فارس عیسا: پۆستی سەرۆککۆمار مافی پارتییە

هاوڵاتی ژمارەیەک چەکداری تورک، کە خۆیان وەک پۆلیسى مەدەنى ناساندووە ئەمڕۆ سێ هاوڵاتییان لە گوندی میرکان-ی سەر بە ناوچەی مابەتا لە سنوورى کانتۆنی عەفرین ڕفاندووە و لە ئێستاشدا ئەو کەسانە یۆ شوێنێکى نادیار گواستراونەتەوە. ڕێکخراوی مافی مرۆڤی عەفرین-سووریا لە ڕاگەیاندراوێکدا بڵاوى کردەوە، چەند چەکدارێکی تورکە خۆیان وەک پۆلیسى مەدەنیی ناساندووە ئەمڕۆ سێ هاوڵاتییان لە گوندی میرکان-ی سەر بە ناوچەی مابەتا لە سنوورى کانتۆنی عەفرین ڕفاندووە. لە بەشێکى دیکەى ڕاگەیاندراوەکەى ڕێکخراوی مافی مرۆڤی عەفرین-سووریا ئەوە خراوەتە ڕوو، لە ئێستاشدا ئەو کەسانەى دەستگیرکراون یۆ شوێنێکى نادیار گواستراونەتەوە. باس لەوەش کراوە، ئەو هاوڵاتیانەى رفێندراون بریتین لە فەھیمە ئەحمەد تاهیر تەمەن ٢٥ ساڵ، محەمەد ئەحمەد مستەفا حاجی تەمەن ٤٠ ساڵ و عەبدۆعیزەت تەمەن ٣٠ ساڵ.  

هاوڵاتی فەرماندەیی بڕیارگەی ناوەندی پاراستنی گەل لە راگەیەندراوێكدا رایگەیاند  "ئەمڕۆ تیمێكی سەر بە تابوری نەمرانمان دژی بنكەی وەزارەتی ناوخۆی توركیا چالاكی فیداكاریی ئەنجامدا". فەرماندەیی بڕیارگەی ناوەندی پاراستنی گەل رونیكردەوە "ئەم چالاكییە بەتایبەت لە ڕۆژی كردنەوەی پەرلەمان و لە شوێنێكی نزیك پەرلەمان، دژی ناوەندی كۆمەڵكوژكەر و ئەشكەنجەدەر ئەنجامدرا، وەك ئەوەی پلانی بۆ دانرابوو، بەبێ ئاستەنگ، بەڕێوەچوو. ئەم كارە فیداكارییە گەیشتە ئامانجی خۆی كە هاوڕێ چالاكوانەكانمان بۆ بەجێگەیاندنی فەرمانەكە گەیشتنە ئەوێ و بە سەركەوتوویی ئەنجامیاندا. بەڵام وەك هەمیشە ئاكەپە – مەهەپە بە بێ ڕێزییەكی زۆر بەرامبەر گەل و ڕای گشتی ئەنجامی ڕاستەقینەی چالاكییەكە دەشارێتەوە". دەقی ڕاگەیەندراوەکەی فەرماندەیی بڕیارگەی ناوەندی پاراستنی گەل: "ئەمڕۆ دەوروبەری کاتژمێر ٩:٣٠، تیمێکی سەر بە تابوری نەمرانمان دژی بنکەی وەزارەتی ناوخۆی تورکیا چالاکی فیداکاریی ئەنجامدا. ئەم چالاکییە بەتایبەت لە ڕۆژی کردنەوەی پەرلەمان و لە شوێنێکی نزیک پەرلەمان، دژی ناوەندی کۆمەڵکوژکەر و ئەشکەنجەدەر ئەنجامدرا، وەک ئەوەی پلانی بۆ دانرابوو، بەبێ ئاستەنگ، بەڕێوەچوو. ئەم کارە فیداکارییە گەیشتە ئامانجی خۆی کە هاوڕێ چالاکوانەکانمان بۆ بەجێگەیاندنی فەرمانەکە گەیشتنە ئەوێ و بە سەرکەوتوویی ئەنجامیاندا. بەڵام وەک هەمیشە ڕژێمی فاشیستی ئاکەپە – مەهەپە بە بێ ڕێزییەکی زۆر بەرامبەر گەل و ڕای گشتی ئەنجامی ڕاستەقینەی چالاکییەکە دەشارێتەوە. پێویستە هەمووان بزانن ئەگەر ئەندامانی تابوری نەمران بیانویستایە دەیانتوانی لە کاتی چالاکییەکەدا گۆڕانکارییەکی بچووک بکەن و ئەنجامێکی زۆر جیاوازی لێ دەکەوتەوە. بەڵام ئەم هەنگاوە بە هۆشیاری و زانینەوە هەڵگیرا، بە پابەندبوون بە ئامانجی سەرەکییەوە، کە گەیاندنی پەیامێکی پێویست و هۆشیارکردنەوەی شوێنە پەیوەندیدارەکان بوو. ئەم چالاکییە، هۆشدارییەکە لە کۆمەڵکوژی و فشاری فاشیستی بە پشتگوێخستنی یاسا نەتەوەیی و نێونەتەوەییەکان و پێشێلکردنی مافەکانی مرۆڤ، کردەی نامرۆڤانە و سیاسەتی گۆشەگیری کە لە هەموو زیندانەکانی تورکیا و کوردستان پەرەی پێدراوە، بەکارهێنانی چەکی کیمیایی دژی گەریلاکانمان کە بەپێی یاسای گەردوونی قەدەغەکراوە، دژی تاڵانکردنی سرووشتی کوردستان و کۆمەڵکوژی و فشاری فاشیستیانەی سەر گەلی کوردستان و هەموو ناوەندە دیموکراتیکییەکان، بۆیە چالاکییەکی ڕەوای خۆپاراستنە. ئەگەر ڕژێمی فاشیستی قڕکەری ئاکەپە – مەهەپە بەردەوام بێت لە ئەنجامدانی ئەو تاوانانە، چالاکییە ڕەواکانی دادپەروەری شۆڕشگێڕیش بەردەوام دەبێت. ئەم چالاکییە پڕ قارەمانێتیی و واتادارە، بە تایبەتی لە ڕۆژی کردنەوەی پەرلەماندا پێکهات، تایبەت بوو بە یادکردنەوەی فەرماندەی ئامەدمان ئاخین موش (هولیا دەمیرەر) کە ڕۆژێک فەرماندەیی تابوری نەمران بوو، هەروەها یادکردنەوەی ئەو هاوڕێیانەی لەگەڵیدا شەهید بوون. ئەم چالاکییە مەزن و مێژووییە لەلایەن هاوڕێیانمان ڕۆژهات زیلان و ئەردال شاهین ئەنجامدرا. ئەم فیداکارە نەمرە ئاپۆییانەی بەم چالاکییە هەستان، بە ڕێز و سوپاسەوە بیر دەهێنینەوە. پیرۆزبایی لەو تێکۆشەرە قارەمانانە و هەموو ئەو هاوڕێیانە دەکەین کە لەم چالاکییەدا کاریان کردووە، هیوای سەرکەوتنیان بۆ دەخوازین. ڕایدەگەیەنین کە دواتر زانیاری ورد لەسەر ناسنامەی ئەو جەنگاوەرە فیداکار و قارەمانانەی تابوری نەمران کە بەم چالاکییە هەستاون، بۆ ڕای گشتی ئاشکرا دەکەین و سوپاسی خۆمان دەردەبڕین".

