وەزارەتی ناوخۆی حکوومەتی هەرێمی کوردستان خزمەتگوزارییەکی نوێی دیجیتاڵی بۆ شوفێران راگەیاند و ئاشکرای کرد، لەمەودوا شوفێران دەتوانن لە رێگەی مۆبایلەکانیانەوە مۆڵەتی شوفێری پیشانی پۆلیسی هاتوچۆ بدەن. ئەمڕۆ چوارشەممە، 18ـی شوباتی 2026، وەزارەتی ناوخۆ لە راگەیەنراوێکدا ئەوەی خستە روو، لە چوارچێوەی هەوڵەکانی حکوومەتی هەرێمی کوردستان بۆ بە ئەلیکترۆنییکردنی خزمەتگوزارییە گشتییەکان، تایبەتمەندییەکی نوێ بۆ ئەپڵیکەیشنی (KRDPass) زیادکرا کە تایبەتە بە مۆڵەتی شوفێری. بەگوێرەی راگەیەنراوەکە، ئەو هاووڵاتیانەی هەڵگری "مۆڵەتی نوێی شوفێری دیجیتاڵین"، دەتوانن لە ئێستاوە کۆپی ئەلیکترۆنی و وردەکاریی مۆڵەتەکەیان لە ناو مۆبایلەکانیان ببینن، هەروەها هەموو وردەکارییەکانی مۆڵەتی شوفێری و کۆپییەکی دیجیتاڵی کەوتووەتە بەردەست شوفێران. سەبارەت بەوەی ئەگەر شوفێرێک مۆڵەتی فیزیکی (پلاستیک)ی لەبیرچووبێت، راگەیەنراوەکە دڵنیایی دەداتە شوفێران و دەڵێت: "لەمەودوا ئەگەر مۆڵەتی نوێی شوفێریت لە لا نەبوو، لە کاتی بینینی مەفرەزەکانی پۆلیسی هاتوچۆ، دەتوانن کۆپی دیجیتاڵی مۆڵەتەکەتان لەسەر ئەپڵیکەیشنی ئاماژەبۆکراو پیشان بدەن و بێ کێشە تێپەڕ بن". ئەپڵیکەیشنی KRDPass وەک دەروازەی ئەلیکترۆنی هاووڵاتیانی کوردستان، لەسەر هەردوو سیستمی (Android) و (iOS) بەردەستە و بەشێکە لە پرۆسەی بەدیجیتاڵکردنی دامەزراوەکانی حکوومەت.
عەلی نزار شەتری، بەڕێوەبەری کۆمپانیای بەبازاڕکردنی نەوتی عێراق (سۆمۆ) رایگەیاند، لایەنە باڵاکانی حکومەتیان ئاگادارکردووەتەوە کە هەنگاوەکانیان بۆ درێژکردنەوەی گرێبەستی هەناردەکردنەوەی نەوتی هەرێمی کوردستان دەستپێبکەن، بۆ ئەو مەبەستەش ئێستا چاوەڕێی وەڵامین لە ئەنجوومەنی وەزیرانەوە عەلی نزار شەتری دەڵێت، ئەو رێککەوتنەی کراوە یەکێکە لە باشترینەکان و بەدڵنیاییەوە درێژ دەکرێتەوە. بەڕێوەبەری سۆمۆ ئاماژەی بەوەش کرد، رۆژانە نزیکەی 200 هەزار بەرمیل نەوتی هەرێمی کوردستان هەناردە دەکرێت و نەوتەکەش دەگاتە بازاڕەکانی ئەورووپا و ئەمریکا. رۆژى 25ی کانوونی یەکەمی 2025 هەر سێ لایەنی حکومەتی فیدراڵی، حکومەتی هەرێمی کوردستان و کۆمپانیاکانی نەوت بڕیاریان دا رێککەوتنەکەی نێوانیان تاوەکو کۆتایی مانگی سێی ئەم ساڵ درێژبکەنەوە. بەگوێرەى رێککەوتنى هەناردەکردنەوەى نەوتى هەرێمى کوردستان، بڕى 16 دۆلار بۆ تێچووى دەرهێنان و گواستنەوەى نەوت دیاریکراوە کە بدرێتە کۆمپانیاکانى نەوت، بەڵام لەبرى پارە نەوتیان بە نرخى رۆژ پێدەدرێ تاوەکو کۆمپانیایەکی راوێژکاری (وود مکێنزی) بابەتەکە یەکلایی دەکاتەوە، بڕیارە کۆمپانیای وود مکێنزی تاوەکو کۆتایی مانگی سێی ئەم ساڵ کارەکانی تەواو دەکات.
ئەمڕۆ چوارشەممە، 18ـی شوباتی 2026، سەرۆک بارزانی بە بۆنەی 73یەمین ساڵیادی دامەزراندنی یەکێتیی قوتابیان و لاوانی دیموکراتی کوردستان پەیامێکی پیرۆزبایی بڵاوکردەوە و تێیدا رۆڵی مێژوویی ئەو رێکخراوەی لە قۆناغە جیاجیاکانی خەباتی رزگاریخوازیی گەلی کوردستاندا بەرز نرخاند. سەرۆک بارزانی لە پەیامەکەیدا گەرمترین پیرۆزبایی ئاراستەی سکرتێر و ئەندامانی سکرتاریەت و سەرجەم قوتابیان و لاوانی کوردستان دەکات و هیوای سەرکەوتن و بەردەوامییان بۆ دەخوازێت. لە بەشێکی پەیامەکەیدا، سەرۆک بارزانی ئاماژەی بەوە داوە، یەکێتیی قوتابیان و لاوانی دیموکراتی کوردستان لە شۆڕشەکانی ئەیلوول و گوڵان و راپەڕین و قۆناغەکانی دیکەدا، بووەتە شوێنی پەروەردەکردنی خەباتگێڕان و نیشتیمانپەروەران و کادری بەتوانا. هەروەها جەختی لەوە کردووەتەوە، رۆڵی شایستەیان لە پاڵپشتیکردنی پێشمەرگە و خەباتی بزووتنەوەی رزگاریخوازیی کوردستاندا گێڕاوە و قوربانییان داوە. سەرۆک بارزانی رایگەیاندووە: "ئەرکی رێکخراوی قوتابیان و لاوانە لە هەموو بارودۆخ و قۆناغێکدا پابەندی بەها بەرزەکانی رێبازی کوردایەتی بن و لە رێی بڵاوکردنەوەی هۆشیاریی نیشتیمانی و بڕوابەخۆبوونی نەتەوەیی لەناو کۆمەڵگادا، خزمەتی ئامانجە باڵاکانی گەلی کوردستان بکەن."
