.jpg)
هاوڵاتى ئەمڕۆ چوارشهممه 30ی حوزهیرانی 2021، نرخی بەرمیلێک نەوتی خاوی برێنت لە بازاڕەکانی جیهاندا بە 74 دۆلار و 65 سەنتە. هاوکات لە بۆرسە بازارە جیهانییەکان، نرخی بەرمیلێک نەوتی خاوی ئەمریکیش بە 73 دۆلار و 48 سەنت مامەڵەی پێوە دەکرێت. پێشتر نرخی نەوت بۆ سەروو 70 دۆلار بەرزبووەوە، دوای ئەوەی لە ساڵی رابردووەوە بەهۆی بڵاوبوونەوەی ڤایرۆسی کۆرۆنا و لەکارکەوتنی کارگە گەورەکانی جیهان و راگرتنی جموجوڵی ئامێر و ئۆتۆمبێلەکان، نرخی نەوت بۆ نزمترین ئاستی لە مێژوویدا دابەزی بوو.
هاوڵاتى سهرۆکى ههرێمى کوردستان لهگهڵ باڵوێزى ئوستورالیا کۆدهبێتهوهو تێیدا گفتوگۆ لهبارهى خواستى هەرێمى کوردستانى بۆ بردەودانى پەیوەندییەکانى لە هەمو بوارەکاندا لەگەڵ ئوسترالیا دەربڕى. بەگوێرەی راگەیەنراوی سەرۆکایەتی هەرێم، ئەمڕۆ سێشەممە نێچیرڤان بارزانى، سەرۆکى هەرێمى کوردستان پێشوازى لە پۆڵا گانلى، باڵیۆزى ئوسترالیا لە عیراق کرد کە دواى دەستبەکاربونى یەکەمجارە سەردانى هەرێمى کوردستان دەکات بۆ ئەوەى لە نزیکەوە دۆخى هەرێمى کوردستان و دید و بۆچونى سەرکردایەتیى هەرێم لەبارەى پرسەکانەوە بزانێت. لە کۆبونەوەیەکدا نێچیرڤان بارزانى پیرۆزباییى دەستبەکاربونى لەباڵیۆزی نوێی ئوستوڕاڵیا لەعێراق کرد و هیواى سەرکەوتنى بۆ خواست، هەروەها خواستى هەرێمى کوردستانى بۆ بردەودانى پەیوەندییەکانى لە هەمو بوارەکاندا لەگەڵ ئوسترالیا دەربڕى و سوپاسى پشتگیرى و هاریکاریى وڵاتەکەى بۆ عیراق و هەرێمى کوردستان لە شەڕى دژى تیرۆردا کرد. لاى خۆیەوە گانلى جەختى لەوە کردەوە کە وڵاتەکەى بە بایەخەوە لە دۆخى عیراق و هەرێمى کوردستان دەڕوانێت و خوازیارى پەرەپێدانى پەیوەندییەکان و فراوانکردنى بوارەکانى هاریکاریى نێوانیانە، هەروەها باسى لە ڕۆڵى پێشمەرگەى لە تێکشاندنى داعشدا کرد و پێزانینى وڵاتەکەى بۆ حەواندنەوەى ئاوارە و پەنابەران لە هەرێمى کوردستان بەتایبەتى ئاوارەى مەسیحى و ئێزدی دوپات کردەوە. هەروەها، لە کۆبونەوەکەدا شەڕى تیرۆر و هۆکار و مەترسییەکانى سەرهەڵدانەوەى داعش، پەتاى ڤایرۆسى کۆرۆنا و هەڵمەتى کوتان بە ڤاکسینى دژى پەتاکە، هەڵبژاردنەکانى داهاتوى عیراق، پەیوەندییەکانى هەولێر ـ بەغدا، دۆخى ناوچەکە بەگشتى و چەند پرسێکى دیکەى جێى بایەخى هاوبەش، تاوتوێ کران.
