرسانی حیزبی و حكومیی عێراق داوای كشانەوەی هێزەكانی ئەمریكا دەكەن، ئەمریكا تاوەكو ئێستا كشانەوەی هێزەكانی ڕانەگەیاندووە.   ڤێدان پاتێل، گوتەبێژی وەزارەتی دەرەوەی ئەمریكا ڕایگەیاند: بابەتی مانەوەی هێزەكانی ئەمریكا لە عێراق، لە مانگی چواری ئەمساڵ لە كۆبوونەوەی نێوان سوودانی و بایدن لە كۆشكی سپی باس كراوە.   وتیشی: گفتوگۆكە لەسەر دۆزینەوەی ڕێگاچارەیەكی هاوبەشی ئەمنیی دوولایەنەی نێوان ئەمریكا و عێراق بوو، نەك كشانەوەی هێزەكانی ئەمریكا. بەوتەی پاتێل، گفتوگۆكانیشمان لەو چوارچێوەیەدا بەردەوامن، ئەمە پرۆسەیەكە بۆ پابەندبوونی هەردوولامان سەبارەت بە دابینكردنی ئاسایش و سەقامگیریی بۆ ناوچەكە.

هاوڵاتی ڕۆژی 10-08-2024، لە هۆتێل ڕەشیدی بەغدا بەبێ ئامادەبوونی پارتی، پێكهاتەی توركمان و بەشێكی هاوپەیمانیی عەرەبی، پارێزگار و سەرۆكی ئەنجوومەنی پارێزگای كەركووك هەڵبژێردران. دوای كۆبوونەوەكە، پارتی كە خاوەنی دوو كورسییە لە ئەنجوومەنەكە ڕایگەیاند: بەم شێوازەی ئێستا بەشداریی حكومەتی خۆجێیی كەركووك ناكات، سێ ئەندامەكەی دیكەی پێكهاتەی عەرەبیش كۆبوونەوەكەیان بە نایاسایی وەسف كرد و بەرەی توركمانیش لە دادگای فیدڕاڵی سكاڵای تۆمار كرد. بەوتەی پەروین فاتیح، ئەندامی فراكسیۆنی یەكێتی لە ئەنجوومەنی پارێزگای كەركووك بە  بەدڵنیاییەوە ئەگەر یەكشەممەی داهاتوو نەبێت، دووشەممە %100 كۆبوونەوەی ئەنجوومەنی پارێزگای كەركووك بەڕێوەدەچێت. ئەندامانی ئەنجوومەنی پارێزگای كەركووك، چاوەڕوانی سەرۆكی ئەنجوومەنەكەن كە لەڕێگەی ئەو گرووپەی كە سەرجەم ئەندامانی ئەنجوومەنەكەی تێدایە سەبارەت بە بەڕێوەچوونی كۆبوونەوەكە ئاگاداریان بكاتەوە.

هاوڵاتی سەرۆکی دەستەی وەبەرهێنانی کەرکوک ڕایدەگەیەنێت، قەپانەکانی کێشی بارهەڵگر لە سنووری کەرکوک هەڵدەگیرێن. ئەمڕۆ چوارشەممە 14ی ئابی 2024، دلێر زێدان، سەرۆکی دەستەی وەبەرهێنانی کەرکوک ڕایگەیاند، "لەسەر بنەمای بڕیاری دادگە و دەستەی گشتیی وەبەرهێنانی عێراق، ئەو مۆڵەتی کارکردنەی دراوەتە قەپانەکانی کێش، هەڵدەوەشێنەوە و سەرجەم قەپانەکان هەڵدەگیرێن"،   ئاماژەی بەوەشکرد، "ئیدارەی پێشووی کەرکوک رێگربوون لە جێبەجێکردنی ئەو بڕیارە، بەڵام لەگەڵ دەستبەکاربوونی پارێزگاری هەڵبژێردراو، توانیمان بڕیارەکە جێبەجێ بکەین".