کەشناسیی هەرێمی کوردستان رایگەیاند، ئەمڕۆ چوارشەممە ئاسمان ساماڵ و پەڵەهەور دەبێت، ئەگەری بارانبارین لە ناوچە شاخاوییە بەرزەکان و ناوچە سنوورییەکان هەیە، بەتایبەت ناوچە سنوورییەکانی پارێزگای دهۆک و بەشێک لە ئیدارەی سۆران. کەشى پێشبینیکراوى 48 کاتژمێرى داهاتوو ئەمڕۆ چوار شەممە 18-2-2026 کەش/ ئاسمان ساماڵ و پەڵە هەور هەندێ کات نیمچە هەور دەبێ بە گشتی , ناوچە شاخاوییە بەرزەکان و ناوچە سنووریەکان ناو بە ناو ئەگەری کەمێک نمە بارانی هەیە بە تایبەت ناوچە سنووریەکانی سنووری پارێزگای دهۆک و بەشێک لە ئیدارەی سۆران . خێراى با / لەسەرخۆ (5-10) کم / کاتژمێر هەندێ کات چالاک دەبێت بۆ سەرووی (20)کم/کاتژمێر ئاراستەی با / باکووری ڕۆژهەڵات دەبێت. مەوداى بینین / لەنێوان ( 8 – 10 ) کم دەبێت. پلەکانی گەرما / نزیک دەبێتەوە بەراورد بە پلەکانی دوێنێ . هەولێر: 22 پلەی سیلیزی پیرمام: 19 پلەی سیلیزی سۆران: 18 پلەی سیلیزی حاجی ئۆمەران: 14 پلەی سیلیزی سلێمانی: 21 پلەی سیلیزی چەمچەماڵ: 22 پلەی سیلیزی دهۆک: 21 پلەی سیلیزی زاخۆ: 21 پلەی سیلیزی هەڵەبجە: 22 پلەی سیلیزی گەرمیان: 23 پلەی سیلیزی سبەى پێنج شەممە 19-2-2026 کەش/ ئاسمان ساماڵ و پەڵە هەور دەبێت ناوچە شاخاوییەکان نیمچە هەور دەبێ .ئەگەری نمە باران لە سەر بەشێک لە ناوچەی جیاجیای شاخاویەکان هەیە لە هەندێ کاتدا ,کاریگەری بارستە هەوایەکی سارد لە ناوچە سنووریەکان نزیک دەبێتەوە لە ئەنجام سبەی پێشبینی نزم بوونەوەی پلەکانی گەرما هەیە بە نزیکەی (4-6) پلەی سیلیزی . خێراى با / لەسەرخۆ (5 – 15) کم/کاتژمێر ئاراستەی با / باکووری خۆرئاوا دەبێت. مەوداى بینین / لەنێوان ( 8 – 10 ) کم دەبێت. پلەکانی گەرما / نزم دەبێتەوە بە (4-6) پلەی سیلیزی بەراورد بە تۆمارەکانی ئەمڕۆ وەک لە خوارەوە ئاماژەیان پێدراوە. بەرزترین پلەکانی گەرمای پێشبینیکراو بە پلەی سیلیزی هەولێر: 17 پلەی سیلیزی پیرمام: 15 پلەی سیلیزی سۆران: 15 پلەی سیلیزی حاجی ئۆمەران: 7 پلەی سیلیزی سلێمانی: 16 پلەی سیلیزی چەمچەماڵ: 16 پلەی سیلیزی دهۆک: 15 پلەی سیلیزی زاخۆ: 17 پلەی سیلیزی هەڵەبجە: 17 پلەی سیلیزی گەرمیان: 18 پلەی سیلیزی
سەرۆک بارزانی، بە بۆنەی هاتنی مانگی رەمەزان، گەرمترین پیرۆزبایی ئاراستەی موسوڵمانانی کوردستان، عێراق و جیهان دەکات و دەڵێت: لە خوای مەزن داواكارم ڕۆژوو، نوێژ و نزای هەمووان قبووڵ بكات و ئەو مانگە پیرۆزە، خێر و بەرەکەت و ئارامی بۆ هەموو لایەك بە دی بهێنێت. دەقی پەیامەکەی سەرۆک بارزانی: بەناوی خودای بەخشندە و میهرەبان بەبۆنەی هاتنەوەی مانگی پیرۆزی (ڕەمەزان)ـەوە پیرۆزبایی خۆم ئاراستەی سەرجەم موسڵمانانی كوردستان و عێراق و جیهان دەكەم. لە خودای مەزن داواكارم ڕۆژوو و نوێژ و نزای هەمووان قبووڵ بكات و ئەو مانگە پیرۆزە، خێر و بەرەکەت و ئارامی بۆ هەموو لایەك بەدی بهێنێت. مسعود بارزانی 29ی شەعبانی 1447ی كۆچی 17ی شوباتی2026ی زایینی
ئاسیاسێڵ لەگەڵ وەزارەتی دەرەوە و کۆمۆنوێڵس و گەشەپێدانی بەریتانیا ڕێکەوتنێکی هەماهەنگی ئەکادیمی لە عێراق واژۆ دەکەن لە چوارچCheveningێوەی پڕۆگرامی سکۆلەرشیپی چیڤنینگ "Chevening" بەغداد – شوبات – ٢٠٢٦ ئاسیاسێڵ لە ڕێگەی باڵیۆزخانەی بەریتانیاوە لە عێراق ڕێککەوتنێکی هەماهەنگی لەگەڵ وەزارەتی دەرەوە و کۆمۆنوێڵس و گەشەپێدانی بەریتانیا لە چوارچێوەی پڕۆگرامی سکۆلەرشیپی چیڤنینگ "Chevening" ڕاگەیاند، ئەم هەنگاوە ڕەنگدانەوەی پابەندبوونی هەردوو لایەنە بۆ پاڵپشتیکردنی خوێندنی باڵا و پڕچەککردنی گەنجانی عێراق و بنیاتنانی سەرکردەی کاریگەر لە داهاتوودا. ئامانج لەم پڕۆژە هاوبەشە پشتگیریکردنی خوێندکارانی عێراقی خوێندنی باڵایە بە مەبەستی تەواوکردنی خوێندن لە بەریتانیا لە چوارچێوەی پڕۆگرامی چیڤنینگ؛ کە یەکێکە لە کۆنترین پڕۆگرامەکانی سکۆلەرشیپی حکومەتی بەریتانیا و فۆکەس دەخاتە سەر ئامادەکردنی کەسانی خاوەن لێهاتوویی باڵا لە وڵاتەکانی خۆیان. ئەم ڕێککەوتنە لەگەڵ دیدگای ئاسیاسێڵدا دەگونجێت کە بریتییە لە وەبەرهێنان لە سەرمایەی مرۆیی و پاڵپشتیکردنی دەستپێشخەریی پەروەردەیی و گەشەپێدان. ئەم پڕۆژە هاوبەشە نوێنەرایەتی دەرفەتێکی ناوازە دەکات بۆ بەرزکردنەوەی کارایی سەرمایەی مرۆیی و پڕکردنەوەی کەموکورتی لە کارامەیی پسپۆڕییە گرنگەکاندا، هەروەها خوێندکارانی عێراق بە تۆڕی جیهانی چیڤنینگەوە دەبەستێتەوە کە زیاتر لە ٦٠ هەزار