هاوڵاتی کچێکی تەمەن ١٧ ساڵ  خەڵکی گوندی "مەرەغان"ی سەردەشت لەلایەن  هاوسەر و دوو زڕبرایەوە بە چەکی کڵاشینکۆف و دەمانچە، کوژرا.  ماڵپەڕی کوردپا بڵاوی کردۆتەوە:  فاتمە محەممەدپەناهی کە قوربانیی  دیاردەی منداڵ بە شودان و هاوسەرگیریی زۆرەملێ بووە دوای ئەوەی ویستوێتی لە هاوسەرەکەی جیابێتەوەو گەڕاوەتەوە ماڵی باوکی  شەوی هەینی ٢٩ی ئەیلوول،  بە چەکی کڵاشینکۆف و دەمانچە لەلایەن زڕبراکانی بە ناوەکانی "بێهزاد و عەلی" و بە هاوکاریی هاوسەرەکەی بە ناوی "شەهاب"، بە شێوەیەکی دڕندانە کوژراوە. بە گوێرەی زانیارییەکانی ئەو ماڵپەڕە دایکی فاتمەی تەمەن ١٧ ساڵ هەوڵی داوە کچەکەی لەدەستی زڕبراکان و هاوسەرەکەی ڕزگار بکات بەڵام نەیتوانیوە. بە پێێ زانیارییەکانی ماڵپەڕی کوردپا و لە زاری سەرچاوەیەکی ئاگادارەوە:"  بکوژانی ئەو مێرمنداڵە سەرەتا لەنێو ماڵەکەدا تەقەیان لە فاتیمە کردووە ئەویش توانیوێتی بە برینداری لەدەستیان هەڵبێت  بەڵام لە نزیک ماڵی خۆیان  تەقەیان لێکردوەو و دەسبەجێ گیانی لەدەست داوە. فاتمەی تەمەن ١٧ ساڵ، قوربانیی منداڵ هاوسەری بووە و کاتێک کە ١٦ ساڵ تەمەنی بووە بە زۆر هاوسەرگیریی لەگەڵ "شەهاب"، کوڕە مامی خۆی کردووە. هاوکات بە گوێرەی زانیارییەکان فاتمە بۆ ڕێگریکردن لەو هاوسەرگیرییە زۆرەملێیە داوای هاوکاریی لە زۆر کەس کردووە بەڵام کەس نەیتوانیوە یارمەتیی بدات. دواتر بە هۆی کێشەی لەگەڵ هاوسەرەکەی گەڕاوەتەوە ماڵی باوکی و لە لایەن هاوسەر و زڕبراکانییەوە کوژراوە. بە پێی زانیارییەکان تا ئێستە بکوژەکان دەستگیر نەکراون. بەگوێرەی ئەو ئامارانەی تۆڕی مافی مرۆڤی کوردستان بڵاویکردۆتەوە ، لە سەرەتای بەهارەوە و لە ٦ مانگی رابردوودا ١٤ کچ  و ژن لە رۆژهەڵاتی کوردستان، بە دەستی پیاوان نزیک بنەماڵە کوژراون.  

