.jpg)
پێش چهند رۆژێك دكتۆر عهلی جهباری، لهناو فڕۆكهیهك دهبێت و بهرهو سلێمانی دهگهڕێتهوه، لهپڕ له فڕۆكهكهدا داوای دكتۆرێك دهكرێت، باری تهندروستی سهرنشینێكی فڕۆكهكه لهمهترسیدایه، دكتۆر عهلی بهدهنگیانهوه دهچێت و دهبینێت ژنێكی زۆر گهنج ، لهسهر پشت كهوتووهو كهسوكارهكهی بۆی دهگرین، پاش پشكنینێكی خێرا، دهردهكهوێت ئهو ژنه دڵی لهلێدان كهوتووهو گیانیلهدهستداوه. دكتۆر عهلی دهتوانێت ، سهرلهنوێ دڵی ببووژێنێتهوهو بهئاسانی دهكهوێتهوه ههناسهدان، پاش ئۆكسجین بۆ دهبهستن. ههر له فڕۆكهكهدا جارێكی دیكه ژنه گهنجهكه، دووباره دڵی له لیدان دهكهوێتهوه ، دكتۆر عهلی جارێكی دیكهش دهستبهرداری نابێتهوه . بۆ جاری دووهم دڵی دهبووژێنێتهوهو ههر یهكسهریش داوا له تیمی فڕۆكهكه دهكات ، له فڕۆكهخانهكهی نێودهوڵهتی سلێمانی ، ئهمبوڵانس ئاماده بكرێت، بۆ ئهوهی بهزووترین كات ، ههر یهكسهر له فڕۆكهخانهوه بۆ نهخۆشخانهی بووژانهوهی دڵ بگوازرێتهوه . پاش دابهزینی فڕۆكهكه، ژنه گهنجهكه ههڵدهستێتهوهو دهستی كیژه چكۆلانهكهی دهگرێت و بهرهو دهرگای فڕۆكهكه دهڕوات، وهك دكتۆر عهلی دهڵێت، ئهم دیمهنه، به گهورهترین خهڵات دهزانم، كاتێك دایك دهبینێت دهستی خستۆته ناو دهستی كیژه بچكۆلانهكهیهوه. لهسهر ئهو رووداوهش مامۆستا جهعفهر نوسهرو رۆشنبیر لهتۆڕی كۆمهڵایهتی خۆی لهفهیسبوك نوسیویهتی، له وڵاتانی پێشكهوتوودا ، ئهم جۆره كاره مرۆڤانهیه ، به پاڵهوانێتی دادهنرێت، به گهرمترین شێوه دهستخۆشی لێ دهكرێت و بهرپرسانی شار ئاههنگ بۆ رزگاركردنی ژیانی مرۆڤێك دهگێڕن و خهڵاتی ئهو كهسه دهكهن، كه به رزگاركردنی ژیانی كهسێك ههستاون . مامۆستا جهعفهر ئاماژه بۆ ئهوهدهكات، ساڵی ١٩٩١ له شارێكی ئهوروپی ، هاوڕێیهكی یۆنانی بۆ ئاههنگێك دهعوهتی كردم . كوڕه چوارده ساڵانهكهی ژنێكی به تهمهنی له خنكان له گۆماویكدا دهرباز كردبوو، چهندین میدالیای زێڕیان بهسهر سینگیهوه ههڵواسیبوون رۆژنامهكانی ئهو شارهش، به شانازیهوه لهسهر رووداوهكهیان نووسی ،لهم وڵاتهی ئێمهدا رزگاركردنی ژیانی مرۆڤێك ، به كارێك دانانرێت، شایانی رێزلێنان بێت . كۆمپانیای فڕۆكهوانی ئێرهش، رهنگه پێیوابێت ، ئهوه ئهو دكتۆره ئهركی سهرشانی خۆی بینیوه، حیسابی ئهوه ناكات ژنێك لهسهر بۆردی فڕۆكهكهی گیانی لهدهستدا ، چهند زیانی مادی و مهعنهوی پێدهگهێنێت، ههندێكجار دهبێت ، له ناوهڕاستی رێگا بۆ دواوه بگهڕێتهوه، ئهم وڵاتهی ئێمه ، كهم و كورتی زۆره، رێزلێنان ههندێكجار بۆ كهسانێك دهكرێت، كه گهورهترین زیانیان بهمێژوو ، داهاتوو ، ناوبانگی ئهم گهله گهیاندووه ! مامۆستا جهعفهر دهشڵێت، كهسانی زۆر جوان ، كردهوهی مرۆڤانهی بهرز ، داهێنان ، به هیچ دانانرێت : ئهمهش گهلێك نائومێد دهكات . دهقی وتاری مامۆستا جهعفهر لهسهر ئهم بابهته لهم لینهكهوه بخوێنهرهوه...
هاوڵاتی پێشنیوهڕۆی ئهمڕۆ شهممه 1/10/2022 بهڕێز نیچیرڤان بارزانی، سهرۆکی ههرێمی کوردستان، پێشوازی له بهڕێز محسن مهندهلاوی، جێگری یهکهمی سهرۆکی ئهنجومهنی نوێنهرانی عێراق کرد. له دیدارێکدا سهرۆک نێچیرڤان بارزانی، پیرۆزبایی له بهڕێز مهندهلاوی کرد بۆ بهدهستهێنانی متمانهی ئهنجومهنی نوێنهرانی عێراق و ههڵبژاردنی به جێگری یهکهمی سهرۆکی ئهنجومهنی نوێنهران، ههروهها هیوای سهرکهوتنی له ئهرک و کارهکانیدا بۆ خواست. لای خۆیهوه بهڕێز مهندهلاوی سوپاسی سهرۆک نێچیرڤان بارزانی کرد و خۆشحاڵیی به دیداری بهڕێزیان دهربڕی. تاوتوێکردنی دوایین پێشهاتهکانی دۆخی سیاسیی عێراق و ههنگاوهکانی داهاتوو له ئهنجومهنی نوێنهران، تهوهرێکی دیکهی دیدارهکه بوو. تیایدا ههردوولا جهختیان له کاری پێکهوهیی و ههماههنگیی نێوان ههموو لایهنه سیاسییهکان کردهوه لهپێناو سهقامگیری و تێپهڕاندنی تهحهدییهکانی بهردهم پرۆسهی سیاسی لهسهر بنهمای بهرژهوهندییه باڵاکانی وڵات و پاراستنی هاووڵاتیان و ڕهچاوکردنی ماف و داوا ڕهواکانیان.