دەرچووی زیاتر لە ١٦٠ وڵات لەخۆدەگرێت، لەوانەش سەرۆکی دەوڵەت و پسپۆڕان. بەم هەنگاوەش بەشداری دەکات لە بەرزکردنەوەی دەرفەتەکانی بەردەم گەنجان و فراوانکردنی ئاسۆی ئەکادیمی و پیشەیی خۆیان، جگە لە بەهێزکردنی هەماهەنگی نێوان کەرتی تایبەت و دامەزراوە نێودەوڵەتییەکان. ئاسیاسێڵ دووپاتی دەکاتەوە کە ئەم پڕۆژە هاوبەشە نوێنەرایەتی هەنگاوێکی گرنگ دەکات بۆ بەهێزکردنی لێهاتوویی گەنجان و بەستنەوەیان بە تۆڕە جیهانییەکانی شارەزایی و سەرکردایەتی، کە لە ئەنجامدا سوود بە کۆمەڵگە بە گشتی و گەشەپێدانی دەگەیەنێت. هەروەک بەڕێز عامر الصناع، بەڕێوەبەری کارگێڕی کۆمپانیای ئاسیاسێڵ لەم بارەیەوە ڕایگەیاند، "ئێمە لە ئاسیاسێڵ پابەندبوونمان دووپات دەکەینەوە بۆ پاڵپشتیکردنی کارامەیی عێراقییەکان و دروستکردنی دەرفەتی بەردەوام لە بەردەم گەنجاندا. ڕۆڵی پێشەنگیمان لە عێراقدا دەمانخاتە پێگەی بەرپرسیارێتی بنیاتنانەوە و پشتگیریکردنی دەرفەتە گرنگەکانی بەردەم گەنجان، لەنێویاندا پڕۆگرامی چیڤنینگ، کە یەکێکە لە پرۆگرامە جیهانییە بەناوبانگەکانی بەریتانیا". لای خۆیەوە، بەڕێز عیرفان صدیق باڵیۆزی بەریتانیا لە عێراق وتی: خۆشحاڵین بە ئاهەنگ گێڕان بە بۆنەی ئەم پڕۆژە هاوبەشە نوێیەی نێوان ئاسیاسێڵ و وەزارەتی دەرەوەی بەریتانیا کە باڵیۆزخانەی بەریتانیا لە عێراق نوێنەرایەتی دەکات لە ڕێگەی پڕۆگرامی چیڤنینگ بۆ خوێندنی ماستەر لە بەریتانیا. ئەم هاوکارییە ڕەنگدانەوەی پابەندبوونی هاوبەشمانە بۆ بەهێزکردنی گەنجانی عێراق و پاڵپشتیکردنی نەوەی پێشەنگی داهاتوو. بە کارکردن لەگەڵ کۆمپانیای ئاسیاسێڵ کە کۆمپانیایەکی عێراقیی پێشەنگە، ئێمە دەرفەتەکان لە بەردەم خوێندکارە بەتوانا عێراقییەکان فراوان دەکەین بۆ ئەوەی خوێندنێکی کوالیتی بەرز لە بەریتانیا بەدەستبهێنن و پەیوەندی بە تۆڕێکی جیهانییەوە بکەن کە زیاتر لە ٦٠ هەزار خوێندکاری دەرچووی تێدایە. ئەم پڕۆژە هاوبەشە تیشک دەخاتە سەر ئەو ڕۆڵە گرنگەی کە کەرتی تایبەت دەتوانێت بیگێڕێت لە پەرەپێدانی پەروەردە و پشتگیریکردنی داهێنان و بەهێزکردنی سەرمایەی مرۆیی لە عێراقدا. ئێمە بەوپەڕی خۆشحاڵییەوە چاوەڕێی بینینی ئەو کاریگەرییە ئەرێنییە دەکەین کە ئەم خوێندکارانە لەسەر کۆمەڵگاکانیان و لەسەر داهاتووی عێراقیان دەبێت. دەربارەی ئاسیاسێڵ: ئاسیاسێڵ "کۆماندەکاتەوە"، دابینکاری سەرەکی خزمەتگوزاریى پەیوەندییەکانی مۆبایل و خزمەتگوزارییە دیجیتاڵییەکانە لە عێراق و ژمارهى بهشدرابووانی نزیکەی 20 مليۆنە. ئاسياسێڵ وەکو یەکەمین کۆمپانیاى خزمەتگوزاریى مۆبایل ناسێنراوە لە عێراق و یەکەمین کۆمپانیاشە تۆڕەکەی هەموو بەشەکانی عێراق دابپۆشێت. ئاسیاسێڵ خزمەتگوزارییەکانی +4G بە کواڵیتییەکی بەرز لە سەرجەم پارێزگاکانی عێراق دابیندەکات و تۆڕەکەشى زیاتر 06.99٪ ـى دانيشتوانى عێراق دهگرێتهوه، ئهمهش وا دهكات كه تۆڕهكهى ببێته بەربڵاوترین تۆڕى مۆبايل بە فراوانترین ڕووماڵەوە لە نێو کۆمپانیاکانی تری پەیوەندی لە عێراق. ئاسیاسێڵ شانازی بەوەوە دەکات کە لە کانونی دووەمی 2015 ــەوە باشترین دابینکاری خزمەتگوزاری ئینتەرنێتە کە باشترین تۆڕی پەیوەندی بە بەرزترین کواڵیتی لە عێراق دابیندەکات. پەیوەندییەکانی ئاسیاسێڵ، بەشی پەیوەندییە گشتییەکان: [email protected] بۆ زانیاری زیاتر: www.asiacell.com
مەسرور بارزانی، سەرۆکوەزیرانی هەرێمی کوردستان لە ڕاگەیەندراوێکدا ئاماژەی داوە، بە بۆنەی هاتنی مانگی پیرۆزی ڕەمەزان، پیرۆزبایی لە سەرجەم موسڵمانانی کوردستان و عێراق و جیهان دەکەم. هەروەها ڕاشیگەیاندووە، هیوادارم مانگی ڕەمەزان، مانگی خێر و خۆشی و ئاشتیی و بەخشندەیی بێت. مەسرور بارزانی دەشڵێت: لە خودای مەزن نزاکارین کە ڕۆژوو و خوداپەرستیی هەموو لایەک قبووڵ بکات. لیژنەی باڵای بینینی مانگ لە وەزارەتی ئەوقاف و کاروباری ئایینیی حکوومەتی هەرێمی کوردستان لە ڕاگەیەندراوێکدا ئاشکرای کرد کە ئێوارەی ئەمڕۆ سێشەممە 29ی شەعبانی 1447ی کۆچی بەرانبەر بە 17ی شوباتی 2026 بە مەبەستی دیاریکردنی یەکەم ڕۆژی مانگی ڕەمەزان لەگەڵ لیژنە لاوەکییەکانی پارێزگا و ئیدارە سەربەخۆکان کۆبووەتەوە. لە ڕاگەیەندراوەکەدا هاتووە کە بەپشت بەستن بە بەڵگەکان دەرکەوتووە مانگ لە ئاسمانی هەرێمی کوردستان بینراوە، بۆیە لیژنەی باڵای بینینی مانگ بڕیاریدا ڕۆژی چوارشەممە 18ی شوباتی 2026 یەکەم ڕۆژی مانگی ڕەمەزانی پیرۆز بێت لە هەرێمی کوردستان.