هاوڵاتى پهرلهمانى عێراق 43ى واژۆى کۆکردووهتهوه بۆ میوانداریکردنى مستهفا کازمى لهبارهى سهروهریى وڵاتهوه. ئهمڕۆ سێشهممه 29ى حوزهیرانى 2021، ڕێزان شێخ دلێر، ئهندامى فراکسیۆنى یهکێتى لهپهرلهمانى عێراق واژۆى پهرلهمانتارانى کۆکرددووهتهوه بۆ میوانداریکردنى مستهفا کازمی، سهرۆک وهزیرانى عێراق، لهبارهى چهند پرسێکهوه. یهکێک لهو پرسانه میوانداریى کردنى سهرۆک وهزیرانى عێراقه لهبارهى پێشێلکردنى سهروهریى عێراق لهلایهن وڵاتانهوه بهتایبهت پرسى بۆردومانهکانى تورکیا بۆ سهرخاکى عێراق. له نووسراوى داواکاریى میوانداریکردنهکهدا، لهبارهى هۆکارى ئهو داوایهوه، ئاماژه بهوه کراوه، “بۆ زانینى ئهو ڕێکارانهى کازمى وهک فهرماندهى گشتیى هێزه چهکدارهکان، گرتوونیهتییهبهر لهبارهى ئهو پێشێلکارییانهى دهکرێنه سهر سهروهریى عێراق و بهردهوامیش دووباره دهبنهوه.
.jpg)
هاوڵاتى قوباد تاڵهبانى رایگهیاند، بهرنامهى حکومهتى ههرێمى کوردستان ئهوهیه کشتوکاڵ ببێته سهرچاوهیهکى گرنگى داهات و ئابووری. ئهمڕۆ سێشهممه 29ى حوزهیرانى 2021، قوباد تاڵهبانی، جێگرى سهرۆکى حکومهتى ههرێمى کوردستان لهگهڵ پاولا کانلی، باڵیۆزى ئوسترالیا له عێراق کۆبووهوه و تێیدا ژمارهیهک پرسى جێگهى بایهخى ههردوولایا گفتوگۆى لهسهرکرا. بهپێى راگهیێندراوى حکومهتى ههرێمى کوردستان، له کۆبوونهوهکهدا ههردوولا لهبارهى دۆخى ئهمنیى عێراق و مهترسیى سهرههڵدانهوهى داعش گفتوگۆیان کرد، پێکهوه هاوڕابوون له پێویستیى ههماههنگیى زیاترى نێوان ههرێمى کوردستان و حکومهتى فیدراڵ و هاوپهیمانیى نێودهوڵهتیى دژى داعش "بۆ بهرهنگاربوونهوهى مهترسییهکانى ئهم رێکخراوه و دیاردهى تیرۆر بهگشتی". ههروهها سهبارهت به پرسى ههڵبژاردنه چاوهڕوانکراوهکهى عێراقیش، جێگرى سهرۆکوهزیرانى ههرێمى کوردستان و شاندهکهى ئوسترالیا جهختیان کردهوه لهسهر بهڕێوهچوونى ههڵبژاردن له وادهى دیاریکراوى خۆیدا، که 10ى تشرینى یهکهمى داهاتووه:"به شێوهیهکى ئازاد و بێگهرد، بۆئهوهى ببێته بنهمایهکى بههێز بۆ پێکهێنانى حکومهتى داهاتوو له عێراق". هاوکات باسى چاکسازى و ههوڵهکانى بنهبڕکردنى گهندهڵى له ههرێمى کوردستان کرا، لهم میانهیهشدا قوباد تاڵهبانى داوایکرد ئوسترالیا زیاتر هاوکار بێت له پهرهپێدانى کشتوکاڵ و بهڕێوهبردنى سهرچاوهکانى ئاو له کوردستان، هاوکات روونیکردهوه "بهرنامهى حکومهتى ههرێم ئهوهیه کشتوکاڵ ببێته سهرچاوهیهکى گرنگى داهات و ئابوورى ههرێمى کوردستان".
