پێشەوا هەورامى: نەگەینە ڕێککەوتن دەکشێینەوە

هاوڵاتی ئەندام پەرلەمانێکی کورد لە ئەنجومەنی نوێنەرانی عێراق ئاشکرایکرد، کە له‌ به‌غدا مه‌ترسیى له‌سه‌ر 100 هه‌زار خانه‌نشینى هه‌رێمى كوردستان دروستبووە، ئاماژە بەوەشدەکات "موچه‌ى ئه‌و خانه‌نشینانه‌ لەدەرەوەی بەڕێوەبەرێتی گشتی خانەنشینی وەزارەتی دارایی‌ و ئابوورییه‌". ئەمڕۆ دووشەممە 22ی تەموزی 2024، سۆران عومه‌ر، ئەندامی ئەنجومەنی نوێنەرانی عێراق لە هەژماری تایبەتی خۆی لە تۆڕی کۆمەڵایەتیی فەیسبووک نووسیویەتی، "خانەنشینی سەربازیی، یەکێک لە دۆسێ پڕ لە ناموستەحەقەکانی حکومەتە، زیاتر لە 100 هەزار خانەنشینی سەربازیی هەیە لەهەرێم لەدەرەوەی بەڕێوەبەرێتی گشتی خانەنشینی لەوەزارەتی دارایی‌و ئابوری، بەڕێوەبەرایەتی خانەنشینی لەوەزارەتی پێشمەرگە هەیە لەیەکەی 70و 80 بەڕێوەبەرێتی خانەنشینی هەبوە، بەناوی پێشمەرگەی دێرین‌و ئەیلول، لەساڵی 2015وە بە فەرمی حکومەتی هەرێمم لەمکارە نایاساییانە ئاگادارکردووه‌تەوە". ئاماژەی بەوەشکرد، "دواجار لەیاسای چاکسازیی لەمادەی هه‌شت نوسراوە (گواستنەوەی گشت ئەو بەڕێوەبەرایەتی‌و هەر فەرمانگەو یەکەیەکی دیکەی کارگێڕیی‌و دارایی کە موچەی خانەنشینی لێ دابەشدەکرێت (سەربازیی‌و شارستانی‌و هێزەکانی ئاسایشی ناوخۆو یەکە ڕێکنەخراوەکانی هێزی پێشمەرگە) گواستنەوەی موڵک‌ و کەلوپەکانیان‌ و دۆسێکانیان بۆ سەر بەڕێوەبەرێتی گشتیی خانەنشینی لەوەزارەتی دارایی‌ و ئابووریی هەرێم". ئەوەش وتوە، "بەداخەوە تائێستا لەیەکەی 70 بەڕێوەبەرێتی خانەنشینی‌ و دۆسێی خانەنشیکراوەکانی پێشمەرگە کە ژمارەیان نۆ هەزار کەسە هەر لەوێ ماوەو نەگوازراوەتەوە، هەروەها چاودێری دارایی فیدراڵ داوایکردوە دۆسێی خانەنشینی سەربازیان پێبدرێت بۆ وردبینی، نابێت هیچ شوێنێک هەبێت بۆ خانەنشینی لەدەرەوەی بەڕێوەبەرێتی خانەنشینی گشتی وەزارەتی دارایی". ئەم وتانەی ئەو پەرلەمانتارە لەکاتێکدایە، ئه‌مڕۆ ئاوات شێخ جه‌ناب، وه‌زیرى دارایی و ئابووریی هەرێمی کوردستان هه‌رێمی کوردستان رایگەیاند، "به‌گوێره‌ى یاسای چاکسازیی‌ و راپۆرتی تیمی هاوبەشی دیوانی چاودێری دارایی، نابێت هیچ خانەنشینێک لە دەرەوەی بەڕێوه‌بەرایەتی گشتی خانەنشینی وەزارەتی دارایی موچە وەربگرێت، بەڵام ئەو خانەنشینانەی هێزەکانی یەکەی 70 تائێستا هیچ داتاو زانیاریی‌ و دۆسیەیەکیان لە بەڕێوه‌بەرایەتی گشتی ژمێرکاریی‌و بەڕێوه‌بەرایەتی گشتی خانەنشینی وەزارەتی دارایی نییە و لە وەزارەتی دارایی عێراق‌ و وەزارەتی دارایی هەرێمی کوررستانیش هیچ تەرخانکراوێکی داراییان بۆ نەکراوە". ئاماژەی بەوەشدا، "وەزارەتی دارایی بەرپرسیار نییە لەدواکەوتن‌ و نەدانی مووچەکانیان، بەڵکو پێویستە فەرماندەی هێزەکانی یەکەی 70 کاربکات بۆ ئەوەی بەزوترینکات دۆسیەکانیان بگوازرێتەوەسەر بەڕێوه‌بەرایەتی گشتی خانەنشین لەوەزارەتی دارایی هەرێمی کوردستان"، به‌ڵام ئه‌وه‌شى وتوه‌، "هاوشێوەی مانگەکانی دیكه‌ وەزیری دارایی فەرمانیکردووه‌ بەخەرجکردنی موچەی مانگی ئایار و حوزەیرانی خانەنشینانی هێزەکانی یەکەی 70 بەشێوەی سلفە تا کێشەکەیان بەیەکجاریی چارەسەردەکرێت".