سەرۆکی فراکسیۆنی پارتی دیموکراتی کوردستان لە پەرلەمانی عێراق، ناڕەزایەتی توندی بەرامبەر جێگیرکردنی پۆستی سەرۆک ئەرکانی سوپای عێراق بەبێ ڕەزامەندی لایەنی کورد دەردەبڕێت و دەڵێت: دەستبردن بۆ ئیستحقاقی کورد، لێدان و کەمکردنەوەی پێگەی کوردە. دکتۆر شاخەوان عەبدوڵڵا، سەرۆکی فراکسیۆنی پارتی دیموکراتی کوردستان لە پەرلەمانی عێراق، ڕایگەیاند: ناڕەزایەتی توند بەرامبەر جێگیرکردنی پۆستی سەرۆک ئەرکانی سوپای عێراق بەبێ ڕەزامەندی لایەنی کورد دەردەبڕین. بەپێی ماددەی 36 بە هەنگاوێکی نایاسایی وەسفی کرد. سەرۆکی فراکسیۆنی پارتی، دەشڵێت: "بە زۆر تێپەڕاندنی ئەو بابەتانەی خۆیان مەبەستیانە، سەرەتایەکی زۆر خراپە، هەر بابەتێک بخرێتە ناو بەرنامەی کاری پەرلەمانەوە دەبێت بە ڕەزامەندی دەستەی سەرۆکایەتی بێت.
بە دەستپێشخەریی تۆڕی زاگرۆسانە، هەڵمەتی چاندنی بەڕوو و تۆوە ڕەسەنەکان لەژێر دروشمی ((هەرەوەزی چاندنی زاگرۆسانە: ژیانەوەی سروشتی نیشتمانە)) لە باشووری کوردستان لە ٢٠٢٥/١١/٢٢ ڕاگەیەندرا. یەکەم هەڵمەتی بەرفراوان لە ڕۆژی هەینی، ٥\١٢\٢٠٢٥ کە هاوکاتە لەگەڵ ڕۆژی جیهانیی خاک و ڕۆژی جیهانیی کاری خۆبەخشی، دەستی پێ کرد. بە بەشداریی سەرجەم چین و توێژە جیاوازەکانی کۆمەڵگە، لە زۆربەی شار، شارۆچکە و گوندەکاندا خەڵک بەشداریی چالاکانەیان کرد و زیاتر لە سەد هەزار بەڕووی ڕەسەن چێنران. ئەم هەڵمەتە ماوەی ٢٥ ڕۆژی خایاند: • یەکەم هەڵمەت: لە ٥\١٢\٢٠٢٥ لە قۆپییەکانی قەرەداغ بەڕێوەچوو؛ ١٠,٠٠٠ تۆوی بەڕوو لەگەڵ ٣١ نەمامی بەڕوو نێژران. • دووەم هەڵمەت: لە ١٢\١٢\٢٠٢٥، لە دهۆک، بەرەباب بۆیا لە شەقڵاوە و چیای بەرانان لە دەربەندیخان بەڕێوەچوو؛ ٤٠,٠٠٠ تۆوی بەڕوو چێنران. • سێیەم هەڵمەت: لە ١٩\١٢\٢٠٢٥، لە گوندی کواوای پێنجوێن بەڕێوەچوو؛ ١٨,٠٠٠ تۆوی بەڕوو چێنران. • چوارەم هەڵمەت: لە ٢٦\١٢\٢٠٢٥، لە سەرتەکی بەمۆ، زنجیرەچیای بەرانان (ئەشکەوتی هەزارمێرد)، سەرگەڵو (چیای گردەڵ)، زنجیرەچیای پیرەمەگرون (تەنگی تابین)، پیرەمەگرون (گوندی قەرەچەتان)، هەورامان (بیارە)، سەیدسادق (شاخی پشت گوندی بەرکەوران)، دۆڵی جافایەتی (شاخی پیربایز)، قەڵادزێ (گوندی داودێ) و کۆیە (چیای هەیبەت سوڵتان) بەڕێوەچوو؛ ٢٢,٤٠٠ تۆوی بەڕوو چێنران. هەڵمەتە بەرفراوانەکان ماوەی ٢٥ ڕۆژی خایاند، بەڵام چاندنی زاگرۆسانە بەردەوامیی هەبووە و تا ئێستاش چاندن بەردەوامە. پێشبینی دەکەین لەم هەڵمەتە خۆڕسکانەدا زیاتر لە ٣٠,٠٠٠ بەڕووی دیکە چێنرابن. گرووپ و ڕێکخراوە پێکهێنەرەکانی تۆڕی زاگرۆسانە بۆ ساڵی ٢٠٢٥: ڕێکخراوی سروشتی کوردستان، ئەکادیمیای ئیکۆلۆژی، گرووپی شاخەوانیی پیرەمەگرون، سەنتەری سلێمانی بۆ ژینگەپارێزی و شاخەوانی، ڕێکخراوی ئازادبوون – تیمی ژینگە. بەشداربووانی هەڵمەتی هەرەوەزی زاگرۆسانە لە ساڵی ٢٠٢٥ بریتین لە: لایەنە حکومییەکان: 1. وەزارەتى کشتوکاڵ و سەرچاوەکانى ئاو – بەڕێوەبەرایەتى دارستان و پاوان. 2. پەیمانگای تەکنیکی دەربەندیخان. 3. قایمقامیەتى قەزاى قەرەداغ. 4. قایمقامیەتى قەزاى دەربەندیخان. 5. قایمقامیەتى قەزاى پێنجوێن. 6. ئامادەیى کشتوکاڵى بەکرەجۆ. 7. ئامادەیى دوکانى تێکەڵ. ڕێکخراو، کۆمەڵە و گرووپە ناحکومییەکان: 1. رێکخراوی سروشتی کوردستان. 2. ئەکادیمیای ئیکۆلۆژی. 3. رێکخراوی ئازادبوون – تیمیى ژینگە. 4. سەنتەری سلێمانی بۆ ژینگە پارێزی و شاخەوانی. 5. گروپی شاخەوانی پیرەمەگرون. 6. تۆڕی شاخەوانی کوردستان. 7. فیدراسیۆنى شاخەوانى کوردستان. 8. رێکخراوی ملەکەوە بۆ پاراستنی ژینگە. 9. ڕێکخراوی پڵنگانی بێسنور. 10. رێکخراوی شاخەوانی باواجی. 11. کۆمەڵەی پڵنگانی بەمۆ. 12. کۆمەڵەی هەردەوانیی گەرمیان. 13. کۆمەڵەی شاخەوانیی سلێمانی. 14. دەستەی شاخەوانیی ھەنگاو. 15. پێنجوێن شاری فێربوون. 16. گرووپی شاخەوانی چەرمۆ. 17. گروپی شاخەوانانی شار. 18. گروپی شاخەوانی سلێمانی. 19. گرووپی شاخەوانی لوتکە. 20. گروپی شاخەوانی بەمۆ. 21. گروپی شاخەوانی کوڕیس. 22. گروپی شاخەوانی کێوەڕەش. 23. گروپی شاخەوانی هاوڕێیان. 24. گروپی شاخەوانی سورێن. 25. گروپی ئەلهۆیێ چیاڤانێن دهۆکێ. 26. گروپی شاخەوانی شەقڵاوە. 27. گروپی شاخەوانی کایسا. 28. گروپی شاخەوانی قەڵای شێروانە. 29. گروپى بەرانان. 30. ماڵى کەلەپورى و ڕۆشنبیرى قەڵادزێ. 31. ڕێکخراوى ژینگە و ئاوەدانکردنەوەى کوردستان. تۆڕى زاگرۆسانە