عەمار عەزیز ئەمڕۆ١ی تشرینی یەکەم شەش خێزانی ئاوارەی ئێزیدی کە خەڵکی شەنگال بوون گەڕانەوە کۆمەڵگای سیبا شێخ خدر سەربە ناحیەی گرعوزێر لەسنوری شەنگال . حامد مچۆ، خەڵکی کۆمەڵگای سیبا شێخ خدرە بە هاوڵاتی ی وت"گەڕانەوەی ئاوارەکانی دهۆک بۆ زێدی خۆیان بەردەوامە، ئەمڕۆ١ی تشرینی یەکەم شەش خێزانی تر گەڕانەوە ناوەندی سیبا شێخ خدر، ئەمە لەکاتێک دایە لەماوەی دوو حەفتەدا ژمارەی خێزانە گەڕاوەکان گەیشتووە سەرووی٣٠ خێزان، جگە لەمەش ژامارەیەک خێزانی تر شوێنی خۆیان پاککردوەتەوە و لەم رۆژانە دەگەرێنەوە" حامد مچۆ ووتیشی"گەڕانەوەی ئەو خێزانانە هۆکارەکەی بۆ ئەوە دەگەڕێتەوە کە لەئێستادا دۆخی ناوچەکە لەرووی ئەمنی یەوە باشە، هاوکات خزمەتگۆزاری وەکو ئاو و کارەبا کێشەیان نیە، لەهەمووشی گرنگتر ئیتر خەڵک بێزاربووە لەژیانی کەمپ و دەیانەوێت بگەرێنەوە بۆ زێدی خۆیان"
هاوڵاتی سوپای عێراق لە پلانیدایە سیستەمی بەرگری ئاسمانی بۆ هەرێمی کوردستان دابین بکات بۆ بەرپەرچ دانەوەو ڕێگری لە هێرشەکانی تورکیاو ئێران . فەریق روکن مەعن سەعدی فەرماندەی بەرگری ئاسمانی عێراق لە ڕاگەیەندراوێکدا رایگەیاند، تورکیا و ئێران فڕۆکەی بێفڕۆکەوان و موشەکی بالیستی بەکاردەھێنن بۆ بۆردومانکردنی ناوچەکانی ھەرێمی کوردستان ،هەر بۆیە ھەوڵێک لە ئارادایە بۆ ئەوەی لە داھاتوودا چەکی بەرگری ئاسمانی لە ھەرێمی کوردستان جێگیر بکرێت بۆ بەرپەرچدانەوەی ھەر ھێرشێک بۆ سەر سەروەری عێراق. ڕاشیگەیاند دانانی سیستەمی بەرگری ئاسمانی لە هەرێمی کوردستان بۆتە جێی بایەخی سەرۆک وەزیران و وەزیری بەرگری. هەروەها فەرماندەی بەرگری ئاسمانی عێراق جەختی لەوەش کردەوە کە سیستمی بەرگری ئاسمانی بۆ پاراستنی عێراقە و بە دابینکردنی، لە داھاتوودا دەتوانرێت بەرپەرچی ھەر ھێرشێکی دەرەکی بدرێتەوە.
هاوڵاتی لهڕاگهیاندراوێکدا ناوەندی راگەیاندن و چاپەمەنی هەپەگە لەبارەی ٢ گەریلای ژن کە لە بەرانبەر پۆلیسی ناوچەی مەزیتلی مێرسین چالاکیان ئەنجامدا، راگەیەنراوێکی بڵاوکردەوەو ڕایگهیاندووه "هاوڕێکانمان سارا گۆیی و روکەن زەلال، بە رێبازێک کە حکومەتی فاشیستی ئاکەپە و مەهەپە ئاگاداری نەبوون و لێی تێنەگەیشتن، شەوی ٢٦ی ئەیلول هەڵیانکوتایە سەر ناوەندی پۆلیسی ناوچەی مەزیتلی مێرسین و چالاکیان کرد و دەوڵەتی داگیرکەریان تووشی شۆک کرد. بە دەمانچەی خۆیان چوونە سەر دوژمن، رێگەیان نەدا کە پۆلیس لە قولەکە شتێک بکات، یەکسەر لێیاندا و دواتر بە بە چەکەکانیان لەدژی دوژمن چالاکیان کرد و چالاکی گیانبازیان گەیاندە گەورەترین ئاست. ههروهها دهشڵێت: فیداییەکانمان، لە سەرەتاوە تاوەکو کۆتایی چالاکیەکەیان بە شێوەیەکی پلانبۆداڕێژراو، بێکەموکورتی و بە خوڵقێنەری بەرز، بە شێوەیەکی بێوێنە ئەنجامدا. وەک تیمێکی گەریلای خۆسەر، بە پلانسازی خۆیان دڵسۆز بوون، لە هەمان کاتدا بارودۆخەکەیان بە شێوەیەکی باش شیکردەوە و چالاکیەکی سەرکەوتوانەیان ئەنجامدا. ههپهگه جهختیش لهوهدهکاتهوه: ئامانجەکەیان بە وردی دەستنیشان کرد و بە ژیری لێیاندا. لەو پۆلیسانەدرا کە لە ئەرکی تایبەتدا بوون بۆ ئاسایشی بیرۆکراسی دەوڵەت. سەرەتا هێرشیان نەکردە سەر هێزەکانی دوژمن، هێرشیان کردە سەر ئەو پۆلیسانەی کە لەسەر باجی خەڵک دەژین. ئەم چالاکیە فیداکارییە گورزێکی قورسی لە دوژمن داوە، کە لە لێدوانی شایەتحاڵەکاندا دیارە. بەڵام وەزیری کاروباری تاوانەکانی حکومەتی شەڕی تایبەت وەک هەمیشە ژمارەی قوربانییەکانی شاردەوە. بەپەلە چووە شوێنی چالاکییەکە و هەوڵیدا ئەنجامی ئەو چالاکیە و کوژراوەکان بشارێتەوە. بەڵام سەرەڕای ئەمەش درک بەوە کرا کە زیانەکانی دوژمن زۆر زۆرن. چالاکییەکە ئەنجامێکی باشی بەدوای خۆیدا هێنا کە لە ڕووی ئایدیۆلۆژی و سەربازی و سیاسییەوە دوژمنی هەژاند. ئەوان فەرماندەی دڵسۆزمان بوون کە میتۆدی گەریلا یئاپۆیی نۆژەنیان لە شارەکاندا جێبەجێ دەکرد. گوایە ڕژێمی فاشیستی ئاکەپە – مەهەپە پشت بە 'هەواڵگری سەربازی و تەکنەلۆژیای سەربازی' دەبەستێت و بانگەشەی ئەوە دەکات کە بەرخۆدانی گەریلاکانی کۆتایی پێهێناوە. وایلێهاتووە کە بڕوای بە درۆکانی خۆی هەیە و لەڕێگەی میدیای تایبەتی