هاوڵاتى وهزارهتى تهندروستى حکومهتى ههرێمى کوردستان رایگهیاند، لهماوهى 24 کاتژمێرى رابردوودا حهوت ههزارو 885 پشکنینى نوێ کراون و لهو ژمارهیه 652 کهسى دیکه تووشى کۆرۆنا بوون و 572 دیکه چاکبونهتهوهو شهش کهسی دیکهش گیانیان لهدهستداوه. دهقى راگهیهندراوى وهزارهتى تهندروستى حکومهتى ههرێم:
هاوڵاتى کۆمسیۆنی باڵای هەڵبژاردنەکانی عێراق بڕی پارەی پاداشتی کارمەندانی سەر سندوقی دیاریکرد، بڕى 250 هەزار دینار دەدرێتە دەرچووانی زانکۆ و پەیمانگاکان. کۆمسیۆنی باڵای هەڵبژاردنەکانی عێراق لە راگەیەندراوێکدا بڵاویکردووەتەوە، بڕى 150 هەزار دینار و نوسراوێکى سوپاسنامەى مستەفا کازمى، سەرۆک وەزیرانى عیراق دەدرێتە کارمەندانى سەر سندوقەکانى دەنگدان بۆ ئەوانەی کە فەرمانبەری حکومەتن، هەروەها بڕى 250 هەزار دینار دەدرێتە ئەو دەرچووانەى زانکۆ و پەیمانگەکان کە دانەمەزراون بڕیارە رۆژی 10-10-2021، هەڵبژاردنی پێشوەختەی ئەنجوومەنی نوێنەرانی عێراق ئەنجامبدرێت.
.jpg)
هاوڵاتى سەرۆکی هەرێمی کوردستان ئەمڕۆ بە سەرۆکایەتی وەفدێک سەردانی حزبی شوعی کردو پاشان سەردانی زەحمەتکێشانی کرد و لەگەڵ بەرپرسانی هەردو حزب کۆبوەوە، ئەوەش لە چوارچێوەی سەردانەکانیدا بۆ لای لایەنەکانی هەرێمی کوردستان. نێچیرڤان بارزانی، سەرۆکی هەرێمی کوردستان پێشنیوەڕۆی ئەمڕۆ سێشەممە سەردانی بارەگای مەکتەبی سیاسی پارتی کرێکاران و ڕەنجدەرانی کوردستانی کرد و لەلایەن باپیر کامەلا، سکرتێری گشتی پارتی کرێکاران و ڕەنجدەرانی کوردستان و ئەندامانی مەکتەبی سیاسی و ئەنجومەنی سەرکردایەتی ئەو حزبە پێشوازی لێکرا، پاشان سەردانی حزبی زەحمەتکێشانی کرد. نێچیرڤان بارزانی سەرۆکایەتی شاندێکی دەرکرد، کە هەریەکە لە مستەفا سید قادر، جێگری سەرۆكی ھەرێم و جەعفەر ئیمنكی، سەرۆكی ڕاوێژكارانی سەرۆكایەتی ھەرێم و دڵشاد شەھاب، ڕاوێژكار لە سەرۆكایەتی ھەرێم ئەندامی بون. بەپێی راگەیەندراوێکی پارتی کرێکاران و ڕەنجدەرانی کوردستان، لە میانی دیدارەكەدا باس لە دۆخی سیاسی ناوچەكە بە گشتی و عێراق بە تایبەتی و ھەوڵەكانی سەرۆكایەتی ھەرێم كرا لە مەڕ پرسی دەستور و تەبایی سیاسی و ئۆقرەیی لە ھەرێمی كوردستان. لەم بارەوە ھەوڵەكانی سەرۆكی ھەرێم كە بونەتە چەترێك بۆ كۆكردنەوەی ھەمو لایەنە سیاسیەكان بەرزنرخێندرا و داوا لە سەرۆكی ھەرێم و شاندی یاوەری كرا لە ھەوڵەكانیان بەردەوام بن بۆ دروستكردنی كۆدەنگی ھەمولایەك لە مەڕ پرسی دەستور و ھێنانە ئارای تەبایی و ئۆقرەیی لە ھەرێمی كوردستان.