هاوڵاتی ئێران هۆشداری دەداتە هاووڵاتیانی لە عێراق، بەهیچ شێوەیەک لە کاتی بەشدارییکردن لە مەڕاسیمی چلەی شەهیدکردنی ئیمام حسێن لە عێراق نە مامەڵە بە ماددە هۆشبەرەکان بکەن و نەک بەکاریشی بهێنن. سەرۆکی پۆلیسی ماددە هۆشبەرەکانی ئێران هۆشداریی دەداتە هاووڵاتیان لەبارەی بەکارهێنان یان بازرگانیکردن بە ماددە هۆشبەرەکان لە عێراق، ئەویش لە مەراسیمی چلەی شەهیدکردنی ئیمام حسێن کە بڕیارە ڕۆژی 20-08-2024 بەڕێوەبچێت. ژەنەراڵ ئیرەج کاکەوەند، سەرۆکی پۆلیسی بەرەنگاربوونەوەی ماددە هۆشبەرەکانی ئێران هۆشداری دەداتە هاووڵاتیانی ئێران کە ماددەی هۆشبەر ئاودیوی عێراق نەکەن، بەوتەی ئەو  هەر کەسێک کڕین، فرۆشتن، گواستنەوە بەو ماددانە لە عێراق بکات یان بەکاربهێنێت، ئەوا حکومەتی عێراق بە بڕی پێنج ملیۆن دینار و یەک ساڵ زیندانی سزای دەدات. بەگوێرەی لیژنەی زیارەتکارانی چلەی ئیمام حسێن، تاوەکو 14-08-2024 نزیکەی 980 هەزار زیارەتکار لە سەرجەم دەروازە وشکانی و ئاسمانییەکان ڕوویان لە عێراق کردووە.

هاوڵاتی  تیمی سی پی تی ئەمریکی لە کۆتایی ساڵی 2022 هاوشان لەگەڵ خانەوادەی ئەو هاوڵاتییە مەدەنییانەی کە قوربانیان هەیە لە ئۆپەراسیۆنەکانی تورکیا و ئێراندا لەگەڵ موحسین مەندەڵاوی، جێگری یەکەمی سەرۆکی ئەنجومەنی نوێنەرانی عێراق. ڕێکخراوی سی پی تی ئەمریکی لە کۆنگرەیەکی ڕۆژنامەوانیدا ڕایگەیاند، "بەپێی یاساکانی ژمارە 20ی ساڵی 2009 و یاسای ژمارە 57ی 2015 پەرلەمانی عێراق حکومەتی عێراقی بەرپرسکردووە لە قەرەبووکردنەوەی ئەو هاوڵاتییە مەدەنییانەی کە لە ئۆپەراسیۆنەکانی تورکیا و ئێران لە عێراق و هەرێمی کوردستان شەهید یان برینداربوون، بەڵام کێشەیەک هەبوو بۆ قەرەبووکردنەوەی ئەو هاوڵاتییە مەدەنییانە ئەویش ئەوەبوو کە هیچ ئامارێکی حکومەتی هەرێمی کوردستان بەردەست نەبوو بۆ قەرەبووکردنەوەی ئەو هاوڵاتییانە". ئاماژەی بەوەشکرد، "تیمی CPT بە هاوکاری کۆمەڵێک خۆبەخش و خانەوادەی قوربانیان لەو شوێنانەی لەلایەن تورکیا و ئێرانەوە بۆردوومانکراون داتای کۆکردووەتەوە لە ساڵی 1999 تاوەکو 2024، بەداخەوە ئامارەکان جێگەی نیگەرانین". بەپێی ئامارەکە بێت، لە سەرەتای ساڵی 1991وە تاوەکو مانگی حوزەیرانی 2024، 845 هاوڵاتی مەدەنی بەهۆی ئۆپەراسیۆنەکانی تورکیا و ئێران لە خاکی هەرێمی کوردستان بوونەتە قوربانی، لەو 845 قوربانییە 194یان منداڵ بوون، هەروەها لەو ژمارەیە 702 هاوڵاتی لە ئۆپەراسیۆنی تورکیا شەهید یان برینداربوون، 143 هاوڵاتییەکەی دیکەش ئێران لێی بەرپرسە. لەو 702 هاوڵاتییەی بەهۆی هێرشەکانی تورکیاوە بوونەتە قوربانی، 344 هاوڵاتی شەهیدبووە، 358 هاوڵاتیش برینداربوون، هەروەها لە 143 قوربانییەکەی ئێرانیش 81یان شەهیدبوون و 62 هاوڵاتییش برینداربوون. وەک لە ئامارەکە هاتووە لە %83ی قوربانییانی هەرێمی کوردستان بەهۆی هێرشەکانی تورکیاوە بووە بۆ هەرێمی کوردستان، هەروەها 170 گوند لە هەرێم بەهۆی ئۆپەراسیۆنەکانی تورکیا و ئێرانەوە چۆڵکراون و 602 گوند لەژێر مەترسی چۆڵبووندان. وەک ڕێکخراوەکە ئاماژەی پێکرد، لە %93ی بریندارەکانی هێرشەکانی تورکیا و ئێران قەرەبوو نەکراونەتەوە، هەروەها لە %48 ئەو خانەوادەی ئەو هاوڵاتییە مەدەنییانەی کە شەهیدبوون قەرەبوو نەکراونەتەوە. ڕێکخراوی CPT باسی لەوەشکرد، هاوڵاتییانی مەدەنی ئەو ناوچانە چیرۆکی خەمگینیان هەیە و دابونەریت و نیشتمانیان لەدەستداوە و تووشی ترس و دڵەڕاوکێ بوون.