جەنگی خۆیەوە، پڕوپاگەندە دەکات کە گوایە 'تەنانەت ناهێڵین تەقەیەک لە ناو شارەکاندا بکرێت و پارتەکەمانیان تەواو کردووە'. ڕۆژانە لە چیاکانی کوردستان بە بۆمبی ئەتۆمی تاکتیکی و چەکی کیمیایی هێرش دەکاتە سەر ڕۆڵەکانی قارەمانی گەلی کورد و شۆڕشگێڕە ئینتەرناسیۆنالیستەکان و دەیەوێت بە کەڵک وەرگرتن لە هێزە خۆفرۆشە ناوخۆییەکان پیلانگێڕی لەناوبردن بە ئەنجام بگەیەنێت. لە كاتێكدا كە بانگەشەی ئەوە دەکات كلیلی خستووەتە دەستی، دوو هاوڕێممان بە چەك و ئۆتۆمبێلی پڕ لە تەقەمەنیەوە چوونە ناوچەیەك كە دوژمن بە تەكنەلۆژیای مۆدێرن تەنیبووی؛ جارێکی تر نیشانیان دا کە پەکەکە تێکناچێت، ئەم شێوازەیان بە دۆست و دوژمنانی سەلماند. هێز و ئازایەتی و ئیرادە و بڕوای بە خۆیان و سەرکەوتنی پارتیان نیشان دا و بە ئیرادە و چالاکیان سەرکەوتن. لە بەشێکی دیکەی راگەیەنراوەکەیدا هەپەگە باسی لە ناسنامە و ژیان و چۆنیەتی بەشداریکردنی هەردوو شەهیدەکەی بۆ ریزەکانی تێکۆشانی ئازادی کوردستان و گەریلاکانی ئازادی کوردستان کرد. سارا تۆڵهەڵدان هاوڕێ سارا لە قەزای قلەبانی شرنەخ لەدایکبووە، لە بنەماڵەیەکی عەشیرەتی گۆیی. لە خاکی پیرۆزی بۆتان بە هۆشیاری و کلتوری کوردایەتی گەورە بووە، بەڵام لە منداڵیدا ناچار بووە ڕوو بکاتە شارە گەورەکەی تورکیا، لەوێ کار بکات. لە لاوێتیدا رەنجدەری ناسی و رەنجدەری و کاروخەبات و ماندوونەبوون دیارترین سیماکانی کارەکتەری ئەو بوون. لەگەڵ ئەوەی لە میترۆپۆلەکان بوو، بەڵام هەمیشە مێشکی لەلای نیشتمان و شاخ و هاوڕێکانی لە شاخدا بوو. تەنانەت لە منداڵیشدا دەیویست ببێتە بە گەریلا، هەمیشە بە خەونی گەریلا گەورە بووە. هەرچەندە هەمیشە پێیان دەگوترا 'تۆ بچووکیت، ناتوانیت' و ڕێگری لێدەکرا بەشداری بکات، بەڵام کاتێک کاتی هات، بە دەستپێشخەری خۆی چووە سەر شاخ و بوو بە گەریلا. یەکەم هەنگاوی ناوە بۆ ئامانجەکەی؛ بێ دوودڵی و بێباکی و بە دڵەوە بەشداری لە ژیانی گەریلای پیرۆزدا کرد. بە خۆشەویستی و خۆشی و سۆز و جۆش و خرۆشەوە پەیوەندی بە ژیانەوە کرد. هاوڕێ سارا ئێدی لەو شوێنە بوو کە بە دڵ پێشوازی لە هەموو شتێکی دەکرد. لە ساڵی ٢٠٠٩ پەیوەندی بە ڕیزەکانی گەریلاکانەوە کردووە، لە ساڵی ٢٠١٠ جێگەی خۆی لە هێزە تایبەتەکاندا گرتۆتەوە. لە پرۆسەی مەشق و ڕاهێنانی هێزە تایبەتەکانی سارا (ساکینە جانسز) کە یەکێک لە سەرکردە و دامەزرێنەرانی پارتیمان بوو، فێری کلتور و شێوازی ژیانی پارتی بوو، کە لەگەڵیدا مانەوە و یاوەری بوون و مانادارترین ڕۆحانیەتیان لێوە فێربوون. حەقیقەتی ژنێکی ئازاد لە کەسایەتی هاوڕێمان ساکینە جانسز لەودا بەرجەستە بوو، بۆخۆی کردە ڕێبازی ڕێپێوانی شۆڕشگێڕانە. روکەن زەلال هەڤاڵمان روكن لە رۆژئاوای كوردستان لەدایكبووە و لە قامیشلۆ گەورە بووە. لە بەرامبەر فشارەکانی ڕژێمی بەعس بۆ سەر کورد و خەڵکی ناوچەکە، لەگەڵ شۆڕشی ئازادی لە ڕۆژئاوا، زیاتر لە گەریلا نزیک بووەوە. چالاکانە بەشداری خەباتی شۆڕشگێڕانەی ڕۆژئاوا دەکات، بەڵام هەمیشە سەرنجی لەسەر شاخ بوو، لەسەر ژیانی ئازاد لە شاخەکان. ئەو دەیزانی کە گەورەترین مەترسی لەسەر بوونی کورد دەوڵەتی تورکە کە دڕندەیە و بۆ شەڕی دژی دەوڵەتی فاشیستی تورک لە باکووری کوردستان، لە ساڵی ٢٠١٤ هاتە چیاکانی ئازاد. دوای مەشق و ڕاهێنانی شەڕڤانانی نوێ، لەسەر بنەمای پێشنیازی پەیوەندیکردن بە هێزە تایبەتەکانەوە دەستی بە مەشق و ڕاهێنانی بنەڕەتی کرد. بەمەبەستی پەیوەندیکردن بە هێزە تایبەتەکانەوە وتی؛ "دەتوانم بڵێم لە هێزە تایبەتەکان خۆم ناسی، گەڕانم بۆ چالاکی فیدایی بە چالاکییەکانی هەڤاڵ دۆغا و هەڤاڵ زنار دەستی پێکرد. لەبەر ئەوەی ئەم دوو هەڤالەم ناسی. لەگەڵ هەڤاڵ دۆغا لە یەک پەروەردەدا بووین و ڕاهێنانم وەرگرت و لە هەمان ناوەندیش لەگەڵ هەڤاڵ زنار ماینەوە. مانەوە و پەیوەندیکردن بەم هاوڕێیانەوە کاریگەری زۆری لەسەر من هەبوو." هەڤاڵ روکن لە هەموو مەشق و ڕاهێنانەکاندا سەرکەوت و ئەوەی فێر بوو پێشکەش بە هەڤاڵانی کرد. هەرچیەک فێربوو لە پەروەردەدا بەم شێوەیە و زیاتریش پێشکەش بە هەڤاڵانی کرد. لە گۆڕەپانە جیاوازەکانی تێکۆشاندا کاری کرد. هەموو ئەرکێک کە رێکخستن پێیدا وەک دەرفەتێک بینی و ویستی چالاکی فیدایی ئەنجام بدات. لینکی چالاکییەکە: https://hawlati.co/page_detail?smart-id=25545