هۆشیار زێبارى، ئەندامى مەکتەبى سیاسى پارتى دیموکراتى کوردستان دەڵێت، محەمەد حەلبوسى دەرگاى هێرشى بەڕووى ئێمەو مالیکیدا کردەوە، نازانم ئەو هێزەى لەکوێ هێناوە تاهێرش بکاتە سەر سەرکردەکان لە ئاستى بارزانى و مالیکى. هۆشیار زێبارى لەمیانى چاوپێکەوتنێکیدا لەگەڵ کەناڵى دیجلە رایگەیاند، چوارچێوەی هەماهەنگی لەرێگەى کەناڵى پەیوەندى خۆیانەوە بەشێوەیەکى فەرمى داواى رونکردنەوەیان لەواشنتۆن کرد سەبارەت بەهەڵوێستى ئەمریکا بەرامبەر بەکاندیکردنى نورى مالیکى بۆ پۆستى سەرۆک وەزیرانى عێراق، بەڵام هەمان وەڵامى پێشویان وەرگرتەوە. ناوبراو ئەوەشى خستەڕوو، بەشێک لەوانەى چوارچێوەی هەماهەنگی کە پێشتر پاڵپشتی مالیکیان دەکرد بۆ پۆستى سەرۆک وەزیران، ئێستا هەڵوێستیان گۆڕاوە. زێبارى ئەوەشى خستەڕوو، ئەمریکیەکان کێشەى (شەخسى)یان لەگەڵ مالیکى نییە، ئەوانە دەیانەوێت دەستى ئێران دووربێت لەحکومەتى عێراقى و نایانەوێت حکومەتى داهاتوو کەسانێکى نێو گرووپە چەکدارەکانى تێدا بێت کە لەلایەن ئەمریکاوە سزایان بەسەردا سەپێندرابێت، بەپێچەوانەوە هەڕەشەى سەپاندنى سزاى توند بەسەر عێراقدا دەکەن، قورستر لەسزاکانى ساڵى 1991، وەک سزادانى سۆمۆ و بانکى ناوەندى عێراق. سەبارەت بە رێککەوتنى پارتى و یەکێتى لەسەر کاندیکردنى نزار ئامێدى بۆ پۆستى سەرۆک کۆمارى عێراق، زێبار وتى، هێشتا زووە پیرۆزبایى لە نزار ئامیدى بکەین بۆ ئەو پۆستە، چونکە لە گفتوگۆکاندا لەگەڵ یەکێتى بەهیچ شێوەیەک ئەو پرسە باس نەکراوە، ئەوەى گفتوگۆى لەسەرکراوە پێکهێنانى حکومەتى هەرێمى کوردستان بووە.
ئەمڕۆ لە كۆنفڕانسی بزوتنەوەی گۆڕان لە شاری كەركوك بە سەرپەرشتی و چاودێری كۆمیسیۆنی باڵای سەربەخۆی هەڵبژاردنەكانی عێراق و بە دەنگی ئەندامانی دەستەی گشتی، رێكخەری گشتی و ئەندامانی نوێی سەركردایەتی بزوتنەوەی گۆڕان هەڵبژێردران. رێكخەری گشتی و لیستی ناوی ئەندامانی نوێی سەركردایەتی بزوتنەوەی گۆڕان: دانا ئەحمەد مەجید شاسوار – ڕێكخەری گشتی 1. کوێستان محەمەد عەبدوڵا مەعروف 2. عەلی عەزیز سەعید (عەلی چەلەبی) 3. جەعفەر عوسمان عەلی (جەعفەر خەیات) 4. کاوە عەبدوڵا عەلی محەمەد 5. دڵخواز کاکە ڕەش 6. ڕەئوف ئەحمەد کاکی 7. عەزیز حەمید عەزیز (عەزیز زەنگەنە) 8. جەلال ئیسماعیل جەمیل 9. پەیام ئەحمەد محەمەد ئەمین 10. شاخەوان ڕەئوف مستەفا میران (شاخەوان ڕەئوف بەگ) 11. دلێر عەبدولخالق حاجی 12. گوڵستان سەعید محەمەد 13. ڕۆڤان سەروەت ئیبراهیم 14. عیسام ڕەحیم ئیبراهیم (مەریوانی کەلار) 15. نەسرین جەمال مستەفا نەجیب 16. ئەنوەر ڕەشید قادر (دکتۆر ئەنوەر) 17. جوانڕۆ محەمەد ئەحمەد قازی 18. هاشم ساڵح عەلی 19. ئەبوبەکر بایز ئاڵی (بەکر بایز) 20. هەڵمەت نەژاد ئەنوەر 21. زمناکۆ جەلال عەلی 22. چۆمان محەمەد عەلی 23. پێشڕەو ڕەئوف مەجید 24. سوعاد ڕەزاق ئیبراهیم 25. ڕەسوڵ عەبدوڵا ئیبراهیم 26. عومەر حەمە قادر عەلی 27. دابان محەمەد عارف 28. عومەر عەلی قادر 29. عومەر ئەحمەد محەمەد 30. هەڵمەت محەمەد شوکر 31. کاوە مەجید محەمەد ئەمین 32. ئاکۆ محەمەد شەریف 33. هەرێم تەها ئیبراهیم عثمان (هەرێم مەلا قەرە) 34. کاروان محەمەد ئیسماعیل 35. بەختیار کەریم عەلی 36. عەلی ڕەسوڵ عەلی 37. تانیا عوسمان عەزیز 38. نەبەز عوسمان قادر 39. کاوە عوسمان ڕەسوڵ 40. ئارام مەردان فارس 41. نەوزاد حەسەن ئەحمەد 42. ئەحمەد قادر ئەمین 43. سالار محەمەد سەعید 44. عەزیز محەمەد ئەمین عەلی 45. عەبدولقادر حەمید جیهان شاسوار 46. ستار حەمە ساڵح ئەحمەد (ستار کانی سپیکەیی) 47. دیلمان عەزیز محەمەد 48. حەبیب موشیر مستەفا 49. زانا ڕەحمان ڕەحیم (زانای قائیمقامی پێشووی پێنجوێن) 50. نازدار ئەسعەد نادر 51. ئاوارە سلێمان کریم 52. عومەر حسێن ڕەسوڵ 53. حسێن حەمە ئەمین حسێن 54. ڕێبوار ئەحمەد بازیانی (حاجی ڕێبوار) 55. گۆران نەوزاد سەعدی – یەدەگ 56. پێشڕەو ئەحمەد حەمەدئەمین – یەدەگ 57. بێوار عەبدولڕەحمان میکائیل – یەدەگ 58. سەباح یاسین عەلی – یەدەگ 59. ئیبراهیم نەجمەدین عیزەدین – یەدەگ