هاوڵاتی هاوسەرۆكی كۆنسەی بەڕێوەبەریی كۆما جڤاكێن كوردستان-كەجەكە ڕایگەیاند، دەوڵەتی توركیا سیاسەتی قڕكردن باشووری كوردستان بەڕێوەدەبات و دەیەوێت عێراق بخاتە ژێر دەستییەوە، دەبێت لایەنە سیاسییەكانو كۆمەڵگە ئەمە قبوڵ نەكەن، ئێستا ئەردۆغانیش هەمان كاری سەدام دووبارەی دەكاتەوە و ئەنفالێكی دیكە دەكات. بەسێ هۆزات، هاوسەرۆكی كۆنسەی بەڕێوەبەریی كۆما جڤاكێن كوردستان-كەجەكە سەبارەت بە داگیركاریی توركیا لە باشووری كوردستان و عێراق، هەڵوێستی گەل و خیانەتی پارتی بۆ میدیاكانی پەكەكە دەدوێت. بەسێ هۆزات ڕایگەیاند، ئێستا دەوڵەتی توركیا سیاسەتی قڕكردن لە باشووری كوردستان جێبەجێ دەكات، بەڕێوەبەریی باشووریش خۆی لەناو خیانەت دایە، بەڵام هەندێك لایەن هەرچەندە لەو پرسەشدا نەبن، بەڵام وەك پێویست لەو ڕاستییە تێناگەن، دەبێت گەلەكەمان، لایەنەكانی دیكە لە باشوور، یەکێتی، گۆڕان، ڕێكخراوە ئیسلامییەكان، كۆمەڵگە لەو ڕاستییە تێبگەن، كە دەوڵەتی توركیا سیاسەتی میساقی میللی جێبەجێ دەكات، لەسەر عێراق سیاسەتی هەژموونگەرایی بەڕێوەدەبات. دەشڵێت: دەبینین بادینان لەلایەن سوپای توركیاوە دەسوتێندرێت، هەموو گوندەكانی بۆردوومان دەكرێت، باس لە چۆڵكردنی 600 بۆ 700 گوند دەكرێت، لە ساڵانی 1993-1994 زیاتر لە چوار هەزار گوند لە باكووری كوردستان سووتێندران، هەمان شت لە باشووری كوردستانیش دەكەن، گوندەكان، گۆڕستانەكان، هەموو شوێنێك وێران دەكەن، ئەوەی ئیسرائیل دەیكات ئەویش دەیكات، پارتیش لەگەڵیدا ڕۆڵ دەگێڕێت، بۆ نموونە سەیری ڕاگەیاندنی پارتی بكەین، دەبینین كوردستان دەسووتێندرێت، بەڵام ڕاگەیاندنی پارتی هیچ هەواڵێك لەسەری ئامادە ناكات، بەڵكو قسەكانی ئەردۆغان لە ڕاگەیاندنەكانی پارتیدا یەكەم هەواڵە. ئاماژەی بەوەش كرد، دەوڵەتی توركیا دەیەوێت میساقی میللی زیندوو بكاتەوە، بۆ ئەو مەبەستەش دەیەوێت هەموو باشووری كوردستان و موسڵیش بلكێنێت بە توركیاوە، بە واتایەكی دیكە دەیەوێت تەواوی عێراق بخاتە ژێر دەستییەوە، ئێمە پێشتر وتمان ڕێگەی گەشەپێدان ڕێگەی داگیركارییە، بە پاساوی ئەو ڕێگەیە لە هەموو شوێنێك هێزی سەربازیی و هەواڵگیریی ڕێكدەخات، ئێستا پیلانی ئەوەیان داناوە كە شاندێك لە عێراقەوە دەچێتە توركیا و دیدار ئەنجام دەدەن، لە ئێستاوە دیارە سەودا و مامەڵە لەسەر بەهاكانی كوردان دەكەن. بەسێ هۆزات وتی: ناڕەزایەتییەكان لە باشووری كوردستاندا زۆر لاوازن، لەسەر باشوور سیاسەتی قڕكردن، داگیركردن و لكاندن بەڕێوەدەچێت، پێویستە گەلەكەمان قیامەت بەرپا بكات، ئەوەی ئێستا دەكرێت ئەنفالە، ئەوەی سەدام لە باشوور كردوویەتی ئێستا ئەردۆغان دەیكات، دەبێت گەلەكەمان سەر بۆ گوشاری لەو چەشنە نزم نەكات، سیاسەتێكی مەترسییدار لەسەر باشوور پەیڕەو دەكرێت، دەبێت ڕۆشنبیران لە كوردستان، باشووری كوردستان و عێراق ناڕەزایەتییەكانی بەهێز نیشان بدەن و هاوڵاتیانیش خاوەنداریی لێ بكەن.