وەزارەتی دارایی عێراق رایگەیاند، دابەشکردنی مووچەی مانگی تەموزی سەرجەم فەرمانبەرانی دەستیپێکرد. ئەمڕۆ دووشەممە 22ی تەموزی 2024، وەزارەتی دارایی عێراق rایگەیاند "فەرمانگەی ژمێریایی وەزارەتەکەیان دەستی بە خەرجکردنی مووچەی مانگی تەموزی فەرمانبەران و هێزە ئەمنییەکان کرد". داواشی لە وەزارەت و پارێزگا و دەستە سەربەخۆکان کرد کە نوێنەریان بۆ تەواوکردنی ڕێکارەکانی وەرگرتنی مووچە بنێرن. ئەمەش لەکاتێکدایە، تائێستا روون نییە کەی بەغدا پارە بۆ مووچەی مانگی حەوتی فەرمانبەرانی هەرێمی کوردستان دەنێرێت و کەی دەست بە دابەشکردنی دەکرێت.

هاوڵاتی وەزیری کار و کاروباری کۆمەڵایەتی حکومەتی هەرێمی کوردستان رایدەگەیەنێت، پرۆژە یاسامان بۆ لێبوردنی گشتی زیندانیانی هەرێمی کوردستان ئامادەیە، ئاماژە بەوەشدەکات بەهۆی پەککەوتنی پەرلەمان و ناکۆکییە سیاسییەکانەوە نەتوانراوە یاسای لێبوردنی گشتی لە هەرێم دەربکرێت. کوێستان محەمەد، وەزیری کار و کاروباری کۆمەڵایەتی حکومەتی هەرێمی کوردستان بۆ دەنگی ئەمەریکای راگەیاندووە، "لە سەردەمی کۆرۆنا نامەیەکم ئاڕاستەی سەرۆکی حکومەت کرد و داوای دوو شتم کرد، یەکەم پێدانی مۆڵەتی درێژخایەن بۆ سزا سوکەکان، دووەمیش لێبوردنی گشتی، ئەوکات سەرۆکی حکومەت لیژنەیەکی باڵای دروستکرد بەسەرۆکایەتی ئەنجومەنی وەزیران و نوینەرایەتی چەند وەزارەت و دەستەیەک پڕۆژە یاسایەکمان ئامادەکرد، پڕۆژەکە چوە ئەنجومەنی شورا  و ئەنجومەنی وەزیران کۆبوونەوەیەکیشمان لەگەڵ لیژنە پەیوەندیدارەکانی پەرلەمان کرد، چونکە ئەوانیش پرۆژە یاسایەکیان ئامادەکردبوو". وەک وەزیری کار و کاروباری کۆمەڵایەتیی حکومەتی هەرێمی کوردستان دەڵێت، "لەبەر ناکۆکییە سیاسییەکان کۆبونەوەی پەرلەمان کەم دەکرا تا گەشتە ئەوەی پەرلەمان هەڵوەشایەوە، ئێمە ئێستا پڕۆژە یاساکەمان حازرە و پەرلەمانیش یاساکەی خۆی حازرە، دەتوانن لە یەکەم وەرزی پەرلەمان خوێندنەوەی بۆ بکرێت و هەردوکی بکرێت بە یەک و لێبوورنی گشتی بۆ دەربکەن، چونکە لێبوردنی گشتی لە دەسەڵاتی پەرلەمانە و دەبێت یاسای بۆ دەربکرێت و بکرێتە بواری جێبەجێکردنەوە". ئەوەشی وت، "لەبەر زۆری ژمارەی سزادراوان دەبێت پەرلەمان یاساکە بکاتە کاری لە پێشینە و ڕایگەیاند، "لەئێستادا لیژنەیەک دروستکراوە لە سەرۆکایەتی هەرێم بە ئەندامێتی چەند وەزارەت و دەستەیەک بۆ ئەوەی سەرۆکی هەرێم لێبوردنی تایبەت دەربکات بۆ چەند سزادراوێکی پەککەوتە، کە دەبێت کارمەندەکانمان بیان شۆن و بیانگۆڕن کە لە 25 کەس زیاتر نییە". "سەرۆکی هەرێم لەوە زیاتر ناچێتە ژێر باری لێبوردنی تایبەت، بۆیە تەنها ڕێگە چارە ئەوەیە لە یەکەم وەرزی خۆیدا پەرلەمان لێبوردنی گشتی دەربکەن و لەبەر قەرەباڵخی زیندانەکان دەبێت پەرلەمان بیکاتە کاری لەپێشینە"، وەزیری کار و کاروباری کۆمەڵایەتیی هەرێمی کوردستان وادەڵێت. بەپێی وته‌ی کوێستان محەمەد بێت، تەنها لە چاکسازی گەورانی سلێمانی هەزارو 600 سزادراوی تێدایە و زیندانی چاکسازی گەورانی هەولێریش 1800 سزادراو و چاکسازی گەورانی دهۆکیش 2500 سزادراوی تێدایە.