هاوڵاتی  دوای پێنج رۆژ کۆنگرەی یەکێتی کۆتایهات و سەرکردایەتی نوێی یەکێتی لە کۆنگرەی حزبەکە هەڵبژێردراو کە ژمارەیان 60 ئەندامە.  تەلار لەتیف، وتەبێژی کۆنگرەی یەکێتی بە میدیای حزبەکەی راگەیاند 60 ئەندامی ئەنجومەنی سەرکردایەتی یەکێتی هەڵبژێردران. بەپێی زانیارییەکان ئەو کەسانەی تا ئێستا دیارن هەڵبژێردراون ئەمانەن:  قوباد تاڵەبانی وەهاب هەڵەبجەیی ئارێز عەبدوڵا  ئەحمەد حەمە کەریم  بڵێسە جەبار فەرمان  جەلال شیخ ناجی  ئەمین بابە شێخ  تەلار لەتیف  پۆڵا تاڵەبانی  جوان ئیحسان خەسرەو گوڵ محەمەد رەفعەت عەبدوڵا رێواس فایەق  زیاد جەبار  سەعدی ئەحمەد پیرە  رەوەند مەحمود  سالار لالەسەرحەد سەرکەوت زەکی  شاناز ئیبراهیم ئەحەمد  شیرکۆ میروەیس ستران عەبدوڵا  شوان قادر  شەونم زرار  حاکم سابیر  ئاسۆ مامەند  لەتیف نێروەیی  فەرهاد مامەند  فەوزیە نەزیف  فەیسەڵ کەریم خان برادۆستی  لوقمان وەردی هیوا ئەحمەد   دەرباز کۆسرەت رەسووڵ عیماد ئەحمەد شاڵاو کۆسرەت رەسووڵ  جەزا سەید مەجید 

هاوڵاتی میدیای یەکێتی بڵاویکردەوە کە پەیڕەوی ناوخۆی یەکێتی بەتەواوی پەسەندکرا و جەعفەر شێخ مستەفاش بە سەرۆکی ئەنجومەنی باڵای پاراستنی بەرژوەندییە سیاسییەکانی یەکێتی نیشتمانی کوردستان هەڵبژێردرا.  ئەمڕۆ یەکشەممە 1ی تشرینی یەکەمی 2023، لە پێنجەمین رۆژی کۆنگرەی یەکێتی پەیڕەوی ناوخۆی حیزبەکە بەتەواوی پەسەندکرا کە پێکهاتووە لە 68 ماددە.  هاوکات میدیای یەکێتی ئەوەشی خستووەتەڕوو، جەعفەر شێخ مستەفا بە سەرۆکی ئەنجومەنی باڵای پاراستنی بەرژوەندییە سیاسییەکانی یەکێتی هەڵبژێردراوە.