لهدواى به ئهنجامگهیاندنى ههوڵى نێودهنگیرى لهنێو كورد و دیمهشق له سوریا، كورد ههوڵێكى دیكهى نێوهندگیرى دهستپێدهكات و ئهمجاره یهكلاكردنهوه و چارهسهرى گرفتى پێكهێنانى حكومهته له عێراق كه ناكۆكییهكان سهرجهم لایهنهكانى گرتووهتهوه. لهكاتێكدا هێزهكانى سوریاى دیموكرات (ههسهده) و هێزه چهكدارهكانى سهر به حكومهتى دیمهشق لهنێو شهڕێكى سهختى بهردهوامدا ههوڵهكانیان بۆ پاشهكشهپێكردنى ئهوى دیكه چڕكردبووهوه، ههرێمى كوردستان ههوڵه نێوهندگیرییهكانى بۆ كۆتایى هێنان به خوێنڕشتن له رۆژئاواى كوردستان و ناوچهكانى باكوورى رۆژههڵاتى سوریا دهستپێكرد. ههولێر و مێزى سهركرده سیاسییهكانى بووه شوێنى كۆبوونهوه و بهیهكگهیشتن و لێكنزیككردنهوه، ئاكامهكهى، هاوشانى بهرگریی شهڕڤانانى كورد له رۆژئاوا، ئهو رێككهوتنى ئاگربهسته درێژخایهنه بوو كه له كۆتایی مانگى كانونى دووهمى رابردوو لهنێوان هێزهكانى سوریاى دیموكرات و حكومهتى دیمهشق هاته ئاراوه. ههوڵهكانى سهرۆك مهسعود بارزانى و نێچیرڤان بارزانى سهرۆكى ههرێمى كوردستان، بهرههمهكهى چهسپاندنى خواست و داواكارییهكانى كوردى له رۆژئاواى كوردستان لێكهوتهوه كه خۆى له پێكهێنانى ژمارهیهك لیواى تایبهت بۆ هێزهكانى ههسهده و دانان و جێگیركردنى بهرپرسانى كورده له ناوچه كوردییهكانى ئهو بهشهى كوردستان دهبینێتهوه. سهركهوتنى خواستهكانى كورد له رۆژئاوا قۆناغێكى دیكهى بڕى، كاتێك له سێ رۆژى رابردوودا ئامادهبوونى بهرپرسانى رۆژئاواى كوردستان به سهرۆكایهتیی مهزڵوم عهبدى، فهرماندهى گشتیی ههسهده و ئیلهام ئهحمهد، بهرپرسى پهیوهندییهكانى دهرهوهى ئیدارهى رۆژئاوا له دیدار و كۆبوونهوهى كۆنگرهى ئاسایشى میونشن بهشى گرنگى دیدار و كۆبوونهوهكانى پێكهێنا و ئامادهبوونى دیپلۆماسیی كورد ناونیشان و رووماڵى سهرهكیی میدیاكانى تهنى. لهو بارهیهوه مەزڵووم عەبدی دوێنێ لهمیانهى دیداریدا لهگهڵ نێچیرڤان بارزانى له میونشن "سوپاس و پێزانینی خۆی ئاراستەی سهرۆک مهسعود بارزانی و سەرۆکایهتیی ههرێمی کوردستان کرد بۆ هەوڵی بەردەوام و رۆڵی کاریگەریان لەپێناو ئارامكردنهوهى دۆخهكه و گەیشتنی دیمەشق و هەسەدە بە رێککەوتنی ئاگربەست". ههروهك پێشتریش له دیدارێكدا ئاماژهى به رۆڵى نێچیرڤان بارزانى كرد له ئاسانكارى بۆ گهیشتنى وهفدى رۆژئاوا و ئامادهبوونیان له كۆنگرهى میونشن لهئێستادا دواى به ئهنجامگهیشتنى ئهو قۆناغه، سهركردایهتیی سیاسیی كورد ههوڵێكى دیكهى نێودهنگیریی دهستپێكردووه، ئهمجاره لهنێو لایهنه شیعییهكان لهلایهك و لهنێوان شیعه و ئیدارهى ئهمریكا لهلایهكى دیكه بهمهبهستى كردنهوهى گرێكوێرهى تایبهت به ناونانى كاندیدى سهرۆك وهزیران. لهو بارهیهوه رۆژنامهى (ئهلنههار)ى لوبنانى له راپۆرتێكدا ئهو ههوڵهى ئاشكراكردووه و بڵاویكردووهتهوه كه نێوهندگیرییهكى كوردى ههیه كه سهرۆك مهسعود بارزانى سهرۆكایهتی دهكات بۆ رازیكردنى ئیدارهى ئهمریكا به كاندیدكردنى مالكى بۆ سهرۆكایهتى وهزیران"، هێماى بۆ ئهوهشكرد كه نێوهندگیر "ئاماژهى ئهرێنى" له كۆشكى سپییهوه پێگهیشتووه. وهفا محهمهد، سهركرده له پارتى دیموكراتى كوردستان قسهى بۆ رۆژنامهكه كردووه و دهڵێت، "ههماههنگى لهگهڵ رهوتى دهرهكى بۆ دۆخى عێراق زۆر گرنگه" ئاماژهى بهوهشدا كه ههرێمى كوردستان "رۆڵى یهكلاكهرهوهى گێڕاوه له چارهسهرى ناكۆكییهكان لهنێو سوریا لهنێوان ئیدارهى ئهحمهد شهرع و هێزهكانى سوریاى دیموكرات (ههسهده)، بهههمان شێوه لهنێوان توركیا و پارتى كرێكارانى كوردستان". دووپاتیشیدهكاتهوه، "بابهتى نێوهندگیریی كورد بۆ كردنهوهى گرێى كاندیدى چوارچێوهى ههماههنگى بۆ سهرۆكایهتى وهزیران لهسهر مێزى بهرپرسانى ههرێمه".