هاوڵاتی بەڕێوەبەری گشتیی گومرگی هەرێمی کوردستان درێژکردنەوەی ماوەی بڕیاری هەڵگرتنی باج و رسوومات لەسەر 14 ماددەی خۆراكی رادەگەیەنێت و دەشڵێت کە بڕیارەکە تا کۆبوونەوەی داهاتووی ئەنجوومەنی وەزیرانە و لەوێ بڕیاری کۆتایی لەسەر درێژكردنەوەی یاخود دانانەوەی باج و رسوومات لەسەر ماددە خۆراكییەكان دەدرێت. ساماڵ عەبدولڕەحمان، بەڕێوەبەری گشتیی گومرگی هەرێمی کوردستان لهلێدوانێکی ڕۆژنامهوانیدا رایگەیاندووه: "رۆژی هەینی 30-09-2022، دوایین رۆژ بوو بۆ بڕیارەكەی حكومەتی هەرێمی کوردستان کە تایبەت بوو بە هەڵگرتنی باج و رسوومات لەسەر ماددە سەرەکییە خۆراكییەكان و دەبوو لە رۆژی شەممە 01-10-2022 باج و رسوومات لەسەر ماددە خۆراكییەكان دابنرێتەوە، بەڵام جارێكی دیكە بڕیاری هەڵگرتنی باج و رسوومات لەسەر 14 ماددەی سەرەکیی خۆراكی درێژ كرایەوە." بە گوتەی ساماڵ عەبدولڕەحمان، یەکەم بڕیاری هەڵگرتنی باج و رسومات لەسەر ماددە خۆراکییەکان لە ناوەراستی مانگی نیسانی ئەمساڵ بوو و مانگی حوزەیران تەواو بوو، بەڵام هەمان مانگ "لە پێناو هەرزانبوونی" نرخی ئەو ماددە سەرەکییانە و خۆراک لە بازارەکاندا بڕیارەکە بۆ 30-09-2022 درێژ کرایەوە. بەڕێوەبەری گشتیی گومرگی هەرێمی کوردستان باسی لەوە کرد: بڕیارەکە کاریگەریی راستەوخۆی لەسەر بووژاندنەوەی بازاڕ هەبووە و جووڵەی بازرگانیی بۆ هەرێمی کوردستان زیاد کردووە و بڕێکی زۆری ماددەکان لە کۆگاکانی هەرێمی کوردستان هەڵگیراون و وایکردووە نرخی ئەو ماددە خۆراکییانە بەراورد بە وڵاتانی دەوروبەر و ناوچەکە لە بازاڕەکاندا بەرز نەبێتەوە کە لە زۆربەیاندا نرخ بەرزبووەتەوە و قەیرانی خۆراکیان هەیە. لەبارەی کۆتاییهاتنی کاتی درێژکردنەوەی بڕیارەکە یان هەڵگرتنیەوە، بەڕێوەبەری گشتیی گومرگ ئەوەی خستەڕوو کە ئەوان بە فەرمانی وەزیری بازرگانی کاتی بڕیارەکەیان درێژ کردووەتەوە. تا ئەنجوومەنی وەزیران لە کۆبوونەوەی ئاسایی خۆیدا بڕیار لەبارەی هەڵگرتن یان دانانەوەی باج و رسومات لەسەر ماددە خۆراکییەکان دەدات، ئەم بڕیارە کاری پێدەکرێت.
عەمار عەزیز کچێکی تر لە رۆژئاوای کوردستان رزگارکرا خەیری بوزانی، سەرپەشتیاری دۆسیەی رزگارکردنی رفێنراوان لە نۆسینگەی رزگارکردنی رفێنراوانی ئێزیدی بە هاوڵاتی ی وت "ئەمڕۆ 30ی ئەیلول لە کەمپی هۆڵی رۆژئاوا و لەدوای بەدواداچوونێکی وورد لەلایەن نوسینگەی رزگارکردنی رفێنراوان، ئەمڕۆ توانیمان کچێک بەناوی جانی زیاد حەیدەر بیبو رزگاربکەین" خەیری بۆزانی ووتیشی"ئەوکچە لەدایک بووی ساڵی2007 خەڵکی گوندی سولاغە سەر بە شەنگال، لە3ی ئابی 2014لەگەل سەدان کچی و ژنی تر کەوتبووە دەستی چەکدارانی داعش"
هاوڵاتی وەزارەتی ناوخۆی ھەرێمی کوردستان لە روونکردنەوەیەکدا باسی لە هەڕەشەکانی ئێران کرد بۆ لێدان لە بنکەکانی ئۆپۆزیسیۆن و ئەمریکا کرد و دەڵێت، "هەرێمی کوردستان، بە هیچ شێوەیەک و ھیچ کاتێک، رەزامەندی لەسەر پێشێلکردنی سەروەری خاک و ئەنجامدانی ئەو هێرشانە نەداوە." دەشڵێت، "بە تووندی سەرکۆنەیان دەکەین." رۆژی هەینی 30-9-2022 محەممەد باقری، سوپاسالاری ئێران لە کۆنگرەیەکی رۆژنامەڤانیدا رایگەیاند: "هێزە چەکدارەکانی کۆماری ئیسلامیی ئێران زانیاریی وردیان لەبارەی بنکە سەربازییەکانی هەریر، هەولێر و دهۆک لە عێراق هەیە. بەڵام هێزەکانمان ئێستا تەنیا هێرش دەکەنە سەر جوداخوازەکان و لەو بڕگەیەدا هیچ جووڵەیەکمان بەرامبەر ئەمریکا نابێت. " دەقی روونکردنەوەکە نوێنەر و شاندە ئێرانییەکان لە کۆبوونەوەکان و لە راگەیاندنەکانیش، بە ئاشکرا و بەردەوام هەڕەشەی لێدانی بنکەکانی ئۆپۆزیسیۆن و بنکەکانی ئەمریکایان کردووە، لایەنە ئۆپۆزیسیۆنەکانیش ئاگاداری ئەو گەف و ھەڕەشانە بوون. بەڵام هەرێمی کوردستان، بە هیچ شێوەیەک و ھیچ کاتێک، رەزامەندی لەسەر پێشێلکردنی سەروەری خاک و ئەنجامدانی ئەم هێرشانە نەداوە و بە تووندیش سەرکۆنەیان دەکەین. گوتەبێژی وەزارەتی ناوخۆی حکومەتی ھەرێمی کوردستان."