هاوڵاتی  بۆ جارێ سێیەم رۆژنامەنوس گۆهدار زێباری لە لە دادگای هەولێر دادگایی کرا و سزای شەش مانگ زیندانی بەسەردا سەپێنرا بەهۆی "هەڵگرتنی چەکی بێ مۆڵەت." ئەمڕۆ 1ی تشرینی یەکەمی 2023 گۆهدار زێباری لەسەر "هەڵگرتنی چەکی بێ مۆڵەت" لە دادگای هەولیر بۆ ماوەی شەش مانگی تر سزادا. زێدان زێباری، برای گۆهدار زێباری بە هاوڵاتی راگەیاند،" ئەمرۆ براکەم جارێکی تر بە ناحەق سزادرا و بوماوەی شەش مانگی تر لەچاکسازی گەوران دەمێنێتەوە ئینجا ئازاد دەکرێت، بڕیارەکە ناحەقییەکی گەورەیە و ستەمێکی گەورە لەبەرامبەر ئێمە و گۆهدار کرا." زێدان زێباری وتیشی، "بڕیارەکە لەسەر ئەو تاپڕە دەرکراوە کە لەو شوێنەی گۆهدار دەستگیرکراوە دۆزراوەتە بەڵام تاپرەکە هی ئەو نەبوو، بەهەموو شێوەیەک بڕیارەکە ڕەت دەکەینەوە." رۆژنامەنوس گۆهدار زێباری لە 22ی مانگی تشرینی یەکەمی 2020 بە تۆمەتی تێكدانی ئاسایشی ناوخۆ  دەستگیرکرا سزای  شەش ساڵ زیندانی بەسەردا سەپێنرا. بواتر بە فەرمانێكی سەرۆكی هەرێم سزاكەی كەمكرایەوە، بەڵام دوو كەیسی دیكەی لە دژ تۆماركرا بەر لەوەی ماوەی زیندانیكردنەكەی لە 16 ی مانگی ئازاری 2023 تەواوببێت و جارێكی دیكە حوكمی زیندانی درایەوە بە تۆمەتی گۆڕینی "لۆگۆی ئۆتۆمبیلەكەی". پاشان ڕۆژێك بەر لەوەی ماوەی زیندانیكردنەكەی لە 16 ی مانگی ئابی 2023 تەواوببێت و ئازادبكرێت، ئەم جارەیان گۆهدار گواسترایەوە بۆ زیندانی ئاسایشی گشتی بە تۆمەتی "هەڵگرتنی چەك بەبێ مۆڵەت."

هاوڵاتی  لیژنەی لێکۆڵینەوە لە وەزارەتی ناوخۆی عێراق ئەنجامی لێکۆڵینەوەکانی روداوی ئاگرەکەی حەمدانییەی ئاشکرا کرد و دەڵێت ئاگرەکە بەهۆی یارییە ئاگرینەکانەوە بووە و روداوەکە "بەئەنقەست نەبووە بەڵکو کەمتەرخەمی بووە." لیوا کازم سەلمان بورهان، راوێژکاری وەزیری ناوخۆی عێراق لە کۆنگرەیەکی رۆژنامەوانیدا رایگەیاند هۆکاری روداوەکەی حەمدانییە بەهۆی یارییە ئاگرینەکان بووە و لە بنمیچ (سەقف)ی هۆڵەکە چەند ماددەیەک هەبووە کە بەشێوەیەکی خێرا گڕ دەگرن کە بریتین لە ماددەی ئەزبێز و ساندویچ پەناڵ و ماددەی پلاستیکی.  لیوا کازم ئەوەشی خستەڕوو تەشەنەکردنی ئاگرەکەش بەهۆی جۆرە قوماشێک بووە و لەناو هۆڵەکەشدا دەرگای تایبەت نەبووە بۆ حاڵەتی لەناکاو تا ئامادەبووان لێیەوە دەربچن. لە کۆنگرەکەدا ئەوەش خرایەڕوو کە  دوای ئاگرەکە، 600 کەس لەنێو هۆڵەکە رزگار کراون و 21 ئۆتۆمبێل بەشدارییان لە کۆنترۆڵکردنی ئاگرەکەدا کردووە، 107 کەسیش لە رووداوەکەدا گیانیان لەدەستداوە و 82 برینداریش هەن.  لیژنەکە باسی لەوەش کرد کە روداوەکە "بە ئەنقەست نەبووە و کەمتەرخەمی هەبووە" و ناوی هەندێک بەرپرس خوێندرانەوە کە "کەمتەرخەم بوون" و لێکۆلینەوەیان لەگەڵ دەکرێت. روداوەکە لە درەنگانی شه‌وی سێشەممە 26ی ئەیلولی 2023 له‌ هۆڵێكی ئاهه‌نگگێڕانی هاوسه‌رگیری له‌ قه‌زای حه‌مدانییه‌ی سەر بە پارێزگای نەینەوا رویدا.