.jpg)
هاوڵاتى سهرۆكی دیوانی ئهنجومهنی وهزیرانی هەرێمی کوردستان رایگەیاند، لەسەرەتای ئەمساڵەوە تاوەکو 30ی نیسان داهاتی نانهوتی ههرێم یهك ترلیۆن و 136 ملیار و 254 ملیۆن دینار بوه، كه ناكاته مانگی 200 ملیۆن دۆلار، 300 ملیۆن دۆلاریش داهاتی نهوت بوه، به ههردوكی موچهی تهواوی دابین نهكردوه، دەشڵێت، "%88ی داهات بۆ موچه دهڕوات". ئومێد سهباح، سهرۆكی دیوانی ئهنجومهنی وهزیران لەمیانی کۆبونەوەی پەرلەماندا رایگەیاند، "له فرۆشتن و ههناردهی نهوتی ههرێم چاكسازی زۆر كراوه و سهرۆكی حكومهت یهك ساڵه خۆی سهرپهرشتی پڕۆسهی ههناردهی نهوت دهكات و كۆمپانیاكهی پێشو نهماوه، تیمێكی خۆماڵی حكومی سهرپهرشتی فرۆشتنی نهوت دهكهن". ئاماژەی بەوەشکرد، پارەی نەوت جاران دهچوه بانكێكی ئههلی و ئێستا دهچێته بانكێكی گهوره و حسابهكه حكومییه و به ناوی حكومهتی ههرێمهوهیه، "پێنج گرێبهستی كڕینی نهوت ههبون، سهرۆكی حكومهت خۆی سهرپهرشتی چاكسازی كردوه و گرێبهست لهگهڵ دوانیان چاكسازی تێدا كراوه". بەپێی وتەی ئومێد سهباح، "11%ی داهاتی نهوت بۆ گواستنهوهی نهوته له ههرێمی كوردستان دهڕوات و ئێستا گفتوگۆ بۆ ههمواری گرێبهستهكه دهكرێت، 6%ی داهاتهكه بۆ كرێی گواستنهوهیه لهناو خاكی توركیا، چوار مانگ شایستهی دارایی كۆمپانیاكان نهدرابو، 5%ی داهات بۆ قهرزهكان دهڕوات". لهبارهی رێژهی داهاتی نانهوتی و چۆنیهتی دابهشكردنی، ئومێد سهباح وتی، "خهرجییهكانی حكومهت تهنیا موچه نییه، حكومهت خهرجی دیكهش لهسهره، داهاتی ناوخۆش رونكراوهتهوه، كه 65%ی داهاتی نانهوتی داهاتی گومرگهكان بوه". لەبارەی قەبارەی داهات، ئومێد سەباح دەڵێت، "له 1ی 1ی 2021 تا 30ی 4ی 2021 داهاتی نانهوتی ههرێم یهك ترلیۆن و 136 ملیار و 254 ملیۆن دینار بوه، كه ناكاته مانگی 200 ملیۆن دۆلار، 300 ملیۆن دۆلاریش داهاتی نهوت بوه، به ههردوكی موچهی تهواوی دابین نهكردوه"
هاوڵاتى لە كۆبوونەوەی ئەمڕۆی ئەنجومەنی پارێزگای سلێمانیدا بڕیاری بە قەزاكردنی ناحیەكانی بازیان و حاجی ئاوا درا و سەرۆكی ئەنجومەنەكەش دەڵێت، بڕیارەكە سەرجەم رێكارە كارگێڕی و یاساییەكانی بڕیووە. ئازاد حەمەئەمین سەرۆكی ئەنجومەنی پارێزگای سلێمانی لە كۆنگرەیەكی رۆژنامەوانیدا رایگەیاند: لە كۆبوونەوەی ژمارە 63ی ئەمڕۆی ئەنجومەنی پارێزگای سلێمانیدا بڕیار لەسەر بە قەزاكردنی ناحیەكانی بازیان و حاجی ئاوا درا و بڕیارەكەش سەرجەم رێكارە كارگێڕی و یاساییەكانی بڕیووە و پیرۆزبایی لە دانیشتوانی ئەو دوو قەزایە دەكەین. سەرۆكی ئەنجومەنی پارێزگای سلێمانی راشیگەیاند: بەكۆی دەنگی ئەندامانی ئەنجومەن پشتگیری خۆمان بۆ بە قەزاكردنی ئەو دوو ناحیەیە دەربڕی و لەوبارەیەشەوە پێشنیازمان بۆ وەزارەتی ناوخۆ كردووە. ئازاد حەمەئەمین وتیشی: ئومێد دەكەین وەزارەتی ناوخۆ و ئەنجومەنی وەزیران و سەرۆكایەتی هەرێم بە قەزابوونی ئەو دوو ناحیەیە پەسەند بكەن بۆ ئەوەی بتوانن هەلی كار فەراهەم بكەن و لە رووی ئابوری و پیشەسازی و كشتوكاڵییەوە گەشە بكەن. سەرۆكی ئەنجومەنی پارێزگای سلێمانی وتیشی: ئومێدەوارین حكومەتی هەرێم گرنگی بە سیستمی لامەركەزی دارایی و ئابوری بدات و پێشتریش دوو جار داوامان كردووە چونكە، جێبەجێكردنی سیستمی لامەركەزی لەمكاتەدا پێویستە، بەشێوەی دابەشكردن دەسەڵاتی كارگێڕی و دارایی بگەڕێنرێتەوە بۆ ئیدارە سەربەخۆكان.