هاوڵاتی بەیانی ئەمڕۆ دووشەممە 22ی تەموزی 2024، لەگەڵ کردنەوەی بازاڕەکاندا نرخی زێڕ بەرزبووەوە و یەک ئۆنسە زێڕ بە 2405 دۆلار مامەڵەی پێوەکرا. بەپێی وتەی بازرگانانی زێڕ و شارەزایانی ئابووری بێت کشانەوەی جۆ بایدن لە هەڵبژاردنی سەرۆکایەتیی ئەمەریکا بووە هۆی دابەزینی نرخی دۆلار و بەرزبوونەوەی نرخی زێڕ لە بازاڕەکاندا. هەروەها کایل رۆدا، شرۆڤەکاری بازاڕە داراییەکانی سەر بە کۆمپانیای راوێژکاری (کاپیتاڵ) رایگەیاندووە، "دابەزینی بەهای دۆلار و ناڕوونیی سیاسی لە ئەمەریکا، دەبنە هۆکار بۆ پاڵپشتی لە نرخی زێڕ". بەپێی نوێترین راپرسییەکان، 97%ی بازرگانان پێیانوایە لە مانگی ئەیلوولدا بانکی ناوەندیی ئەمریکا سوودی بانکی کەم دەکاتەوە، کەمکردنەوەی سوودی بانکی لە ئەمەریکا، خواست بۆ کڕینی زێڕ زیاد دەکات.

هاوڵاتی قائیمقامیەتی قەزای دوکان 22 هەلی کاری بەشێوەی گرێبەست راگەیاند ئەمڕۆ یەکشەممە، 21ی تەمووزی 2024، قائیمقامیەتی قەزای دوكان دەرفەتی دامەزراندن لە بەڕێوەبەرایەتییەكی قەزاكە بەشێوەی گرێبەست راگەیاند لە راگەیەندراوەکەدا هاتووە، 22 هەلی دامەزراندن بەشێوەی گرێبەست بۆ بەڕێوەبەرایەتی بەرهەمهێنانی وزەی كارەبای دوكان راگەیەندراوە كە بەپێی چەند مەرجێك و لە فۆڕمەكەدا ئاماژەیپێكراوە. دەشڵێت، ئەم دەرفەتی دامەزراندنە تەنها بۆ هاوڵاتییانی ناوەندی قەزای دوكان و هەردوو ناحیەی سوورداش و خەلەكان و گوندنشینانی سنوورەكانیانە. ئاماژەی بەوەشکردووە، پڕكردنەوەی فۆڕمەی دامەزراندنەکە بەشێوەی ئۆنلاین دەبێت.