هاوڵاتی وەزارەتی ڕۆشنبیری ئەودەنگۆیانە ڕەت دەکاتەوە کە سەبارەت بەداخستنی کەناڵەکانی ڕاگەیاندن بڵاوکراونەتەوە. بەڕێوەبەرایەتیی گشتی ڕاگەیاندن و چاپ و بڵاوکردنەوەی وەزارەتی ڕۆشنبیری هەرێمی کوردستان، جەختی کردەوە کە هیچ بڕیارێکی فەرمی بۆ داخستنی هیچ کەناڵێک نەدراوە. وەزارەتی ڕۆشنبیری دەڵێت" چەند کۆمپانیایەک مۆڵەتی دابینکردنی خزمەتگوزاری فریکوێنسییان پێدراوە. لەگەڵ ئەوەشدا، داوا لە کۆمپانیاکان کراوە کە تەنها ئەو کەناڵانە پەخش بکەنەوە کە مۆڵەتی فەرمییان هەیە". هەر کەناڵێک کە لە ئێستادا پەخشەکەی لە سێرڤەری خزمەتگوزاری کۆمپانیاکان دەرهاتبێت، ئەوە ئاماژەیە کە یان مۆڵەتی نییە یان مۆڵەتەکەی کۆتایی هاتووە. بەڵام وەزارەت دەرگای گفتوگۆی کردووەتەوە و داوا لەو کەناڵانە دەکات کە مۆڵەتیان هەیە و گرفتی یاساییان نییە پەیوەندی بە وەزارەتەوە بکەن بۆ چارەسەرکردنی هەر کێشەیەک. وەزارەتی ڕۆشنبیری وادەڵێت. بەوتەی وەزارەتەکە "ئەم هەنگاوە نیشانەی ئەوەیە وەزارەت هەوڵ دەدات هاوسەنگییەک لە نێوان ڕێکخستنی کەناڵەکان و پاراستنی ئازادی ڕاگەیاندن دروست بکات، لە هەمان کاتدا دەرفەت بە کەناڵە ناوخۆییەکان دەدات کە بارودۆخی یاساییان ڕێک بخەنەوە".