هاوڵاتی  شاندێکی باڵای ئەمنی عێراق، بەئەندامێتی بەرپرسانی هەرێم، بەمەبەستی تەواوکردنی جێبەجێکردنی رێککەوتنە ئەمنییەکەی نێوان عێراق و ئێران بەرەو تاران بەرێکەوت.  ئەمڕۆ یەکشەممە 1ی تشرینی یەکەمی 2023، نوسینگەی راگەیاندنی قاسم ئەعرەجی، راوێژکاری ئاسایشی نیشتمانی عێراق رایگەیاند، "بەیانی ئەمڕۆ لەسەر فەرمانی محەممەد شیاع سودانی، فەرماندەی گشتیی هێزە چەکدارەکانی عێراق، شاندێکی باڵای ئەمنی عێراق بە سەرۆکایەتیی قاسم ئەعرەجی بەرەو ئێران بەڕێکەوت."  لە راگەیاندراوەکەدا ئەوەش هاتووە کە ئامانج لە سەردانەکە تەواوکردنی رێککەوتنە ئەمنییەکەی نێوان عێراق و ئێرانە سەبارەت بە چەکداماڵینی حزبەکانی رۆژهەڵاتی کوردستان لە هەرێمی کوردستان و جێگیرکردنیان لە بنکە و بارەگاکانی عێراق.  رێبەر ئەحمەد، وەزیری ناوخۆی حکومەتی هەرێمی کوردستان و هیوا ئەحمەد سەرۆکی دەزگای ئاسایشی هەرێم لە شاندەکەدا ئەندامن.  ئەمە لەکاتێکدایە کە بەغدا رایگەیاندووە رێککەوتنەکە وەک خۆی جێبەجێکراوە و حزبەکانی رۆژهەلات لە سنوری ئێران دوورخراونەتەوە، بەڵام بەشێک لە بەرپرسانی ئێران دەڵێن رێککەوتنەکە هێشتا وەک خۆی جێبەجێنەکراوە. 

هاوڵاتی  سبەینێ یەکشەممە بۆ جاری سێیەم رۆژنامەنووس گۆهدار زێباری لەسەر هەڵگرتنی چەکی بێ مۆڵەت دادگایی دەکرێت و خانەوادەکەشی داوا دەکەن چالاکوانان لە دادگاییکردنەکەی ئامادەبن و رێکخراوە نیودەوڵەتییەکان داکۆکی لە ئازادکردنی بکەن. گۆهدار زێباری ماوەی 15 رۆژە مانی گرتووە بەهۆی ئەوەی لە 16ی مانگی رابردوو تۆمەتێکی درایە پاڵ کە ئەویش "هەڵگرتنی چەکی بێ مۆڵەت" بوو و بەێێ وتەی خانەوادەکەی ئەو چەکەی گیراوە "تاپرێکی باپیری بووە کە لەکاتی دەستگیرکردنیدا دەست بەسەردا گیراوە."  گۆهدار زێباری بڕیاربوو ١٦ی ئاب ئازاد بکرێت بەڵام بەهۆی ئەو تۆمەتەوە ئازاد نەکرا و دادگایی کردنی خرایە ١ی تشرینی یەکەم. زێدان زێباری برای گۆهدار بە هاوڵاتی راگەیاند، "سبەی بۆ جاری سێیەم براکەم دادگایی دەکرێت لەسەر ئەو کەیسەی کە تاپرێک لەوشوێنەی گوهدار دەستگیرگراوە دەستی بەسەرداگیراوە، لێرەوە داوا لە ئازادیخوازان و هەرکەسێکی بەرگریکار لەکەیسی ئازادی و کەیسی زیندانیانی بادینان دەکەین وەک پاڵپشتیەک سبەی ئامادەبن لەدادگا، هیوادارین سبەی دادوەران و دادگا بێ لایەنی خۆیان بسەلمێنن و بڕیارێکی ڕاست و دروست دەربکەن." زێدان زێباری دەشڵێت، "داوکارین نوێنەری وڵاتان و رێکخراوەکانی مافی مرۆڤ و ھەموو خەڵک و لایەنەکان ئەم پرسە بە قەزیەی خۆیان بزانن و بەرگری لە گۆھدار زێباری و هاورێیەکانی بکەن."