هاوڵاتی ئەمڕۆ یەکشەممە، 21ی تەمووزی 2024، دۆناڵد ترەمپ لەبارەى کشانەوەى جۆ بایدن لە کێبرکێى هەڵبژاردنى سەرۆکایەتیى ئەمریکا رایگەیاند "جۆ بایدن خراپترین سەرۆک بووە لە مێژووی ئەمریکادا". ئاماژەی نەوەشکردووە "شکستپێهێنانی کامالا هاریس زۆر ئاسانترە لە جۆ بایدن". جێگەی ئاماژەیە، پێشتر دیموکراتەکان پێشنيازی چوار بەربژێريان کردبوو بۆ جێگرتنەوەی بایدن کە ئەوانيش پێکدێن لە کامالا هاريس، جێگری سەرۆکی ئێستا، ميشێل ئۆباما هاوسەری باراک ئۆباما، نانسی پيلۆسی، سەرۆکی پێشووی ئەنجوومەنی نوێنەران،گاوین نیوزۆم، حاکمی کالیفۆرنیا.

هاوڵاتی جۆ بایدن، سوپاس و پێزانینی قووڵی خۆم بۆ هەموو ئەو کەسانە دەرببڕم کە زۆر ماندوو بوون بۆ ئەوەی دووبارە ببمەوە بەربژێر. ئەمڕۆ یەکشەممە، 21ی تەمووزی 2024، جۆ بایدن بەربژێری حیزبی دیموکراتییەکان کشانەوەی خۆی لە هەڵبژاردنی سەرۆکایەتیی ئەمریکا راگەیاند. جۆو بایدن سەرۆکی ئەمریکا لە نامەی کشانەوەیدا ئەوەی خستۆتەڕوو، گەورەترین شەرەفی ژیانم بووە کە وەک سەرۆکی ئێوە خزمەت بکەم، لەکاتێکدا مەبەستم بووە داوای خۆبەربژێرکردنەوە بکەم، بەڵام پێموایە لە بەرژەوەندی حیزبەکەم و وڵاتدایە کە من دەستبەردارم بمەوە و تەنها سەرنجم لەسەر جێبەجێکردنی ئەرکەکانم بۆ ئەو ماوەیەی لە سەرۆکایەتیدا ماومە. باس لەوەشدەکات، لە کۆتایی ئەم هەفتەیەدا بە وردی باسی بڕیارەکەم دەکەم. دەشڵێت، بۆ ئێستا با سوپاس و پێزانینی قووڵی خۆم بۆ هەموو ئەو کەسانە دەرببڕم کە زۆر ماندوو بوون بۆ ئەوەی دووبارە ببمەوە بەربژێر، دەمەوێت سوپاسی جێگری سەرۆک کامالا هاریس بکەم کە هاوبەشێکی نائاسایی بووە لە هەموو ئەم کارەدا.   ئەوەشی خستووەتەڕوو، پێزانینی دڵسۆزانە بۆ گەلی ئەمریکا دەردەبڕم بۆ ئەو باوەڕ و متمانەیەی کە ئێوە بە منتان داناوە، هیچ شتێک نییە ئەمریکا نەتوانێت بیکات - کاتێک پێکەوە ئەنجامی دەدەین، تەنها دەبێت ئەوەمان لەبیربێت کە ئێمە ویلایەتە یەکگرتووەکانی ئەمریکاین. نامەی کشانەوەی بایدن:

هاوڵاتی جۆ بایدن، سوپاس و پێزانینی قووڵی خۆم بۆ هەموو ئەو کەسانە دەرببڕم کە زۆر ماندوو بوون بۆ ئەوەی دووبارە ببمەوە بەربژێر. ئەمڕۆ یەکشەممە، 21ی تەمووزی 2024، جۆ بایدن بەربژێری حیزبی دیموکراتییەکان کشانەوەی خۆی لە هەڵبژاردنی سەرۆکایەتیی ئەمریکا راگەیاند. جۆو بایدن سەرۆکی ئەمریکا لە نامەی کشانەوەیدا ئەوەی خستۆتەڕوو، گەورەترین شەرەفی ژیانم بووە کە وەک سەرۆکی ئێوە خزمەت بکەم، لەکاتێکدا مەبەستم بووە داوای خۆبەربژێرکردنەوە بکەم، بەڵام پێموایە لە بەرژەوەندی حیزبەکەم و وڵاتدایە کە من دەستبەردارم بمەوە و تەنها سەرنجم لەسەر جێبەجێکردنی ئەرکەکانم بۆ ئەو ماوەیەی لە سەرۆکایەتیدا ماومە. باس لەوەشدەکات، لە کۆتایی ئەم هەفتەیەدا بە وردی باسی بڕیارەکەم دەکەم. دەشڵێت، بۆ ئێستا با سوپاس و پێزانینی قووڵی خۆم بۆ هەموو ئەو کەسانە دەرببڕم کە زۆر ماندوو بوون بۆ ئەوەی دووبارە ببمەوە بەربژێر، دەمەوێت سوپاسی جێگری سەرۆک کامالا هاریس بکەم کە هاوبەشێکی نائاسایی بووە لە هەموو ئەم کارەدا.   ئەوەشی خستووەتەڕوو، پێزانینی دڵسۆزانە بۆ گەلی ئەمریکا دەردەبڕم بۆ ئەو باوەڕ و متمانەیەی کە ئێوە بە منتان داناوە، هیچ شتێک نییە ئەمریکا نەتوانێت بیکات - کاتێک پێکەوە ئەنجامی دەدەین، تەنها دەبێت ئەوەمان لەبیربێت کە ئێمە ویلایەتە یەکگرتووەکانی ئەمریکاین. نامەی کشانەوەی بایدن:

مەهران رەمەزان هاوڵاتی، سلێمانی زۆربەی حاڵەتەکانی خنکان لە رووسیا کە روویانداوە بەهۆی ئەوە بووە خەڵکی لە شوێنی نەگونجاو مەلەوانیان کردووە. ئەمڕۆ یەکشەممە، 21ی تەمووزی 2024، وەزارەتی رووداوە لە ناکاوەکانی رووسیا رایگەیاند، لە 24 کاتژمێری رابردوودا 40 کەس خنکاون و 2 لە خنکاوەکان منداڵن. دەشڵێت، یەکێک لە رووداوەکان لە بوراتیا، سێ کەسی سەرخۆش بە یەکەوە خنکاون. باسلەوەشدەکات، کە زۆربەی حاڵەتەکانی دیکە، خەڵکی لە شوێنی نەگونجاو مەلەوانیان کردووە. جێگەی ئاماژەیە، رۆژی 7ی ئەم مانگە، هەر وەزارەتی رووداوە لە ناکاوەکان ئامارێکی بڵاوکردەوە، کە لە 24 کاتژمێردا 49 کەس خنکاون، کە حەوتیان منداڵ بوون. ئەمەش لە کاتێکدایە، رۆژی 15ی تەممووزیش، ئەلیکساندەر کورنێکەڤی، وەزیری رووداوە لە ناکاوەکانی رووسیا رایگەیاند، لە سەرەتای هاوینی 2024ەوە تاوەکو ئێستا 215 منداڵ خنكاون. وەزارەتەکە لە 17ی ئەم مانگە ئامارێکی 24 کاتژمێرەی بڵاویکردووەتەوە، کە تێیدا هاتووە، لە چەند ناوچەیەکی جیای رووسیا 27 کەس خنکاون و 16 کەسیش رزگارکراون. هەر بەگوێرەی راگەیاندراوەکەی وەزارەتی رووداوە لە ناکاوەکانی رووسیا، لە ساڵی رابردوو 3 هەزار و 810 لە سەرتاسەری رووسیا بەهۆی مەلەکردنەوە خنکاون.