هاوڵاتی سەرۆکی سندووقی گێڕانەوەی پارەکانی عێراق ڕایگەیاند، ژمارەیەک مووڵکیان ئاشکراکردووە کە خاوەنداریەتییان بۆ خێزانی سەدام حسێن دەگەڕێتەوە، داوایان لە وەزارەتی دارایی کردووە دەستیانبەسەردا بگرێت. بەپێی یاسای ژمارە 72ی ساڵی 2017، هەموو مووڵک و ماڵێکی سەرانی پێشووی حزبی بەعس دەستیانبەسەردا دەگیرێت و وەک مووڵکی دەوڵەت مامەڵەیان لەگەڵدا دەکرێت. ئەیمەن داود، سەرۆکی سندووقی گێڕانەوەی پارەکانی عێراق ڕایگەیاند:ڕووبەری ئەو موڵکانە 91 دۆنم و 2150 مەتر دووجایە بەناوی ئەلفەت و مەسەک، نەوەی سەدام حسێن، سەرۆکی حزبی بەعس تۆمارکراون و ئەوان خاوەنیان بوون. وتیشی: داوامان لە وەزارەتی دارایی کردووە بە گوێرەی یاسا دەستبەسەر ئەو مووڵکانەدا بگرێت.

هاوڵاتی کۆبوونەوەیەکی هاوبەش لە نێوان سەرۆکایەتی هەرێم و حکومەتی هەرێم و کۆمیسیۆنی عێراق ، تایبەت بە پرسی هەڵبژاردنی پەرلەمانی کوردستان بەرێوەچوو. دڵشاد شەهاب، وتەبێژی سەرۆکایەتیی هەرێمی کوردستان لە کۆنگرەیەکی  ڕۆژنامەوانیدا ڕایگەیاند؛ هیچ گرفتێک بۆ هەڵبژاردنی خولی شەشەمی پەرلەمانی کوردستان دروست نەبووە و لە وادەی دیاریکراوی خۆیدا دەکرێت کە 20-10ـی ئەمساڵ دیاریکراوە. وتیشی: هەموو هاوکارییەک پێشکەشی کۆمیسیۆن دەکەن.

هاوڵاتی دادگایکردنی نور زوهەیر تۆمەتباری سەرەکی دزی سەدە دواخرا بۆ 27ی ئاب. ئەمڕۆ چوارشەممە،14ی ئابی 2014، میدیا عێراقییەكان سەبارەت بە هۆكاری دواخستنی دادگاییكردنی نور زوهەیر تۆمەتباری سەرەكی دزی سەدە ڕایانگەیاند، بڕیاربوو ئەمڕۆ بە سەرۆكایەتیی دادگای پێداچوونەوەی كەرخ – بەغدا دادگاییكردنی تۆمەتبار (نور زوهەیر) بەپێی ماددەی 331 لە یاسای سزادانی عێراقی ئەنجام بدرێت، بەڵام بەهۆی ئامادەنەبوونی تۆمەتباری سەرەكی دادگایی كردنەكە دواخرا بۆ 27ی ئاب. پێشتر نور زوهەیر بە بارمتەی یاسایی تا کاتی دادگاییکردنی ئازادکرابوو بەپێی دوایین زانیاریی ئەو پارەیەی لە تاوانەکەدا دزراوە، زیاتر لە شەش ترلیۆن دینارە و تەنها بڕێكی کەمی گەڕێنراوەتەوە. تا ئێستا نزیکەی 30 کەس لەو تاوانەوە تێوەگلاون، بەڵام تەنها چەند کەسێکی کەمیان دەستگیرکراون. جێگەی ئاماژەیە، نور زوهەیر، بە تۆمەتباری سەرەكی بردنی پارەی باجەكان دادەنرێت، كە لە تشرینی دووەمی ساڵی 2022 ئاشكرا كرا. 