هاوڵاتی ژمارەیەکی زۆر لە چالاکوانان و ڕۆژنامەنوسان و مامۆستا و چین و توێژە جیاجاکانی کوردستان بەیاننامەیەکیان بڵاوکردەوە کە تیایدا پشتیوانی خۆیان لە راپەڕینی گەلی كورد لە رۆژهەڵاتی كوردستان و گەلانی ئێران بۆ ئازادی و دادپەروەری و سەربەخۆیی و مافە تاكە كەسییەكان بە تایبەتیش ژنان ڕاگەیاندو بە توندی ئیدانەی كۆمەڵكوژی و سەركوتی هاووڵاتیانی سڤیلی ناڕازییان کرد لە لایەن هێزە سەركوتكەرەكانی كۆماری ئیسلامی ئێرانەوە. لە بەیاننامەکەدا چەند داواکارییەکیان پێشکەشکرد کە تیایدا داوایان کردووە: ١- حكومەتی هەرێمی كوردستان و پارت و لایەنە سیاسییەكانی باشووری كوردستان بچنە پشت راپەڕینی گەلانی ئێران بە گشتی و رۆژهەڵاتی كوردستان بە تایبەتی و بە فەرمی پشتیوانی لێبكەن. 2- كونسڵەكانی ئێران لە شارەكانی هەولێرو سلێمانی بە زووترین كات دەربكرێن و پەیوەندییەكان لە گەڵ ئێران رابگرترێت. 3-سنوور بە روی بەشداربووانی راپەڕین بكرێتەوە. 4- لە نەخۆشخانەكانی كوردستان چارەسەری بریندارەكانی راپەڕین بكرێت و هاوكاری هەڵاتووان لە دەست سەركوتی كۆماری ئیسلامی ئێران بكرێت. 5- هاوكاری خەڵكی راپەڕیوی رۆژهەڵات بكرێت لە رووی پزیشكی و سیاسی و راگەیاندنەوە. 6- ئەو دەزگاو كەناڵ و رێكخراوانەی گومان لێكراون بە نۆكەری بۆ كۆماری ئیسلامی ئێران لە باشوور دابخرێن. 7- ئەو لایەنانەی نزیكن لە كۆماری ئیسلامی ئێرانەوە بە فەرمی دابڕانی خۆیان لێی رابگەیەنن .
.jpg)
هاوڵاتی پێش هێرشی داعش بۆسەر شەنگال و ناوچەكانی دەوروبەری 65 خێزانی كریستیان لەسنوری قەزای شەنگال بێ گرفت لەگەڵ پێكهاتەكانی تردا دەژیان، دوای هێرش و پەلاماری داعش ئەوانیش وەك باقی خەڵكەكەی تر ئاوارەبوون و كڵێساكانیشیان خاپووركران، دوای رزگاركردنی ناوچەكەش تەنها یەك خێزانی كریستیان گەڕاوەتەوەو بەشێكی خێزانە كریستیانەكانی تر لەسنوری هەرێمی كوردستان ئاوارەن و بەپێی زانیارییەكانی بەردەست هاوڵاتی نیوەی كریستیانەكانی شەنگال بەرەو دەرەوەی وڵات كۆچیان كردووە، نوێنەری كریستیانەكانی شەنگالیش دەڵێت: « نائارامی و هێرشی سوپای توركیا هۆكاری سەرەكین بۆ نەگەڕانەوەی ئاوارەكان». عیسا شەمعون ، نوێنەری كریستیانەكانی شەنگال كەئێستا لەپارێزگای دهۆك دەژی بە هاوڵاتی راگەیاند:» سێ كڵێسامان لەناوەندی شەنگال هەبوو بەداخەوە هەرسێكیان لەلایەن داعشەوە تەقێنراونەتەوە، لەوەش ناخۆشتر هێشتا نوژەننەكراون، ئەمە لەكاتێكدایە بەشێك لەشوێنە ئاینیەكانی ئێزدییەكان و موسڵمانان نۆژەنكرانەوە، ئێمە ناتوانین بگەڕێینەوە، ئەوەش لەبەر سێ هۆكار، یەكەم بوونی ژمارەیەكی زۆر لەهێزی چەكدارو ناسەقامگیری ناوچەكە، ناوبەناو ئاڵۆزی و شەڕ لەنێوان چەند گروپێكی چەكدار روودەدات، هۆكاری دووەم نۆژەننەكردنەوەی خانووە رووخاوەكان و كەمی خزمەتگوزاری، سێیەم شوێنێك نیە ئێمە پەرستنی تیادا بكەین كڵێسەكانمان نوژەن نەكراونەتەوە، ئەوە جگەلەوەی بەمدواییە شتێكی نوێ لەقەزای شەنگال زیاد بووە كەپێشتر نەبووە، ئەویش بۆردومانی ناوچەكە لەلایەن فڕۆكە جەنگییەكانی توركیا، ئێمە هەمیشە حەزدەكەین لەشوێنێكی ئارام و بێ كێشە بژین، تائەم گرفتانە چارەسەرنەكرێن ناتوانین بگەڕێینەوە». پێش هاتنی داعش 65 خێزانی كریستیان لەشەنگال نیشتەجێبوون و سێ كڵێسایان هەبوو كەداعش لەگەڵ 80 كڵێساو شوێنی ئایینی كریستیانەكانی