.jpg)
هاوڵاتى مستهفا كازمی سهرۆك وهزیرانی عێراق، نامهی دهستلهكاركێشانهوهی ماجد مههدی حهنتوشی له پۆستی وهزیری كارهبا پهسهندكرد. مستهفا كازمی نامهی دهستلهكاركێشانهوهی ماجد مههدی حهنتوشیی پهسهندكردوه، كه بههۆی خراپی رهوشی كارهبا و ناڕهزایهتیهكانی هاوڵاتیانهوه نامهی دهستلهكاركێشانهوهی پێشكهش كردبو. لهچهند رۆژی رابردودا، بههۆی ئهنجامدانی خۆپیشاندان و ناڕهزایهتی دهربڕین لهژمارهیهك پارێزگای عێراق بههۆی خراپی دابینكردنی خزمهتگوزاری كارهبا، ماجد مههدی حهنتوش نامهی دهستلهكاركێشانهوهی پێشكهش به مستهفا كازمی كرد و داوایكرد، ئهو ئهركهی لێوهربگیرێتهوه. ماجد مههدی حهنتوش عهلی له ساڵی 1961 له بهغدا لهدایكبوه و پێشتریش ژمالرهیهك پۆستی باڵای لهوهزارهتی كارهبای عێراق وهرگرتوه، لهكابینهی نوێی حكومهتی عێراقیشدا، وهك كهسایهتیهكی سهربهخۆ بۆ وهرگرتنی پۆستی وهزیری كارهبا كاندید كرا.
هاوڵاتى سکرتێری ئەنجومەنی وەزیرانی هەرێمی کوردستان رایگەیاند، كۆی قەرزەكانی هەرێمی كوردستان لە مانگی 3ی ساڵی رابردوودا 28 ملیار و 476 ملیۆن و 675 هەزار دۆلار بووە، بەڵام لەئێستادا كۆی قەرزەكان گەیشتوەتە 31 ملیار دۆلار. ئامانج رەحیم لە کۆبوونەوەی پەرلەمانی کوردستاندا وەڵامی پرسیاری پەرلەمانتارانی دایەوە و رایگەیاند، مانگی ئازاری ساڵی 2020د کۆی قەرزەکانی سەر هەرێمی کوردستان 28 ملیار و 476 ملیۆن و 675 هەزار دۆلار بووە. ئاماژەی بەوەشکرد، بەڵام لە مانگی 3ی 2021دا قەرزەکانی هەرێمی کوردستان گەیشتووەتە 31 ملیار و 637 ملیۆن دۆلار. دووشهممه پەرلەمانی کوردستان بەئامادەبوونی ئاوات شێخ جەناب وەزیری دارایی، کەمال ئەتروشی وەزیری سامانە سروشتییەکان، دارا رەشید وەزیری پلاندانان، خالید شوانی وەزیری هەرێم بۆ کاروباری بەغدا و ڤالا فەرید وەزیری هەرێم بۆ کاروباری پەرلەمان کۆبووەوە. لەکۆبونەوەکەدا کە ئومێد سەباح سەرۆکی دیوانی ئەنجومەنی وەزیران و ئامانج رەحیم سکرتێری ئەنجومەنی وەزیران ئامادە بوون، گفتوگۆ لەسەر پرسی موچەی فەرمانبەران، بارودۆخی دارایی و کورتهێنانی بودجە بۆ دابینکردنی موچەی فەرمانبەران کرا.