هاوڵاتی  کۆمەڵێک هاوڵاتیانی شاری سلێمانی سکاڵایان لەسەر بەڵێندەرێکی عەرەب تۆمارکردووە کە بەناوی خانوو دروستکردنەوە پارەی هاوڵاتیانیان بردووە و خۆیان دەڵێن کە مەزندە دەکەن زیاتر لە یەک ملیار دیناری بردبێت.  لە بەیاننامەیەکدا کۆمەڵێک هاوڵاتی شاری سلێمانی دەڵێن، ئەو کەسەی پارەکەی بردووە ناوی فەواز فەرحانە و لە ئێستادا ئاسایشی سلێمانی دەستگیریکردووە، داواش دەکەن حکومەتی هەرێم بەهانایاناەوە بچێت و "نەهێڵێت ئەم بەڵێندەرە لە سلێمانی هەڵبێت هەتا ماف و پارەکانمان بۆ دەگەڕێنێتەوە." دەقی بەیاننامەکە: بۆ ڕای گشتی کوردستان و بەرپرسانی حکومەتی هەرێم، بەڵێندەرێکی عەرەب بەناوی فەواز فەرحان مونسی (ناسراو بە ئەبو مستەفا) کە ئێستا لە لایەن ئاسایشی سلێمانییەوە دەستگیرکراوە، پارەی ئێمەو دەیان هاوڵاتی تری دانیشتووی سلێمانی خواردووە، لە ئێستادا زۆربەمان سکاڵامان لەسەر تۆمارکردووە لەبەر ئەوەی پارەیەکی زۆری لێوەرگرتووین تا خانوومان بۆ دروست بکات، یان خانوومان بۆ نۆژەن بکاتەوە. بەڵام نە خانوەکەی بۆ دروست کردووین و نە پارەکەشمان بۆ دەگەڕێنێتەوە. وا مەزەندە دەکرێت ئەبومستەفا بە بەهای زیاتر لە یەک ملیار دینار (هەزار ملیۆن) پارەی خەڵکی سلێمانی خواردبێت بەم جۆرە، بەشێکی کەمی ئیشی خانوەکانی کردووە، کە زۆربەی هەر بنچینەکەی بۆ دروستکردوون، جێی هێشتووە. ئەبو مستەفا، جگە لەوەی پارەی خانوەکانی خواردووە، هاوکات ئەو کرێکارو کاسبکارانەش کە هێناویەتی بۆ ئەوەی بەشێکی ئیشەکانیان پێ بکات، بە قەرز هێناونی و پارەی بە کەسیان نەداوە. ئەندازایار وکرێکارو نەخشەسازی بیناو شارەزای بواری کارەبایی و بۆڕی ئاوی هێناوەو کاری پێکردوون بە قەرز، هێشتا پارەی هیچیانی نەداوە بەگوێرەی وتەی ئەو کەسانەیان کە سکاڵایان تۆمارکردووە لە سەری. هاوکات چیمەنتۆو شیش و لم و بلۆک هەموو کەرەستەکانی تری بیناسازی بە قەرز لە سلێمانی کڕیوە و پارەی نەداوە، لە ئێستادا دەیان کەس سکاڵایان لەسەر تۆمار کردووە و داوای پارەی کەرەستەکانیان دەکەن. ئێمە کە ناوو ژمارە تەلەفۆنمان لە خوارەوە هاتووە، داوا لەحکومەتی هەرێم دەکەین بەهانامانەوە بێت و یاسا سەروەربکات لەم کەیسەدا و نەهێڵێت ئەم بەڵێندەرە لە سلێمانی هەڵبێت هەتا ماف و پارەکانمان بۆ دەگەڕێنێتەوە. لای خوارەوە ناوو ژمارە تەلەفۆنی هەندێک لەو کەسانەی کە سکاڵایان لەسەر ئەبو مستەفا هەیە لە سەر ئەوەی کە پارەی خواردوون. مامۆستا دارا، خاوەنی خانوو : ٠٧٧٥٨٤٩٠٩٠٤ کاک سیروان، خاوەنی خانوو: ٠٧٧٠١٩٤٧٠٠٧ کاک کاوە، خاوەنی خانوو: ٠٧٧٣٥٩٩٩٥٨٤ کاک هەڵۆ خاوەنی خانوو: ٠٧٧٠١٤٢٣٤٨٩ محەمد، خاوەنی خانوو: ٠٧٧٠١٣٠٣١٠٥ کاک بەهادین، خاوەنی خانوو: ٠٧٧١٩٧١٣٠٢٨ کاک بەختیار، خاوەنی خانوو: ٠٧٧٠١٢٥٢٥٣٥ کاک کارزان، خاوەنی خانوو: ٠٧٧٠١٥٤٦٧٥٦ کاک کاروان، ئەندازیاری سەرپەرشتیاری خانوو: ٠٧٧٠٧٧٠١١٢٦ کاک ئەحمەد، خاوەن کۆمپانیای کۆنکرێتی ئامادە: ٠٧٥٠١٥٠٨٨٨٨ سوارە، وەستای دیکۆری بیناسازی: ٠٧٧٣٢٦٤٣٢١٢ کاک عوسمان عەبدولله، وەستای بەننا: ٠٧٧٠٩٤٠٠٣٥٧ کاک عیماد، دارتاشی بیناسازی: ٠٧٥١٧٥٨٥٥٣٧ کاک ئازاد، وەستای دامەزراندنی بۆڕی و سیستەمی ئاوەڕۆ: ٠٧٧٠١٤٣٩٦٥٨