هاوڵاتی پارێزگاری کەرکووک ڕایگەیاند، داوا لە هەموو لایەنە سیاسییەکان دەکەم با پێکەوە کار بکەین لەپێناو شارەکەدا. ئەمڕۆ 14-8-2024، ڕێبوار تەها، پارێزگاری کەرکووک لە دادگای کەرکووک سوێندی خوارد و دەستبەکاربوو. ڕێبوار تەها، پارێزگاری کەرکووک ڕایگەیاند: هەموومان ناسنامەی کەرکووک هەڵدەگرین و کار بۆ ئارامی و ئەمنییەتی شارەکە و داهاتووی ڕۆڵەکانمان دەکەین، تا وەک ئێمە لەنێو ململانێی سیاسیدا نەژین. هەموو لایەنە سیاسییەکان مافی خۆیانە دژی دەرئەنجامی هەڵبژاردنەکان بوەستنەوە، بەڵام داوایان لێ دەکەم کە بێن و پێکەوە کار بۆ شارەکە بکەین. ڕێبوار تەها وادەڵێت. دەشڵێت، لەگەڵ حکومەتی فیدراڵ لەپەیوەندی بەردەوام دەبین، تا زۆرترین پرۆژەی خزمەتگوزاری جێبەجێ بکەین. ئەوەشی خستەڕوو، "لە پێناو سەقامگیری و ئاوەدانکردنەوەی کەرکووک داوای هاوکاری هەموو لایەک دەکەم" 

هاوڵاتی  سەرچاوەیەک لە وەزارەتی دارایی هەرێمی کوردستان ئاشکرای دەکات، بۆ مووچەی مانگی حەوت پارەی خانەنشینان وەک مانگی پێشوو دەبێت، هۆکارەکەشی تەواونەبوونی ڕێکارەکانی ئەو لیژنە هاوبەشەیە کە لەنێوان هەولێر و بەغدا پێکهێنراوە. لە کۆتایی مانگی حوزەیرانەوە لیژنەیەک بۆ یەکخستنی مووچەی خانەنشینان لەنێوان هەولێر و بەغدا پێکهێنراوە و لە ناو و زانیاریی خانەنشینانی هەرێمی کوردستان دەکۆڵێتەوە. سەرچاوەیەک لە وەزارەتی دارایی هەرێمی کوردستان بۆ هاوڵاتی ئاشکرای کرد "کاری لیژنەکە نزیکەی دوو هەفتەی ماوە بۆ پێداچوونەوە و لێکۆڵینەوە لە کەیسی خانەنشینان، هاوتاکردنەکەش دەکەوێتە دوای مووچەی مانگی نۆ". لە هەرێمی کوردستان نزیکەی 160 هەزار خانەنشینی مەدەنی و 70 هەزار خانەنشینی سەربازی هەن، بڕی زیادبوونی مووچەکانیان لە 50 هەزارەوە بۆ 280 هەزار دینار دەبێت و ساڵی خزمەت و بڕوانامەش هەژمار دەکرێت.

هاوڵاتی ئەمڕۆ ڕێبوار تەها لە دادگای کەرکووک وەک پارێزگاری نوێ سوێندی یاسایی خوارد و دواتریش لە دیوانی پارێزگای کەرکووک دەستبەکاربوو. دوێنێ د.عەبدوللەتیف ڕەشید، سەرۆککۆماری عێراق لە کۆشکی سەلام لە بەغدا، پێشوازی لە ڕێبوار تەها، پارێزگاری هەڵبژێردراوی کەرکووک کرد و مەرسوومی کۆماری بۆ دەستبەکاربوونی دەرکرد. سەرلەبەیانی ئەمڕۆ ڕێبوار تەها چووەتە دادگای کەرکووک و لەبەردەم دادوەر سوێندی یاسایی خواردووە، ئەوەش وەک ڕێکارێکی تەواوکاری بۆ دەستبەکاربوونی لە پۆستەکەی، دوای ئەوەی دوێنێ مەرسوومی کۆماری بۆ دەستبەکاربوونی دەرکرا. دەستبەکاربوونی ڕێبوار تەها ڕووبەڕووی ناڕەزایی تورکمانەکان و بەشێک لە پێکهاتەی عەرەبی بووەتەوە، هاوکات پارتیش دەڵێت، کۆبوونەوەی هەڵبژارنی پارێزگاری کەرکووک یاسایی نەبووە.