دواكهوتنى یهكهم مووچهى ساڵى نوێ ئهو ترسهى لاى مووچهخۆرانى ههرێم دروستكردووه، كه ئهو گرفتهى زیاتر له ده ساڵه پێوهى دهناڵێنن، ئهمساڵیش بهههمان شێوه دووباره ببێتهوه. مووچهخۆرانى ههرێم ساڵى رابردوویان به لهدهستچوونى مووچهى مانگهكانى تشرینى دووهم و كانونى یهكهم كۆتایى پێهێنا، دهستپێكى ساڵى نوێشیان به دواكهوتنى مووچهى مانگى كانونى دووهم و وهرگرتنى له كۆتایى نیوهى یهكهمى ئهم مانگه وهرگرت. لهگهڵ ئهوهى ناوبهناو بهرپرسانى بهغداد باس لهوهدهكهن كه مووچهى مووچهخۆرانى عێراق زامنكراوه و هیچ گرفتێك لهبارهى دابینكردنیهوه نییه، بهڵام كهم نیین ئهو دهنگانه باس له گرفتى نهختینه له عێراق و ئهگهری دواكهوتنى مووچه بۆ ئهم مانگه و مانگهكانى داهاتووش دهكهن. سهرهڕاى گرفتى نهختینه، كورتهێنان له بودجهى عێراق به یهكێكى دیكه له هۆكارهكانى ئهگهرى دواكهوتنى مووچه ناودهبرێت، كه له سهرهتاى ئهمساڵهوه حكومهتى ناوهند ههوڵهكانى بۆ پڕكردنهوهى دهستپێكردووه لهڕێى زیادكردنى باج و گومرگ و ههوڵهكان بۆ یهكخستنى تاریفهى گومرگى لهگهڵ ههرێمى كوردستان. جهمال كۆچهر، ئهندامى ئهنجومهنى نوێنهرانى عێراق له لێدوانێكدا بۆ هاوڵاتى راگهیاند، تهیف سامى وهزیرى دارایى عێراق دووپاتیكردووهتهوه كه گرفتیان له دابینكردنى پاره بۆ مووچه نییه. كۆچهر سهبارهت بهوهى ئهوهى ئایا مووچهى مانگى شوبات دوادهكهوێت، وتى، "ئهمڕۆ 15ى مانگه هێشتا زۆر زووه بۆ باسكردن له دواكهوتن یان دوانهكهوتنى مووچهى ئهم مانگه". ئهوهى مانگى رابردوو روویدا له ماوهى 12 ساڵى رابردوودا كه له بهغداد بووه، ئهوه یهكهمجاره، ئهو پهرلهمانتاره واى وت و دووپاتیشیكردهوه، لهگهڵ ئهوهى گرفت لهبارهى دابینكردنى نهختینه ههیه, بهڵام له ههموو حاڵهتێكدا عێراق مووچه دهدات. ساڵى رابردوو دواى ئهوهى رێككهوتنى نێوان ههردوو حكومهتى عێراق و ههرێمى كوردستان چووه بوارى جێبهجێكردنهوه و ههناردهكردنهوهى نهوتى ههرێم لهڕێى كۆمپانیاى سۆمهوه دهستیپێكردهوه، مووچهخۆران هیوایان وابوو كه چیتر گرفتى مووچه سهرههڵناداتهوه، بهڵام ئاماژهكان وا دهردهكهون ئهمجاره سهرچاوهى گرفتهكه له لایهكى دیكهوه ناهێڵیت ئهو خهمه بڕهوێتهوه.
بەڕێوەبەرایەتی گشتیی کەشناسی و بوومەلەرزەزانی هەرێمی کوردستان، کەشى پێشبینیکراوى 48 کاتژمێرى داهاتووی بڵاوکردەوە و بە گوێرەی پێشبینییەکان، سبەی ئێوارە تا بەرە بەیانی چوارشەممە بافر و باران ناوچە شاخاوییەکان دەگرێتەوە. بەڕێوەبەرایەتییەکە لە بارەی کەشی پێشبینکراوی ئەمڕۆ دووشەممە 16ـی شوباتی 2026، ئاماژەیداوە، ئاسمان بە گشتیی پەڵە هەور دەبێت، بەڵام لە ناوچە شاخاوییە بەرزەکاندا بۆ نیمچە هەور دەگۆڕێت. هەروەها پلەکانی گەرما نزیکەی دوو پلە بەرز دەبێتەوە و بە گوێرەی راپۆرتی بنکەکانی چاودێری کەشوهەوا، نزمترین پلەی گەرما لە حاجی ئۆمەران و بەرزترین پلەش لە سنووری ئیدارەی سەربەخۆی گەرمیان تۆمار دەکرێت. بەرزترین پلەکانی گەرمای پێشبینیکراو بۆ ئەمرۆ: هەولێر 20 پلەی سیلیزی پیرمام 17 پلەی سیلیزی سۆران 17 پلەی سیلیزی حاجی ئۆمەران 12 پلەی سیلیزی سلێمانی 18 پلەی سیلیزی چەمچەماڵ 20 پلەی سیلیزی دهۆک 18 پلەی سیلیزی زاخۆ 18 پلەی سیلیزی هەڵەبجە : 18 پلەی سیلیزی گەرمیان : 23 پلەی سیلیزی هەروەها لە بارەی کەشی پێشبینیکراوی سبەى سێشەممە 17ـی شوباتی 2026 ، ئاسمان هەوری تەواو دەبێت، بەڵام لە کاتەکانی ئێوارە تاکوو بەرە بەیانی چوارشەممە 18ی شوباتی 2026، نمەباران و بەفرێکی کەم لە ناوچە شاخاوییە سنوورییەکانی باکوور و باکووری رۆژهەڵات دەبارێت، هەروا پلەکانی گەرما لەگەڵ پێوانەکانی ئەمڕۆدا جیاوازییەکی ئەوتۆیان نابێت. بەرزترین پلەکانی گەرمای پێشبینیکراو بە پلەی سیلیزی بۆ سبەی سێشەممە: هەولێر : 20 پلەی سیلیزی پیرمام: 17 پلەی سیلیزی سۆران: 18 پلەی سیلیزی حاجی ئۆمەران: 11 پلەی سیلیزی سلێمانی: 19 پلەی سیلیزی چەمچەماڵ: 19 پلەی سیلیزی دهۆک: 17 پلەی سیلیزی زاخۆ: 18 پلەی سیلیزی هەڵەبجە : 18 پلەی سیلیزی گەرمیان : 22 پلەی سیلیزی