هاوڵاتی  لە کارنامەی دانیشتنی ئەمڕۆی پەرلەمانی عێراق بڕگەی دەنگدان لەسەر بە پارێزگابوونی هەڵەبجە هەڵگیرا و بۆ کاتێکی نادیار دواخرا.  شێروان دووبەردانی، ئەندامی پەرلەمانی عێراق راگەیاند، بریادرا بڕگەی دەنگدان لەسەر بە پارێزگابوونی هەڵەبجە لە کۆبونەوەی ئەمڕۆی پەرلەمان لاببرێت، ئەویش دوای گفتوگۆی سەرۆکی فراکسیۆنە کوردییەکان و دەستەی سەرۆکایەتی پەرلەمان. ئەو پەرلەمانتارە باسی لەوەشکرد کە هێشتا دیار نییە کەی بڕگەکە دەخرێتەوە دەنگدان و بۆ کاتێکی نادیار دواخراوە.  بەپێی زانیارییەکان، لابردنی ئەو بڕگەیە دەگەڕێتەوە بۆ ئەوەی کە بەشیکی فراکسیۆنە شیعە و سوننەکان تەنها بە مەرج دەیانەوێت دەنگ بدەن بە پرۆژەیاساکە 

هاوڵاتی  بەهۆی تەواونەبونوی رێژەیی یاسایی کۆنگرەی بزوتنەوەی ئیسلامی دواخرا.  وابڕیاربوو ئەمڕۆ شەممە 30 ئەیلولی 2023، کۆنگرەی بزوتنەوەی ئیسلامی بەرێوەبچێت، بەڵام بەهۆی هەبوونی کێشە و ناکۆکی لەنێوان دوو باڵەکەی بزوتنەوەکەدا کە نەیانتوانی رێژەیی یاسایی تەواو بکەن، کۆنگرەکە بۆ کاتێکی نادیار دواخرا. ئەندامانی کۆنگرەی بزوتنەوە دوو هەزار ئەندامن و بۆ ئەوەی رێژەیی یاسایی تەواو ببێت دەبێت هەزار و 300 ئەندام بەشداری بکەن، بەڵام ئەمڕۆ ژمارەکە کەمتر بووە، هەر بۆیە کۆنگرەکە دواخراوە.  بەرەبەیانی ئەمڕۆ باڵی کامیلی حاجی عەلی، باڵی عیرفان عەبدولعەزیزی بەوە تۆمەتبار کرد کە پێشێلکارییان لە کۆنگرە کردووە و کامیلی حاجی عەلی رایگەیاند، "بەهۆی زیاد کرنی زیاتر لە 170 کەس لەلایەن باڵی حاجی عیرفانەوە بایکۆتی کۆنگرە دەکەین." ساڵێک لەمەوبەر و لە مانگی شوباتی 2022 بزوتنەوەی ئیسلامی دوانزەهەمین کۆنگرەی خۆی بەست کە دواتر ناکۆکییەکی زۆری لێکەوتەوە و عیرفان عەبدولعەزیز و کامیلی حاجی عەلی هەریەکەیان لە رێوڕەسمی جیادا خۆیان وەکو رابەری بزوتنەوەکە ناساند و لەوکاتەوە ناکۆکییەکان بەردەوامن.