نەینەوا تەقاندنیەوەو هێشتا زۆربەیان نۆژەننەكراونەتەوە، بەپێی زانیارییەكانی بەردەست هاوڵاتی نیوەی كریستیانەكانی شەنگال روویان لەدەرەوەی وڵات كردووەو ئەوانەشی ماونەتەوە لەدەرەوەی كەمپ لەسنوری پارێزگای دهۆك دەژین. كبرائیل شەمعون، ماوەی هەشت ساڵە لەگوندی سێجێ لەسنوری قەزای سێمێل لەگەڵ دەیان خێزانی دیكەی كریستیانی دەژی، ئەو بە هاوڵاتی وت:»ئاواتی ئێمە ئەوەیە جارێكی تر بگەڕێینەوە بۆ زێدی خۆمان، بەڵام بەو دۆخەی ئێستا هەرگیز ناتوانین، رۆژێك شەڕو ئاڵوزی لەنێوان یەبەشە و هێزە عێراقیەكان روودەدات، رۆژێكی تر توركیا بۆردومانی ناوچەكە دەكات، چۆن بەو دۆخەوە بگەێینەوە؟! ژیانی ئاوارەیی زۆر قوڕس و ناخۆشەو لەئێستادا دابەشكردنی هاوكاری بەسەر ئاوارەكانیش زۆر كەمبووەتەوە، بەڵام ئێمە ناچارین لەپارێزگای دهۆك بمێنینەوە. وتیشی:» ئەوەی پارەی هەبێت دەچێتە دەرەوەی وڵات، نیوەی كریستیانەكانی شەنگال كۆچیان كردووە بۆ وڵاتانی ئەوروپا، ئەوانەی هەژارو دەستكورتیشن ماونەتەوە، بەلایەنی كەمی لەكوردستان ئەمن و ئاسایش بەرقەرارە، نووێژو پەرستنی خۆمان لەكڵێساكانی سێمێل و دهۆك دەكەین، ئەگەر كڵێساكانمان نۆژەن بكرێنەوەو بەغدادو هەرێمی كوردستان لەسەر دۆخی شەنگال رێكبكەون رەنگە ئێمەش ئەوكات بگەڕێینەوە».
هاوڵاتی لە ئەنجامی چەند چالاکییەکی هەپەگە شەش سەربازی تورکیا کوژراون کە یەکێکیان ئەفسەرێکی پلە باڵایە. هەپەگە لە ڕاگەیەندراوێکدا ڕایگەیاند رۆژی ٢٩ی ئەیلولی ٢٠٢٢ ھێزەکانی ھەپەگە لە چەند کات و شوێنێکی جیا جیا ھێرشیان کردە سەر سەنگەرەکانی سوپای تورکیا و لە ئەنجامدا شەش سەربازی سوپای تورکیا کوژران،کەیەکێکیان ئەفسەری پلە باڵایە. هەروەها لە ڕاگەیەندراوەکەدا هاتووە ،سوپای تورکیا لە ماوەی سێ رۆژدا ٢٦ جار بە چەکی قەدەغەکراو و چەکی کیمیایی و ٥ جار بە فڕۆکەی جەنگی و ٧٤ جاریش بە ھێلیکۆپتەری جەنگی بۆردومانی ناوچەکانی ھەرێمی کوردستانیان کردووە. ئاماژەش بۆ ئەوەکراوە ، لە ١٥ تا ٢٩ی ئەیلول، شەش ناوچە و شاخی سنوری برادۆست لەلایەن سوپای پاسدارانی ئێرانەوە بە کاتیوشا و ھاوەن و فڕۆکەی بێ فڕۆکەوان بۆردومان و تۆپباران کراوە.
هاوڵاتی دوای ئەوەی لە ٢٠١٤ دا چەتەکانی داعش چوونە شەنگالەوەو کۆمەڵکوژییەکی زۆریان تیایدا ئەنجامدا و شوێنە پیرۆزەكانیان وێرانكرد دانیشتوانی ناوچەکە ناچار بوون شوێنەکانی خۆیان بەجێبهێڵن. دوای گەڕانەوەی ئێزیدییەكان بۆ ناوچەكانی خۆیان دووبارە دەستیان كرد بە بنیاد نانەوەی خانوو و شوێنە پیرۆزەكانیان، هەربۆیە دوای ٨ ساڵ لە ڕووخاندنی پەرەستگاكانیان لەلایەن چەتەكانی داعشەوە بۆ یەكەمجار كۆمەڵگای ئێزیدییەكان ڕێوڕەسمێكیان بەبۆنەی” مەحەما مارشا” ڕێكخست و تیایدا بەشداریان كرد. مەزارگەی ” مەحەما مارشا یەکێک بوو لەو مەزارگایانەی ساڵی ٢٠١٤دا، لە لایەن چەتەكانی داعشەوە تەقێنرایەوە ، دوای گەڕانەوەی خەڵكەكە بۆ شەنگال بەهاوكاری لەگەڵ ئیدارەی خۆسەری و ڕێكخراوە مەدەنییەكان دەستیان بە دروستكردنەوەی شوێنە پیرۆزەكان كرد لەناویشیاندا مەزارگەی” مەحەما مارشا”،بووکە دەكەوێتە لای باشوری شاخی شانگال. هەروەها هەموو ٢٩و ٣٠ی ئەیلولی هەموو ساڵێك، ڕێوڕەسمی جامیا كە بونەیەكی تایبەتی ئێزیدییەكانە بەڕێوەدەچێت لەم مەزارگەیە كە سەدان كەس بەشداری لەو بۆنەیە دەكەن بۆ گەڕان بە دوای چاكە و قوربانیدا.