هاوڵاتی ئەمڕۆ ڕێبوار تەها لە دادگای کەرکووک وەک پارێزگاری نوێ سوێندی یاسایی خوارد و دواتریش لە دیوانی پارێزگای کەرکووک دەستبەکاربوو. دوێنێ د.عەبدوللەتیف ڕەشید، سەرۆککۆماری عێراق لە کۆشکی سەلام لە بەغدا، پێشوازی لە ڕێبوار تەها، پارێزگاری هەڵبژێردراوی کەرکووک کرد و مەرسوومی کۆماری بۆ دەستبەکاربوونی دەرکرد. سەرلەبەیانی ئەمڕۆ ڕێبوار تەها چووەتە دادگای کەرکووک و لەبەردەم دادوەر سوێندی یاسایی خواردووە، ئەوەش وەک ڕێکارێکی تەواوکاری بۆ دەستبەکاربوونی لە پۆستەکەی، دوای ئەوەی دوێنێ مەرسوومی کۆماری بۆ دەستبەکاربوونی دەرکرا. دەستبەکاربوونی ڕێبوار تەها ڕووبەڕووی ناڕەزایی تورکمانەکان و بەشێک لە پێکهاتەی عەرەبی بووەتەوە، هاوکات پارتیش دەڵێت، کۆبوونەوەی هەڵبژارنی پارێزگاری کەرکووک یاسایی نەبووە.

هاوڵاتی ڕۆژنامەی (الشرق الاوسط)، لە زاری سەرچاوەیەکی سیاسی نزیک لە چوارچێوەی هەماهەنگی بڵاوکردەوە، عێراق یەكێكە لەو وڵاتانەی كە زۆرین ترسی هەیە لە هێرشی ئێران و گروپە هاوپەیمانەكانی بۆ سەر ئیسرائیل، بەوپێیی ئاسمان و خاكەكەی رێڕەوی سەرەكی و بگرە تاكە رێڕوە بۆ موشەكانی ئێران. ئەمڕۆ چوارشەممە، 14ی ئابی 2024، سەرچاوەیەکی سیاسی نزیک لە چوارچێوەی هەماهەنگی بە ڕۆژنامەی (الشرق الاوسط)ی ڕاگەیاندووە، عێراق بەهۆی ئەوەی دراوسێی ئێرانەو بەشێوەیەكی ڕێژەیەیش لە ئیسرائیلەوە نزیكە زۆرترین كاریگەری جەنگی نێوان تەلئەبیب و تارانی لەسەر دەبێت، لەكاتێكدا هیچ توانایەكی بەرپەرچدانەوە خۆبەدوورگرتنیشی لە لێكەوتەكانی نییە. سەرچاوەکە ئەوەشی خستۆتەڕوو، هەر هێرشێك لە ئێرانەوە بە مووشەك بكرێتە سەر ئیسرائیل بەسەر خاكی عێراقدا ئاڕاستە دەكرێت یان لەڕێی ئەو موشەكانەوە دەبێت كە گروپە چەكدارەكانی هاوپەیمانی ئێران لەناو خاكی عێراقەوە دەیهاوژن. دەشڵێت، لەهەردوو حاڵەتەكدا حكومەتی عێراق دەستەوسانە بەهۆی ئەوەی هەژموونی نیە بەسەر بڕیاری گروپە چەكدارەكان یان ئەگەری ڕێگەلێگرتنیان. ئەم سەرچاوە سیاسییە ئەوەشی ئاشکرا کردووە، ئیسرائیل هەڕەشەی بۆردومانكردنی بەندەرەكانی بەسرەی كردووە، هەروەك چۆن بەندەری حودەیدەی لە یەمەن كردە ئامانج ئەگەر گروپە چەكدارەكانی عێراق خۆیان بخزێننە ناو ململانێكانی ناوچەكە لە بەرژەوەندی ئێران.