.jpg)
هاوڵاتى وەزیری دارایی هەرێمی کوردستان لەکۆبوونەوەی شەوی رابردووی پەرلەماندا رایگەیاند، داهاتی حکومەتی هەرێمی کوردستان بۆ مانگی ئایار 795 ملیار دینار بووە (داهاتی نەوت 494 ملیار دینار، داهاتی ناوخۆ 301 ملیار دینار)، كۆی خەرجییەکانی حکومەتی هەرێمی کوردستانیش لەمانگێکدا 812 ملیار دینارە، دەشڵێت، "حكومهتی ئێستای ههرێم بهرپرس نییه لەژمارەی موچەخۆران و گرێبهستهكان". ئاوات شێخ جەناب لەبارەی داهاتی ناوخۆ بەگوێرەی پارێزگاکانیش ئەوەی خستەڕو، "داهات لەسەر ئاستی پارێزگاكان بەمشیوەیەیە پارێزگای هەولێر و دهۆك : 123 ملیار دینار و داهاتی ناوخۆی پارێزگای سلێمانییش 94 ملیار دینار بووە". لەبارەی ژمارەی موچەخۆرانیش وەزیری دارایی وتی، "ئهم سیستمه سیاسیهی ههرێم به حكومهت و پهرلهمان دهبێت ههمومان ههوڵی پاراستنی بدهین، ئهم حكومهتهی ئێمه له ساڵی 1992 نزیكهی 140.000 موچهخۆری ههبوو، 84 ملیۆن دینار پارهی موچه بووه، بهڵام ئێستا ژمارهی فهرمانبهران گهیشتوهته ملیۆنێك و 250 ههزار موچهخۆر". باسی لەوەشکردووە، "42%ی داهاتی نهوتمان بۆ رهوانه دهكرێت، 58%ی داهاتهكه بۆ كۆمپانیاكان دهڕوات، ئهم گرێبهستهش نه ئێمه وهك وهزیرهكان و نه ئهم كابینهی حكومهتی ههرێم كردوویانه، پابهندیهكانی حكومهت له ساڵی 1992 بۆ ئێمه گواستراوهتهوه، بهڵام ئێمه بهرپرس نین". ئاوات شێخ جهناب ئەوەشی خستەڕو، "ئهم موچه زل و زهبهلاحهی بوه بهملی كابینهی نۆیهمهوه، ئێمه لهكابینهی ههشتهم وهرمان گرتوه و لهگهڵ خۆمان نهمانهێناوه، ئێمه هاتوین بهشێك بین لهچارهسهر نهك بهشێك بین لهزیادكردنی كێشهكان". وەزیری دارایی هەرێمی کوردستان داواشیکرد، "لهجیاتی موزایهدهكردن واباشتره كهشێكی سیاسی باش دروستبكهین، بۆئهوهی ههنگاوهكانی چاكسازی بهرهو پێش ببهین، لهههمو شتێك كه بۆ چاكسازی دهچین، دهولهی عهمیقه ههیه، ئێمه ههمومان لهكهشتیهكه بهیهكهوهین، ئهگهر كورد و كوردستانمان خۆش بوێت، واباشتره لهسهر زانیاری ورد قسه بكهین".
هاوڵاتى وەزیری سامانە سروشتییەكان رایگەیاند، 94%ی کۆی بەرهەمهێنانی نەوت لەهەردوو پارێزگای هەولێر و دهۆکە و ئاستی بەرهەمهێنانی نەوت رۆژانە 450 هەزار بەرمیل نەوتە، دەشڵێت، "58%ی داهاتی نەوت دەدرێتە كۆمپانیاكانی نەوت". كەمال ئەتروشی وەزیری سامانە سروشتییەكانی هەرێم لەکۆبوونەوەی ئەمشەوی پەرلەماندا رایگەیاند، ئاستی بەرهەمهێنانی نەوت لەپارێزگاکانی هەرێم بەم شێوەیە دابەشبووە؛ پارێزگای دهۆك: 54%، پارێزگای هەولێر: 40% و پارێزگای سلێمانی: 6%ی کۆی بەرهەمهێنانی نەوت پێکدەهێنێت. ئاماژەی بەوەشکرد، 58%ی داهاتی نەوت دەدرێتە كۆمپانیاكانی نەوت و خەرجی و 42%ی وەک داهات بۆ حکومەتی هەرێمی کوردستان دەگەڕێتەوە، لەئێستاشدا ئاستی رۆژانەی بەرهەمهێنانی نەوت (450 