هاوڵاتی یەرەکە ناسنامەی سێ شەهیدی راگەیاند، کە لە ئەنجامی هێرشی دەوڵەتی تورکیا لە 14ی تەمووزدا لە پێنجوێن شەهیدبوون. ئەمڕۆ یەکشەممە، 21ی تەمووزی 2024، فەرماندەی یەکینەکانی رزگاریی کوردستان-یەرەکە، لە راگەیاندراوێکدا ناسنامەی سێ شەهیدی بڵاوکردەوە کە بەهۆى بۆردوومانی دەوڵەتی تورکیا لە پنجوێن شەهید بوون دەشڵێت، بەڵێن دەدەین، کە تادوایی لەسەر رێبازی ئەو شەهیدانە هەنگاو بنێین و بە دڵنیاییەوە خەونەکانیان دەهێنینەدی. لە راگەیاندراوەکەدا ئەوە خروەتەڕوو، وەک دەزانرێت لە رۆژهەڵاتی ناوەڕاستدا قۆناغێکی شەڕی جیهانی سێهەم لەئارادایە، لەم قۆناغەدا وەک گەلی کورد بە پرۆسەیەکی مێژوویدا تێپەڕدەبین، گەلە خۆڕاگرەکەمان لە هەر چوار پارچەی کوردستان و دەرەوەی وڵات بەشێوەی بێهاوتا تێدەکۆشێت. دەشڵێت، لەم کاتەدا گەلەکەمان لە هەموو کات زیاتر لە سەرکەوتنەوە نزیک بووەتەوە. یەرەکە باس لەوەشدەکات، لەم دواییەدا بەردەوام سوڕانەوەی فڕۆکەی سیخوریی بەسەر گۆڕەپانی پێنجوێن هەبووە، لە 14ی تەمووزدا فڕۆکەی جەنگی لە کاتژمێر 6 و 6:30دا سێ جار گۆرەپانەکانمانی بۆردوومان کرد. ئاماژە بەوەشدەکات، یەکینەیەکمان لەو کاتەی لەسەر ئەرکە شۆڕشگێڕییەکەیان بوون، بوونە ئامانجی ئەو بۆردوومانانە و لە ئەنجامدا سێ هەڤاڵمان شەهیدبوون. لە کۆتایی راگەیەندراوەکشدا هاتووە، سەرەخۆشی لەگەلی کوردستان بە تایبەتی بنەماڵەی شەهیدانی قارەمانمان دەکەین، لێرەدا جارێکی دیکە رایدەگەینین، لە پێناو سەرکەوتن لەسەر رێگەی ئەو شەهیدانە تا دوا دڵۆپی خوێنمان هەنگاو دەنێین و ئاواتەکانی ئەو هەڤاڵانەمان دەگەیەنینە سەرکەوتن. یەرەکە ناسنامەی ئەو شەهیدانەی بەم شێوەیە بڵاوکردۆتەوە، ناو و پاشناو: هیدایەت ڕەسوڵی ناسناو: جەنگاوەر میکایل کات و شوێنی بەشداربوون: 2020 مەریوان کات و شوێنی شەهیدبوون: 14ی تەمووزی 2024 پێنجوێن ناو و پاشناو: عومەر فرات ناسناو: ئاندۆک تۆڵهەڵدان کات و شوێنی بەشداربوون: 2020 فەرەنسا کات و شوێنی شەهیدبوون: 14ی تەمووزی 2024 پێنجوێن ناو و پاشناو: عیرفان زەندی ناسناو: ڕامان ڕێناس کات و شوێنی بەشداربوون: 2022 بانە کات و شوێنی شەهیدبوون: 14ی تەمووزی 2024 پێنجوێن