هاوڵاتی دوای نیوەرۆی ئەمڕۆ٣٠ ئەیلول فڕۆکەکانی تورکیا دوو جار چیای مەتینیان لەسنوری قەزای ئامێدی بوردومانکرد، و تائێستا زیانەکان دیارنین. کوڤان سەعید، دانیشتووی سنوری قەزای ئامێدی بە هاوڵاتی وت"دوای نیوەرۆی ئەمڕۆ فرۆکەکانی تورکیا ئەشکەوتی هاجستی لە چیای مەتین کە دەکەوێتە سنوری قەزای ئامێدی دوو جار بوردومانکرد ، هەروەها هیچ کەسێک ناتوانێت لەنزیکەوە سەرەدانی شوێنەکە بکات چونکە بەردەوام بوردومان دەکرێت، لەبەر ئەوە زیانەکان دیارنین. " کوڤان سەعید ووتیشی" بۆردومانەکانی تورکیا جگە لە زیانی گیانی ،زیانی زۆری بە ژینگەیی ناوچەکە گەیاندووە. وتیشی" بەدڵنیایەوە ناڕازین بەڵام هیچمان پێناکرێت ،پێویستە عێراق و وڵاتانی دەرەوە هەڵوێست وەربگرن چۆن دەکرێت تورکیا بەردەوام ناوچەکانمان بۆردومان بکات"
هاوڵاتی بڕیاربوو پاییزی ئەمساڵ رێزان و محەممەد ئاهەنگی گواستنەوەیان بکەن کە هەشت مانگ بوو ئەڵقەی هاوسەرگیرییان گۆڕیبووەوە، بەڵام محەممەد بەهۆی بۆردوومانی ئێران بۆسەر بارەگای حیزبەکانی رۆژهەڵاتی کوردستان لە کۆیە گیانی لەدەستدا. کهناڵی رووداو لهزاری رێزان حەسەن، دەستگیرانی محەممەد بڵاویکردۆتهوه : "ئەوەندەم خۆش دەوێت نازانم چی بڵێم! ئەوە ژیانی من نەبوو ئەوەم بەسەر بێت، کۆلێک هیوا و ئاواتمان هەبوو. لەبری ئەوەی جلی سپیی بووکێنی لەبەر بکەم، ئەو کفنی لەبەرکرد. ماڵی من بووەتە سەر قەبران و منی رەشپۆش کرد." محەممەد و رێزان هەموو پێداویستییەکانی ژیانیان ئامادەکردبوو و، چاوەڕوانی وەرگرتنی خانوو بوون لە کەمپی ئامرییەی کۆیە. بڕیاریان دابوو ئاهەنگێکی گەورە بەشێوەیەکی فۆلکلۆری ئەنجام بدەن. حەسەن ئیسماعیل، باوکی رێزان دەڵێت: "دەهۆڵ و زووڕنام ئامادەکردبوو، هەمووشتێکم ئامادەکردبوو بۆ ئەوەی زەماوەندێکی فۆلکلۆریی کوردەواری بکەین تاوەکو لە هەموو دونیا دەنگ بداتەوە." 02-02-2022، رۆژی ئاهەنگی ئەلقەگۆڕینەوەی رێزانی تەمەن 22 ساڵ و محەممەدی تەمەن 25 ساڵان بوو، هەردووکیان تاقانەن. ئامینە یوسفی، خەسووی محەممەد باس لەوە دەکات: "کچەکەم لە تیمارکردنی بریندارەکان دەگەڕایەوە، قەڵا تۆپباران کرا و گوتی دایە محەممەد لە قەڵایە؟ گوتم نا لەوێ نییە. گوتی: با بابم ئیجازەم بدات لەوێیە، بە بابم بڵێ تەلەفۆنی بکات. پەیوەندیمان کرد هاوڕێیەکی وەڵامی دایەوە، گوتم کوا محەممەد؟ گوتی: ئۆتۆمبێل لێدەخوڕێت. ئێ گوتم جا چییە بۆ وەڵام ناداتەوە، گوتی: بریندارە." محەممەد خەلیلی لە 2017ـەوە لە باشووری کوردستان نیشتەجێ بوو و، لە ریزەکانی حیزبی دیموکراتی کوردستانی ئێران لە کۆیە پێشمەرگە بوو. ئەو جگە لەوەی پێشمەرگە بووە، یاریزانی تۆپی پێش بووە و بڕیار بوو لە یانەی کۆیە یاری بکات، بەڵام لە کاتی ئەرکی رۆژانەیدا لەگەڵ شەش کەسی دیکە، لە بۆردوومانەکانی قەڵای حدکا لە کۆیە گیانی لەدەستدا.
هاوڵاتی لە بازاڕی قەیسەری شاری ھەولێر، جگە لە ژمارەیەکی زۆر لە فرۆشگاکانی زێڕینگەری، ھەروەها ژمارەیەک شوێنکاری تایبەت بە تواندنەوە و دروستکردنی زێڕ ھەیە کە بەپێی خواستی ھاووڵاتییان شێوە و بابەتەکانی زێڕ دروست دەکەن و پیشەکەیان مێژوویەکی درێژی ھەیە. لە شوێنکارەکاندا ئاگردان، ترشی گۆگردیک و پاودەری سۆدیۆم بۆڕەکس و چەند ئامێرێکی تایبەت بە توانەوە و لە قاڵبدانی زێڕ بەکاردەهێنرێت و بە گشتی خاوەنی شوێنکارەکانی زێڕ لە شارەکە تەمەنێکی زۆریان لە پیشەکەیاندا بەسەربردووە و درێژەیان بەکارەکەیانداوە. بە گشتی زێڕینگەران سەرەتا زێڕی شکاو دەکڕنەوە یان ھاوردەی دەکەن، دواتر دەیدەن بەو شوێنکارانە، لەوێش لە رێگای گەرمکردنەوە زێڕەکە دەتوێندرێتەوە و دواتر دەکرێتە قاڵب، ئینجا دواتر شێوەی قاڵبەکە دەگۆڕدرێت بۆ ئەو نەخش و بابەتەی کە خواستی هاووڵاتییانی لەسەرە، هاوکات چونکە زێڕەکە بەهۆی گەرمکردن یان تواندنەوە رەنگەکەی بۆ خۆڵەمێشی گۆڕدراوە، ئەوا دەخرێتە ناو ترشی گۆگردیک بۆ ئەوەی رەنگە خۆڵەمێشییەکەی لێ ببێتەوە و رەنگی زێڕ وەرگرێتەوە، دواتر دەخرێتە ناو پاودەری سۆدیۆم و ئینجا دەخرێتە ناو ئامێرێک پێی دەڵێن "هەلاشە" و لەوێیەوە لە رێگای شووشتنەوە لە هەموو ماددە پیسەکان پاکدەبێتەوە. کەرخی