هەزار) بەرمیلە. لەبارەی بەرنامەی وەزارەتی سامانە سروشتییەکانیش بۆ رێکخستنەوەی کەرتی نەوت و غاز، کەمال ئەتروشی وتی، "ماوەی زیاتر لە پێنج مانگە وەزارەتی سامانە سروشتییەکانم وەرگرتووە، کاتێک ئەم وەزارەتەم وەرگرتوە موئەسەساتی تیادا نەبووە، ئینجا گرنگترین شت وەزارەت کارناکات ئەگەر موئەسەساتی تایبەتمەند نەبێت بەتایبەتی لە بواری نەوت و غاز چونکە موعەقەتە و سیلسیلەیەکی دورو درێژە لەبەرئەوە پێویستە موئەسەسات هەبێت لەناویدا". ئاماژەی بەوەشکرد، "دوای ئەوەی دەستبەکاربووم بۆ بە موئەسەساتکردنی ئەو وەزارەتە، من بەشداربووم لە کابینەی نۆیەم چونکە لە بنەرەتدا بروایەکم هەبوو کە کاربکەم لەگەڵ برادەرەکانم لەسەر بەرنامەی سەرۆک وەزیران بوو کە ئەو کابینەیە ئەساسەکەی چاکسازی و شەفافیەت و عەدالەتە و من لەبەرئەوە هاتم". وەزیری سامانە سروشتیەکان ئەوەشی خستەڕوو، "من پێویستم بەو کارە نەبووە و داهاتم دوسەد جار زیاتر بو لە معاشەکەی ئێستام و شوێنەکەشم مەوقعێکی زۆر گەورە بوو لە ئێستا،چونکە هاتم بۆ ئەوەی شتێک بکەم و ئەو چاکسازیە و شەفافیەت و عەدالەتە جێبەجێ بکەم، چونکە دەزانم وەزارەتی سامانە سروشتییەکان عەمودی فەقەری ئابوری کوردستانە".
هاوڵاتى هێزهكانی حكومهتی عێراق، درهنگانی شهوی رابردو، لهڕێگهی فڕۆكهی بێ فڕۆكهوانهوه، سێ مۆڵگه و حهشارگهی چهكدارانی داعشیان له باشوری كهركوك كرده ئامانج و سهرجهمیان تهقاندهوه. ئەمڕۆ سێشەممە 29ی حوزهیرانی 2021، لهراگهیهندراوێكدا شانهی راگهیاندنی سهربازی بڵاویكردهوه، هێزهكانی پۆلیسی فیدڕاڵی بهههماههنگی لهگهڵ بهشی ههواڵگری و تیمهكانی فڕۆكهی بێفڕۆكهوان، لهناوچهی (ئهبو ششهحمه" و ناوچهكانی سنوری ناحیهی رهشادی سهر به پارێزگای كهركوك، سێ مۆڵگه و حهشارگهی چهكدارانی داعشیان كرده ئامانج. راشیگهیاند، ئهو سێ مۆڵگهیهی تهقێندراونهتهوه، بابهتی خۆراكی و كۆمهڵێكی زۆر كهلوپهل و جلوبهرگی چهكدارانی داعشیان تێدابوه و دهستیش بهسهر 2 (دو) ماتۆڕسكیل گیراوه، سهرجهم مادده و كهلوپهلهكانیش لهلایهن تیمێكی ئهندازیاریهوه لهناوبراون. ئهوهش لهكاتێكدایه، جموجۆڵی چهكدارانی داعش له پارێزگاكانی ناوهڕاست و خواروی عێراق روی لهزیادبون كردوه، هێزه ئهمنیهكانیش ژمارهیهك ئۆپراسیۆنی فراوانیان له چهند ناوچهیهك بهمهبهستی بنبڕكردنی شانه نوستوهكانی داعش دهستپێكردوه.
هاوڵاتى ئەمڕۆ سێشەممە ئەنجوومەنی پارێزگای سلێمانی کۆدەبێتەوە و دەنگ لەسەر بە قەزاکردنی دوو ناحیە و گۆڕینی ناوی گوندێک لە ناحیەی پیرەمەگرون دەدات. ئەمڕۆ سێشەممە ئەنجوومەنی پارێزگای سلێمانی کۆدەبێتەوە و دەنگ لەسەر بە قەزاکردنی ناحیەی (بازیان) سەر بە قائیمقامیەتی سلێمانی و هەروەها دەنگ لەسەر بە قەزاکردنی ناحیەی (حاجی ئاوای) سەر بە قەزای رانیە دەدات.