هاوڵاتی لە کۆبوونەوەی ئەمڕۆی پەرلەمانی عێراقدا، لیژنەی گواستنەوە و گەیاندن بەیاننامەیەکیان لەبارەی سزاکانی سەر فڕۆکەخانەی سلێمانی خوێندەوە و تیادا ئاماژە بەوەکرا، کە سزاکە سیاسییە. ئەمڕۆ یەکشەممە 21ی تەموزی 2024، پەرلەمانی عێراق کۆبووەوە و لە کۆبوونەوەکەدا لیژنەی گواستنەوە و گەیاندن بەیاننامەیەکی خوێندەوە کە تیادا هاتبوو، "رۆژی 2ی تەموز، لیژنەی گواستنەوەو گەیاندن لە ئەنجومەنی نوێنەرانی عێراق بەئامادەبوونی زۆرینەی ئەندامانی سەردانی مەیدانی فرۆکەخانەی نێودەوڵەتی سلێمانی کرد, ئامانج لەسەردانەکە لەنزیکەوە ئاگاداربوون بوو لەو سزایانەی ساڵ و نێوێکە لەلایەن دەوڵەتی تورکیای دراوسێیەوە بەسەریدا سەپێنراوە، جگە لەراگرتنی گەشتەکان لەتورکیاوە بۆ سلێمانی بەڵکو هەموو ئەو گەشتانەی بەسەر ئاسمانی تورکیا تێئەپەرن بۆ فرۆکەخانەی سلێمانی راگیراون، بەمەش زۆربەی گەشت و جوڵەکانی فرۆکەخانەکە وەستاون و زیانێکی گەورەی لە فروکەخانەکە داوەو بارگرانی زۆریشی بۆ هاوڵاتیان و ئابووری سلێمانی دروستکردووە". ئاماژە بەوەکرا، "لیژنەکەمان لەو سەردانە مەیدانیەو ئەو بەدواداچوونانەی لەسەرەتای کێشەکەوە کردوویەتی، بۆی دەرکەوتوە فرۆکەخانەی نێودەوڵەتی سلێمانی کە خاوەنی موڵەتی ژمارە دووە لە دەستەڵاتی فرۆکەوانی مەدەنی دوای فرۆکەخانەی نێودەوڵەتی بەغدا هیچ کێشەیەکی ئیداری و هونەری و ئەمنی و خزمەتگوزاری نیە و بەمانجگرتنی فرۆکەخانەکە سزای سیاسییە".  لیژنەکە لە بەیاننامەکەدا داوایکرد، ئەنجومەنی نوێنەران لیژنەکەیان و لیژنە پەیوەندارەکانی تری وەک ئاسایش و بەرگری و لیژنەی پەیوەندییەکانی دەرەوە هەنگاوی جددی کردەیی بنێن و حکومەتیش لەرێگەی دیپلۆماتیەوە هەوڵی جددی بدات بۆ کۆتایی هێنان بەسزاکانی سەر فرۆکەخانەی نێودەوڵەتی سلێمانی وەک یەکێک لە فرۆکەخانە مەدەنیەکانی عێراق. بڕیار وابوو 22.12.2023 قەدەغەی ئاسمانی سلێمانی بۆ گەشتی فرۆکەی هێڵی ئاسمانی و ئەو فڕۆکانەی ئاسمانی تورکیا بۆ سلێمانی بەکاردەهێنن هەڵبگیرێت، بەڵام پێچەوانەکەی روویدا و تا 22.6.2024 قەدەغەکە لەلایەن تورکیاوە درێژکرایەوە بۆ جاری دووەم تا 7.12.2024 قەدەغە درێژکرایەوە. 

هاوڵاتی بۆ جاری دووەم کۆریای باشوور ئاشکرایکرد، کۆریای باکوور باڵۆنی دیکەی پڕ لە زبڵ و خاشاک رەوانەی وڵاتەکەی دەکات و هۆشداریش دەدات بە هاوڵاتییان. ئەمڕۆ یەکشەممە 21ی تەموزی 2024، سەرۆک ئەرکانی هاوبەشی کۆریای باشوور رایگەیاند، "پێدەچێت باڵۆنەکان لەنزیک باکووری سیئۆلی پایتەختی کۆریای باشوورەوە هەڵدرابن و داواش لە هاوڵاتییان دەکەن دەستکاری زبڵ و خاشاکەکە نەکەن و لایەنی پەیوەندیدار ئاگادار بکەنەوە". سەرۆک ئەرکانی هاوبەشی کۆریای باشوور لە بەیاننامەیەکدا دەڵێت، “کردەوەکانی سوپای کۆریای باکوور بۆ زیادکردنی گرژی دەتوانێت ببێتە هۆی لێکەوتەی گرنگ بۆی و بەرپرسیارێتی ئەم دۆخە بە تەواوی لە ئەستۆی حکومەتی کۆریای باکووردایە". هەروەها سەرۆک ئەرکانی کۆریای باشوور ئاماژەی بەوەداوە، "سوپای کۆریای باشوور وەڵامی کۆریای باکوور دەداتەوە بە فراوانکردنی پەخشی بڵندگۆ لە هەموو بەشە سەرەکییەکانی سنووری کۆریای باکوور کە درێژییەکەی 247 کیلۆمەترە". ئەم شەڕەی کۆریای باشوور و کۆریای باکوور ئەنجامی دەدەن شەڕێکی دەروونییە هەردوولا هەڕەشەی هەنگاوی بەهێزتر دەکەن.