تیمی پڕۆژەی ڕووناكی ڕایدەگەیەنێت، زیاتر لە نیوەی هاوبەشانی ماڵان لە پڕۆژەی ڕووناكی، لە بەرامبەر بەكارهێنانی كارەبا بۆ ماوەی 45 ڕۆژ، كەمتر لە 73 هەزار دینار پارەیان بۆ گەڕاوەتەوە. رأگەیەندراوەکە.. وەزارەتی کارەبا خۆشحاڵە بە ڕاگەیاندنی پاڵپشتی بۆ هاوبەشانی ماڵان و داتای دوایین پسوولەکانی کارەبای پڕۆژەی ڕووناکی. حکومەتی هەرێمی کوردستان دووپاتی دەکاتەوە کە بە هیچ شێوەیەک نرخەکانی کارەبا نەگۆڕاون. هەر گۆڕانکارییەک کە دەکرێت پێویستە لەلایەن ئەنجومەنی وەزیرانەوە پەسەند بکرێت. حکومەتی هەرێمی کوردستان ئاگادارە لەوەی بەشێک لە ماڵان بڕی پسوولەی کارەبایان لەم زستانەدا بەرزتربووە لە مانگەکانی ڕابردوو و ئەمەش وایکردووە بە جدییەوە لەم بابەتە بڕوانێت و ئەو بارگرانییەی کەوتۆتە سەرشانی بەشێک لە هاوڵاتییان هەڵبگرێت. وەک پاڵپشتییەک و هاوکارییەک بۆ هاوبەشانی ماڵان، تا ڕێککەوتی 12ی مانگی 3، هەر بڕە پارەیەک کە هاوبەشان لە ڕێگەی سەکۆی "ئی-پسوولە"ـوە بیدەن، ئینجا پارەی ڕووناکی بێت یان قەرزی کۆن ، ئەوا ڕێژەی %20 ئەو بڕە پارەیان، لەسەر پسوولەی مانگەکانی داهاتوو کەم دەکرێتەوە. بۆ بەرچاوڕوونی زیاتر بۆ ڕای گشتی، وەزارەتی کارەبا زانیاری ورد لەسەر دوایین پسوولەی هاوبەشانی ماڵان لە تەواوی کوردستاندا دەخاتە ڕوو وەک لە خوارەوە هاتووە. زۆربەی هاوبەشانی ماڵان لە سەرانسەری کوردستان لەخوولێکی کارەبا کە تێکڕای ڕۆژەکانی بریتیە لە 45 ڕۆژ کەمتر کارەبا و پارەیان بەکارهێناوە و بۆ گەڕاوەتەوە لە: *کوردستان:* - 50% هاوبەشانی ماڵان لە پڕۆژەی ڕووناکی کەمتر لە (73,000 د.ع) بۆ گەڕاوەتەوە - بە تێکڕا ( 853 کیلۆوات کاتژمێرییان) بەکارهێناوە - 80% هاوبەشانی ماڵان لە پڕۆژەی ڕووناکی کەمتر لە (160,000 د.ع ) بۆ گەڕاوەتەوە - بە تێکڕا ( 1,469 کیلۆوات کاتژمێرییان) بەکارهێناوە - هەولێر: - هاوبەشانی ماڵان لە پڕۆژەی ڕووناکی کەمتر لە (83,000 د.ع) بۆ گەڕاوەتەوە - بە تێکڕا ( 958 کیلۆوات کاتژمێرییان) بەکارهێناوە - 80% هاوبەشانی ماڵان لە پڕۆژەی ڕووناکی کەمتر لە (177,000 د.ع ) بۆ گەڕاوەتەوە - بە تێکڕا ( 1569 کیلۆوات کاتژمێرییان) بەکارهێناوە - سلێمانی: - هاوبەشانی ماڵان لە پڕۆژەی ڕووناکی کەمتر لە (54,000 د.ع) بۆ گەڕاوەتەوە - بە تێکڕا ( 661 کیلۆوات کاتژمێرییان) بەکارهێناوە - 80% هاوبەشانی ماڵان لە پڕۆژەی ڕووناکی کەمتر لە (118,000 د.ع ) بۆ گەڕاوەتەوە - بە تێکڕا ( 1,195 کیلۆوات کاتژمێرییان) بەکارهێناوە دهۆک: - هاوبەشانی ماڵان لە پڕۆژەی ڕووناکی کەمتر لە (102,000 د.ع) بۆ گەڕاوەتەوە - بە تێکڕا ( 1,061 کیلۆوات کاتژمێرییان) بەکارهێناوە - 80% هاوبەشانی ماڵان لە پڕۆژەی ڕووناکی کەمتر لە (224,000 د.ع ) بۆ گەڕاوەتەوە - بە تێکڕا ( 1,759 کیلۆوات کاتژمێرییان) بەکارهێناوە - هەڵەبجە: - هاوبەشانی ماڵان لە پڕۆژەی ڕووناکی کەمتر لە (42,000 د.ع) بۆ گەڕاوەتەوە - بە تێکڕا ( 540 کیلۆوات کاتژمێرییان) بەکارهێناوە - 80% هاوبەشانی ماڵان لە پڕۆژەی ڕووناکی کەمتر لە (81,000 د.ع ) بۆ گەڕاوەتەوە - بە تێکڕا ( 906 کیلۆوات کاتژمێرییان) بەکارهێناوە گەڕانەوەی پارەیەکی زۆری پسوولەکانی کارەبا لەم زستانەدا بە گشتی بۆ ئەم دوو هۆکارە دەگەڕێتەوە: 1. تێکڕای خوولی پسوولەی کارەبا بەتێکڕا بریتی بوو لە 45 ڕۆژ، خولێکی درێژتری پسوولە ڕەنگدانەوەیە بۆ ماوەی بەکارهێنانی کارەبای زیاتر بەبێ ئەوەی گۆڕانکاری لە نرخەکانی کارەبادا ڕووبدات. بۆ نموونە، 400 کیلۆوات کاتژمێری یەکەم لە هەر 30 ڕۆژێکدا بە 72 د.ع\کیلۆوات کاتژمێر ئەژماردەکرێت. وە هەروەها، ئەگەر خولی پسوولە درێژ ببێتەوە بۆ 45 ڕۆژ، 72 د.ع\کیلۆوات کاتژمێر بۆ 600 کیلۆوات کاتژمێر ئەژماردەکرێت. لە هەردووک حاڵەتدا هاوبەشانی ماڵان هەر خوارترین ئاستی بەکارهێنانی کارەبایان بۆ ئەژماردەکرێت. 2. بەکارهێنانی زۆری کارەبا، بە دیاریکراوی بەراورد بە وەرزی زستانی ساڵانی پێشووتر. سەرمای نائاسایی لەم زستانەدا وایکرد خەڵک زیاتر پشت ببەستێت بە گەرمکەرەوە کارەباییەکان. وە هەروەها، یەکەم زستان بوو کە زۆربەی هاوبەشانی ماڵان خاوەنی کارەبای 24-کاتژمێری بوون، و پێویستییان بە کاتی زیاترە بۆ ئەوەی لەگەڵی بگونجێن