هاوڵاتی  دەستەی داکۆکی لە مامۆستایان و فەرمانبەرانی ناڕازی رایگەیاند لەگەڵ ئه‌ندامانی لیژنه‌ی دارایی په‌رله‌مانی عێراق كۆبونه‌ته‌وه‌ و هەوڵ دەدەن موچەی مامۆستایانی هەرێم بخەنەسەر سەر بەغدا و 200 هەزار واژۆی پێویستە. لە کۆنگرەیەکی رۆژنامەوانیدا دەستەکە باسی لەوە کرد لە سەردانەکەیاندا بۆ بەغدا لە رۆژی سێشەممە 26ی ئەیلولی 2023، لەگەڵ قەیس خەزعەلی، ئەمینداری عەسائیبی ئەهلی حەق و ئەندامانی لیژنەی دارایی پەرلەمانی عێراق کۆبونەوەتەوە و داواكاری دامه‌زراندنی وانه‌بێژان، یه‌كخستنی سیستمی موچه‌ له‌ زاخۆوه‌ تا به‌سره‌ و گرفتی مامۆستایانی خوێندنی كوردی له‌ كه‌ركوك، هه‌روه‌ها خواستی موچه‌خۆران له‌ دابه‌شكردنی راسته‌وخۆی موچه‌كانیان بە به‌غداوه‌ به‌كارتی بانكی باسكران و داوای چاره‌سه‌ری كێشه‌كانیان كردووە.  لە بەیاننامەکەی دەستەی داکۆکی لە مامۆستایان کە لەلایەن دڵشاد میرانییەوە خوێندرایەوە باس لەوەش کراوە کە قه‌یس خه‌زعه‌لی "به‌ڵێنیدا چیتر رێگه‌ناده‌ن موچه‌ی فه‌رمانبه‌رانی هه‌رێم دوابكه‌وێت... و ده‌بێته‌ زمانحاڵ و به‌رگریكاری فه‌رمانبه‌رانی هه‌رێمی كوردستان." هەر لە کۆنگرەکە رۆژنامەوانییەکەدا دڵشاد میرانی رایگەیاند تا ئێستا 60 هەزار ئیمزا کۆکراوەتەوە و ئەگەر ببێتە 200 هەزار ئیمزا ئەوا لەماوەی 15 رۆژدا بەشێوەیەکی یاسایی کار دەکرێت بۆ ئەوەی موچەی مامۆستایانی هەرێم بخرێتە سەر بەغدا.  

هاوڵاتی  باڵی کامیلی حاجی عەلی لە بزوتنەوەی ئیسلامی بایکۆتی کۆنگرەی بزوتنەوەکەیان کرد بەهۆی ئەوەی کە وەک خۆیان دەڵێن باڵی بەرامبەر، کە باڵی عیرفان عەبدولعەزیزە، 170 کەسی بۆ کۆنگرە زیاد کردووە. کامیلی حاجی عەلی لە پەرەی تایبەتی خۆی لە فەیسبووک باڵی عیرفان عەبدولعەزیزی بە پێشێلکاری لە کۆنگرە تۆمەتبار کرد و رایگەیاند، "بەهۆی زیاد کرنی زیاتر لە 170 کەس لەلایەن باڵی حاجی عیرفانەوە بایکۆتی کۆنگرە دەکەین." کامیلی حاجی عەلی دەشڵێت، تا ئەو کاتەی پێشیلکارییەکان راست نەکرێنەوە لە بایکۆت بەردەوام دەبن. بایکۆتی ئەو باڵە لەکاتێکدایە کە ئەمڕۆ سیانزەهەمین کۆنگرەی بزوتنەوەکە دەستیپێکرد. ساڵێک لەمەوبەر و لە مانگی شوباتی 2022 بزوتنەوەی ئیسلامی دوانزەهەمین کۆنگرەی خۆی بەست کە دواتر ناکۆکییەکی زۆری لێکەوتەوە و عیرفان عەبدولعەزیز و کامیلی حاجی عەلی هەریەکەیان لە رێوڕەسمی جیادا خۆیان وەکو رابەری بزوتنەوەکە ناساند و لەوکاتەوە ناکۆکییەکان بەردەوامن.

حکومەتی هۆڵەندا رایگەیاند 120 سەربازی دیکە و سێ هەلیکۆپتەری چینووک رەوانەی عێراق دەکات.  حکومەتی هۆڵەندا لە بەیاننامایەکدا بڵاویکردەوە کە 120 سەرباز و سێ هەلیکۆپتەری چینووک دەنێرێت بۆ عێراق لە چوارچێوەی ئەرکی هاوپەیمانی ناتۆ بۆ عێراق.  ئەمە لەکاتێکدایە کە لە مانگی تەمووزدا هۆڵەندا رایگەیاند 145 سەرباز لە سەرەتای ساڵی داهاتووەوە دەنێرێت بۆ عیراق.  هۆڵەندا ئەندامێکی هاوپەیمانیی نێودەوڵەتی دژی داعشە کە لە ساڵی 2014 بۆ رووبەڕووبوونەوەی داعش دامەزرا و حکومەتی وڵاتەکە لە رێگەی ناردنی سەرباز و راوێژکاری سەربازییەوە یارمەتی هێزەکانی پێشمەرگە و هێزە ئەمنییەکانی عێراقی لە رووبەڕووبوونەوەی داعش دا، ئەمە جگەلەوەی لە پڕۆسەی یەکخستنەوەی هێزەکانی پێشمەرگەش رۆڵێکی کارای هەیە.