عەبدولقادر کە ماوەی زیاتر لە ٥٠ ساڵە پیشەکەی زێڕەنگەرییە و ئێستاش سەرپەرشتی ئەو شوێنکارە دەکات کە منداڵەکانی تیایدا درێژە بە پیشەکەی باوکیان دەدەن و وەک خۆی دەڵێت، ئەو سەردەمە کارەکانی ئەو هەمووی کاری دەستی بوون و ئێستاش بەهۆی زۆربوونی ئامێرەکانەوە کارەکان ئاسانتر بوون. کەرخی عەبدولقادر بۆ ئاژانسی ئانادۆڵو گوتی: "یەکەمجار ساڵی ١٩٧٣ هاتمە بازاڕ و لەلای وەستا رەمزی دەستم بەکار کرد کە کاری توانەوە و لە قاڵبدانی زێڕی دەکرد و ماوەی ١٨ ساڵ لەلای ئەو کارم کرد، دواتر دوکانی خۆم دانا و لە پیشەکەم بەردەوام بووم، ئەو سەردەمە هەموو کارەکان کاری دەستی بوون، ئێستا بووەتە ئامێر و کارەکە ئاسانتر بووە". کەرخی عەبدولقادر دەشڵێت: "ئەو سەردەمەی پێشوو، جۆرەکانی زێڕ جیاوازبوون و خەڵک خواستی لەسەر گۆبەرۆک زۆر بوو ئەوانیش چەند جۆرێکیان هەبوو کە گوزارشتیان لە هەولێر و رەواندز و چەند ناوچەیەکی دیکە دەکرد و شێوازی دروستکردنیان جیاواز بوو، دوای ماندووبوون و هەڵکشانی تەمەنم، ئێستا دوای خۆم دوو کوڕ و دوو برازام فێری پیشەکە کردووە و ئەوان رۆژانە لە شوێنکارەکە کاری خۆیان دەکەن و پێویستییان بە من نییە". ئەحمەد کەرخی عەبدولقادر کە لە تەمەنی شەش ساڵییەوە لەلای باوکی دەستی بەکارکردن کردووە و ئێستا درێژە بە پیشەکەی باوکی دەدات لەبارەی پیشەکەیانەوە بۆ ئاژانسی ئانادۆڵو گوتی: "لە تەمەنی شەش ساڵییەوە لەلای باوکم فێری پیشەکە بووم، ئەو شتانەی کاتی خۆی لە ھەولێر دروستدەکرا وەک گۆبەرۆک و میگڵاد و جۆرەکانی دیکەبوون، ئەوکات بەدەستی دروست دەکرا، بەڵام ئێستا کارەکان خێراتر و ئاسانتر بووە بەهۆی بوونی چەندین ئامێری پێشکەوتوو". ئەحمەد کەرخی بۆ ئاژانسی ئانادۆڵو باسی لە قۆناغەکانی وەرگرتن و تواندنەوەی زێڕ کرد و گوتی: "زێڕینگەران سەرەتا زێڕەکە دەھێننە لای ئێمە و لێرە زێڕەکە دەتوێنینەوە، دواتر ئەو جۆرەی دروست دەکەین کە خواستی هاووڵاتییانی لەسەرە، جگە لەوەش هەندێک بابەتی دیکە هەیە خواستی بەردەوامی هاووڵاتییانی لەسەرە بۆ نموونە لیرە کە ئەویش چەندین جۆری وەک روبعە لیرە و نیو لیرە، یەک لیرە و موخەمەس و ئەو جۆرانەی هەیە و دروستان دەکەین". زێڕ چەند عەیارێکی هەیە و بەپێی ناوچەکانیش خواست لەسەر عەیارەکانی زێڕ هەیە و لەمبارەیەوە ئەحمەد کەرخی عەبدولقادر گوتی: "زێڕ جۆری زۆرە، زێڕی خەلیجی، تورکی و عێراقی ھەمووی عەیار ٢١ن، بەڵام بابەتەکانییان جیاوازە، بە گشتی ھەولێر ھەمووی لەسەر عەیار ٢١ کار دەکات، سلێمانی و کەرکووک کار لەسەر عەیار ١٨ دەکەن، دھۆک و زاخۆ کار لەسەر زێڕی ٢٤ دەکەن". بە گشتی ئەو زێڕانەی کە دەتوێندرێتەوە یان کاری لەسەر دەکرێت هەندێک لە کێشی کەم دەکات و لەبارەی قەرەبووکردنەوەی خاوەن زێڕەکەش، ئەحمەد کەرخی گوتی: "دوو جۆر کەمکردن ھەیە، کاتێک لە میانی تواندنەوەدا، بڕێک لە زێڕەکە کەم دەکات و ئەوە ناگەڕێتەوە، بەڵام جۆرێکی دیکەی کەمکردن ھەیە بەھۆی کارکردنمانەوەیە کە پارچەیەک دەکەوێتە خوارەوە یان سمپارەی لێدەدەین، لەم حاڵەتەدا ئەوەی کەم دەکات لە بەشی ئێمە دەڕوات، چونکە دواتر ئەوەی دەکەوێتە سەر زەوی ھەڵیدەگرینەوە، ھەر بۆیەش ساڵێ جارێک خۆڵی ناو دوکانەکە ھەڵدەگرینەوە و دەیبەینە کارگە و لەوێ لە رێگای ئامێرێک زێڕەکەی لە خۆڵ و خاشاکەکە جیا دەکاتەوە و ئەوەی دەمێنێتەوە سادە زێڕە، بۆیە ئەو زێڕەی کە کێشەکەی کەم دەکات، ئەوا لە ئێمە کەم دەبێتەوە و ئێمە ھەمان کێشی خۆی دەدەینەوە خاوەنەکەی". لە شوێنکارەکەی کەرخی عەبدولقادردا چەندین ئامێری تایبەت بەرچاو دەکەوێت و لەسەر زەوییەکەش ماددەیەکی پلاستیکی کە پێنج سانتیمەتر بەرزە تەواوی زەوییەکەی داپۆشیووە، ئەم پارچە پلاستیکە بۆ ئەوە راخراوە کە ئەو وردە زێڕانەی لە میانی کارکردن دەپەڕێتە سەر زەوی، نەکەوێتە ژێر پێیان و لەژێر ئەو پلاستیکەدا بمێنێتەوە، وەک خاوەنی شوێنکارەکە ئاماژەی پێی کرد، ساڵی جارێک هەموو خۆڵ و خاشاکی سەر زەوییەکە کۆدەکەنەوە و لە کارگەیەکی تایبەت لە رێگای سووتاندنەوە، پاشماوەکان لە زێڕەکە جیادەکرێتەوە و زێرە پوختەکەی دەمینێتەوە. سهرچاوه: ئاژانسی ئانادۆڵۆ