هاوڵاتی بەڕێوەبەرایەتیی پۆلیسی سلێمانی بڵاویکردەوە کە مەفرەزەكانی بنكه‌ی پۆلیسی عه‌ربه‌ت تۆمەتبارێكیان دەستگیركرد كه‌ ته‌قه‌ی له‌ هاوڵاتییه‌ك كردبوو. ئەمڕۆ یەکشەممە 21ی تەموزی 2024، بەڕێوەبەرایەتیی پۆلیسی سلێمانی رایگەیاند، "دوای ئەوەی هاوڵاتییەك سكاڵای تۆماركرد كە ته‌قه‌ی لێكراوه‌، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا لەلایەن مەفرەزەكانی بنكه‌ی پۆلیسی عه‌ربه‌تەوە تۆمەتبار بدۆزرێتەوەو دەستگیربكرێت‌". ئەوەشخراوەتەڕوو، "له‌كاتی ده‌ستگیركردنی تۆمه‌تباردا ده‌ستگیرا به‌سه‌ر ئه‌و چه‌كه‌دا كه‌ تۆمه‌تبار ته‌قه‌ی پێكردبوو، لەئێستادا تۆمەتبار (هـ، م، أ) لەدایكبووی 1989 بەبڕیاری دادوەر و بەپێی مادەی 405/31 لە یاسای سزادانی عێراقی راگیراوە و لێكۆڵینه‌وه‌كان به‌رده‌وامه‌".

هاوڵاتی ئەمڕۆ یەکشەممە 21ی تەموزی 2024، وەزارەتی بازرگانی و پیشەسازی حکومەتی هەرێمی کوردستان رایگەیاند، "پرۆسەی وەرگرتنی گەنم لە جوتیارانی هەرێمی کوردستان کۆتایی هات". ئاماژە بەوەکراوە، تونراوە بڕی (685،974.940) هەزار تۆن وەربگیرێت بەم شێوەیە: - بڕی (277,495.420) هەزار تۆن سلێمانی و هەڵەبجە. - بڕی (222,159.760) هەزار تۆن هەولێر. - بڕی (186,355.760) هەزار تۆن دهۆک. بەپێی ئەو رێژەیە بێت کە وەزارەتی بازرگانی و پیشەسازی حکومەتی هەرێمی کوردستان بڵاویکردووەتەوە لە سلێمانی و هەڵەبجە زۆرترین رێژەی گەنم لە جوتیاران وەرگیراوە.

هاوڵاتی وەزارەتی گواستنەوە و گەیاندنی حکومەتی هەرێمی کوردستان رەوشی کەشوهەوای 48 کاتژمێری داهاتووی بڵاوکردەوە و بەپێی پێشبینییەکان بێت، پلەی گەرما زیاتر بەرزدەبێتەوە. ئەمڕۆ یەکشەممە 21ی تەموزی 2024، وەزارەتی گواستنەوە و گەیاندنی حکومەتی هەرێمی کوردستان رایگەیاند، "ئەمڕۆ ئاسمان ساماڵ دەبێت و پلەی گەرما نزم دەبێتەوە بەراورد بە تۆمارکراوەکانى دوێنێ". ئاماژە بەوەشکراوە، "سبەینێ دووشەممە 22ی تەموزی 2024، ئاسمان ساماڵ دەبێت و پلەی گەرما ەرز دەبێتەوە بە ( 2-3) پلەى سیلیزى بەراوورد بە تۆمارکراوەکانى ئەمڕۆ". بەرزترین پلەکانی گەرمای پێشبینیکراو بە پلەی سیلیزی: هەولێر : 42   سلێمانی : 41  دهۆک : 42   کەرکوک : 46 هەڵەبجە : 43  زاخۆ : 42   سۆران : 41 حاجی ئۆمەران : 03 گەرمیان : 46